هادوقكم ممبار وكرشة وكوارع و لسان مع الفته الفلسطينية

اولا تجيبي اللسان بعد تنظيفه و سلقه تقطعيه دواير و في الصنية يتحمر علكول

الكوارع بعد ما تنظفيها تسلقيها و بتقطعي معاها بصلة و طماطماية و تحطي ورق لاوري و عود قرفه و حب هان و ملح و فلفل اسمر و شوية جنزبيل

الممبار و الكرشة هنحشيهم بنفس الحشو
بعد ما بنظف الممبار و نقطعه حسب الطول المناسب و الكرشة كمان بنقطعها مربعات و نخيطها و نخلي فيها فتحة من الجنب عشان نحشيها

نحضر الحشو
نجيب بصل و نقطعه و نذبله في شوية زيت لحد ما يصفر و نقطع معاه فصوص ثوم

نغسل الارز
و نجيب لحمة مفرومة يعني على كيلو ارز نص كيلو لحم مفروم و نخلطه مع الارز و البصل و نضيف ملح و فلفل اسمر و بهارات و نضيف معاهم حمص الشام مسلوق

نحشي الممبار من غير مكا تمليه عشان ما يفرقعش
و الكرشة تحشيها و تخيطي الجني المفتوح

تكوني مجهزة حلة فيها مية مغلية على النار و تسقطي فيها الممبار هتلاقيه بيقفل لوحده من الجنب و تحطيله بصلة مقطعه و كمان ورق لاوري و عود قرفه و حب هان و ملح و فلفل اسمر
نفس الشئ بالنسبة للكرشة
و نعمل ارز ابيض عادي

نجيب الرقاق و نقطعه و نحطه في صنية اكل و نسقيه بشوربة الكوارع لحد ما يطري و يتشرب و نحط فوقيه طبقه ارز و نسقيه برشة شوربة عالوش و نحط عليه الكوارع و اللسان و بقيه المتفجرات هههههههههههههههههه

و نحط شوربة في سلاطين و ممكن نعمل دقه توم و فلفل نعصر عليها لمون و نحط عليهم شوية شوربة في سلطانية بتتحط على الفتة بتكون تحفه و اخليكم مع الصور