يا سارة المسيحية .. انتي بنفسك قلتي الحق بس مش عارف تقصدي ولا لأ..

قولتي: بس الله بالعين ما شافوه لكن بالعقل عرفوه

بالظبط .. مقتضى كلامك ده وبالظبط ان المسيح عيسى ليس هو الله..
لإن المسيح عيسى عليه السلام الناس شافوه فعلا بعنيهم ولمسوه وسمعوه

أما الله الخالق الحقيقي فيجب أن تستدل عليه العقول بأدلة يقين قبل أن تسلم للإيمان القلوب ولم يره أحد ولا يستطيع في الحياة الدنيا.. هو ده الحق اللي انتي قولتيه بالظبط

"ما المسيح ابن مريم إلا رسول قد خلت من قبله الرسل وأمه صديقة كانا يأكلان الطعام"

ليه الإنسان بيستخدم عقله ببراعة فائقة ومهارة وعلم في كل شيئ يعود عليه بالنفع المادي .. أما في الأهم والذي سيترتب عليه الأبدية في النعيم أو الجحيم فتجده يلغي كل ذلك ويؤمن بما لا يمكن شرحه أصلا .. فضلا عن الاقتناع واليقين به؟!!!!

يا سارة .. عباد البقر والحجر بيقولوا نفس الكلام ..
آمن بقلبك وامشي معانا لإن حكايتنا هذه لن تفهمها بالعقل

يبقى على أي أساس أختار هذا من ذاك؟!!
وازاي ربنا هيحاسبنا إذا كان كل واحد بيقول
صدقني انا .. وآمن .. وسيبك من حكاية العقل دي
والتاني يقول صدقني انا وآمن .. وسيبك من حكاية العقل دي
والتالت .. والرابع كذلك..

يبقى لازم يكون في حاجة تفصل بين كل من ادعى قبل ما أسلم قلبي لحد واصدقه..
لازم يكون في عقل يفصل بين كل من ادعى الحق.

وبعدين احنا لو لغينا العقل تفتكري هنكون أيه؟!!
إما هنكون حيوانات أو مجانين

وانتي شايفة طبعا الحيوانية والجنون والشذوذ وزنا المحارم والجرائم والاغتصاب والانتحار والإدمان والضياع والأمراض والتفرقة العنصرية وقسوة المدنية المجرمة وسحقها للفقراء والضعفاء في الغرب
ومتقوليش عندنا زيه ..
لإن الغرب هو الحضارة الغالبة والباقي إن كان فهو صدى ليهم وتقليد .. والنسبة لا تقارن

عموما .. كل ده لإن العالم اللي صنعه الإنسان لنفسه قام على فكرة ألغى فيها عقله
رغم انه بيستخدم عقله ببراعة فائقة في كل ما يجلب عليه النفع المادي بمهارة وعلم وامتياز .. لكن الأساس الأول ألغى فيه عقله

متقوليش أيه علاقة هذا بذاك لإن الأصل في البداية انهم لغوا عقولهم في الإيمان وصدقوا العجايب فبالتالي عملوا الأعجب .. يعني أصبحوا مجانين وحيوانات مع بعض
شوفتي لما العالم ألغى عقله في الإيمان وصل لأيه؟

طبعا في حاجات جميلة كتير لا تنكر ولكن على غير أساس مناسب لطبيعة الناس
زي اللي بنى ناطحة سحاب ضخمة وبارعة الجمال وفائقة الإمكانات.. ولكن ..
على جذع شجرة


العزيزة سارة .. بغض النظر عن كونك مسيحية أصلا أو كنتي مسلمة وتنصرتي فهذا لن يفرق في كلامنا معاكي شيئا

لإنك في كل الأحوال لم يصلك أبدا جمال الإيمان واليقين القائم على أدلة العقل
لإنه والله لو وصلك منه قطرة واحدة فقط لكنتي علمتي أن فوات كل نعيم الدنيا هو أهون عليكي من فوات لحظة مع هذا النعيم

"ومن الناس من يتخذ أندادا يحبونهم كحب الله .. والذين آمنوا أشد حبا لله "

العزيزة سارة لا نشك في أصلك الطيب ..
ونلتمس لك العذر وان الشتم والسب كان رد فعل منك على حقيقة
ولكن عرضت .. لاسعة .. لاذعة .. موجعة .. لكنها الحقيقة!!

" لَقَدْ كَفَرَ الَّذِينَ قَالُوا إِنَّ اللَّهَ هُوَ الْمَسِيحُ ابْنُ مَرْيَمَ قُلْ فَمَنْ يَمْلِكُ مِنَ اللَّهِ شَيْئًا إِنْ أَرَادَ أَنْ يُهْلِكَ الْمَسِيحَ ابْنَ مَرْيَمَ وَأُمَّهُ وَمَنْ فِي الْأَرْضِ جَمِيعًا وَلِلَّهِ مُلْكُ السَّمَاوَاتِ وَالْأَرْضِ وَمَا بَيْنَهُمَا يخْلُقُ مَا يَشَاءُ وَاللَّهُ عَلَى كُلِّ شَيْءٍ قَدِيرٌ "

مش عارف اذا كان كلامي ده هيوصلك ولا لأ ..
بس حسيت ان ده من حقك علينا ..
وانك تستحقي أفضل من كده لذا حبيت اقربلك المفاهيم شوية
لإن ده جزء من حقك علينا .. وجزء من مهمتنا كمسلمين

ربنا يهديكي للحق قبل فوات الأوان