التعليق على تساؤلات الضيفة محبة للناس

[أسد هادئ]

اقتباس

Eng Con
بما إنكم بترجعو قبل ما تنشرو إلى مكتوب
اطلب عدم نشر هذا الكلام للكل إلا لإستاذ Eng Con و المراقبين طبعا!
يريت ترد عليا ولو على الmail
لو وجودى هنا غير مرغوب فيه ارجوك فهمنى بصراحه و قول ليا على الميل:" لو سمحتى إعتزرى و امشى من المنتدى " و انا هتفهم و همشى صدقونى..انا بسمع الكلام و محبش ابقا تقيله على حد!
و إكتبو إلى عايزين تكتبوه سعتها.. إكتبو: سحقناها و لم تتمكن من الرد و إعتزرت وقالت مش هتكلم" قولو إلى يمليه عليكم ضمركم و خلاص.

و مش هروح اى منتدى مسيحى و ادعى و اقول اصلى سحقتهم ذى ما استاذ كاتب فى التعليقات بتاعت الضيفه هبه... علشان سبب بصيت ..
انا اصلن عمرى مدخلت منتديات مسيحيه ولا اعرف إسمهم إه ..انا كبيري بخش سايت للترانيم و بس...
انا لقتكم بالصضفه..كتبت فى جوجل "قانون الإمان" و لقيتكم إنتم طلعتم فبدئت اتابع" غير كدا انا مليش فى المنتديات و المناظرات و التحديات و الإتهامات.... انا لا ادين احد حتى لا ادان...مش انا خالص إلى انفع ادافع و قلت كدا قبل كدا انا لو حاولت ادافع هضر دينى!

انا عارفا إن وجودى تسبب فى قلق فانا ارى تحركاتكم من غلق و فتح و حزف و تعديل و مراجعه ..كل التعب ده بسببى انا عارفا.و خصوصا إنى ارى الإقبال على الصفحه دى كثير اوى مش فاهما ليه!
اسفا إنى تعبتكم معايا شكلى هكمل لوحدى قرائه القرئان مستعينه بالتفسيرات اللتى اجدها فىالنت...و الله له الحكم... اشكركم... اعتقد إن هذا هو الرد إلى إنتم عيزينو....
جبتها منى علشان تستريحو.

يا أستاذة محبة الناس ، ياريت بس بلاش الحساسية دي ، مفيش أي كلام من ده خالص

احنا أصلا هنا خدامين للسائلين سواء مسلمين أو غير مسلمين .. دي وظيفتنا أًصلا ، فمفيش أي معنى لأننا نكون عايزين حضرتك تمشي ..

المسألة كلها أنه لازم المشرف أو المدير يكون متواجد عشان الرد بتاع حضرتك يظهر ، ولو المشرف اتأخر أو مش موجود الرد مش بيظهر ..

وجود حضرتك مفيهوش أي قلق ولا شيء بل بالعكس هو مصدر سعادة لنا إن شاء الله ، و مفيش تعب ولا شيء ، زي ما قلت لحضرتك ، احنا أصلا داخلين هنا للهدف ده ، المنتدى مش منتدى تجاري يعني أو حاجة زي كده ، فدي وظيفتنا في المنتدى أصلا الحوار..

مستحيل طبعا نقول "سحقناها " أو ما إلى ذلك ، لأن الكلام ده مبتقالش لأي شخص محترم ، الكلام ده بيتقال لما شخص ييجي يشتم أو يتكلم بأسلوب مش كويس ومش محترم وشتايم ، وبعدين نناظره و ميعرفش يرد ، ساعتها ممكن يتقال "هرب" أو ما إلى ذلك ، إنما أي شخص محترم ييجي نحطه فوق دماغنا بدون أي مبالغة ، وحضرتك مشهود لك بالاحترام الشديد طبعاً ، فمفيش أي مجال لأن أي شخص يسيء لك سواء أمامك أو بدون علمك.

فمفيش أي شخص يتمنى حضرتك تمشي ، بل بالعكس تماما الجميع يتمنى بقاء حضرتك حتى النهاية .. ياريت والله نتخلص من الحساسية الزائدة في التعامل .. وبكرر نحن خدام السائلين ..

ربنا يوفقك إن شاء الله يا أستاذة محبة.