إعـــــــلان

**ابنة الزهراء** · 13-06-2005, 15:47

لعلمك بقى يا مهتدي بلدك المباركة دي آية من آيات الله في جمال طبيعتها

والله يا جماعة أنا شفت صور لفلسطين غاية في الروعة والجمال

وأخذني الغضب

لأن أهلها لا يستمتعون بجمال أرضهم

وباذن الله سوف أوافيكم بصور لكل جزء في فلسطين علشان اللي ما يعرفهاش يتعرف عليها وعلى جمالها

بس سامحوني اذا اتأخرت لأن الكومبيوتر بتاعي انتهى خلاص

وجاري البحث عن بديل

**السيف البتار** · 15-06-2005, 11:32

كنت أتمنى أن أكون بهذه الصحبة الجميلة من البداية ولكن .... الكمبيوتر وأعطاله

أشكرك أخي الكريم ميروووو على هذا الشعر الجميل وهذا الأهداء الرائع .

أشكرك ، لأنني في بالك دائماً

والقلوب عند بعضها

وأهلاً بالصحبة الأسكندرانية من بحري لأبو قير .

والقدس في القلب

**Merooo** · 16-06-2005, 23:03

ايوووه يا جدعان

المنتدى طلع كله اسكندرانيه جدعان

بجد احنا لو نعرفو كنا نكتبوها من زمان وكنا نكتبوها كامله كمان

بصراحه يا جماعه منظر البحر فى اسكندريه روووووعه ....ما شاء الله

واحمد الله ان خدمتى فى الاسكندريه

*الاخ الحبيب المهتدى بالله

ومين يقدى ينسى القدس واهلها
ومين بقدر يكسرلك كلمه

اعدك اخى بقصيده عن القدس بأذن الله

*الاخ الكبير السيف البتار

طبعا القلوب عند بعضها
وانا من اشد المعجبين والمتابعين ليك

جمعنا الله دائما اخوتى فى الله على طاعته وحسن عبادته ونصره دينه الحنيف

**السيف البتار** · 17-06-2005, 11:52

لأختي الفاضلة نسيبة بنت كعب

وحشتي اسكندرية

**الريحانة** · 17-06-2005, 13:53

بسم الله الرحمن الرحيم
صور جميلة حقاً
ولكن هل بحر إسكندرية لونه أزرق فاتح زى اللى فى الصورة.....ولا إسود فاتح ؟؟؟؟؟؟

**Merooo** · 17-06-2005, 17:48

السلام عليكم

بحر الاسكندريه يا اخت ريحانه متهيالى ملوش لون معين

يعنى مثلا فى منطقه لون الميه فيها ازرق فاتح
وفى منطقه تانيه زى منطقه راس التين مكان خدمتى لون الميه اخضر فااااتح جدا بصوره رائعه ومنظر جميل جدا

ومتهيالى الاخ السيف البتار هو اكتر واحد يقدر يفيدنا فى الموضوع ده

بصراحه انا مكنتش متوقع كل كميه الحب دى المخزونه بداخل القلوب للاسكندريه (فاروس )سابقا

بس هى تستاهل واكتر وفيما يبدو ان كلماتى مقدرتش ان تعطى للاسكندريه حقها بدليل انه مفيش تعليق واحد على الابيات

جمعنا الله اخوتى دائما على طاعته وحسن عبادته ونصره دينه الحنيف

**ابنة الزهراء** · 18-06-2005, 14:24

أخونا الفاضل ميرو

اذا لم تكن كلماتك أثرت فينا لم نكن نكتب عن الاسكندرية

بالعكس بقى كلماتك جميلة جدا بسيطة وعميقة

ولا تحرمنا من كتاباتك ابدا

على فكرة أرسلت ليك رد على الخاص ولكنه ممتليء برجاء تفريغه من الرسائل الزيادة

بالنسبة للون البحر معلوماتي انه بيكون انعكاس للون السماء ولون الشعب المرجانية بداخله

يعني اذا السماء صافية وزرقاء بيكون لونه أزرق فاتح

واذا رمادية وبها غيوم تظهر المياه وكأنها رمادية غامقة أو أسود فاتح كما قلتي يا ريحانه

واذا كان بداخله شعب مرجانية خضراء تظهر المياه بلون أخضر كما يشاهدها أخونا ميرو بمنطقة رأس التين

وفي انتظار معلومات أكثر

**الريحانة** · 18-06-2005, 15:49

بسم الله الرحمن الرحيم
اللون الأسود فى بحر إسكندرية ليس إنعكاس للسماء عندما تكون رمادية أختى العزيزة ابنة الزهراء
ولكنه إنعكاس [للمجارى ] التى ضخت فى البحر لسنوات طويلة حتى غيرت لونه الطبيعى
وأنا أتذكرعندما ذهبنا فى رحلة إلى مرسى مطروح [ وهناك البحر خرافة ] وعادت السيارة بنا للأسكندرية تعجبنا من منظر البحر الذى يشبه [ البركة] بكسر الباء.بالنسبة لبحر مرسى مطروح..
***
للأسف الأسكندرية أصبحت [ارملة البحر المتوسط] بعد أن كانت [عروس البحر المتوسط]
وإن كان [المحجوب ] أعاد لها بعض رونقها .إلا أن إستعادة لون بحر الأسكندرية الطبيعى هو الذى يعيد للأسكندرية لقبها ومكانتها التى تتميز بها ..
*******

**ابنة الزهراء** · 18-06-2005, 17:49

مجاري ايه بس يا ريحانة؟

انتي نسيتي بحر اسكندرية وروعته ولا ايه؟

احنا عايشين قدامه أهه ومش شايفين اللون الاسود اللي بتقولي عليه ده

لما تيجي في الأجازة باذن الله تستمتعي وتشوفي جمال بحرنا بعد غيابك عنه

**sa3d** · 19-06-2005, 11:22

إخواتي الكرام
لا يوجد مجال للجدال في مسألة لون مياه الإسكندرية
فكما قيل أن لون السماء له علاقة بلون البحر أن أؤيد ذلك تماما
و لكن هناك عنصر أهم في ذلك
و هو ليس كما قالت أختي أبنة الزهراء أكرمها الله لون الشعب المرجانية , فمما هو معلوم أنه لا توجد شعب مرجانيةفي شواطئ مصر المطلة على البحر المتوسط

إنما العنصر الذي أتحدث عنه هو نوع الرمال

لعلكم تلاحظون أن الرمال من مدينة بورسعيد حتى رأس التين ثقيلة و لونها مائل للبني , أما الرمال من العجمي حتى الحدود الليبية فهي خفيفة و بيضاء تماما , , أهل المعمار في الإسكندرية يسمونها "رملة عجمية"
و لعل لون النوع الأول من الرمال راجع لطمي الدلتا الزراعية المخلوط برمال البحر أما النوع الثاني "العجمي"
فهو رمال صحراوية نقية

لون البحر راجع للون السماء بالإضافة لعنصري هذا فيصبح كالتالي :
سماء صافية + رمال بيضاء = بحر تركوازي اللون
سماء صافية + رمال بنية = بحر أزرق غامق مائل للخضرة
سماء ذات غيوم + رمال بنية = بحر رمادي غامق

و هكذا

اما مسألة المجاري فلا أذيع سرا بأن هذه المشكلة حلت منذ أكثر من 15 سنة !!
و ليست حتى منذ قدوم المحجوب بل حلت أيام سابقه الجوسقي

و الله أعلم

**السيف البتار** · 22-06-2005, 15:52

إنما العنصر الذي أتحدث عنه هو نوع الرمال

لعلكم تلاحظون أن الرمال من مدينة بورسعيد حتى رأس التين ثقيلة و لونها مائل للبني , أما الرمال من العجمي حتى الحدود الليبية فهي خفيفة و بيضاء تماما , , أهل المعمار في الإسكندرية يسمونها "رملة عجمية"
و لعل لون النوع الأول من الرمال راجع لطمي الدلتا الزراعية المخلوط برمال البحر أما النوع الثاني "العجمي"
فهو رمال صحراوية نقية

لون البحر راجع للون السماء بالإضافة لعنصري هذا فيصبح كالتالي :
سماء صافية + رمال بيضاء = بحر تركوازي اللون
سماء صافية + رمال بنية = بحر أزرق غامق مائل للخضرة
سماء ذات غيوم + رمال بنية = بحر رمادي غامق

و هكذا

اما مسألة المجاري فلا أذيع سرا بأن هذه المشكلة حلت منذ أكثر من 15 سنة !!
و ليست حتى منذ قدوم المحجوب بل حلت أيام سابقه الجوسقي

فمسألة المجاري تم حلها بفضل الله وقد قامت المحافظة ببناء عدة حواجز للأمواج وإصلاح الشواطئ القديم على أعلى مستوى ، والتوسعات الواضحة للكورنيش والتي تصل في بعض الأماكن إلى 60 متر عرض ، كما ان مشروع مبنى سان استفانو ومرسى اليخوت الدولي سينقل محافظة الإسكندرية نقلة عالمية ،، مع ان التحفة المعمارية لمكتبة الاسكندرية كانت لها البصمة الأولى في حركة الإصلاحات للمحافظة

**Merooo** · 24-06-2005, 01:25

السلام عليكم

الاخت ريحانه

ليه بس دخلتى المجارى فى الموضوع

:La.ta3leq

خلينا نستمتع بالكلام عن الاسكندريه شويه

* الاخ السيف البتار

كعادتك دائما .....

**الريحانة** · 24-06-2005, 23:11

بسم الله الرحمن الرحيم

ليه بس دخلتى المجارى فى الموضوع

****
مالها المجارى ؟؟مش دى الحقيقة ولا إيه..ده ياما أجيال من إسكندرية وخارج إسكندرية إستحمت فى بحر الإسكندرية اللى فيه مجارى ولا التعصب هيخلينا منقولش الحقيقة

****
المشكلة إنك بتنتمى للمدرسة الرومانسية فى الشعر إللى منها إبراهيم ناجى وإيليا أبو ماضى والمدرسة دى بتشوف الجميل فى كل شئ وتتغاضى عن القبيح فيه
لكن أنا بنتمى للمدرسة الواقعية فى الشعر إللى بتشوف الحاجة على حقيقتها وزى ما هيا
يعنى إنت لما تشوف بحر إسكندرية تشوف لون الميه الزرقا,,,,لكن أنا باشوف البحر وباشوف المجارى اللى ماشية فيه.
ولما تيجى تتكلم عن نهر النيل تتكلم عن إنسيابية الميه, و هدوء الأمواج ...لكن أنا لما أتكلم عن نهر النيل أتكلم عنه وعن البلهارسيا إللى جواه
***
يعنى دى مجرد إختلاف مدارس وكل واحد ينتمى للمدرسة إللى على مزاجه

وعلى فكرة المدرسة الرومانسية دى تسببت فى إننا تغاضينا عن السلبيات علشان نستمتع بالإيجابيات فكانت النتيجة إن السلبيات بقت كتيرة لأن محدش بيتكلم عنها

**sa3d** · 25-06-2005, 15:45

رفقا يا أخت ريحانة
بشروا و لا تنفروا

**Merooo** · 25-06-2005, 20:27

السلام عليكم

الاخت ريحانه

اقتباس
------------------

مالها المجارى ؟
--------------------

اكيد انتى عارفه يعنى ايه مجارى ولا ايه ؟؟؟

اقتباس
-----------------
يعنى إنت لما تشوف بحر إسكندرية تشوف لون الميه الزرقا,,,,لكن أنا باشوف البحر وباشوف المجارى اللى ماشية فيه.
---------------
ما شاء الله وشوفتيها بتمشى كمان !!!!!

اقتباس
----------------
لكن أنا لما أتكلم عن نهر النيل أتكلم عنه وعن البلهارسيا إللى جواه
--------------

ما شاء الله وكمان شوفتى البلهارسيه؟!!!!

اقتباس
-----------------------

وعلى فكرة المدرسة الرومانسية دى تسببت فى إننا تغاضينا عن السلبيات علشان نستمتع بالإيجابيات فكانت النتيجة إن السلبيات بقت كتيرة لأن محدش بيتكلم عنها
----------------------
عندك حق يا اخت ريحانه
وعشان كده انا بوعدك بقصيده عن المجارى والبلهارسيه عشان نظهر السلبيات بقى

*الاخ sa3d

بلاش تشككى يا اخت ريحانه على المدرسه الرومانسيه وجمالها ومتنسيش( بشروا و لا تنفروا)

x