[poem=font="Arial,6,green,bold,normal" bkcolor="transparent" bkimage="" border="none,4," type=1 line=1 align=center use=ex num="0,black"]
عنتر سيبك من أمجادك = مابقتشي إنت أشجع مغوار
إنسى السيف والحربة وأدهم = وإكتفي يا أسمر بالأشعار
إجلس واسمع يمكن تفهم = حكايات شمشون الجبار
وإن عقلك أدرك فهمني = أصل أنا عقلي فيه إحتار
وهما قالولي علشان تفهم = لازم الروح تملا الأفكار
بس الروح مش عايزة تجيلي = ولا بالليل ولا وسط نهار
شفت صاحبنا الجامد شمشم = ألحق وحده بألف دمار
بلا رشاش ولا مدفع آلي = ولا سهم بترميه أوتار
ولا عنده قنبلة نووية = ولا هندي صارم بتار
كل سلاحه - وإياك تضحك - = كان لا مؤاخذة فك حمار
ومرة لمَ تلات ميات = ثعلب ديله طويل مكار
وقام المؤذي قايد فيهم = بين الديل والديل النار
علشان يحرق خير الأرض = مجرم باغي من الأشرار
عنتر مالك عمال تضحك = دا كلام بايبل ما هو هزار
تعرف؟ عندك حق يا عنتر = تنكر يا أسمر دا الإنكار
ظني صاحبنا كان قرداتي = ماشي بقرد وطبلة وطار
بس الكاتب كان راضي عنه = قام جاب سيرته في الأسفار
والعملية وسعت منه = غشه في خمرة الخمار[/poem]