السلام عليكم ورحمة الله وبركاته
أعزائي الأعضاء :
أحببت أن أوجهت نظر البعض وخصوصا المستخدمين الجدد للإنترنت أنه عليهم أن يعرفوا أن هناك من يحاولون القرصنة على أجهزت الكثير منا للاسباب الآتية :
1- سرقة الأموال خصوصا اللي بيستخدم بطاقات الإئتمان عن طريق النت
2- سرقة المعلومات الهامة على الأجهزة وخصوصا الباسوورد الخاص بك وغيرها من المعلوما الهامة
3- التحكم في الأجهزة ورئية ما تفعله والسيطرة على جهازك .
4- بعض الدول تستغلها كإستخبارات ومراقبة .
5- بعض العابثين من أجل اللعب وخلاص .

الحل :- توكل على الله وإفعل الآتي
دائما الحل فيك أنت وفي سكلوكياتك على الإنترنت
1- لا تدخل على المواقع الإباحية خصوصا لأن أغلبها تقوم بوضع ملفات تجسس بدون علمك على جهازك للتحكم فيه وإظهار إعلانات لها في أي وقت قد لا تكون أنت المستخدم للجهاز .
2- عدم الدخول على الموقع الغير معروفة لك والتبين من مصداقية المواقع التي تدخل عليها قبل دخولك عليها
3- عدم فتح الإيميلات التي لا تعرفها والتي تأتي من أشخاص مجهولين
4- وهو الأهم وضع برنامج أنتي فيرس قوي وتحديثه بإستمرار .
5- التأكد من فاعلية الفايروول الخاص بك .
6- لا تضف أي شخص لا تعرفه على برامج الشات ولا تفتح أي لينك يبعثه لك .
7- تعلم المزيد عن أساليب الهاكر حتى تأمنهم وذلك بالبحث على المنتديات الصادقة .

وأخيرا أحب أن أنقل لكم موضوع وجدته مكتوب على أحد المنتديات يتكلم في نفس السياق
إليكم الموضوع
اقتباس
بسم الله الرحمن الرحيم










الموضوع اللى أنا هئولو دلؤتى كنت بنظر له بنظرة سطحية (عادى جدا)
و مكونتش مدرك مدى خطورتة
تحذير لمن يهمه الأمر بتجاهل أى ايميل يحتوى على أنك فوزت بأى مبالغ مالية أيا كان المبلغ ..... ليه بئه؟؟؟؟؟
عشان ده طبعا بيبئا حوار معمول عليك....و مش أى حوار!!!
معظم اللى بيبعتوا الميلات دى بيكونوا نمرة واحد (عصابات)
سواء كانت عصابات مافيا أو غيرهم... و دول بئه بيبعتولك ميل يتضمن انك كسبت فلوس و ذلك عن طريق التالى:

The selection was made through a computer draw system attaching personalised email addresses to ticket numbers.Your email address as indicated was drawn and attached to reference and ticket number 008795727498 with serial numbers BTD/9080648302/06 and drew the lucky numbers and u win an amount of money

و دول قصتهم ايه بئه!! أو عيزين ايه منك !!:
كل اللى عيزينة فى المقام الأول ( فلوسك ) طبعا.... ازاااااى؟؟؟؟
أول حاجه بيتبعتلك ميل يتضمن محتواه على أنك كسبت مبلغ و قدرة..تمام
و هيطلب منك أنك تكتب شوية بيانات كده عن نفسك....زى كده:

You are to provide the claim agent with the under listed information as soon as possible:
1. Name In Full:................................
2. Address:.....................................
3. Nationality:.................................
4. Age:.........................................
5. ***..........................................
6. Occupation:..................................
7. Marital Status:..............................
8. Phone.......................................
9. Fax:........................................
10.Wining References:
E, TOTAL AMOUNT
Won............................................... ......
Ref /Ticket No: ........................................
Serial No: ............................................
Winning No:........................................

وبتختلف الفورمه دى من ميل للتانى....تمام
و طبعا أستحالة هتصدق أنك كسبت...بس عشان يشدك للحوار ده هتلقيه:


1- مديك مهلة عدة أيام و غالبا بتكون المهلة 7 أيام و لو مردتش تروح عليك الجائزة.

2- هتلئيه حاطتلك أسم البنك اللى هيتحوللك منه المبلغ و غالبا البنك ده هاتلائيه و ده الشائع اما فى :( جنوب أفريقيا)أو( بريطانيا ).

3- هتلائيه كمان حاطتلك أسم المندوب المسؤل عنك و أرقام هاتفة و الأميل الخاص به و الذى سيمدك بالخطوات و المعلومات اللازمة لاستلام الجائزة و اللى انت حصلت عليها من خلال اليناصيب lottery

4- أول متتصل بالمندوب الخاص بك...هيؤلك اكتب البيانات اللى سبق ذكرهاو ذلك مع ارفاق صورة البطاقة الخاصة بك.


* ولو عملت الكلام ده هتلائى ايميل أتبعتلك من البنك (المزور) وفيه فورمه كده عشان تملاها( وأنا حاطت الform دى فى المرفقات) و هتلائى عليها كمان علامة البنك ( لزوم النصب).

* و نيجى بئا للنقطة الهامة جدا وهى ان فى ال form دى هيطلب منك انك (تكتب رقم الحساب الخاص بك فى البنك).

* و بمجرد متعمل الخطوات دى و تبعتلوهم الكلام ده ...
هتلائى بعتنلك ميل بيؤللك فيه انك عشان تستلم الجائزة لازم تبعتلهم مبلغ من المال و غالبا يكون (02.%) من أصل مبلغ الجائزة.

* و طبعا أظن الحكاية بانت خلاص....فبمجرد ما أنت تبعت الفلوس ....
أستلم بئه و شوف ايه اللى هيحصل:


1- عوضك على الله فى الفلوس اللى أنت بعتها و حسابك اللى فى البنك.

2- احتمال كبير جدا تتورط فى العديد من الجرائم و ذلك عن طريق صورة البطاقة الخاصة بك اللى أنت بعتها.

3- احتمال كبير جدا جدا أن تتم سرقة ميلك (و ذلك حتى لا تكون هناك أى دلائل ضدهم).
و حتى لوفيه دلائل ضدهم... العالم دول مش معروفلهم مكان.

* و المفاجئة الكبيرة فى الكلام اللى جى ده:


1- الميلات التى تستقبلها من جنوب أفريقيادى بتكون (عصابة نيجيرية غرضها النصب و الاحتيال و المتاجرة فى الأعضاء الأدمية).
* و اللى مش مسدء كلامى يتصل بسفارة جنوب أفريقيا أو يزورها...و هيلئى هناك ورقة كبيرة جدا عن العصابة دى معلفة هناك.

2- بينما الميلات التى تستقبلها من بريطانيا غالبا ما تكون (عصابات المافيا).

* أنا مبكبرش الموضوع ولا حاجة خالص ... أنا بس لئيت ان الموضوع ده فى غاية الأهمية فؤلت أفيدكم بيه لتتوخوا الحظر....عشان الموضوع ده مش موضوع صغير و لا هين.

* و اللى أتورط فى الموضوع ده و عايز نصحتى....يعمل الاتى:


1- يقوم بطبع الميلات التى أرسلت له.
2- عمل محضر مع ارفاق الميلات التى تم طباعتها.
3- ثم ترجمة ذلك المحضر الى الانجليزية و اخذة للسفارة التابعة لمقابلة المسؤل هناك و اطلاعه على هذا المحضر و ذلك للحماية.


* و بذلك تكون قد تخلصت من أى خطر و حميت نفسك.

*و بكرر مرة ثانية ... لنبقى على بر الأمان فكك من الحوارات اللى زى دى و أحلى حاجة ممكن تعملهاDelete .



"" اللهم بلغت ... اللهم فاشهد ""



معلش أنا طولت عليكم



و بكدة ابئا خلصت كلامى و أرجو أنى أكون أفادتكو بحاجه و يا رب اكفينا شر الحجات دى

ْ

و لكم تحياتى الى أن القاكم فى موضوع اخر
والسلام عليكم ورحمة الله وبركاته