الموضوع: عايزه رد بسرعه: من كتب القران

السلام عليكم

أنا كتبت مقالتى عن إستحالة إن يكون سيدنا محمد أخذ القران من أى مصدر و أظن إن شاء الله إنها جيده

بس طبعا طوفان من الأسأله حينزل عليا ....فإدعولى....أنا محتاجه الرد السريع على الأسأله اللى سأضعها هنا

جزىء من المقاله إنى قلت :
سيدنا محمد مخرجش من مكه إلا 3 مرات
و هو عنده 6 سنين مع أمه أمينه لزيارة أخواله فى المدينه
و هو فى حوالى 12 مع عمه أبو طالب
و هو 25 فى تجاره لخديجه...

حتى بعد البعثه فى ال 13 سنه فى مكه هو كان تعامله محدود مع اليهود(اللى مكنوش موجدين أصلا فى مكه) و المسيحين معرفش منهم غير إثنين الحداد الرومى و ورقه...و شرحت كتير فى الموضوع ده

أنا كده ماشيه صح؟!

المهم دى أول الأسأله

إنتى أصدك إن محمد فى 15 سنه اللى تولى فيها تجارة خديجه مسافرش فيهم بره مكه غير مره واحده؟

إنتى بتقولى إنه خلال ال 15 سنه متعاملش فيها مع عم زوجته اللى ترجم المخطوطات باللغه السريانيه(syriac)؟؟

أنا عارفه إن فى حديث بيقول إن ورقه كان بيكتب الكتاب المقدس بالعربى (مش كله) بس أنا مش عارفه إنه كان بيترجم من أى لغه؟

أنا عارفه إن إستحاله يكون سيدنا محمد تعلم القران من ورقه اللى مات 3 سنين بعد الوحى ..بس أنا عايزه أثبت إن إستحاله يكون تعلمه منه قبل الوحى

أنا قرأت فى مكان(بس مش متأكده) إن سيدنا محمد مقابلش ورقه إلا مرتين .مره فى الكعبه و مره أول لما نزل الوحى ..صح كده؟!

ياريت حد يساعدنى بسرعه..و يريت يكون متأكد جيدا من الإجابه لإنى مش عايزه حد يثبت إنى غلط..

شكرا جزيلا...