درس الأحد خروف وخرفان
بِسْمِ اللَّـهِ الرَّحْمَـٰنِ الرَّحِيمِ
وَلَقَدْ كَرَّمْنَا بَنِي آدَمَ وَحَمَلْنَاهُمْ فِي الْبَرِّ وَالْبَحْرِ وَرَزَقْنَاهُم مِّنَ الطَّيِّبَاتِ وَفَضَّلْنَاهُمْ عَلَىٰ كَثِيرٍ مِّمَّنْ خَلَقْنَا تَفْضِيلًا ﴿الإسراء: ٧٠﴾
وقال يسوع فى متى
12: 12 فالانسان كم هو افضل من الخروف اذا يحل فعل الخير في السبوت
درس الأحد ( 179 )
خروف و خرفان
الواعظ الأب أبو فروة
ماء ماء ماء
التلاميذ
..........
أبو فروة
أنا بقول
ماء ماء ماء
سامح
وحضرتك عاوزنا نقول إيه ؟
أبو فروة
إنتوا كمان تردوا عليا وتقولوا
ماء ماء ماء
فلتس
ليه ؟
أبو فروة
إنتوا مش خرفان ؟
بشارة
وإللي مش عاوز يبقى خروف ؟
أبو فروة
يبقى مش مسيحى
بشارة
هوعلشان أبقى مسيحى لازم أكون خروف يابلاش
أبو فروة
إنت ياحبيبى عمرك ما قريت الكتاب المقدس
ماجاش على بالك مرة تقرا سفر الرؤيا
ما طسش نظرك المكتوب عن الخروف ويطلع مين هو
17: 14 هؤلاء سيحاربون الخروف و الخروف يغلبهم لانه رب الارباب وملك الملوك والذين معه مدعوون ومختارون ومؤمنون
نفسك ماهفتكش مرة تقرا انجيل يوحنا وتشوف الرب يسوع قال إيه عن الخرفان ؟
ما انت لو بتقرا كنت عرفت بس للأسف
المسيح قال
خرافي تسمع صوتي ، وأنا أعرفها فتتبعني
وما دام انت رافض تكون خروف تبقى غير مؤمن ومش مسيحى لأن الرب يسوع قال
ولكنكم لستم تؤمنون لأنكم لستم من خرافي ، كما قلت لكم
وانتوا ياولاد إللي عاوز فعلاً يكون مسيحى ومؤمن لازم يكون خروف
فلتس
يكون خروف بجد ولآ يكون فى وداعة وبساطة الخروف
أبو فروة
لآ ياحبيبى تكون خروف خروف بفروته وليته وقرونه ولو تقدر تمشى على إيديك ورجليك وتقول ماء ماء يكون أحسن
أما الوداعة والبساطة
وكونوا ودعاء كالحمائم حكماء كالحيات
دى مسئلة تانية
نجفة
بس غريبة أوى الحكاية دى
أبو فروة
وغريبة ليه ؟
نجفة
أصل حضرتك أول أب واعظ يدخل عندنا ويقول ماء ماء ماء وعاوزنا نرد عليه بنفس الكلام
أبو فروة
لأنك ما شوفتيش إللي أنا شفته
ميخائيل
شوفت إيه يابونا ؟
أبو فروة
بعدين بعدين
مادلين
بمناسبة الخرفان إحنا عندنا فى البيت مربيين خرفان فوق السطوح بتاعنا والسنة دى النعجة ولدت خروفين بس طلعوا مخططين بالعرض
وكلنا إستعجبنا من المنظر حتى بابا بقى يفرج قرايبنا عليهم وكانوا يستعجبوا هما كمان وسئلونا إنتوا كنتوا بتأكلوا النعجة إيه ؟
كاترين
هو فيه خرفان مخططة ؟
أبو فروة
نسمع لو سمحتم زميلتكم بتقول إيه
أيوه كملي يابنتى حصل إيه ؟
مادلين
بابا قال لقرايبنا أبداً كنا بنأكلها عادى خالص
واحد من قرايبنا قال لبابا إنت لازم تروح الكنيسة وتحكى لأبونا وهو حيعرف إذا كانت دى معجزة ولآ الشيطان بيضحك عليكم
فلتس
صحيح حاجة غريبة أول مرة أسمعها
أبو فروة
من فضلكم من فضلكم
سكوت لو سمحتم
كملي وبعدين
مادلين
بابا راح الكنيسة وحكى لأبونا موارب الحكاية
أبونا موارب قال لبابا
لازم النعجة بتاعتكم إتوحمت على حاجة مخططة وده شيىء عادى وحصل قبل كدة لما أبونا يعقوب وضع خوازيق مخططة فى مجرى الماء والغنم إتوحمت عليها وخلفت خرفان مرقطة
أبو فروة
وهو بابا حط للنعجة بتاعتكم خوازيق مخططة
مادلين
ده بابا قعد يقول لماما إفتكرى كويس ياخوخة
يمكن حطيتى للنعجة حاجة مخططة وإنت ناسية
وماما تقول لبابا يمكن إنت طلعت من ورايا وناسى
وفين وفين لما ماما إفتكرت لما أخويا ريمون جاب كراسة الواجب بتاعته علشان يورى ماما الواجب وكانت ماما ساعتها فوق السطح بتحط الأكل للخرفان فماما وهى بتشوف خط ريمون النعجة حطت راسها فى الكراسة مع ماما وبعدين ماما شافت خط ريمون وحش وما يكتبش على السطر زعقتله وقالتله ده خط تكتبه وراحت رامية الكراس على الأرض النعجة على طول راحت واكلة صفحتين من الكراسة
كاترين
عاوزة تقولي إن النعجة لما شافت السطور إللي فى الكراسة إتوحمت عليها ؟
نجفة
إيه الكلام إللي ما يخشش العقل ده
هى النعجة بتتوحم
أبو فروة
مانتم لو بتقروا الكتاب المقدس مكنتوش تستعجبوا كدة
وحكاية وحم الغنم دى حقيقة وتلاقوا ده مذكور فى سفر التكوين الأصحاح 31
لما أبونا يعقوب حب يخلص تاره من خاله لابان علشان ضحك عليه وجوزه ليئة الكبيرة بدل من راحيل الصغرى
فوضع الخوازيق المخططة علشان الغنم لما تشوفها تتوحم عليها وبعد كدة ياخد المرقطة والمخططة
أصل الموضوع طويل ومحتاج شرح والوقت ضيق
المهم إن الغنم بتتوحم
نجفة
بس أنا قريت السفر ده ومكتوب فيه إن الفحول إللي صعدت على الغنم يعنى الذكور هى إللي كانت مخططة ومرقطة ومكتوب
وحدث في وقت توحم الغنم اني رفعت عيني
ونظرت في حلم واذا الفحول الصاعدة على الغنم مخططة ورقطاء ومنمرة
أبو فروة
إنت لو قريتى صحيح زى ما بتقولي كنتِ أخدتى بالك إنه مكتوب فى أول العدد
وحدث فى وقت توحم الغنم
إذن الغنم بتتوحم زى ما بيقول الكتاب
فلتس
يا بنتى ده وحم الغنم من الإعجاز العلمى بتاع الكتاب المقدس مش كدة يابونا
أبو فروة
ورجاء لما واحد فيكم يقرا فى الكتاب المقدس يبقى ياخد باله كويس وما يتكلمش وخلاص
لأن كلمات الكتاب المقدس حساسة شوية ومحتاجة حبة تركيز وروقان بال !!
والأفضل إنكم ماتقروش بنفسكم خالص وإللي عاوزين تعرفوه قدامكم الكاهن والقسيس
نجفة
ولنفرض إنه مكتوب فى وقت توحم الغنم
أبو فروة
ونفرض ليه وهو مكتوب بالفعل
فى وقت توحم الغنم
نجفة
طيب ماشى مكتوب فى وقت توحم الغنم
بس السؤال هل الولدة إللي طلعت ...
أبو فروة
تطلع إيه الولدة دى ؟
نجفة
قصدى الخلفة يعنى النعجة لما خلفت مخططين ...
أبو فروة
أولاً مش مكتوب فى السفر مخططين مكتوب رقطاء وبلقاء
اجتاز بين غنمك كلها اليوم واعزل انت منها كل شاة رقطاء وبلقاء وكل شاة سوداء بين الخرفان وبلقاء ورقطاء بين المعزى فيكون مثل ذلك اجرتي
أرقط يعنى البياض متساوى مع السواد والأبلق إللي هو الأسود وفيه نقط بيضا
نجفة
ماهو فى الحلم شاف الفحول الصاعدة على الغنم مخططة
عموماً مش حنختلف بس سؤالى عن حاجة تانية
أبو فروة
عن إيه بالظبط ؟
نجفة
لما ولدت مرقطين وبلق
كان ده نتيجة إنها إتوحمت على الخوازيق الملونة إللي وضعها أبونا يعقوب فى مساقى المياه ؟
أم نتيجة إن الفحول التى صعدت عليها كانت مخططة ومرقطة ومنمرة ؟
ميخائيل
يعنى من شابه أباه فما ظلم
سورى مش باأقصد بكلمة أباه حضرتك قصدى والده
فلتس
أكيد الغنم بتتوحم زى ماقال أبونا
مش نعجة مادلين لما شافت السطور وأكلت الصفحتين خلفت خرفان مخططة
الياس
وحم إيه يابنى الغنم طول عمرها بتشوف مخطط ومقلم ومضلع وإيش أحمر وإيش أخضر وإيش أصفر وإيش أزرق وبتشوف الطويل والقصير والتخين والرفيع وبتشوف بنى آدمين وبتشوف حمير وكلاب
بلاش بيشوفوا ، دول بيكونوا عايشين مع خنازير وعمرنا ما سمعنا عن نعجة خلفت خروف شبه الخنزير أو شبه الكلب لو كانت بتتوحم بصحيح
سامح
جايز يامادلين زى ما بيقول أبونا يكون خروف من إياهم صعد السطح وإنتوا مش واخدين بالكوا
أبو فروة
خلاص بلاش حكاية الخرفان والوحم بتاعها
ونتكلم فى حاجة تانية
نجفة
يعنى حضرتك ما ردتش على السؤال
أبو فروة
أعتقد إن السبب إنه إتوحمت على الخوازيق
نجفة
بس مكتوب
وقال لي ملاك الله في الحلم يا يعقوب فقلت هانذا
فقال ارفع عينيك و انظر جميع الفحول الصاعدة على الغنم مخططة و رقطاء و منمرة لاني قد رايت كل ما يصنع بك لابان
أبو فروة
لما أرجع للسفر وأقراه كويس أرد عليك
نجفة
مش لسه حضرتك قايل
ورجاء لما واحد فيكم يقرا فى الكتاب المقدس يبقى ياخد باله كويس وما يتكلمش وخلاص
لأن كلمات الكتاب المقدس حساسة شوية ومحتاجة حبة تركيز وروقان بال !!
أبو فروة
من فضلكم نغير الموضوع لو سمحتم
فيولا
ممكن سؤال ؟
أبو فروة
إتفضلى
فيولا
مكتوب فى إنجيل متى إصحاح 28
أبو فروة
يادى متى ووجع القلب
كل الأسئلة إللي بتيجى عن المكتوب فى متى سواء النبوات أو تضخيم الأحداث
كملي كملي
فيولا
مكتوب من العدد 12
28: 12 فاجتمعوا مع الشيوخ وتشاوروا
واعطوا العسكر فضة كثيرة
28: 13 قائلين قولوا ان تلاميذه اتوا ليلا
وسرقوه ونحن نيام
28: 14 واذا سمع ذلك عند الوالي فنحن نستعطفه ونجعلكم مطمئنين
28: 15 فاخذوا الفضة وفعلوا كما علموهم فشاع هذا القول عند اليهود الى هذا اليوم
أبو فروة
بتسئلى عن إيه ؟
ماهو الكلام واضح مفيهوش رمزية
فيولا
أنا باسئل عن الجزئية بتاعة
فشاع هذا القول عند اليهود إلى هذا اليوم
القديس متى بيقصد أنهى يوم ؟
أبو فروة
طبيعى يكون اليوم إللي كتب فيه إنجيله
فيولا
وفى أى يوم كتب متى انجيله حتى نحدد إلى متى شاع هذا القول ؟
أبو فروة
وأنا إيش عرفنى
فيولا
وشاع هذا القول إلى هذا اليوم
معناه مرور فترة زمنية طويلة من وقت وقوع الأحداث إلى وقت كتابة إنجيله
أبو فروة
إفرضى إنه مرت فترة زمنية طويله
إيه المشكلة ؟
فيولا
لابد ما شاع كان قوى للدرجة التى تمكنه من الأستمرار كل هذه الفترة الطويلة
أبو فروة
إنتِ بتلفى وتدورى ليه
هاتى من الآخر عاوزة تقولي إيه ؟
فيولا
عاوزة أأقول الإشاعة أو الكذبة لا تستمر طويلاً
لابد فيه شيىء من الحقيقة حتى تستمر كل هذه الفترة الطويلة
أبو فروة
وإيه بقى الحقيقة ؟
فيولا
التلاميذ يكونوا بالفعل سرقوا جسد من القبر
أبو فروة
عاوزة تقولى إنهم سرقوا جسد الرب يسوع من جوه القبر وإنه ماقامش لوحده من بين الأموات
فيولا
أنا ماقلتش سرقوا جسد الرب يسوع
أبو فروة
إومال سرقوا جسد مين ؟
ميخائيل
إيه الكلام ده إنت حتخرفى ؟
مريام
إنت بتجدفى كدة يافيولا
أبو فروة
إمنعوا الكلام لو سمحتم
ياه الوقت أخدنا
الاسبوع الجاى نناقش الكلام إللي قالته زميلتكم
ودلوقت سلام
التلاميذ
سلام
وآخر دعوانا ان الحمد لله رب العالمين
لا شريك له
رد مع اقتباس
المشاركة الأصلية كتبت بواسطة pharmacist
المفضلات