حياكِ الله اختى الفاضلة امة الله الاندلسية

مرحبا بكِ وبافكارك النيرة

فكرة رائعة _ موفقة بأذن الله

ممكن ابتدأ بهذه الحدودة المصرية المعروفة

حدوتة التلات معيز

كان يا مكان يا سعد يا اكرام وما يحلى الكلام الا بذكر النبى عليه الصلاة والسلام

كان فى مرة تلات معزات معزة اسمها ماز ومعزة اسمها حاز ومعزة بتضرب بالعكاز
كانوا التلاتة اخوات بس بقى يا شاطرين فى يوم مامتهم خرجت راحت السوق تشترى برقوق وقالتلهم

يا يااولادي يا حلوين انا راحة السوق بس اوعوا تفتحوا الباب لحد مهما حصل عشان التعلب المكار
فقالولها حاضر يا ماما مش هنفتح لحد ابدا وخرجت مامتهم وبعد شوية حد خبط على الباب فقالوا مين مين
فرد التنعلب المكار وقلهم انا مامتكم افتحوا فعرفوا المعزات انة التعلب عشان مش كان صوت مامتهم ومردوش يفتحوا وقالوله انت
التعلب المكار ففكر التعلب وبعد شوية رجع تانى وخبط على الباب وقلد صوت مامتهم وقالهم افتحوا ولبس كمان لبس زى بتاع مامتهم فراحت المعزة حاز تبص من الشباك عشان تعرف هى مامتهم ولا لا وهو عمال يقولهم افتحوا ما تخافوش وبعدين المعزة حاز افتكرت انة مامتهم وقالتلهم افتحوا الباب ففتحوة ولقوة التعلب المكار فجريت التلت معزات برة البيت وكل واحدة قالت انا هبنى بيت وهستخبى فية المعزة حاز راحت جابت شوية اش وبنت لها بيت وقعدت فية والمعزة ماز جابت شوية حطب وبنت بيت وقعدت فيه

بس المعزة اللى بتضرب بالعكاز بقى راحت جابت طوب واسمنت وزلط وبنت لها بيت وقعدت فية
وبعدين رجع التعلب وراح عند المعزة حاز قالها افتحى الباب قالتلة لا فنفخ نفخة طير البيت واكلها
وبعدين راح لبيت المعزة ماز قلها افتحى قالتلة لا فنفخ نفخة طير البيت واكلها
وبعدين بقى راح للمعزة اللى بتضرب بالعكاز قالها افتحى قالتلة لا فنفخ نفخة ومعرفش يطير البيت ونفخ تانى وتالت ورابع ونعرفش
فبص فوق لقى البيت من غير سقف فجاب سلم وطلع لحد فوق بس المعزة اللىبتضرب بالعكاز كانت عاملة حسابها

وحطة حلة كبيرة اوى وفيها ماية بتغلى فنزل التعلب المكار ووقع فى المية السخنة ومات وطبعا مامتها زى البوليس المصرى بتيجى فى النهاية وفتحوا بطن التعلب وطلعوا اخواتهم ماز وحاز
اوعوا تكونوا نمتم وادى جزاة اللى ما يسمعش كلمة ماما تقلها


وفى انتظار حدوته جديدة

فكرة أكثر من رائعة
واسمحوا لى بهذه الحدوتة الصغيرة

الزرافة زوزو

زوزو زرافة رقبتها طويلة ..
الحيوانات الصغيرة تخاف منها .. مع أنها لطيفة … لطيفة …
عندما تراها صغار الحيوانات تسير تخاف من رقبتها التي تتمايل ..تظن أنها قد تقع عليها …
أحيانا لا ترى الزرافة أرنبا صغيرا أو سلحفاة لأنها تنظر إلى البعيد ..
وربما مرت في بستان جميل وداست الزهور ..
عندها تغضب الفراش و النحل ..
الحيوانات الصغيرة شعرت بالضيق من الزرافة ..
الزرافة طيبة القلب .. حزنت عندما علمت بذلك ..
صارت الزرافة تبكي لأنها تحب الحيوانات جميعا ..
لكن الحيوانات لم تصدقها …
رأت الزرافة عاصفة رملية تقترب بسرعة من المكان ..
الحيوانات لا تستطيع رؤية العاصفة لأنها أقصر من الأشجار..
صاحت الزرافة محذرة الحيوانات ..
هربت الحيوانات تختبئ في بيوتها وفي الكهوف وفي تجاويف الأشجار ..
لحظات وهبت عاصفة عنيفة دمرت كل شيء …
بعد العاصفة شعرت الحيوانات أنها كانت مخطئة في حق الزرافة فصارت تعتذر منها ..
كانت الزرافة زوزو سعيدة جدا لأنها تحبهم جميعا …