انا عايو اعرف انتي كنتي بتسالي علي نفقه الاولاد والزوجه صح؟
نفقه الاولاد دائما تقع علي كاهل الاب يعني كده كده الاب لازم يصرف علي اولاده.
اما لو كان سؤالك مثلا لو واحده مسيحيه اسلمت وتزوجت بمسلم وطلقها هيكون ايه وضعها ؟ طبعا مش هينفع تروح لاهلها علشان ينفقوا عليها فبكده بقت هي في الشارع . هو ده قصدك من الحوار ده كله ولا ايه؟يا ريت توضحي

اختي الفاضلة لا تحلي امرا لا تعرفين عنه اي شيء يقول رسولنا الكريم صلى الله عليه وسلم "لا يصلح الكذب الا في ثلاث: يحدث الرجل امراته ليرضيها والكذب في الحرب والكذب ليصلح بين الناس"فلو امتدح الرجل زوجته قائلا انت اجمل امراة رايتها في حياتي وهو لا يراها بذالك الجمال فقط يريد بذالك ارضاءها والتقرب اليها فهذا يعتبر من الكذب المباح لكي تستمر العلاقة على العموم هذا رابط يفيدك ان شاء الله في الموضوع
https://www.hurras.org/vb/showthread....280#post275280

يقول ربنا الواحد الاحد"وَإِنْ يَتَفَرَّقَا يُغْنِ اللَّه كُلًّا مِنْ سَعَته" يعني من خلقها لن يضيع لها رزقها وهو ارحم بها مني ومنك

يا اختي الاسلام يحترم مشاعر المراة ونبي الاسلام هو خير الناس في معاملته لزوجاته وهو كان يحترم مشاعر زوجاته وياخذ بيدهم
ولا اظن ان هناك رجل وجد امراة مفيهاش عيب ومريحاه في حياته سيذهب ويتزوج اخرى فالرجال عادة يبحثون عن من يريحوهم في حياتهم
واعلمي ان المراة المسلمة لا تفكر في هذه الاشياء بل تعتبرها سخيفة للغاية خلاص هي تتزوج وهي راضية بقضاء الله ان تزوج عليها زوجها لا بد ان تغار وان تتكسر مشاعرها لمدة لكن سرعان ما تتكيف مع الوضع
والله اتمنى من كل قلبي ان يهديك الله للاسلام وانا متاكدة من انك ستتخلصين من تلك الوساويس لحظة اعتناقك للاسلام فهي من الشيطان

ابحث عن المراه !! قالها نابليون حكمه
مفيش واحده ست عمرها سئله ايه هي حقوق الزوج كلكم عايزين تخدوا ومتدوش يعني لما ابقي اخد حقي نبقي ندور بقي علي الراجل.
لا طبعا العلاقه الزوجيه مبنيه علي الموده والتراحم المتبادل وصدقيني اي راجل لو سمع كلمه حلوه من مراته بيبقي زي المتنوم مغناطيسي يعني لو طلبت عنيه هيدهلها بس المشكله انكم مبتعرفوش تعملوا كده وكان الرجل ده قطعه حجر متبلد المشاعر اول ما مراته تشوفه متسالهوش حتي انت عاملت ايه في شغل ولا تسمعه كلمه حلوه هي تشوف خلقته متبطلش طلبات و علطول هات هات والمره الوحيده اللي تقوله خد تقوله خد الانبوبه املاها هههههههههه.
معظم نساء اليوم عجزوا ان يكونوا مثل زوجه الحطاب.
اسمعي ماهي قصه هذه المرأه التي بشر اصحابه بان زوجه الحطاب في الجنه ولماذا هي في الجنه.
أخبر الرسول (ص) ان زوجة الحطاب فى الجنة :ما كاد ينطق بهذه الكلمات حتى سرت فى المجتمع سريان البرق على صفحة الكون وجاء جواب الزوجة المؤمنة وكأنه دستور للحياة الزوجية تخطه لبنات جنسها
قالت ::: ان زوجى يقوم بقطع الاخشاب وجمع الحطب من الجبل ثم ينزل الى السوق فيبيعه ويشترى ما يحتاج اليه بيتنا فكنت :
1- احس بالعناء الذى لقيه فى سبيل رزقنا
2- احس بحرارة عطشه فى الجبل تكاد تحرق حلقى
3- اعد له الماء البارد حتى اذا ما قدم وجده
4- وقد نسقت متاعى
5- واعددت له طعامه
6- ثم وقفت انتظره فى احسن ثيابى
7- فاذا ماولج الباب استقبلته كما تستقبل العروس عروسها الذى عشقته
8- فان اراد الراحة اعنته عليها
9- وان ارادنى كنت كالطفلة بين ذراعيه .
هل يا تري من منكن تفعل ما تفعله زوجه الحطاب.

سلمت يداك أب هند ربنا يبارك لك فى هند
أحسنت أختى الفاضله خديجه*
جزاكى الله خيرا

بسم الله الرحمن الرحيم
الزميله محبه المسيح
يجب ان تعلمي عدة نقاط عندما نتكلم عن التعدد
التعدد يجب ان يكون حلال للمسلمين لتقليل حالات الطلاق
فيه طلاق في الاسلام يبقي لازم يكون فيه تعدد
الطلاق حلال في الاسلام لكي لا يعيش الزوجان في سجن دنيوي لان معظم الشباب في هذه الايام لا يختارون الزوجه بعنأية و انما ينساقون وراء المشاعر التي سرعان ما تنتهي بعد الزواج بشهور قليله
و لتقليل حألات الطلاق يجب أن يشرع ألتعدد
تخيلي حضرتك لو الطلاق مباح و التعدد غير مبأح أيه ممكن يحصل؟ حالات الطلأق هترتفع جدا
و تخيلي ايضا الحيأة بدون طلاق
قال الله تعالي "عسى ان تكرهوا شيئا و يجعل الله فيه خيرا كثيرأ"
و اذا كانت المرءة تكره التعدد فيمكنها ان تشترط في عقد الزواج علي زوجهأ بعدم التعدد
و لكن يجب إن تعلم أن ألتعدد شرعه الله لحكمة يعلمها هو

لا حضرتك قلت حكم عام على ان الاسلام حلل الكذب
ومثل هذا الحكم غير مقبول بتاتا

وأنا بينت لحضرتك ان ما يخص الحرب و اصلاح ذات البين و العلاقة الزوجية لا تدخل في باب التحليل والتحريم
بل تدخل في باب الرخص

و أنا حاولت ابسطلك حكاية العلاقة الزوجية كمثال

حضرتك عاملة حوارك ده على اساس ان كان الاسلام يراعي مشاعر المرأة وأحاسيسها صح ؟؟

طب ترخيص الكذب بين الزوجين هو من باب مراعاة أحاسيسهم ومشاعرهم

واحد متزوج امرأة ليست جميلة المظهر

اسأل حضرتك :

هل يكون صريح معاها ويقولها انها وحشة ومش حلوة ؟؟

ولا يجاملها ويقول لها أنها جميلة وحلوة ؟؟

حضرتك تختاري ايه ان كنت تريدين مراعاة احاسيس المرأة ومشاعرها ؟؟

وأنا وضعت لكي تسجيل للبابا شنودة حول نفس الموضوع
سمعتيه حضرتك ولا لأ ؟؟

الموقف الثاني لي هو الحرب :

واحد بيحارب في الجيش المصري مثلا ضد الجيش الاسرائيلي

اتمسك من طرف الجيش الاسرائيلي

حيحصله ايه ؟؟

سيتم استجوابه صح ؟؟

هل الجندي ده يكون صريح ومبيكدبش فيعترف للعدو عن معلومات عسكرية ضد الجيش المصري ؟؟؟

ولا ينكر انه يعرف شيء ؟؟

حضرتك تختاري ايه ؟؟

الموقف الثالث هو اصلاح ذات البين

انت تعرفي اتنين متخاصمين ومش عايزين يقابلوا بعض

فحضرتك مصاحباهم الاتنين

فبتسمعي كلام من دي مش حلو على التانية و تسمعي كلام من التانية مش حلو على الأولانية

اسأل حضرتك

هل حتكوني صريحة وصادقة وتقولي لكل واحدة هي بتقول ايه على التانية وتزيدين من اشعال المشكلة لي بنهم

ولا تكوني واسطة خير وتقولي لكل واحدة فيهم ان التاانية بتكلم عليها بالخير و بالحسنى عشان ترجعي الود بينهم ؟؟

حضرتك تختاري ايه ؟؟

مش حضرتك مركزة في موضوعك على مراعاة الاسلام لمشاعر الآخرين ؟؟

مفيش الكلام ده عندنا حضرتك

الاسلام يأخذ من مصادره وليس من الأشخاص

ضوابط التعدد مذكورة في القرآن الكريم كالآتي


وَإِنْ خِفْتُمْ أَلاَّ تُقْسِطُواْ فِي الْيَتَامَى فَانكِحُواْ مَا طَابَ لَكُم مِّنَ النِّسَاء مَثْنَى وَثُلاَثَ وَرُبَاعَ فَإِنْ خِفْتُمْ أَلاَّ تَعْدِلُواْ فَوَاحِدَةً أَوْ مَا مَلَكَتْ أَيْمَانُكُمْ ذَلِكَ أَدْنَى أَلاَّ تَعُولُواْ (النساء 3)

فأهم شروط التعدد هو العدل بين الأزواج صح ؟؟

كيف اذن يكون فيه عدل دون أن تكون الزوجة الأولى على علم بزواج زوجها مرة أخرى ؟؟

لو كذب عليها هنا سينتفي العدل فيكون بذلك خالف قول الله تعالى

فهمتي حضرتك ؟؟

أما ما تسمعينه هنا وهناك فكذلك له عندنا ضوابط وهو التحكيم لكلام الله تعالى وسنة رسوله الصحيحة


يَا أَيُّهَا الَّذِينَ آمَنُواْ أَطِيعُواْ اللّهَ وَأَطِيعُواْ الرَّسُولَ وَأُوْلِي الأَمْرِ مِنكُمْ فَإِن تَنَازَعْتُمْ فِي شَيْءٍ فَرُدُّوهُ إِلَى اللّهِ وَالرَّسُولِ إِن كُنتُمْ تُؤْمِنُونَ بِاللّهِ وَالْيَوْمِ الآخِرِ ذَلِكَ خَيْرٌ وَأَحْسَنُ تَأْوِيلاً ( النساء 59)

فكلام كل شخص يقاس على هذه القاعدة
أن نرجع كل قول يقوله أي شخص الى قول الله تعالى وقول رسوله صلى الله عليه وسلم

هذا هو المفروض يا ضيفتنا

فلا نحاكم العقيدة من خلال تصرف الأشخاص


قُلْ أَغَيْرَ اللّهِ أَبْغِي رَبّاً وَهُوَ رَبُّ كُلِّ شَيْءٍ وَلاَ تَكْسِبُ كُلُّ نَفْسٍ إِلاَّ عَلَيْهَا وَلاَ تَزِرُ وَازِرَةٌ وِزْرَ أُخْرَى ثُمَّ إِلَى رَبِّكُم مَّرْجِعُكُمْ فَيُنَبِّئُكُم بِمَا كُنتُمْ فِيهِ تَخْتَلِفُونَ ( الأنعام 164)


مَّنِ اهْتَدَى فَإِنَّمَا يَهْتَدي لِنَفْسِهِ وَمَن ضَلَّ فَإِنَّمَا يَضِلُّ عَلَيْهَا وَلاَ تَزِرُ وَازِرَةٌ وِزْرَ أُخْرَى وَمَا كُنَّا مُعَذِّبِينَ حَتَّى نَبْعَثَ رَسُولاً (15)

الآيات كثيرة لكني مش عايز اطول على حضرتك

أعتقد أني أجبتك عن هذا السؤال في ذكري لضوابط التعدد و الاستشهاد بقوله تعالى في سورة النساء

التعدد ضوابطه العدل

فأي حاجة ينتفهي معاها العدل تكون مخالفة صريحة لضوابط التعدد


شوفي مثل آخي كيف يخبرنا القرآن الكريم وفي بداية سورة النساء

وأكيد حضرتك عارفة ان القرآن هو الوحيد الذي جعل سورة للنساء وسميت سورة النساء

ركزي معايا كده


يَا أَيُّهَا النَّاسُ اتَّقُواْ رَبَّكُمُ الَّذِي خَلَقَكُم مِّن نَّفْسٍ وَاحِدَةٍ وَخَلَقَ مِنْهَا زَوْجَهَا وَبَثَّ مِنْهُمَا رِجَالاً كَثِيراً وَنِسَاء وَاتَّقُواْ اللّهَ الَّذِي تَسَاءلُونَ بِهِ وَالأَرْحَامَ إِنَّ اللّهَ كَانَ عَلَيْكُمْ رَقِيباً (النساء 1)

فهمتي ايه حضرتك من الآية دي ؟؟

الاخ خوليو
انا قريت كلامك كله
بس افهم من كلامك انه الرجال لو راح اتجوز من ورا مراته وكذب عليها وقال انه مش متجوز عشان مش يزعلها يبقى كده عمل حاجه حرام لانه استخدم الرخصه في غير محلها
الحاجه التانيه اللي محدش رد عليا فيها هل اشترط الاسلام وجود سبب للزواج الثاني مثل مرض الزوجه او عدم انجابها او او او ولا خلاها سداح مداح لك واحد معاه فلوس كتيرخ يروح يتجوز وكمان هل اشترط رضا الزوجه ولا مخلاش ليها راي في اي حاجه
اخي خوليو انا عايزه الاجابه بنعم ولا عشان متشتتش في التفكير
ومعلش انا ليا سوال صغير ليك انت شخصيا
هو ايه معنى اسمك خوليو وايه معنى الجمله اللي انت حطيطها تحت اسمك
معلش على الازعاج بس اسمك لفت انتباهي

بهذا الفعل سيكون شرط العدل الذي نصت عليها آية التعدد قد انتفى

فكما قلت لحضرتك

انه من مظاهر العدل بين ايه ؟؟

بين الزوجات صح ؟؟

كيف يحصل عدل بين الزوجات في ظروف ان الراجل مخبي اساسا على زوجته انه متزوج ؟؟

فهمتي حضرتك ؟؟

فالعدل هنا منتفي يبقى هو تعدى حدود الله

الاسلام وضع ضوابط وشروط للتعدد

و الآية لي أنا جبتها لحضرتك تجيبك عن هذا السؤال

وقلت لحضرتك
أنه أي فعل حيكون مخالف فيه لشرط العدل لي ذكرته الآية حيكون فيه تعدي

يعني الاسلام مسبش حكاية التعدد سداح مداح أبدا

بالعكس

الاسلام هو مو وضع تقنين للتعدد


وَلَن تَسْتَطِيعُواْ أَن تَعْدِلُواْ بَيْنَ النِّسَاء وَلَوْ حَرَصْتُمْ فَلاَ تَمِيلُواْ كُلَّ الْمَيْلِ فَتَذَرُوهَا كَالْمُعَلَّقَةِ وَإِن تُصْلِحُواْ وَتَتَّقُواْ فَإِنَّ اللّهَ كَانَ غَفُوراً رَّحِيماً (النساء 129)

هو بس في العيلة بيدلعوني كده
على اساس اسمي الحقيقي يعني

فأنا أخذت الاسم ده وبدخل بيه المنتديات


مفيش اي ازعاج ابدا

الضيوف لي بيكونوا محترمين نخصص لهم كل وقتنا وجهدنا

نسأل الله لنا و لكي الهداية اللهم آميين

اتفضلي باي سؤال انا تحت أم حضرتك

طيب اخي خوليو انا بس عندي سوال صغير
مامعنى كلمه خير لما تيجي منونه يعني كده خيراً
يعني لما اقول اوصيك بفلان خيرا يبقى معناها ايه
انا بس بسال السوال ده لانه مترتب عليه حاجه عايزه اقولها
انا بس مش عارفه هو غلط اني اكمل الحوار معاك واسيب الاخ ايوب ولا ايه

والله فكرتني بنكته . واحده وحشه قوي قوي وبتكره جوزها كل يوم تبص في المرايا وتقول يستاهل يستاهل. ههههههههه
يتهيالي المعني واضح جدا انه يصيه بان يتقي الله فيه ولا يرشده او يدله الا علي الخير سواء في المعامله او الارشاد والنصح( وبعدين المعني اوضح من الشمس)

من حقك تردي في صفحه التعليق او لا .
ولكن الاولي يكون مع محاورك احتراما له فقد قطع جزء من وقته خصيصا لحضرتك و منعا للتشتيت . احنا هنا كلنا بنرد انتي هتفضي تقرئي كل رد وتعلقي عليه مش هتخلصي وهتتشتتي ركزي في حوارك مع الاستاذ ايوب.
ولما ميكونش موجود تقدري تدخلي صفحه التعليقات وتردي

شاكره لك اخي ابو هند وربنا يخليلك هند يارب

لما انتي تتزوحي من مسلم اشترطي علية عدم الزواج
وريحي راسك وملكيش دعوة في تصرفات المسلمين
لان الدين لا يحكم علية من تصرفات الناس
وانتهى

الان اسالي سوال جديد

احلى نكتة مستمدة من سياق النص

الاخ سلام من فلسطين انت جيت حليت المشكله بكلمتين
بس هل اشتراط الزوجه على زوجها بهذا الشي حلال شرعا ام حرام
لاني مره سمعت شيخ برضه قال انه حرام لانه تحريم لما احل الله واستدل على ذلك ببدايه سوره التحريم انه الله عاتب الرسول على تحريمه لشي
معلش والله استحملوني بس انا حاسه ان الموضوع معقد حبه
او يمكن انا اللي معقداه مش عارفه