تويت
أخواتى الفتوكات ...
دى طريقه سهله و سريعه لتورتة الميل في ...
بس طبقات (( الميل في جاهزه ))..مش أنا اللى عاملاها.
الطريقه دى بتنفع جدا لو عندك ضيوف أو مناسبه و مستعجله و عايزه تقدمى حاجه من ايديكى بتعمليها حتى قبل ما الناس ييجوا بساعه أو ساعتين
فى خلال 5-10 دقائق بيبقى عندك تورته فاخره .. زي الجاهزه بالظبط و أحلى كمان.
حتجيبى:
1-الرقائق جاهزه من السوبر
ماركت ( أنا بجيب نوع حلو خالص أسمه الطحان ..معمول بالزبد الطبيعى ) .
2-بودرة كاسترد جاهزه برضه أى
نوع ..بس النوع الأماراتى ده كويس أوى ..
3-لبن
4- سكر حسب المذاق
5- فانيليا
6-لوز مكسر أو بندق مكسر
7- سكر بودره للتزيين .
الطريقه :
1-حتعملى الكسترد حسب الأرشادات و لا تجعليه مبالغ فى كثافته ..يعنى متوسط الكثافه و طعم السكر يكون واضح شويه.
2- اتركيه يبرد شويه ..خدى بالك لما
يبرد حيتقل عن الأول.
3-ضعى الطبقه الأولى من ( الميل في ) و فوقها طبقه كثيفه من الكسترد الدافىء.
4-ضعى الطبقه الثانيه من ( الميل في ) و فوقها طبقه كثيفه من الكاسترد .
5- ضعى الطبقه الثالثه من الميل في و فوقها سكر بودره.
6- ادهنى الجوانب بطبقه سميكه من الكسترد و الصقى عليها اللوز المكسر دائريا.
7- رشى سكر بودره تانى على الوجه.
8- ممكن تكتفى بهذا القدر من التزيين و ممكن تقطعى بعض الفواكه ..بس تكون كميتها بسيطه علشان السكر البودره لازم يظهر.
9- تترك فى الثلاجه ساعه أو ساعتين ..
و ده الشكل النهائى
و ممكن برضو ترشى شوية لوز مكسر على الوجه حسب الرغبه.
مفيش أسهل و لا أسرع من كده
و بصراحه فى منتهى الفخامه و تكلفتها قليله .
حازت على أعجاب الضيوف بفظاعه ...لحسوا الأطباق هههههههههههههههههههههههههه
و الله التورته أتعملت أسرع و أسهل من كتابة الموضوع ده و تنزيل الصور
هههههههههههههه
الموضوع الأصلي : <font color="#FF0000" size="2" face="tahoma">احلى حلى فى العالم<font color="#FF0000" size="2"> -||- المصدر : منتديات طريق الحور العين -||- الكاتب : <font color="#FF0000" size="2" face="tahoma">الكناريا
بارَكَ الله في كل من نقلت منه واجزه اللهم عني وعن المسلمين خيرا