الحكايه وما فيها ان الواد زوئا المسيحى زميلى فى العمل سواقين مع بعض كل يو م والتانى الاقيه جايب لى شبهه فى جيبه وجاى يجرى ياحاج ياحج ايه يازوئا مالك فى ايه يقول لى اكتشفت لك خطأ لغوى فى القران قلت له يا سلالالالالالالالالام هو انت بقيت استاذ لغه عربيه ولا ميكنش انت ابن منظووور بتاع لسان العرب الواد فتح بقه وقال لى مين ابن منظور ده قلت له مش عارف انا سمعتها كده المهم فين الشبهه بقى يا خفيف قال لى فى سورة الحج القران بيقول (هذان خصمان اختصموا فى ربهم) ازاى بقى ازاى بقى الاتنين بقوا اكتر من اتنين قمت انا رادد عليه رد اقنعه بس مش هقول على الرد بتاعى الا بعد لما اشوف ردودكم لان ردى على اد فهمى وفهمه لاننا زى بض مش متعلمين ولكن هقول الرد بعد اخر مشاركه لكم حتى استفيد ويستفيد غيرى