صديقتي حا تطلق من زوجها
المشكله الي حاكتبها دلوقت مشكلة واحده اعرفها ومش لاقيه لها حل يا ريت حد يساعدها
انا دالوقتى عند ابويا بعد ما جوزى لاول مرة بعد 5 سنوات جواز وهو شايف انى مستحملة كتييييييييير من امه وابوه علشان خاطره ومعايا احمد وشهد وكنت من اول جوازى مهما يحصل من اهله استحمل عشانه واقول دول ضيوف وعيشى ما فلانة مستحمله ومستحمله وغيرها وغيرها واللى يشوف بلاوى الناس تهون عليه بلاويه وماشية يوم حلو و20 زى النيلة وبردو بقول الحمد لله وابويا واخواتى يسألونى عاملين ايه معاكى اقولهم الحمد لله مفيش حد احسن منى فى الدنيا على امل انهم يشيلولى دى جميلة ويتعدلو شوية بس ابدا واخيرا حمايا اللى راح يشتكى منى لاختى وجوزها قال ايه طلع عندى ولاقانى لبسة قميص مش عاجبه وقالهم وامنهم يقولوا لابويا وطبعا مستنى ابويا يرد عليه فانا قلت لابويا انت وهو ملكوش دعوة بلبسى فى شقتى وحمايا كدة بتكلم كحقوق لابنه فانت كمان تتكلم فى حقوقى وبدئت اشكى لابويا من عمايلهم وكمان طلما هم اللى بدئوا وهم ملهمش حق الشكوى منى خصوصا ان حتى شكوته اللى جى يتكلم فيها ملوش اى حق انه يتكلم فيها وراحله ابويا وبدأ يقوله ان بنتى بتشتكى منكم فى كذا وكذا فجئت بحماتى رقعت بالصوت وفضلت تصوت لحد ما وقعت من طولها واغمى عليها فحمايا قال لابويا للكلام بقية لما الولية تفوق طبعا ابويا مشى وهو مش فاهم اى حاجة وبعد ما مشى لقيت حمايا واقف قدامى وبيقولى على الطلاق بالتلاتة ابوكى ولا اخواتك ولا اى حد من طرفهم يدخل البيت طول ما انا عايش ولو مش عاجبك اتفضلى معاهم طبعا انا قلتله لاء بيتى وولادى قالى واحنا هنشيلك على رسنا طالما انتى اشتريتينا وبعد يومين المعاملة بقت اسوء وجوزى لاول مرة يضربنى من تحت راس امه ويوم الوقفة اتلككلى وضربنى ضرب موت وعورنى فى وشى وطردنى انا وابنى عنده سنة وتانى يوم بعتلى بنتى عندها 5 سنين ولحد دالوقتى ولا حد جة ولا عبرنى
وعشان كدة انا قررت الطلاق منه
قلولى اتمسك بقرارى ولا قرارى غلط ومينفعش افكر فية؟؟؟؟؟؟؟؟؟؟؟؟ احترت
المشاركة الأصلية كتبت بواسطة أبو أنس
المفضلات