نحو الأمية العلم نوورون 4
نحو الأميــــــــة
العلم نووورون
( 4 )
الاستاذ عطية
قيام
إسهال
قصدى إرسال
معلش أصلى إمبارح كان عندى إسهال شغال معاى طول اليوم
جلوس
كله حاضر مفيش حد غايب
الطلبة
الكل حاضر
الاستاذ عطية
طيب عال لأن الحصة دى مهمة جدآعلشان حتكون عربى وحساب مع بعض بدون امتزاج وبدون انفصال
وزى ما اتكلمنا عن الرقم اتنين واهميته فى المسيحية
والناسوت واللاهوت مثال على ذلك
بنيجى النهاردة نتكلم عن الرقم تلاتة اللي شكل الشوكة وليه 3 سنان
سنه وسنه وسنه
وكل سنه أد السنه التانية
وعمومآ أنا جايب معاى شوكة من البيت وخليت فيها 3 سنان بس علشان اللي ما يعرفش شكلها يشوفها
ودى اللي بترمز للعدد تلاتة
والعدد تلاتة يعتبر اهم رقم فى عقيدتنا المسيحية وده بنشاهده كتير لما نيجي نسمع حد وهو بيقرا فى الكتاب المقدس
وعلطول بنفتكره لما نيجي نقول بسم الأب والأبن والروح القدس
الأب+ الأبن + الروح القدس = 3
يعنى التثليث
طالب
بس حضرتك قلت قبل كده
1 + 1 + 1 = 1
الاستاذ عطية
ده لما كنا بنتكلم فى الايمان والعقيدة
احنا دلوقت بنتكلم فى الحساب وأهمية الأرقام وهنا تفرق
كمان للإستدلال على أهمية هذا الرقم بنلاقى ان المسيح اتصلب وسط لصين فصار مجموع المصلوبين تلاتة
لص + يسوع + لص = 3 مصاليب
كمان السيد المسيح ظل فى القبر ثلاثة أيام وثلاثة ليال
لإنه مات مساء الجمعة وقام الأحد صباحآ يبقا عندنا
ليلة السبت + ليلة الآحد = 3 ليلة
طالب
إيه اللخبطة دى
ليلة وليلة يبقوا 3 ليالى
الاستاذ عطية
احنا هنا بنتكلم فى العقيدة مش فى الحساب
وبالنسبة للأيام هو مات مساء الجمعة فيوم الجمعة يتحسب بالكامل وعندك يوم السبت كامل لوحده
وقام الحد الصبح فكمان يوم الحد يتحسب كامل
فيصبح حساب الايام
مساء الجمعة + يوم السبت + صباح الحد = 3 أيام
طالب
وليه نحسب يوم الجمعة كامل ويوم الاحد كامل
والجمعة مات فى أخره والحد قام فى أوله
الاستاذ عطية
تمام زى ماإنت تكون فى فندق بلاش فندق علشان حيبقى واسع عيك خليك مثلاً فى لوكاندة وعاوز تمشى يوم السبت
فلازم تمشى السبت والدنيا نهار ولو مشيت بالليل يوم الحد حيتحسب عليك يوم كامل يعنى إحنا بنعتبر اليوم هنا يوم فندقى تلات نجوم
طالب
هوالمسيح كان مدفون فى فندق ولآ فى قبر؟
الاستاذ عطية
مش عاوز الرزالة إياها
طالب
ولاهوت السيد المسيح قعد أد إيه فى الجحيم
الاستاذ عطية
بتقصد إيه ؟
الطالب
مش بيقولوااللاهوت نزل الجحيم ليخلص من فيه
هل قعد 3 أيام و3 ليالي أيضآ
الاستاذ عطية
اولآ إحنا بنتكلم عن الرقم 3 فى الحساب مش فى الإيمان والعقيدة يارب نكون فهمنا
وبعدين خلوا بالكوا كويس ان دى مش حصة إيمان مسيحى
دى حصة نحو اُومية
دى إيه ياجماعة ؟
الطلبة
نحو الأومية
الاستاذ عطية
بالظبط شطار
كمان بنلاقى ان البشير متى هو الوحيد اللي حقق التثليث فى حكاية دخول يسوع الى اورشليم ومعاه جحش وأتان لما قال
انه ركب على أتان وجحش إبن اتان
وخلي بالك هنا كويس ما تقدرش تجمع دول مع بعض
فاكرين انتوا حكاية التفاحة والبرتقانة وحكاية انك ماتقدرش تجمعهم لأنك لو جمعتهم حتقول إيه ؟
حتقول معاى اتنين ؟
طيب اتنين إيه ؟
وإيه هو التعريف بتاع الاتنين ؟
اتنين تفاحة ولآ إتنين برتقالة
صدقونى ما ينفعش
فلو إنت معاك تفاحة وبرتقانة فى جيبك وحد سئلك معاك إيه ؟ حتقوله معايا تفاحة وبرتقانة علشان مش من نفس النوع ومش حتقدر تقول معاى إتنين
كمان فى المثل ده مش حتقدر تقول تلاتة
لأن أى حد حيسئلك حيقولك تلاتة إيه ؟
حترد تقول إيه ؟
طبعآ مش حتعرف ترد
كمان بعد قيامة الرب ظهر فى وسط إتنين ماشين فى الطريق
واحد ماشى + يسوع + واحد ماشى = 2 ماشين + يسوع
طالب
ومانقدرش نقول
واحد ماشى + واحد ماشى + يسوع = 3 ماشيين
الاستاذ عطية
لأ ما ينفعش لأن يسوع كان ماشى فى وسطهم ومع إنه يوجد إختلاف فى المثال ده لأن يسوع مختلف عنهم علشان فيه ناسوت ولاهوت وكمان مختلف معهم من ناحية جنسه لأنه وحيد الجنس بس أهى محاولة من متى علشان التثليث
فنلاقيه هنا لما حب يخلي العدد 3 ما أخدش باله من الإختلاف فى الجنس
لأن الاتنين دول إللي كانوا ماشيين مفيش فيهم لاهوت
بس نقدر نجمعهم مع بعض من ناحية الناسوت والمشى يعنى نقول 3 ناسوت ماشيين
ومن هنا إحنا بنقول فى قانون الإيمان بتاعنا بسم الأب والأبن والروح القدس إله واحد أمين
علشان بنقدر نجمع التلاتة مع بعض لأنهم من نفس الجوهر فيكون المجموع تلاتة
طبعآ أكيد تكونوا مش فاهمين المسئلة دى بس ده حنشرحه بالتفصيل فى سنة خامسة اومية
كمان بنلاقى العدد 3 مذكور لما ابليس كان بيجرب الرب
فحنلاقيه جربه 3 مرات
مرة لما قال للرب خلي الحجارة تصير خبز
ومرة لما قال للرب اطرح نفسك الى اسفل من فوق جناح الهيكل
ومرة لما أخد الرب فوق جبل عالى وخلاه يشوف جميع ممالك العالم وقال للرب لو سجدت لى أعطيك كل هذه الممالك
كمان الرب رد عليه 3 ردود
حد يعرف يذكر الردود حسب الترتيب
طالب
مكتوب ليس بالخبز وحده يحيا الانسان
مكتوب لا تجرب الرب إلهك
مكتوب لِلرَّبِّ إِلهِكَ تَسْجُدُ وَإِيَّاهُ وَحْدَهُ تَعْبُدُ
الاستاذ عطية
برافو شاطر
طالب
مكتوب فين ؟
الاستاذ عطية
إيه هو ده إللي مكتوب فين ؟
الطالب
ليه الرب فى ال 3 ردود كان بيقول مكتوب مكتوب مكتوب
هو قصده مكتوب فين ؟
الاستاذ عطية
هو بس عاوز يفكر ابليس باللي مكتوب فى العهد القديم
طالب
هو العهد القديم مكتوب علشان ابليس
الاستاذعطية
مش القصد أنا بدى أأقول إنه مش عاوز يعرف إبليس إنه ربنا
وده إللي حتعرفوه بعدين لما نيجي نشرح التجربة فى سنة ساتا اومية
إحنا دلوقت بنتكلم عن أهمية العدد 3
كمان بنلاقى العدد 3 واضح جدآ لما كان الرب بيتعمد من يوحنا فى نهرالأردن
واحد كان فى الميا
والتانى نزل عليه فى شبه جسمية حمامة
والتالت جه صوته من السما وقال هذا إبنى الحبيب الذى به سررت
وعلشان نعرف أهمية العدد 3
بنلاقى ان السموات 3
سماء الطيور
سماء النجوم
سماء الملكوت
كمان فيه حاجة خطيرة توضح أهمية العدد 3
إزاى الكلام ده يا استاذ عطية ؟
بص ياسيدى يابتاع نحو إنت وهو
بيقولك لو مسكنا أول أيام الاسبوع
ونمشى بعد كدة علشان نشوف تالت يوم يطلع يوم إيه
حتقابلنا مفاجأة بنسميها الإعجاز الرقمى
قوللي إزاى ؟
نشوف كدة مع بعض
أول يوم هو يوم الحد يعنى واحد
تانى يوم هو يوم الاتنين يعنى إتنين
تالت يوم هو يوم التلات يعنى تلاتة
فنلاقى يوم التلات هو نفسه العدد تلاتة يعنى التثليث
كمان فى التعميد بنغطس الشخص 3 مرات فى المغطس
و بنجحد الشيطان 3 مرات
كمان بطرس كان عاوز يصنع 3 مظال واحدة للرب والتانية لموسى والتالتة لإيليا
وحنلاقى فى متى مكتوب إن بطرس قال للرب
فان شئت نصنع هنا ثلاث مظال لك واحدة ولموسى واحدة ولايليا واحدة
يعنى ده بيشير للتثليث
شوفتوا بقا العدد تلاتة مهم إزاى !!!
طالب
أيوه بس كان موجود معاهم بطرس ويوحنا أخو يعقوب يعنى كانو ستة مش تلاتة
الاستاذ عطية
إحنا بنتكلم عن المظال مش الأشخاص
واخدين بالكم ياجماعة
والحصة إللي جايه حنتكلم عن الرقم 7 سبعة
والواجب إللي عليكوا انكوا تكتبوا العدد 3 تلاتين مرة وتحفظوا شكله إللي شبه الشوكة وتكتبوه زى ما هو على السبورة
وإنت بالذات ياغلباوى تكتب العدد 3 تلتميت مرة علشان تحرم تتكلم تانى
رد مع اقتباس
المفضلات