السلام عليكم يا مسلمين
أنا عايز أقول كلمتين
فى المولد اللى بيقولوا عليه
هو إحنا بنحتفل بيه ليه؟
حلاوه و حصان وعروسه
و ناس كلها مهووسه
يا جماعه دى اسمها أصنام
و معروفه...الأصنام حرام
و عايزين نبطل بقى تهييس
و نسمع لعلماء الحديث
قالوا إن خير العباد
مثبتش ليه تاريخ ميلاد
لا فى ربيع و لا فى رجب
و الله حاجه في غاية العجب
بنحتفل بتاريخ مالوش وجود
فعلا جهل مالوش حدود
و المفروض كلنا نقول بلاش
لحاجه النبي معملهاش
هتقولوا بنحب الرسول
أحب أرد عليكوا و أقول
الصحابه حبوه أكتر
معروفه...من غير ما نفكر
و محصلش منهم احتفال
يبقى احنا نبطل استهبال
عارف كلامي عليكوا تقيل
لكن أنا عندي البديل
إزاي النبي فى حياته
شكر ربه على ميلاده
كان بيصوم كل اثنين
إيه رأيكوا يا مسلمين؟
حد فيكوا يعرف يجيب
أحسن من هدي الحبيب؟
و حب النبي يعني اتباع
حفظ البصر و الأسماع
و طبعا حفظ اللسان
و جماعه مع كل أدان
و البنات ليها حجاب
مفيش حاجه فى الدين تتساب
قلده فى الشكل و في النوم
الاحتفال بيه مش يوم
لازم نقلده على طول
و نردد دايما و نقول
عليه الصلاة و السلام
و خلاص خلص الكلام
و إن شاء الرحمن الرحيم
نتقابل في شم النسيم
عشان أحذر من كل وبال
مع تحياتي..
علي جلال