الموت هيّن !!


فلاش مؤثر ..


هُــنـَـا

https://www.saaid.net/*****/moot.htm





الموت هيّن والبلى وش روى المـوت
عند الحسـاب يهـون سهـم المنايـا
باكر نموت وتصبـح قبورنـا بيـوت
وعقـب القصـور بضيقـات الزوايـا
في جوف الارض وكل من حولك سكوت
وتعاقبـن بالقبـر عــوج الحنـايـا
يـارب يامنجـي نبيـك مـن الحـوت
سترك وعفوك يـوم كشـف الخفايـا
باكر ليا جينـا علـى داعـي الصـوت
شيبـان واطفـال وشبـاب وصبـايـا
ندعـى وحنـا بيـن باكـي ومبهـوت
ورحنـا لهـا ننقـاد مثـل السبـايـا
يـارب تهدينـي قبـل لحظـه الفـوت
وتغفـر ذنوبـي ياكـريـم العطـايـا
اشكيك هـم داخـل الصـدر مكبـوت
وايامـي الـلـي بالخطـايـا مـلايـا
ان لاذبك من كـان طايـع ومبخـوت
في من يلـوذ المرتكـب للخطايـا..؟؟
يـارب ياقـادر علـى كـل طاغـوت
لاياقـف اللـي وحـدوبـك خـزايـا
رحماك لامنـا صحينـا مـن المـوت
واليـا وقفنـا عنـد بابـك عـرايـا