سلام ونعمة

الحقيقة انا بجد مستغربة ومصدومة ان الكلام اللى بقرأه مكتوب عن السيد المسيح , يعنى انا عمرى ما غلطت فى جارانا المسلمين ولا هما غلطوا فينا . حتى لما جارنا مات ابنه أحمد بابا كان واقف معاه من اول ما تغسل لحد لما اندفن وكل الناس كانت بتقول " الله يرحم احمد " , وانا لما رحت مع ماما كان نعزى مامته كنا فى منتهى الادب وعمرى ما غلطت فى مسلمة كانت معاى فى المدرسة من اول الابتدائية لحد الانوية , وطول عمرنا فى المدرسة نهنئ بعبض بيعيد الميلاد وعيد الاضحى والفطر - وبنكون فرحانين جدا لما يجيى اى عيد منهم , لأنها أعيادنا كلنا ؟


لو كنت عايزين تنشروا الاسلام ده دينكم انشروه براحتكم , بس ليه الغلط ؟ وأجد وانا داخلة المنتدى واحد كاتب موضوع يقول ان الرب يسوع خروف ؟

انا شخصيا زى ما بنقول " مسيحية بطاقة " ولا حتى بروح اصلى فى الكنيسة لانى بعتقد ان ربنا مش محتاج عبادة من حد وغنى عنها , ولو أكلت جعان او ساعدت ضعيف يبقى انت كده أحسن من الف عبادة عبادة .

أرجوكم كفاية كده , وكل من عنده خير فى ديانه ينشره - وأكيد هنتقابل فى خط وسك نقدر فيه نساعد بعض ونعيش فى كون مختلف

كرستينا