بسم الله الرحمن الرحيم

أشكر حضرتك لتلبية طلبي جداً .. أشكرك

ثانياً أنا مطلبتش من حضرتك الرد على عنوان الموضوع ، لأن لو حضرتك لاحظتي الموضوع مش موضوعي بالأساس، فأنا كنت طلبت من حضرتك الرد على مشاركتي الأخيرة و إبداء رأيك فيها مش في عنوان الموضوع خالص..

فطلبي لا يزال كما هو يا ضيفتنا الكريمة ..

أما عن كون حضرتك " مش مقتنعة" فأنا هأجل التعليق عليها لحد ما حضرتك تعلقي على مشاركتي اللي فوق إن شاء الله براحتك ..

و موضوع ملكات اليمين مرتبط جداً بنفس الموضوع ده موضوع تعدد الزوجات ..

خدي بال حضرتك وجهة النظر في المشاركة اللي فوق هي مجرد زاوية واحدة فقط من الزوايا .. يعني ده مش السبب الوحيد اللي يخليني مقتنع تماما بتعدد الزوجات بل فيه زوايا أخرى كتير .. لكن خلينا في دي الأول .. و ملكات اليمين هتقترن بيها بصورة أو بأخرى وإن كنا هنضيف أشياء فيها بإذن الله.

أما زواج المتعة فهو محرم .. يعني زواج المتعة زنى .. حاجة صريحة كده .. طبعا ممكن نتناقش فيه بالتفصيل ~لأن الموضوع فيه تفصيل شوية نظرا لتأخر حكم تحريمه .. لكن لو حضرتك عايزة المفيد النهائي فهو زواج باطل..

زواج المحلل زنى .. و لو عايزين نتناقش فيه بالتفصيل زي المتعة مش هنعرف لأن مفيهوش تفصيل .. و فيه نص صريح من الرسول " لعن الله المحلل و المحلل له" ..

فياريت حضرتك تتأكدي من المصادر اللي بتأخذي منها المعلومات عن الإسلام .. أو اتأكدي منا هنا ...

عموما خلينا بس في موضوع تعدد الزوجات .. اللي منعه بكل بساطة يهدم الديانة المسيحية كما تؤمنين بها .. خلينا نتناقش في النقطة دي .. بانتظار رد حضرتك على المشاركة ، و عذرا للإزعاج

بالتوفيق إن شاء الله يا أستاذة محبة الناس ..

بسم الله الرحمن الرحيم

الجواب
المصدر: ردود علماء المسلمين -للشيخ محمد ياسين

لقد جاء الإسلام والتعدد موجود, وليس محدوداً بعدد معيَّن, بل كما يشاء الرجل, ولو مائة امرأة, ففى هذه الحالة أيكون الإسلام عدّد أم حدّد؟ وبعد نزول آية التعدد فى سورة (النساء) أمر الرسول r من كان معه أكثر من أربع أن يطلق الزيادة, أى أن تنفيذ الأمر - بلغتنا الحديثة - كان بأثر رجعى, وفى هذه الحالة يبيح الإسلام للمطلقات أن يتزوجن*

إن التعدد فى الإسلام ليس فرضاً, ولكنه مباح, وله من الحِكَم ما لا يُعَد, فمن المعلوم أن عدد الذكور فى كل المخلوقات - أو معظمها - أقل بكثير من عدد الإناث, وليس فى بنى الإنسان فقط, بل فى المملكة الحيوانية وغيرها, كما هو مُشاهد - مثلاً - بين الدجاج, فتجد أن المائة بيضة يخرج منها تقريباً خمسة, أو ستة ديوك, والباقى إناث, وهذا من حكمة الله سبحانه وتعالى, فلو كان العكس لحدثت كارثة, ولتضارب الذكور على الإناث, ولَخُطِفَت النساء من أزواجهن فى الشوارع. ومعلوم أيضاً أن عدد الوفيات بين الرجال أكثر من النساء, لتعرضهم للأمراض والحوادث الناجمة عن الأعمال الشاقة التى يقومون بها دون النساء, مثل العمل فى المناجم, وحفر الآبار, وأفران الحديد والصلب, وكسح الألغام, والتعامل مع الكهرباء عالية القوة, والغوص فى أعماق البحار, والطيران, وغير ذلك.وفى حالات الحروب تحصد العديد من الرجال, فيزداد عدد النساء, كما حدث بعد الحرب العالمية الثانية, عندما ازداد عدد النساء فى ألمانيا زيادة رهيبة, وأصبحت النساء بغير أزواج, فكنَّ يسافرنَ فى العطلة الأسبوعية لإشباع رغباتهنَّ فى الدول الأخرى, وتداخلت الأعراق والأنساب, وكثُر اللقطاء بصورة لا مثيل لها, حتى إنهم قُُدِّروا بحوالى خمسين مليوناً فى أرجاء أوربا الشرقية والغربية, فلو أنهم كانوا يدينون بالإسلام لَمَا لجأوا إلى الزنى, ولَمَا اختلطت أنسابهم, ولَمَا ظهر اللقطاء وأطفال الشوارع الذين لا يعرفون آباءهم. وهذا فى حد ذاته رد على السؤال الثانى.. وهو لماذا لم يُبِح الإسلام للنساء التعدد كما سمح للرجال؟ فلو سمح لهن بذلك.. فكيف يعرف كل طفل أباه؟ بالإضافة إلى أسباب أخرى كثيرة, فإن هذا الأمر تأباه الفطرة السليمة, ليس من جانب الرجال فحسب, بل من جانب النساء أيضاً. ودعونا نتساءل.. لو أن هذا الأمر حدث, ماذا ستكون النتيجة؟ كيف يعرف كل زوج أبناءه؟ سيحدث حتماً اختلاط فى الأنساب, وتنازُع على الأبناء, فكل زوج يريد الولد الأجمل, والأذكى, والأقوى, وهذا يريد الذكور, وآخر يريد الإناث… وهكذا. ومعلوم أن الذكر الواحد بإمكانه تلقيح عدد كبير من الإناث, وبهذا يزداد النسل, بعكس النساء, لو حملت إحداهنَّ فإن خصوبتها تُعَطَّل طوال مدة حملها, وربما مدة الرضاعة أيضاً. وبالإضافة لما سبق.. فقد أثبتت التحاليل والفحوص الطبية أن معاشرة المرأة لأكثر من رجل يعرضها لأمراض كثيرة, أهمها سرطان عنق الرحم, وهو من أخطر السرطانات. وقد أثبتت أحدث الفحوص والدراسات العلمية أن مَنِىّ الرجل له بصمة داخل رحم الأنثى, لا تتركه إلا بعد ثلاث حيضات, كيف هذا؟ يقولون إن أول حيضة يسقط معها ما يعادل ثلث البصمة تقريباً, والحيضة الثانية كذلك, والحيضة الثالثة كذلك, سبحان الله {وَالْمُطَلَّقَاتُ يَتَرَبَّصْنَ بِأَنفُسِهِنَّ ثَلاَثَةَ قُرُوَءٍ}[البقرة:228] وقد فسر العلماء الثلاثة قروء بثلاث حيضات, أو ثلاث طُهرات. أما الْمُتَوفَّى عنها زوجها فيقولون إن حالة الاكتئاب التى تمر بها تجعل البصمة لا تزول إلا بعد 118 يوماً{وَالَّذِينَ يُتَوَفَّوْنَ مِنكُمْ وَيَذَرُونَ أَزْوَاجاً يَتَرَبَّصْنَ بِأَنفُسِهِنَّ أَرْبَعَةَ أَشْهُرٍ وَعَشْراً}[البقرة:234]*

ومن حِكَم التعدد أيضاً حالات مرض الزوجة, أو عقمها, أو وجود عذر يمنعها من المعاشرة الزوجية لمدة طويلة لا يطيقها الزوج, فبعض النساء تستمر دورتهن الشهرية أياماً كثيرة, وبعضهن يُمنَعن من المعاشرة الزوجية أثناء الحمل (مثل حالات الإجهاض الْمُنذِر) وكذلك أيام النفاس. ومن الأسباب أيضاً وجود أرامل (وهن كثيرات لِمَا ذكرناه من كثرة الوفيات بين الرجال) ومطلقات ليس لهن عائل, ويتامى لا يجدون من يقوم على رعايتهم. ولا يقول أحد إنه يكفى رعاية كل هؤلاء بمساعدتهم مادياً, فإن المال ليس كل شىء, فالمرأة تحتاج لمن يعفها, وخصوصاً لو طُلِّقَت, أو مات عنها زوجها, وهى فى سن مبكرة, وكذلك فإن الأطفال يحتاجون للتربية, والتوجيه, والقيام على مصالحهم, وهذا لا تكفى فيه المرأة وحدها. وكذلك وجود بنات عوانس تجاوزنَّ سن الزواج.. مَن لهن؟ أيُترَكنَ للضياع والانحراف؟ أليس لهن الحق كبقية النسوة؟ ونقول للمستغربين قلباً وقالباً (أى الذين يعشقون الغرب بِقَضِّه وقضيضه): إن التعدد ضرورة اجتماعية, وقد كان منتشراً فى أوربا إلى عهد الملك (شارل مان) كما جاء فى مقال الكاتب المصرى (محمد التابعى) فى مجلة (آخر ساعة) الصادرة بتاريخ 3يونيو1945, إذ كان هذا الملك متزوجاً بعدة نساء, وبعد ذلك جاء أمر من القساوسة بمنع التعدد, فأصبح مباحاً للرجل أن يتخذ أكثر من عشيقة فى الحرام, ولا يتزوج على امرأته فى الحلال, لدرجة أنهم حين ظهر مرض الإيدز, وأرادوا عمل دراسات على الرجال الذين لم يعاشروا إلا زوجاتهم لمدة خمس سنين, لم يجدوا ولا رجلاً واحداً! وفى تركيا عندما أنهى (مصطفى كمال أتاتورك) الخلافة الإسلامية, وجعلها عِلمانية, وألغى التعدد (عليه من الله ما يستحقه) انتشر الزواج العرفى والزنى, وكثر اللقطاء.

صباح الخير استاذ اسد هادىء
انا عارفا إن حضرتك مطلبتش الرد على العنوان او رأس الموضوع ..و ما كتبته أنا كان طعليق سريع بس على الموضوع قبل الرد.
و كانت هذه اخر جمله انا كتبتها لحضرتك:
و بعدين لما حاولت اضيف إجابه إمبارح مش عارفا ليه لم اتمكن من الإضافه ولا حتى فتح صفحه من صفحات المنتدى و حاولت من كذا جهاذ و كان هناك نفس العيب و حاولت من جهاذ الموبيل برضو مكنش فى فايده لهذا تأخر ردى إلى اليوم و أحمد ربى إن الصفحه فتحت معايا.


اشكر حضرتك يا استاذ اسد هادىء بجد اشكرك على الإهتمام و الرد السريع لو لم يكن من حضرتك بلاقى الف واحد تانى مهتم و بيرض علياو بيوضحلى حتى لو كان الشرح و التوضيح لم يقنعنى اشكركم جميعا. و هذا الإهتمام انا اقدره و خصوصا إنى لم اجده فى اماكن اخرى... للأسف الشديد........

ده ردى من امس إلى مكنتش عارفا اضيفه:



بجد يا استاذ اسد هادىء!! توجد مذاهب مسيحيه معترف بيها تتيح التعدد!!!!!!!!!!!!؟؟لم اسمع عليها من قبل!
ما هو بردو اكيد قله غير معترف بيها و لا يوئخذ بكلامهم و إلا كان اى حد جه و اخذ بكلام بعض القله المسلمين الغير معترف بيهم من المسلمين إلى بيأمنو برسول اخر غير رسول المسلمين المعروف..
.
حلو جدا السوئال ده يا استاذى بس بردو هرض عليه بسوئال:
و هل اعطى القرأن وقت صالح معين لكل زمان و كل مكان لتعدد الزوجات؟؟
أو
هل تحليل تعدد الزوجات صالح لكل زمان و كل مكان؟!!
هل قال يمكن تعدد الزوجات فى حالات الحروب فقط؟؟ وا فى حالات مرض الزوجه فقط او او...
ولا سبها مفتوحا للبشر يحدد زى ما هو عايز على حسب شهوته الجسديه او ظروفه!؟؟

استاذ اسد هادىء الحروب دى شىء وقتى و ليس مستمر و لا يمكن ان يضع قانون الحياه فقط ليعالج اضرار الحروب!!
طيب كان نزل قانون خصيصا للحروب! إنما الدين ده للعيش به فى الحياه .. الدين ده علاقتك بربك... الله خلق حواء واحده لأدم و لم يخلق 4 حوات و مملوكات. و هذا كمان مع الوضع فى الإعتبار إن يمكن تبديل الاربعه.
و عندما اعطى الحق للرجل كان يجب ان يبين له الحالات و لكنها مفتوحه.
و تجد 90% من تعدد الزوجات مرتبط بكثره المال أو/و الصلطه .... بمعنى
راجل مقتضر ماديا جدا جدا ومكانته عاليه تجد عنده الشهوه الجسديه عاليه جدا جدا (هذه ليست قاعده سابته بس هذه الاغلبيه)و بما إنه مباح الزواج فهو يتزوج لإشباع رفغبته الجنسيه ... هتى إن كانت زوجته لا يوجد عله فيها و هى لا ترفضه و تحبه و تنجب له و تصونه و رغم كل هذا شهوته الجسديه تقوده إلى الزواج من اخرى و اخرى و اخرى...و يتحول الزواج من حدفه الاصلى إلى هو الاسره المستقره المتكامله و الاولاد إلى
شهوه جنسيه بحته.. و ترى الزوج اللذى لا يملك مال كثير و لكنه يريد التمتع يتزوج و يضع شرط لزوجته الثانيه بعدم الإنجاب لإنه لا يتمكن من ان يعولها هى و اولادها بخلاف زوجته الاوله.
لا تنكر إن لتعدد الزوجات عيوب يا استاذ اسد هادئ.. فكما حل تعدد الزوجات مشكله نقص الرجال او البشر فى حالات الحرب فقد تسبب فى مناطق اخرى فى مشاكل.
ناخد مصر مثل :
فتعدد الزوجات إرتبط ايضا بالجهل فى رغبه الرجل من إنجاب الولد/ الزكر و إعتقاده إن هذا يتم من المرأه فذهب الرجال فى تعدد الزوجات إنتظارا ان ينجب احد هذه الزوجات الولد( و بما أن الدين اباح او حلل له هذا )و إن لم ينجب احدهن الولد و كانت كل الخلفه بنات يطلق البعض و يتزوج بالاخرى حتى ينول الولد....
و تصبح المرأه مطلقه و تعول اولاد و زوجها لا يملك المال ليعطيها هى و اولادها!!

فقد حل تعدد الزوجات مشكله المرأه الارمله و لكن اوجد مشكله المرأه المطلقه!!!
و اوجد مشكله اخرى خطيره جدا جدا هى مشكله زياده السكان!!
زياده السكان هتى اصبحت الموارد الطبيعيه للبلد لا تكفى لكل هذا الكم من الشعب!! وتتسبب فى بعض الاماكن للمجعات.. الم يساعد تعدد الزواج فى ظهور هذه المشكله؟!!
ده غير إن كمان ساعد على زياده عدد النساء و هذا اوجد زياده عدد مشاكل العنس!
لا تنكر يا استاذ اسد هادىء ارجوك.. انا اتكلم بكل عقلانيه. و احاول ان انظر للأمور من بعيد!



و ليه يا استاذ اسد هادىء ميسرفش على العيله دى و يكفلها منغير ما يتزوج بالسيده الارمله!! فقد تحول الزواج من الحب و الارتباط الاسرى إلى مصالح متبادله!!! تتنازل السيده و تتزوج هتى يتمتع الرجل بها لمجرد ان يصرف عليها هى و اولادها!!!
و هو إن كان متزوج يأخذها للمتعه الإضافيه و هى تأخذه للصرف عليها هى و اولادها!!! ما هذا يا استاذ اسد هادىء!!
و غير كدا فى عصرنا هذا أغلب السيدات تعمل و تتمكن ان تصرف على نفسها و إن مات زوجها هى و الاولاد يورسو الاب فهذا مصدر للمال برضو ده غير عيله الاب و عيله الزوجه نفسها.. و إن كانو من عيله فقيره جدا جدا لا ورث ولا مساعده من أهل راحت فين الجوامع و الكنائس إلى بيجمعو المال من عشور و زكاه مش كل ده للناس المحتاجه بردو؟!
اريد ان اقول إن الدين الإسلامى و الدين المسيحى حل مشكله الارمله بفرض الدين الإسلامى الذكاه و الدين المسيحى العشور و هذا كله يذهب للسيدات الارامل و الاولاد اليتامه و العائلات الفقيره... يعنى ممكن حل مشكله الارمله بدون تعداد الزواج.
و ليه الرعب من قله النسل!! ليه بس !؟ و هذا بالنسبه لى يعتبر قله إمان بالله و مشيئته..
ليس كثر العدد هو الذى يحدد المكسب او الخصاره!
ليس قوه البدن هى اللتى تحدد المكسب او الخصاره!
و قد اعطانا الله الكثير و الكثير من الامثله التى توئكد هذا.... و ليس ابدا مكسب جها من الجهتين لفطره زمنيه كبيره هذا يعنى إن الله يقف معهم و يساعدهم!!
أين الإمان بالله! و بمشيئته و قدرته! يذهب التفكير البشرى دائما للأشياء الحسيه او الظاهره... و يعتمد البشر اكثر و اكثر على عضلاتهم و عددهم و لكن الله على كل شىء قدير.و قادر ان يمحى الكون فى لحظه.


لم اكن اعلم هذه القصه من علم حضرتك استفيد.
---------------------------------------------------------------------------

حضرتك إستبعدت اكثر حل مرضى إلى الله!!
إلى هو الإتكال على الله فى إجاد الحل فقد يقع الشخص فى مشاكل كبيره جدا جدا و يعتقد إن لا حل لها على وجه الارض و تكون هذه المشاكل ليس إلا تجربه يضعها الله للبشر ليرى ما هو التصرف؟؟ وهل سيمشى البشر على تشريع الله ولا هيذهبو بوضع تشريع جديد يحلو به المشكله؟؟ هل سيذهب البشر فى حل المشكله وحده بدون الإستعانه بالله ولا هيعتمد على قوته و عدده و لو مكنش عنده قوه هيروح يجمع إلى عنده قوه و صلطه علشان يساعده.. طب فين الله فى كل هذا!! مش عارفا يا استاذ اسد هادىء انا بجد فى حيره
....
انا عن نفسى لا ارى الامتيازات الهائله اللتى تتكلم حضرتك عليها فى تعدد الزوجات...ده حتى العقل البشرى مش قادر يستوعبها!!يعنى حتى يومنا هذا ينظر المجتمع حتى لو مسلم للراجل إلى متزوج اكثر من واحده على إنه بصباص و بتاع ستات.. و تعتبره الزوجه المسلمه خانها فى مشاعرها و خانها فى كل شىء... فالمشاعر واحده يا استاذ اسد ... السيده تغير على زوجها الذى تحبه من اى سيده اخرى مثل ما يغير الرجل على زوجته من اى رجل اخر..... و تنجرح المرئه جرح كبير عندما يتزوج الرجل بسيده اخرى خصوصا لما تكون الزوجه شايفه واجبها مع زوجها ولا تقصر فى شىء.
و لاكن انا لا انفى بكلامى هذا إنى اجد عدم الطلاق فى الدين المسيحى هذا صعب جدا ايضا.... فهو بالفعل صعب جدا.. و لاكن حد علمى إن يتم الطلاق فى حالات معينه..و لاكن بعد عزاب كبير و زمن طويل فى محاوله الصلح .. اجده صعب بجد.. و ممكن بالإمان و محبه الله كل شىء صعب يهون و خصوصه إن هذا الامر على الرجل و المرئه يعنى مجاش إدى حق الرجل فى الطلاق و لغى هذا الحق من المرئه لا ده منعه من الإتنين.. بس بردو ده له عيوب و ميزات بردو.
والله شكل كدا نهيتى سوده يا استاذ اسد هادىء انا خلاص مش عارفا انا مين و ليه و فين و إه و الدنيا دى كدا ليه و هل إحنى كلنا فى فيلم محدد و معروف الاحداث مصبقا... مش عارفا اقول إه.

ده غير إنى ارى رغم إن فى الدين الإسلامى مصرح تعداد الزوجات و ده غير ملك اليمين يعنى بفلوسك تشترى اى وحده نفسك فيها ده غير الزواج المباح للراجل المسافر لفطره زمنيه صغيره و يطلقها قبل الرجوع إلى بلده و غير و غير رغم كل ده فى جرائم زنى ترتكب!! يعنى هذا لم يحد من وقوع الرجل او المرئه فى جرايم الزنى... و لا يستطيع احد ان ينفى هذا الكلام.....
يعنى عدم السماح بتعدد الزواج فى الدين المسيحى لا يعنى إنه يدفع الرجل للزنا بدليل كل هذا المتاح فى الدين الإسلامى و رغم كل هذا يزنى الرجل او المرأه.
يعنى مهما كانت الاحكام معتدله- وصطيه- متمسكه او هينه فهناك دائما الخارج عن القانون و الكاسر للأحكام..
و لا انفى وجود عائلات و رجال مسلمه كثيره متزوجه من زوجه واحده و يحبون زوجاتهم و حتى لو الزوجه لا تنجب يرجع هذا بكل إمان إلى مشيئه الله و لا يترك زوجته و لا يتزوج عليها بل يأخذها و يكفلو اطفال ايتام فى اديره يتامه.. و اعلم و احترم هئولاء الاشخاص المسلمه و احترم إمنهم بالله... و ادعى لهم طول الوقت ياريت الناس كلها زيهم و انا اتشرف إنهم اصدقائى و احبابى و اطلب من ربى ان يعطينى جزء صغير من كم و قوه إمنهم بالله.



----------------------------------------------------

أما عن وجود الحروب فده عند حضرتك حق موجود من قديم الاذل و لا يعنى هذا إن الله يرحب بالقتال و لاكن فى نفس الوقت اجد امثال فى التوراه تعارض مفهومى هذا.. فأجد العكس....... فلا يمكن إسناد الحروب إلى الإسلام فأنا فى احيان كثيره ارى الإسلام يدافع فقط و لاكن لا انكر بردو إنه يهجم لمجرد إعتقاد إن الكافر يستحق القتل و النار.. و ينسى إن الله هو الذى يجب ان يصدر هذا الحكم إلى هو من سيدخل النار!!
و عند حضرتك حق الحروب من بدء الخليقه من ساعت ما قتل قايين هابيل اخوه(او العكس مش متئكده مين قتل مين بظبط) و دول إخوات مابالك شعوب مختلف فى الجنس و اللون و اللغه و الدين و التفكير...
بس انا عايزا اقول حاجه بس مش عارفا اقول ولا لاء...
افضل مقولش علشان انا خلاص تعبت.....-----------------

و غير كدا عندى تعليق أو أستفسار او أسئله على اخر مشاركه لحضرتك بس لسا مكتبتهاش...

بسم الله الرحمن الرحيم السلام عليكم ورحمة الله وبركاته ايتها الزميلة الفاضلة : محبة الناس: ((((أرجوكى))))): أدخلى على هذا الرابط و سوف تجدين ما لم تكونى تتخيليه!!!!!! https://www.elforkan.com/7ewar/showthread.php?t=17222

]

السلام عليكم ورحمة الله وبركاته
جزاكم الله خيرا

أيوة فيه مذاهب مسيحية تعترف بالتعدد .. عندك منها طائفة المورمون

و طبعا هي قلة دي مفيهاش كلام ، و ده مش موضوعنا على العموم ..

حضرتك قلتي حلو السؤال ، ومجاوبتيش عليه .. فـ أنا لازلت منتظر الإجابة عليه ..

نيجي بقى لسؤال حضرتك .. أولا حضرتك وقعتي في خطأ فادح في السؤال ده في كونك قارنتي بين حكم بالتحريم ، و حكم بالإباحة ..

بمعنى .. الحكم بتحريم تعدد الزوجات .. يعني اعتبار تعدد الزوجات زنى .. معناه ان الشخص مستحيل تحت أي ظرف من الظروف يتزوج زوجة ثانية .. وإذا تزوج هيكون ارتكب ذنب عظيم و هو الزنى .. يعني لو اتجوز يرتكب سيئة .. تمام ؟؟

حضرتك بتقارني بين الحكم ده و بين حكم الإباحة اللي في الإسلام .. حكم الإباحة لتعدد الزوجات في الإسلام معناه ان الرجل مش مجبر انه يتزوج ومش مجبر انه لا يتزوج .. يعني مفيش حاجة اسمها : هل الحكم بإباحة تعدد الزوجات صالح لكل زمان .. لأنه مش واجب أو فرض أصلا ... بعكسي لما أسأل حضرتك هل المنع مناسب لكل زمان لأن الحكم هو التحريم ..

نقطة تانية مهمة جداً رغم اني قلتها قبل كده .. أنا لم و لن أقول ان السبب الوحيد لتعدد الزوجات هو الحروب .. بل هناك العديد من الأسباب اخترت منها هذا السبب بالخصوص لأنه مناسب جداً لسؤالي اللي حضرتك مجاوبتيش عليه .. هل منع تعدد الزوجات شيء منطقي واقعي ؟؟

بمعنى : الحالة اللي اخترتها هنا هي لإثبات أن المنع المطلق لتعدد الزوجات شيء لا يصلح

ده هو السبب الأساسي لاختيار النقطة دي ..

فالمفروض قبل ما ننقل لنقطة : "إباحة التعدد مع عدم تحديد حالات معينة " دي ..

هل احنا متفقين الأول ان فيه " حالات معينة" مينفعش فيها غير تعدد الزوجات و إلا المجتمع سينهار تماما ؟؟

نجاوب السؤال ده الأول و بعدين نناقش مسألة ان التعدد مش مباح فقط وقت الحروب ..

الإسلام بالفعل محددش أسباب معينة لتعدد الزوجات .. لكني في النقطة دي لازم أوضح نقاط مهمة جداً ..

1- أكيد حضرتك عارفة إن الإسلام اشترط العدل .. و إلا فواحدة و الآية صريحة جداً ..و الرسول قال " من كانت له زوجتان فمال إلى إحداهما جاء يوم القيامة وشقه مائل"

2-للأسف أنا شايف في حضرتك نزعة واضحة جداً ان التعدد بيكون سببه الوحيد هو الشهوة الجنسية للرجل .. و حضرتك مكررة المعنى ده أكتر من مرة ، وفي الحقيقة هو معنى خاطئ تماما الصراحة .. و الزواج عمره ما كان كده ، و إلا ايه الفرق بين المتزوج و بين اللي بيروح بيوت الدعارة مثلا ؟؟ .. الزواج مزيج من الراحة النفسية و المتعة النفسية و الجنسية ، ومتعة إنجاب الأولاد وتربيتهم .. الزواج كما يقول الله في القرآن "و جعل بينكم مودة و رحمة" و يقول " و جعل منها زوجها ليسكن إليها " ، و يقول " هن لباس لكم و أنتم لباس لهن" ... يعني الزواج مش مجرد إشباع رغبات جنسية ، لكن حضرتك مصرة على ان تعدد الزوجات إشباع رغبات جنسية !!!

و هنا أسأل حضرتك سؤال .. هل الأنبياء في العهد القديم كانوا بيعددوا الزوجات و كذلك ملكات اليمين عشان الشهوة الجنسية ؟؟

سيدنا موسى مثلا لما تزوج 2 كان بسبب الشهوة ؟؟
سيدنا إبراهيم لما اتخذ زوجات و ملكات يمين أيضاً كان بسبب الشهوة ؟؟

أظن عيب يعني على أقل تقدير نتكلم عن أنبياء الله بالصورة دي .. و بالتالي باطل أصلا اعتبار تعدد الزوجات ده مخصوص عشان الشهوة !!

3- الزوجة في الإسلام من حقها أن تشترط على زوجها ألا يتزوج عليها فإن وافق لا يكون في مقدوره أن يجمع بينها و بين زوجة أخرى .

4- كما يجب مراعاة الفرق في الخلق بين الرجل والمرأة .. الله لم يخلق الرجل والمرأة مثل بعضهما تماماً ... و في هذه النقطة يختلفان .


و لازم أكررحضرتك لازم تنتبهي جداً .. الحكم عندك هو التحريم

بينما الحكم في الإسلام ليس الإيجاب بل الإباحة و الإباحة المشترطة بالعدل بنص الآية و الحديث الشريف .

و لا زلت أنتظر إجابة سؤالي من حضرتك .

طبعا لا يمكن أن ننكر أن من جوانب الزواج أي زواج الجانب الجنسي .. لكنه قطعا مش الجانب الوحيد .. و أيضاً إذا تزوج رجل بغرض الشهوة فهو زواج صحيح ولا مشكلة فيه .. لكن تظهر عدة أسئلة : المرأة الثانية اللي حضرتك بتتكلمي عنها و بتعتبري الزوج متزوجها بسبب " المتعة" .. حد أجبرها تتجوزه أصلا ؟؟ ..

و بعدين هي المرأة هي كمان ملهاش رغبات جنسية ؟؟ ..مش عارف برضه ليه حضرتك بتتكلمي عن الراجل بصورة غريبة جداً ..رغم ان مفيش جدال ان حتى المسألة الجنسية ففيها مشاركة بين الزوج والزوجة !!! عشان كده أنا مستغرب جداً من كلامك اللي تحت :

كلام غريب جداً !! .. و ليه الأرملة تعيش طول حياتها من غير زوج ؟؟!! .. هو عند حضرتك المرأة بتتجوز الراجل عشان الفلوس فقط ؟؟ !! .. برضه تعليق غريب جداً من حضرتك ..

ده غير اننا هنا مش بنتكلم عن مشكلة شخصية فقط للارملة .. احنا بنتكلم عن مجتمع سينهار تماماً .. مجتمع فقد 40 % من سكانه في حرب .. و الغالبية العظمى ممن فقدهم من الرجال !!

يعني تخيلي مجتمع فيه 2 مليون راجل و عشرة مليون امرأة
أو 3 مليون راجل و 9 مليون امرأة

و محتاج يرجع عدده زي ما كان و يعوض ال 40 % اللي ماتوا دول
و لو 2 مليون راجل تزوجوا 2 مليون امرأة ، هيبقى عندك 8 مليون امرأة من غير زوج ..

هل المرأة مش بحاجة للزواج ؟؟
هل مش بحاجة للرجل عموما ؟؟
هل مش بحاجة لإنجاب الأولاد ؟؟

دي كده من الناحية الشخصية الفردية

لكن الأهم من كده ..

الناحية المجتمعية ..

بالطريقة دي المجتمع سينهار لأنه فقد 40 % من سكانه و غالبيتهم رجال ، و مفيش وسيلة لإرجاع ال 40 % دول ، رغم وجود 8 مليون امرأة مش متزوجة !!!

ده غير ان مسألة زي دي ( أي غالبية النساء بدون زوج) بيئة تهيئ بشدة لانتشار الدعارة و الزنى !!
كده ده كلام من الناحية المجتمعية

و الجمع بين الضرورة الفردية للمرأة و الضرورة المجتمعية ( وهي الأهم) نخرج بنتيجة هي أن تعدد الزوجات ضرورة .. و زي ما شفتي النتيجة دي هي نفس النتيجة اللي الكنيسة ساعتها خرجت بيها و أعادت تعدد الزوجات ، مش كده ؟؟!

المرأة في حاجة للزوج أولا لأنها فطرة و ثانياً لأنها تريد دائماًً الشعور بالحماية و ثالثا لا ينفي أحد وجود الشهوة عند المرأة ، هذا بالإضافة فحتى كلمة "حتى يتمتع بها الرجل " كلمة غريبة جداً وهل المرأة لا تتمتع بالرجل ؟؟ و هل لا تحتاج أو تحب وجوده حتى لو كان فقيراً ؟؟ .. للأسف الشديد حضرتك عشان تهاجمي تعدد الزوجات قصرتي هدف زواج الرجل على المتعة الجنسية و قصرتي هدف جواز المرأة على الفلوس فطالما فيه فلوس يبقى مفيش داعي تتجوز !! و ده كلام مفيش راجل ولا مرأة هتوافق عليه إطلاقا .. صح ولا أنا مخطئ ؟؟ و إلا مكناش هنلاقي مثلا مرأة تقبل الزواج من شخص فقير رغم وجود متقدم آخر غني !!


تاني حضرتك بترجعي لنفس النقطة .. بكرر كمان مرة أنا مقلتش ان السبب الوحيد لإباحة التعدد هو الحروب !! .. لكن ده من الأسباب الظاهرة جداً اللي نستنتج منها ان التعدد في بعض الحالات بيكون ضرورة لا فرار منها ، و من كده نستنتج ان تشريع المنع المطلق لا يصلح ..

ده غير ان الحروب موجودة في كل الأزمنة .. في زمننا الحالي عندك حروب ضد المسلمين في فلسطين و العراق و أفغانستان مثلا .. و على مدار التاريخ الحروب موجودة و الإعداد للهجوم موجود و الإعداد للدفاع موجود مما يعني لازم يوجد رجال باستمرار ... فالحروب قد تكون شيء وقتي لكل مكان على حدة ، لكن عند الحديث عن الحالة العامة فهي أقرب إلى تكون مستمرة ..

أما خلق سيدنا آدم و حواء له زوجة واحدة ، فاستنتاج منه ان التعدد باطل ده كلام ليس له معنى لأنه مجرد استنتاج ! .. طيب ما أنا ممكن أستنتج هدف آخر .. و برضه يكون مجرد رأي وهو أن خلق زوجة واحدة لسيدنا آدم كل يكون جميع البشر لهم أم واحدة و أب واحد .. فقط ! و ربما آخر يجد تفسيراً ثالثا و رابعا .. كلها استنتاجات !
أنا مش عارف كلمة "يجب" دي أحطها فين بالضبط .. هل البشر هيوجبوا على الخالق ما يفعله ؟؟

و نعم هي مفتوحة ، ولا يوجد حالات معينة للتعدد .. لا جدال في ذلك .. كل ما هنالك هو وجوب العدل في كل شيء في السكن والملبس .. في الوقت اللي بيقضيه مع كل زوجة ..في كل شيء

يقول الرسول
"من كانت له امرأتان يميل لإحداهما على الأخرى جاء يوم القيامة يجر أحد شقيه ساقطا أو مائلا"

و الشرط الثاني هو القدرة على الإنفاق عليها

يقول الله تعالى " وليستعفف الذين لا يجدون نكاحاً حتى يغنيهم الله من فضله"

هذان فقط هما الشرطان .
أولا إذا لم يكن معه مال لا يتزوج أصلاً.
ثانياً هذه المرأة محدش أجبرها تتجوزه .!!
ثالثاً الشرط باطل لا يلزمها الوفاء به .

معلش يا أستاذة محبة .. ده كلام غريب جداً كالمعتاد !!

تعدد الزوجات بالعكس منع مشكلة المرأة المطلقة !!

لأن لو الرجل وجد زوجته الأولى لا تنجب .. و هو يريد الأولاد .. فلو مفيش تعدد الزوجات هيطلقها .. إنما إباحة التعدد بتحل المشكلة دي تماماً !! .. يتزوج بامرأة أخرى تنجب له .. رغم أن مسألة الذكور و الإناث هي قدر الله فهو يهب لمن يشاء إناثاً و يهب لمن يشاء الذكور .. لكن على فرض ان رجل معين يريد الذكور بشدة .. في حالة عدم التعدد هيطلق زوجته الأولى .. إنما في حالة التعدد هيتزوج امرأة ثانية .. ولا يطلق الأولى !! فكلام حضرتك ان تعدد الزوجات جاب مشكلة المرأة المطلقة .. للأسف لا أقدر اني أصفه غير بأنه " تهريج" !! تعدد الزوجات قلل جدا جدا من مشكلة المرأة المطلقة !!

لو امرأة ضعيفة لا تستطيع أداء احتياجات زوجها .. بدل ما يطلقها يتزوج أخرى !!
لو امرأة لا تنجب .. بدل ما يطلقها يتزوج أخرى !!

و ضعي أمثلة من عندك للصبح ! .. ايه علاقة تعدد الزوجات بالتطليق ؟؟ !! التعدد بيقلل جدا جداً من نسبة الطلاق ..
تعدد الزوجات طبعا يؤدي إلى زيادة السكان ..

لكن هل زيادة السكان مشكلة في حد ذاته ؟؟

لأ قطعا .. زيادة السكان عمرها ما كانت مشكلة في حد ذاتها ، وده كلام علماء الاجتماع مش كلامي الشخصي !

ينظر للمشكلة السكانية في ضوء التوازن بين السكان والموارد ..

بل هناك مجتمعات بيمثل قلة السكان فيها مشكلة .. و عشان كده بتطلب الهجرة إليها بأعداد كبير جداً !

و هناك مجتمعات سكانها عددهم كبير و مع ذلك من أكثر المجتمعات تقدماً ..

بل بالعكس .. زيادة السكان لو أحسن استغلالها هتكون طاقة هائلة للتنمية في المجتمع ! وده برضه كلام علماء الاجتماع مش كلامي ..

ده غير اني مضطر أفكرك تاني باللي قلته فوق ..

التعدد مباح مش فرض

التعدد مباح مش فرض

التعدد مباح مش فرض

و الرجل اللي مش هيقدر يصرف على زوجة ثانية و على أولاد آخرين و هيعيشهم في فقر ميتجوزش من الأساس !
و لا أحد بيجبر الزوجة الثانية على الزواج !

للأسف أنا مش شايف حضرتك بتتكلمي بعقلانية و لا موضوعية خالص!

و زي ما قلت على كلام حضرتك ان تعدد الزوجات زود مشكلة المطلقة انه كلام ليس له أي أساس من الصحة .. نفس الكلام هقوله هنا ..!!

لأن حضرتك بدل ما تعترفي ان تعدد الزوجات حل لمشكلة العوانس خلتيه سبب لها !!

صراحة ده كلام يغني بطلانه عن إبطاله .

و إذا كان سبب زيادة النساء هو التعدد ، ليه بنلاقي في أمريكا مثلا اللي بتمنع التعدد عدد النساء أكبر من الرجال بعدة ملايين ؟؟أظن الكلام ده رديت عليه بالتفصيل فوق ..

كلام جميل جداً .. محدش قال أن النصر يكون بالعدد .. و جاء في القرآن الكريم على لسان بعض المؤمنين من بني إسرائيل

" كم من فئة قليلة غلبت فئة كثيرة بإذن الله والله مع الصابرين"

لكن انتي عارفة يا أستاذة محبة الناس .. لو دي هي طريقتك في التفكير من البداية مكنتش هأحيلك على النقاش ده أصلا ... لكن مسألة التسليم بأمر الله أيا كان دي حضرتك مش ملتزمة بيها أصلا !

لأنك لو ملتزمة بيها عمرك ما كنتي هتعترضي على أي تشريع أياً كان ، و عمرك ما كنتي هتعترضي على إباحة تعدد الزوجات !!

لكن حضرتك كده ماشية بأسلوب التسليم بأمر الله لما يكون في صالحك ، لكن لما تنتقدي الإسلام بترمي المبدأ ده وراء ظهرك ..

على فكرة .. المسلم الحق هو من يلتزم بهذا المبدأ أصلا .. لأنه طالما القائل هو الله فالله هو العليم الحكيم الذي يعلم كل شيء حتى لو لم ندرك نحن الحكمة من التشريع ..

لكن بما ان حضرتك غير ملتزمة بهذا المبدأ بدليل انتقادك لبعض التشريعات الإسلامية .. لأنك لو ملتزمة بالمبدأ ده عمرك ما كنتي تنتقدي أي تشريع .. و كان هيكون سؤالك الوحيد عن إثبات أن الرسول نبي و أن القرآن الكريم كلام الله .. فقط لا غير ..

لكن بما أن حضرتك بدأتي الاعتراض على التشريعات من وجهة نظر عقلية أو عاطفية ، فكان الرد من وجهة نظر عقلانية بحتة .. و تشريع الله أبداً لن يتعارض مع الصواب و مع الأفضل ..

فهنا هسأل حضرتك سؤال :

هل حضرتك ماشية بالمبدأ دائماً ؟؟ و ساعتها حضرتك تقولي انك سحبتي كل كلامك عن انتقاد أي تشريع من التشريعات و تقولي ان كل كلامك مستقبلا سيكون عن إثبات صدق الرسول و القرآن أو إثبات بطلان نسبة الكتاب المقدس لله تعالى فقط

أما إذا كنتي غير ماشية بالمبدأ ده ، فيكون الكلام عقلاني و نتكلم بصورة واقعية تماما .. إنما نظام الدمج ده مينفعش !

حأيوة يا أستاذة محبة ، بس ده هيوصلنا للمشكلة الأساسية .. اننا غير متفقين أصلا على فين هو كلام الله !! يعني مش متفقين اصلا ان الله قال ممنوع التعدد !! ، فبالتالي حضرتك مينفعش تقولي لي اني " استبعدت أكثر حل مرضي لله" لأني كمسلم أؤمن أن الله نفسه أباح لي ذلك فهو شيء لا يغضبه ، و عدم التعدد ليس أفضل من التعدد ، بل في حالة كهذه الأكثر إرضاء لله هو التعدد نفسه كي لا نترك في المجتمع أربعة أخماس النساء بدون زواج .. أليس في ذلك ظلما لهن ؟؟ حتى لو كن أغنى أغنياء المحتمع ؟؟ برضه حضرتك مصرة ان المرأة بتتجوز عشان الفلوس مش عارف ايه سبب الاعتقاد ده ؟!! فبالتالي كلام حضرتك في الاقتباس الي فوق حول " وهل سيمشى البشر على تشريع الله ولا هيذهبو بوضع تشريع جديد يحلو به المشكله؟؟" برضه كلام مينفعش توجهيه لمسلم لأن المسلم أصلا لو قام بالتعدد فهو يسير على تشريع أباحه الله !! فبرضه الكلام ده لا أملك عليه رداً

لكني مؤمن تمام الإيمان أن التشريع الذي يضعه الله هو الأنسب و الأصح ولن يتعارض مع العقل ، و أيضاً مؤمن أن الله لن يضع تشريعا لا يصلح للحياة

لن يضع تشريعا لا يصلح للحياة

لن يضع تشريعا لا يصلح للحياة

خصوصاً ان في حالة زي حرب الثلاثين عاماً دي المجتمع هينهار ، ونظلم أربعة أخماس النساء و ينتشر الزنا بصورة فظيعة .. لدرجة ان الكنيسة نفسها أدركت الكلام ده ! .. أنا مش عايز أعيد الكلام أكيد حضرتك فهمتي كل المساوئ الموجودة ، و ان المشكلة مش مشكلة فردية بل مشكلة فردية و الأهم منها مشكلة مجتمعية كبيرة جداً جداً ..
هل عقل حضرتك معبر عن العقل البشري ؟؟ أنا عقلي مستوعبها جداً الحمد لله !!

عقل حضرتك مش مستوعبها عشان إيمان حضرتك يضادها ..

لو جينا على كل حاجة عقل بعض الأشخاص مش مستوعبها نلغيها يبقى مش هيبقى فيه أي حاجة أصلا !! .. عندك كام مليون شخص عقلهم مش مستوعب وجود إله ؟؟
كام مليار شخص من الوثنيين ؟؟
كام مليون شخص بيعبد البقر ؟؟

المشكلة عن حضرتك مش ان العقل البشري مش مستوعبها .. بل يمكن نقول
1- العقل بيتعارض مع الإيمان فحضرتك بتقدمي الإيمان
2- العاطفة البشرية النسائية مش متقبلاها .

إنما العقل المفكر بحيادية تامة .. أكيد هيؤيدها بشدة ، وممكن أعطي لحضرتك شهادات من علماء غير مسلمين على فائدة نظام تعدد الزوجات !



أنا بتلكم عن واقع ..مينفعش نجري من الواقع و ندفن رؤوسنا في الرمال .. ده كان كل قصدي و ده كان ردي على الشخص اللي لما أدرك فعلا ان تشريع منع التعدد فعلا لا يصلح للواقع قالي المسلمين السبب في الحروب !! قلتله أمال الحروب الي منذ الأزل دي قبل ما احنا نكون موجودين أًصلا ايه نظامها ؟؟ .. وقالي نفترض ان العالم بدون حروب ! ده كان كل الحل اللي هو وجده .
كلام غريب برضه !! الله ينسى ان الله هو الذي يجب أن يصدر الحكم ؟؟ ..

عموما الإسلام لا يقول أن أي كافر يستحق القتل من المسلمين .. و أظن كلامك ده له علاقة بالمواقع المسيحية اللي بتدخليها ، واللي هي مش فالحة غير في الكذب على الإسلام وفقط

يقول الرسول " من قتل معاهداً لم يرح رائحة الجنة "

و المعاهد إما :
1- عهد ذمة .. و ده باختصار غير المسلمين اللي عايشين معانا في بلد إسلامية
2- عهد هدنة .. وده ساعة ما نعمل عهد أو معاهدة سلام مع دولة أخرى فأهلها بصورة طبيعية بيكونوا آمنين محرم قتلهم
3- عهد أمان وده لما يكون دولة في حالة حرب معانا لكن أحد أفرادها يطلب الأمن .

و الرسول يقول أن من أمن شخصا على دمه ثم قتله يقول الرسول " فأنا بريء من القاتل و إن كان المقتول كافراً "

و ليس المحرم فقط القتل بل مجرد الظلم أو الإيذاء

يقول الرسول " ألا من ظلم معاهدا أو انتقصه أو كلفه فوق طاقته أو أخذ منه شيئا بغير طيب نفس فأنا حجيجه يوم القيامة "

إنما للاسف المواقع المسيحية وظيفتها في الحياة الكذب على الإسلام ..

لأ حضرتك اتفضلي .. و ياريت تقولي .. و ياريت برضه تقولي كل الاستفسارات

بس ياريت تردي على كل استفساراتي في الرد ده .. ياريت ..

حاجة أخيرة .. أعتذر مقدما لو لاقيتي كلامي فيه شوية عصبية أو حدة ، لأني بكتب و أنا تعبان شوية وكنت مش عايز أأخر الرد ..و أعتذر جداً على التأخير على حضرتك ..

بالتوفيق إن شاء الله.

سبحان الله بوركتم أحبة قلبي

التعدد ده من فطرة الانسان وده كان موجود قبل

الاسلام ومن غير حدود وجاء الاسلام بحده فى اربع نسوة

وبشرط العدل بينهم

واللى بيحاربوا التعدد مش فهمين حاجة

بصوا فى اوربا تعدد غير شرعى ( زنا )

اما تعدد المراءة فهذا ليس من الفطرة

هو انا الصراحه مش عارفا اجاوب انهى قطعه من إجابه حضرتك!!
انا مش ملتزما بالتسليم بأمر الله!!
علشان لو ملتذمه مكنتش هعترض على إى تشريع اى ان كان!!
..حضرتك بتكلمنى على اساس إنى مسلمه و بعارض تشريع ربى!! انا مش فاهما يا استاذ اسد هادىء ما هو بردو حضرتك بتتكلم على حسب إلى حضرتك مقتنع بيه و موئمن بيه فى دينك على إن هو ده كلام الله و لو كنت إتولدت فى عائله مسيحيه كنت هتتربى على الفكر و المفهوم المسيحى و كنت غصب عنك هتعترض اى فكر يخالف قوانين الله فى كتابك اى ان كان كتابك ... و كنت هتجد صعوبه شديده إنك تطلع من عقلق إلى إنت ماشى عليه طول عمرك!!!!
حضرتك انا نقضت الدين الإسلامى!؟....انا اسفا لو كان كلامى دايق حضرتك او زعل حضرتك معلش انا بجد اسفا بس عايذا اقول لحضرتك حاجه انا ذى منقدت الدين الإسلامى بدون قصد انا نقدت الدين المسيحى بردو بقولى:"و لاكن انا لا انفى بكلامى هذا إنى اجد عدم الطلاق فى الدين المسيحى هذا صعب جدا ايضا.... فهو بالفعل صعب جدا.. و لاكن حد علمى إن يتم الطلاق فى حالات معينه..و لاكن بعد عزاب كبير و زمن طويل فى محاوله الصلح .. اجده صعب بجد.."
انا لم انفى وجود ميذات لتعدد الزواج للبعض! بس بردو لا انكر وجود عيوب له.
و فى نفس الوقت لا انفى عيوب عدم الطلاق فانا اجد له عيوب كثيره و ميزات ايضا..كل حاجه فى الدنيا دى يا استاذ اسد هادىء ليها عيوب و ميزات و لو تكلمنا من هنا للصبح حطلع لحضرتك امثال توئكد كلامى و حضرتك هتطلع لى امثال توئكد كلامك..
المهم نوصل لمشيئه الله لكلمه الله لرغبه الله..
الله عايز إه..فين كلمته إه مشيئته..

طبعا يا استاذ اسد هادىء انا لم انفى هذا إن المرأه تحتاج للرجل و تحتاج لحبه و حنانه و إحتوائه لها و حمايته..امال بنقول ظل راجل ولا ظل حيطه ليه؟؟و انا لا انفى وجود الشهوه عند المرأه ابدا و لم اقصرجواز المرأه لسبب المال فقط.. حضرتك فهمتنى غلط! انا كنت برض على كلام حضرتك! انا فهمت كدا من كلام حضرتك حضرتك إلى كنت بتقول على المرأه الارمله إنها محتاجه حد يصرف عليها فكان ردى على كلام حضرتك فى إن لو الموضوع صرف و فلوس ممكن نجيب الفلوس من حتى تانيا...
دا انا فى واحده صديقتى بتقولى الراجل لو طلق مراته لاذم يديها حاجه إسمها بدل متعه حاجه كدا و كان ردى عليها طيب و هى متمتعتش بجوزها بردو ليه هى كما متديلوش فلوس قصاد المتعه دى...
انا لم اقصد هذا ابده حضرتك فهمتنى غلط طبعا المرأه تحب وجود الرجل حتى لو كان فقيرا فأنا حبيب حياتى شخص مسلم كان بالنسبه لى من عيله فقيره جدا جدا جدا و لم يعنينى هذا فى شىءو فقد عمله و خسر كل ماله و لكنه لم بفقد إمانه و عندما كان ينهار كنت اشجعه إن هذه تجربه من الله و ما داقت إلا ما فرجت و اليوم و بمعجزى فى الوقت إلى كل الناس بتفقد عملها اتى له عقد عمل فى السعوديه و ربنا فتحها عليه.. يفتحها عليه اكتر و اكتر و يعوضو كل الايام إلى صبرها دى خير يا رب.

لا يا استاذ اسد هادىء الواجب عليا انا إلى إعتزر فمهما كان كلامك حاد و عصبى فأكيد هذا رد فعل لكلامى إلى حضرتك وجدت فيه ما إستفذك و خصوصا و حضرتك تعبان..
ألف سلامه على حضرتك... تكون فى كامل صحتك دايما إن شاء الله..و تفضل الاسد الهادىء دائما إن شاء الله.
يكفى هذا لليوم أكمل غدا لو اذن الرب و لو لسى عايشا على وجه الارض.

أستاذ اسد هادىء حضرتك مسلم سنه و لست شيعه او اى طائفه اخرى..ممكن اجى اتكلم معى حضرتك على طائفه تسمى نفسها مسلمه و لاكن رجال الدين المعروفين لا يعتبروهم مسلمين؟؟
و اجى اتكلم على احكام عندهم بما إنهم مسمين نفسهم مسلمين بردو؟؟
لكل دين الخارجين عنه!و ده مش شىء غريب علشان إحنا بشر!


انا كنت فاكرا إنى جاوبت.بس يمكن حضرتك عايذنى اجاوب إجابه محدده.
السوئال:هل منع تعدد الزوجات صالح لكل زمان ولكل مكان ؟؟
لا.. منع تعدد الزواج غير صالح لكل زمان و كل مكان ..
و بردو إباحه تعدد الزواج غير صالح لكل زمان و كل مكان!!و انا فاهما كويس إنه اباح و لم يجبر! لكن بردو لا انكر إستغلال البعض لهذا التحليل لصالحهم..ليس لحل مشكله قله الزكور و لا حل مشكله ارمله او حل مشكله عانسه بل حل مشكله كثره شهوه!
[QUOTE]

نيجي بقى لسؤال حضرتك .. أولا حضرتك وقعتي في خطأ فادح في السؤال ده في كونك قارنتي بين حكم بالتحريم ، و حكم بالإباحة ..

ارجوك يا استاذ اسد هادى لا تنسى إنى مسيحيه و إنى اتكلم من منطلق قوانين دينى إلى من يوم ما إتولدت و انا بسمعه و بفهمه ..ارجوك متخدش كلامى على إنه إتهام منى انا ..فأنا دينى يقول من نظر لإمرأه و إشتهاها فقد زنا بها فى قلبه... و هذا لا يعنى إن كل الناس هتروح النار علشان إحنا اكيد بشر و اكيد فى لحظه ممكن نضعف بالفكر..بس هو قايل هذا حتى إن بدأنا نفكر نوقف نفسنا و نبكت نفسنا على هذا الفكر.. لإن أصل كل خطيه تنبع من القلب و الفكر..و إن إستمريت فى التفكير و التفكير سوف ينتهذ هذه الفرصه الشيطان و يحاول إقناعق بإتمام هذا العمل بأى شكل.. و لاكن لو بدأت ان تحارب هذا مجرد من الفكر فهذا يساعد كثيرافى عدم إتمام الفكره.. حتى يظل الفكر نظيف و يجد صعوبه الشيطان فى التحايل عليه..

ايوا انا فهمت مقصد حضرتك بس بردو هل يستخدم الناس هذه الإباحه بالطريقه الصحيحه؟؟

انا فاهما كويس إن حضرتك اخذت نقطه واحده بس إلى هى نقطه الحرب..
و هل شرع و حكم الله ينفع ناخده كله بالمنطق و الواقعيه؟؟ إلى هو منطقنا البشرى و واقعيتنا البشريه .
"لانه كما علت السموات عن الارض هكذا علت طرقي عن طرقكم وافكاري عن افكاركم.
اشعياء 55 : 9
"
يعنى لو اهل إسرائل كانو مشو المنطق و الواقعيه مكنوش طلعو من ارض مصر حتى يومنا هذا!! و لكنهم إتكلو كليا على الله و كلمته و امره و تشريعه...و تركو المنطق و الواقعيه... قف- إصمت- و إنظر خلاص الرب... الرب لا يبداء بالعمل إلا إذا وقفت و صمت و إتكلت عليه كليا.(انا عارفا إممكن اسمع تريقه و إستهذاء بكلامى و هذا شى متوقع لأنى اعلم إنكم تتكلمون من منطلق دينكم و قوانينه.


كيف هذا يا استاذ اسد هادىء طيب ما ده بيحصل صب عن الإنسان.. حضرتك تقدر تتحكم فى قلبك و إحساسه ..غصب عنك قلبك هيختار او هيفضل؟؟
طيب حد علمى رسول المسلمين نفسه رغم كل اعداد زواجه و هذا بخلاف ملكات اليمين كان يفضل السيده عائشه؟؟و هذا كان ظاهر و واضح و مسره للكل!ما الحكم هنا!" من كانت له زوجتان فمال إلى إحداهما جاء يوم القيامة وشقه مائل"

انا لا اقصد هذا ابدا انا اقول هذا ما تعامل به الناس!او بعض الناس..
فأنا اعلم رجال مسلمين موئمنين بالله و زوجتهم لا تنجب وسئلتهم لماذا لاتتزوجو بأخرى و كان ردهم :" هذه مشيه الله و لو تزوجت سوف اظلم هذه الزوجه لإنه سوف يكون زواج لمصلحه الإنجاب فقط و ليس اخر .. ولا احبذ هذا.. و قال قد يكون الله لم يعطيهم اولاد حتى يرعو اولاد اخرين بدون اهل!"فقد إحترمته جدا جدا جدا لإن هذا هو الفكر الذى انا تربيت عليه.و غير هذا الرجل تحديدا عندى امثله كثيره لمسلمين موئمنين و متكلين على الله..

طبعا عيب انا لم اقصد بكلامى هذا و اسفا لو كان إسلوبى اعطى هذا المعنى ..انا يا استاذ اسد هادى صدقنى بتكلم و بقول كل إلى فى قلبى بجد مش قاصدى اغلط...
انا كنت بتكلم كدا علشان انا فهمت او شعرت هذا من كلام حضرتك..لما جبت مثل الارمله حضرتك قولت علشانيصرف عليها هى و عيالها.. ففكرى راح لكدا..بس مش هو ده طبعا قصدى.. و انا لا انكر إستغرابى لهذا عندما قرأت التوراه.. و سئلت ساعتها احد يفهم فى الدين عنى:
منين الدين المسيحى يمنع التعدد و ملكات اليمين و منين سيدنا موسى تزوج اكثر من واحده و سيدنا إبراهيم انجب من جاريته!! و كان الرد :ده العهد القديم ده كان زمان علشان النسل البشرى يكتر ..بس كل هذا ليس فى العهد الجديد.
بس بردو بعترف إنى لما افكر فيها بالعقل اوى اوى اجد حالات التعدد فيها رحمه بردو!
يعنى مثل: زوجه مرضت مرض شديد و لا تتمكن من تلبيه طلبات زوجها هو بردو بشر و لاه رغبات و ممكن يغلط ما هو رجل مش هيعيش بتول فيجب ان اعترف إن الله وزع الإمان درجات يعنى لو واحد قدر يستحمل التانى ممكن ميقدرش..فتفضل على زمته و فى ظله و حمايته و يتزوج هو بأخرى..بس بردو هيبقا هذا الذواج لمجرد إشباع الرغبه الجنسيه التى اصبحت زوجته لا تتمكن من إشباعه إياها.. فلو الله صرح بكدا يبقا رحم هذا الرجل من الزنا!!
كلام منطقى بردو مقدرش بعقلى انفيه!!

بجد!! بس هل يعمل الناس بهذا !لهذا ذهب البعض بالزواج فى السر..هل كل هذا يعتبر غلط؟و ما الحكم إذاوافق و بعد هذا رغب فى الزواج من أخرى بردو؟

اعلم طبعا الإختلاف الجسدى بين الرجل و المرأه و وضحته فى تعليقى على رأس الموضوع..بس حسى إن حضرتك تقصد فرق اخر!ممكن توضح شويه النقطه دى.

طبعا ليها حق إنها تتجوز انا مقلتش لا دينى لا يحرم زواج الارمله.. بس عندك حق كلامى يفهم بهذا المعنى..بس لم اعنى هكذا.. اسفا

طبعا المرأه فى حاجه لكل ده مفيهاش نقاش.

دي كده من الناحية الشخصية الفردية

لكن الأهم من كده ..

عندك حق بردو لو فكرت بالعقل فى هذه المواقف او المحن و ليس فى العادى.

ايوا ضروره فى هذا الموقف... ...بس انا لا انكر إستخدام الكثير لهذا التعدد بالطريقه الخطاء.. و هى إشباع لرغبه.
"ارجوك مش عايزا كلامى يضايق حضرتك انا بتناقش بجد علشان افهم."




لا طبعا البشر مش هيوجب الله عز و جل على شىء لم اعنى هذا..اسفا ..عندك حق ان تستفذ من كلامى..اسفا.

و هل البشر عادل؟؟ إن حاول ان يعدل فى الظاهر لن يتمكن فى العدل فى الباطن فى المشاعر.. لا انكر بردو إن العدل فى الحاله دى بردو تحقيقه صعب.

و هذا يعنى إن كل إلى بنشوفهم و بيعطونا ليهم امثال فى المسلسلات كلهم مشيين غلط فى غلط...امال مين إلى ماشى على الدين صح!!قله بردو!


ايوا بس اوقات بتوافق لرغبتها فى الذواج او ان احد يعولها مادياو تفوق بعد الزواج بفطره عندما تبداء تشعر برغبتها ان تكون ام.. و تبداء المشاكل عندما تحمل.. ممكن يطلقها او او او.. البشر مش كلهم كويسن.. بس بردو مينفعش نرجع تحايل البشر و اخطائهم على تشريعات الله و قوانينه..



كالمعتاد!! اكيد طبعا إختلاف الدين يسبب إختلاف الفكر و يسبب نظر كل طرف لفكر الاخر بإنه غريب.فأنا لا انفى بردو إستغرابى للكثير من الكلام .
اما من ناحيه منع او ممنعش فهذه اوجه نظر...ممكن تكون منعت فى حالات و ساعدت على الإكثار فى حالات تانيه..مقدرش انكر الكلام ده.

سوئال بس.. مدام اباح التعدد ليه اباح الطلاق إذن!!!!
هذا سوئال إعتراضى فقط و بدأت تظهر لى إجابات عليه.. بس إجابات متضاربه...
لا صدقنى مش تهريج... انا بتكلم من العالم إلى انا عايشا فيه و من الامثال إلى بشوفها قدامى..ممكن يكون عندق حق قلل الطلاق فى حالات بس زودها فى حالات تانيا.. على حسب الشخص و اخلاقه و نيته.

لو اخذتها من النحيا دى هيكون صح عندك حق..
فى حد ذاتها لا..بس تصبح مشكله عندما يصبح عدد السكان ا اكثر من الموارد.. ز هل البشر إلى بيتجوز بدل الواحده اربعه بيفكر إن كان هو هيتسبب فى المشكله دى؟ او اصلن بيفكر هل البلد تتحمل سكان اكثر من هذا العدد؟؟
البشر عمتا بيفكر و يقول مش انا إلى هعمل المشكله ..لو المشكله موجوده هتبقا موجوده لو لاء يبقا لاء مش انا إلى هذود ولا انا إلى هنقص.)بس الحقيقه إنه بيفرق.

كلام حضرتك كله منطقى لا املك الإعتراض عليه.

انا فاهما بس هل هذا ما يتم فعليا فى الحياه؟؟؟؟فإن كان يتم فهو عدد قليل جدا.. و اللذى لا يمشى على هذا الكلام هو الكم الاكبر!

لا صدقنى انا بحاول اتكلم بعقلانيه شديده صدقنى بقدر الإمكان بحاول.

لا يا استاذ اسد هادىء إحنا متفقين إن البنات إلى بتتولد اكثر من الولاد يعنى لو تعدد الزواج هيتعدد طلقائى بردو عدد مواليد البنات!! كل شىء مرتبط ببعضه! كل شيء بالتفكير البشرى له ميزه و له عيب.. لا انكر.

لإن إحنى متفقين إن عدد إنجاب البنات اصلن اكثر من عدد الولاد!!
مثال: لو كل راجل هيخلف من زوجه واحده ثلاث اطفال نقول:
1 ولد و 2 فتاه
لو بنفس النسبه دى و تعدد الزواج إلى اربعه هيكون عندنا من الراجل ده لوحده 4 اولاد و 8 بنات!!دا غير طبعا إن ممكن يكونو 12 بنت او 10 بنات و ولدين.
و ممكن بردو يكونو كلهم 12 ولد!!يعنى من الاخر تعدد الزواج و كثره الإنجاب هيزود عدد البنات! الموضوع نسبه و تناسب بردو ..صعب بجد.


هو انا مش فاهما إه إلى ضايق حضرتك اوى حضرتك إلى طلبت منى اتكلم بعقلانيه و اطلع نفسى خالص بس غصب عنى مخى بيرجع للى إنا متعلماه و عرفا!! ذى ما كل كلام حضرتك مستند على إلى حضرتك متعلمه و موئمن بيه.. اعمل إه ..انا اسفا.. و لا اقصد الإدانه ابدا ابدا.صدقنى.
ح

عندك حق انا اسفا لم اقصد صدقنى إنى ادين..انا اعلم إن هذابالنسبه لك تشريع الله..
بس بردو اقول إن تعدد الزواج لم يحل مشكله العس! ممكن يكون حل مشكله العانس الحاليه بس العانس دى هتجيب اطفال...
يعنى لو قولنا أن الراجل لاذم يتزوج زوجه واحده و خلف 2 بنات نقول النص هيتزوج ..يعنى واحده هتكون عانس.. و لو تزوج اربعه نقول هيجيب نفس النسبه يعنى 8 بنات و النص هيتجوز ..يعنى هيكون هناك 4 عوانس...
زود مشكله العنس ولا لم يزود!!لن يضع تشريعا لا يصلح للحياة


حضرتك ياريت تكمل كلامى كله:
ده حتى العقل البشرى مش قادر يستوعبها!!يعنى حتى يومنا هذا ينظر المجتمع حتى لو مسلم للراجل إلى متزوج اكثر من واحده على إنه بصباص و بتاع ستات.. و تعتبره الزوجه المسلمه خانها فى مشاعرها و خانها فى كل شىء... فالمشاعر واحده يا استاذ اسد ... السيده تغير على زوجها الذى تحبه من اى سيده اخرى مثل ما يغير الرجل على زوجته من اى رجل اخر..... و تنجرح المرئه جرح كبير عندما يتزوج الرجل بسيده اخرى خصوصا لما تكون الزوجه شايفه واجبها مع زوجها ولا تقصر فى شىء.
و لاكن انا لا انفى بكلامى هذا إنى اجد عدم الطلاق فى الدين المسيحى هذا صعب جدا ايضا."
انا لم اتكلم على نفسى انا تكلمت على ما اراه من اراء و احكام الناس المسلمين فى بعض..و طبعا عقلى لا يعبر عن العقل البشرى..و ليس من حقى ان اضع قاعده للكل على حسب تفكيرى!فقد يكون عقلى من العقول التخينه!

عند حضرتك حق فى كل كلامك..انا بحاول اقدم العقل بس غصب عنى يتقدم الإمان.. و ممكن بردو العاطفه النسائيه تكون عمله شغل..و لا انكر وجود نفس العاطفه النسائه عند اغلب السيدات المسلمات..فهذه مشاعر خلق الله المرأه بها..
و لو تكلمنا على المشاعر بس هنقول ذى ما الراجل لا يقبل ان تكون زوجته فى داخلها مشاعر له و لرجل اخر..هذا نفسه عند المرءه كم هو صعب ان تتقبل المرأه ان يقصم الرجل مشاعره على نساء اخرى غيرها!
و لا انكر عندما يكون الرجل عنده بنت و يأتى زوج بنته و يتزوج على إبنته و يرى الاب حرقه قلب إبنته و مرارتها هذا يزعجه جدا..
العاطفه البشريه الابويه ممكن تعترض بردو!!


عندق حق كلام غريب مينفعش نلزق سبب الحروب فى الإسلام و انا معاك فى كلامك و لم انقده!

لا يا استاذ اسد هادى طن حضرتك مش فى محله !!
انا اولا أنا مدخلتش غير منتدى واحد مسيحى و إشتركت فيه يوم 17.08.2011
و لم يوجه احد كلام سيىء على الإسلام ولا المسلمين.
و غير كدا حضرتك ليه بتعتبر دفاعهم عن دينهم بإنه كذب على الإسلام...
اكيد طبعا بما إن حضرتك موئمن و مقتنع بدينك هتفكر كدا.. و ده بردو هيكون تفكرهم فى المنتديات الإسلاميه!! كل واحد فى الارض دى مقتنع بحاجه شايف إن هى دى الصح و لو احد حاول ينقده او يختلف معه فى الرائى اصبح عدو و مدعى و كاذب..بكدا كلنا بالنسبه لبعض مدعين و كذبه!! و كل دين عنده ادلته و إسباتاته و إقناعاته. ليه المسلمين الشيعه شيفين إن هما إلى صح و الباقى غلط!!
مين صح و مين غلط!! يا الله انت العليم بكل شىء و القادر على كل شىء..



نعم انا معاك و ما اكثر الايات اللتى تحث على هذا ..بس لا تنكر إن فى ايات تحث على العكس.. او قد يفهما الناس غلط..امال ليه هناك خلط بين تحديد إن كان ناس إرهابيين او ينفزو امر الله!!
مثال :استاذ إبن لادن: للبعض هو شهيد و نفز اوامر ربه فى الجهاد..و للبعض هو فهم دينه خطاء و اساء للإسلام.. مين صح و مين غلط..ولا الموضوع على حسب هو بص على انهى أيه مدنيه او مكيه..بس على ايه و لم يبص على الايه إلى فى صوره تانيا إلى بتنفى هذا الحكم!!


[COLOR="green"]للأسف حضرتك إتهمت و اصدرت قرار خطاء..

لا تدينو لكى لا تدانو لإن بنفس الدينونه اللتى بها تدينون تدانون.[/COLOR]


انا حاولت ارد حسب طلب حضرتك.. اشكرك و احترم كلامك و رأيك اى ان كان و اعلم إنك تستند على كلام دينك ..فأنا يجب ان احترمه و اتفهمه.و اسفا لو فى اى كلامى غصب عنى ممكن يكون شىء إستفزك لاكن صدقنى بدون قصد..صدقنى انا بحاول احكم عقلى و ابعد إمانى..بحاول قدر الإمكان..بس حضرتك صعب اوى ..اوى بجد!
الله الموفق إن شاء الله
و أن شاء الله تكون صحتك افضل النهرده.

أيتها الزميلة الفاضلة : محبة الناس:

إكرر(رجائى) بالدخول الى هذا الرابط: الذى يثبت ان التعدد شريعة الكتاب المقدس أيضا!!!!!
\
https://www.elforkan.com/7ewar/showthread.php?t=17222

يا أخت محبة الناس ، أنا مقلتش انك بتعترضي على تشريع الله لما تعترضي على التعدد .. أنا بقول حضرتك طالما أثناء ردك عليا ، لما تلاقي أي تشريع عندك مستحيل التعايش بيه بصورة دائمة .. و هيؤدي لمشاكل فردية و مجتمعية كبيرة زي اللي اتكلمنا عنها .. بيكون ردك غير عقلاني و بيعتمد فقط على المعنى " لازم نثق في تشريع الله حتى لو لقيناه بالعقل مش مناسب" .. لازم يكون ده مبدأ عام .. بمعنى عدم الاعتراض على أي تشريع أيا كان .. سواء كان تشريع إسلامي أو مسيحي أو يهودي أو بوذي أو أي شيء .. مينفعش حضرتك و انتي بتتناقشي تعترضي على أي تشريع حتى لو عقلك ما تقبلهوش (( طالما هي دي كيفية ردك على أي اعتراض على أي تشريع مسيحي)) ... و يكون حوارك فقط حول إثبات " هل هذا التشريع أصلا من الله ؟؟ " يعني البحث من الأصل اللي هو إثبات صحة نسبة الكلام لله فقط و بعد كده أي تشريع سواء تقبلناه أو لأ ، فهمناه بالعقل أو لأ .. يلزم التسليم بيه .. ده كان كل قصدي ، لأنه طالما ردودك على النقطة دي تعتمد على " الثقة بالله" بدون أي حديث عقلي بأن التشريع يصلح ، يجب أن تكون انتقاداتك أيضاً غير عقلية بل تتعلق فقط بالأصول .. هل محمد نبي أم لا ؟؟ فقط !

لأن إثبات انه نبي ، يعني اعتبار كل تشريع في الإسلام يندرج تحت كلامك حول " الثقة بالله و حكمته و علمه حتى لو مفهمناش بالعقل"
و إثبات انه ليس بنبي ، يعني رفض ما جاء به ، حتى لو كان أكثر منطقية بالنسبة لعقولنا


هل قصدي وضح ؟؟

طبعا احنا بنتعامل مع غير مسلمين ممن لا يعتمدون على هذا المبدأ أصلا ، فبالتالي الرد بيكون بنفس الأسلوب .. هو بيعترض على تعدد الزوجات بالعقل فقط زي ما حضرتك اعترضتي ، فبنرد عليه بالعقل ..أما طالما حضرتك بتدخلي مسألة " الثقة بالله " في الرد ، و طبعا هي مطلوبة جداً لكنها لا تصلح كثيراً في الحوار الديني مع أصحاب الديانات المختلفة لأن " الله" الذي تقصدينه يختلف عن " الله" الذي أقصده تماماً.. يعني مينفعش أصلا _في مناظرة_ تستغل النقطة دي من الأساس.. لكن نحن الآن لسنا في مناظرة بل حوار .. لذلك أرجو منك اختيار مبدأ ثابت تسيرين عليه

1 كو 6 : 16
أَمْ لَسْتُمْ تَعْلَمُونَ أَنَّ مَنِ الْتَصَقَ بِزَانِيَةٍ هُوَ جَسَدٌ وَاحِدٌ؟ لأَنَّهُ يَقُولُ: «يَكُونُ الاثْنَانِ جَسَدًا وَاحِدًا»