ساجدة لله اوقعتنى فى ورطه هل من منقذ استغاثه

الاخت ساجده قالت لى ادخل اليكسا

سمعت كلامها ومشيت ورا توجيهاتها وبعدين فشلت لانى امى كومبيوتر المهم رحت للراجل ينزل لى نسخه وقلت له حط برنامج اسمه اليكسا حط البرنامج عايز كام ياعم قال 30 جنيه قلت له اتفضل رحت البيت ادخل على الست اليكسا لقيتها زعلانه ومش عايزه تفتح فرحت للراجل اللى انا مشترك معاه فى النت عملى فيها ابو العريف قلت له اليكسا مش عايزه تفتح قال لى مين الحمار اللى عملك النسخه قلت له فلان قال لى انا هظبطها لك متقاقش شلت الكيسه ورحت له قعد يلعب شويه فى الجهاز وطير الايكونه بتاعت اليكسا وبعدين قال لى النسخه اللى عملها لك الحمار دى قديمه وانت جهازك حديث لازم ينزل لك نسخه حديثه وانا بين الاتنين زى الحمار اللى شايل العنب مش عارف هو شايل ايه المهم عايز كام ياعم قال لالالا دى حاجه بسيط علشان متزعلش هات 20 جنيه قلت ماشى
رحت البيت وقعدت العب فى لوحة المفاتيح ابحث عن الاخت اليكسا فدخلت زوجتى طبعا هى مش زى انا بس اللى بفهم فى الكمبيوتر هى جاهله كمبيوتر المهم قالت ياراجل انت كل شويه تشيل المعوق ده وتروح تصلحه قلتلها ياست انا مش بصلحه دانا بدور على اليكسا فدت على بشهقه وقالت ىانهار اسود اليكسا اليكسا مين ياراجل هو انت ناوى تتجوز على واجنبيه كمان افهمها ازاى دى ماهو الجاهل ده بيتعب قلت لها اتجوز ايه ياست هو الواحد يبقى معاه القمر وينظر للنجوم قالت لى امال مين اليكسا اللى مسهراك الليالى دى ومخلياك تشيل الهباب ده كل يوم على قلبك وتروح تصلحه دانت ياراجل لما بقول لك اعدل معايا التلاجه بتقول ضهرى بيوجعنى وعند الست اليكسا تجرى زى الباجور قلت لها حب بقى قالت اه انا حسه ده من ساعة ماظهرت اليكسا فى حياتك ومالقتش غير الكافر دى وتبص لها برضه افهمها ازاى قلت لها اصل ابنتى ساجده ولسه مكملتش يامحترم ورقعت بالصوت ومخلف منها بنت كمان ومسميها ساجده كمان قلت لها ياست ساجده دى استاذه كبيره اوى وبتعلمنى ازاى ادخل على اليكسا قالت لى بس عرفت السر يبقى ساجده دى هى الوسيطه بينك وبين اليكسا هانم قلت لها بالظبط كده قالت لى يعنى ساجده زى مايكون مدرسه كده قلت لها ايوة كده بالظبط مدرسه قالت لى الان فهمت طيب وبعد متخلص اليكسا هتعمل ايه تانى قلت لها هدخل بقى على موزيلا قامت شده الفيشه من كبس النور من الغيظ هههههههههههساجدة اوقعتنى ورطه منقذ استغاثه