المضروبه

[نورة]

المضروبه أكله الخليجية
المقادير:

1- دجاجه كامله -
2- كوبان أرز -
3- بهارات منوعه -
4- 3 حبات طماطم متوسطه الحجم -
5- فلفلل حار + فلفل بارد (حسب الرغبه) -
6- 5أكواب ماء -
7-ماجي = زبدة ((حسب الرغبه)) .


الطريقة:

تقطع الدجاجه وتغسل وتوضع على النار حتى تغلي (وضع البهارات الكامله) ثم وضع الأرز والماجي والزبده وباقي المقادير وتركها تغلي و كل ربع ساعه يتم تحريكها حتى يتقطع الدجاح
ثم تقدم ويدهن سطحها بدهن الدهان ويوضع فوقها قليل من البقدونس

بالهناء والعافية

[السيف البتار]

تسلمي أختي الكريمة نورة

فقد تعجبت من العنوان ، واحببت أن أعرف من هي المضروبة

طلعت الفرخة .

[نسيبة بنت كعب]

اقتباس

فقد تعجبت من العنوان ، واحببت أن أعرف من هي المضروبة

طلعت الفرخة .

يا خبر : المقادير ناقصة !!

فين العصايا اللى ح يضربوا بها الفرخة !


لا تتعجب اخى العزيز

هو احنا الستات سبنا حاجة فى حالها

دى لها اخوة غلابة مغلوبين على امرهم :

خذ عندك المفروكة والمقلوبة والمعدولة والمسنودة - ...وهيصة

اللهم ان كن اكلات غير معتديات او معتدى عليهن ، اجعل لنا نصيبا فى تذوقهن


وتسلمى يا نورة

[نورة]

مشكورين على ردودكم الحلوه يعطيكم العافية

[ابنة الزهراء]

اقتباس

فقد تعجبت من العنوان ، واحببت أن أعرف من هي المضروبة

طلعت الفرخة .

اقتباس

اللهم ان كن أكلات غير معتديات او معتدى عليهن ، اجعل لنا نصيبا فى تذوقهن

بس بصراحة أنا عن نفسي هجربها شكلها لذيذة

مع تغيير بسيط اني هخليها من العظم كخطوة سابقة لوضع الرز

[نورة]

مشكورة أختي ابنةالزهراء على مروركِ والرد بارك الله فيكِ

[الشرقاوى]

السلام عليكم ورحمة الله وبركاته

جوعتونا .... مش ناقصين أدويه كوليستيرول وتنحيف وزن

عموما لا تنسوا أن يكون الرز بسمتى (تيلدا) لأن الرز المصرى بيعجن

وبالمناسبه المضروبه هى نفسها المكبوس؟

[ابنة الزهراء]

اقتباس

وبالمناسبه المضروبه هى نفسها المكبوس؟

مكبوس ايه؟

احنا فهمنا المضروبة بالعافية

المكبوس ده يبقى ايه؟

لو طبخنا بدل الفرخة ديك يبقى هو ده المكبوس؟

مين اللي كبسه ياترى؟

أكيد ديك رومي ما عندوش قلب

[الشرقاوى]

إقتباس

الطريقة:

تقطع الدجاجه وتغسل وتوضع على النار حتى تغلي (وضع البهارات الكامله) ثم وضع الأرز والماجي والزبده وباقي المقادير وتركها تغلي و كل ربع ساعه يتم تحريكها حتى يتقطع الدجاح
ثم تقدم ويدهن سطحها بدهن الدهان ويوضع فوقها قليل من البقدونس

بالهناء والعافية

أعتقد إن الدجاج يخرج قبل إضافة الأرز ويحمر ويقدم مع الرز بعد تسويته

علشان كده بينكبس

فيبقى مكبوس


الحاجه التانيه أنه ممكن يكون مع لحم (لو الدجاج عنده أنفلوانزا وتعبان مش قادر يندبح) أو سمك (لو الحيوانات جالها جنون بقر) أو دجاج (لو السمك مسمم نتيجه لتلوث البحار والأنهار) .....

[ابنة الزهراء]

اقتباس

الحاجه التانيه أنه ممكن يكون مع لحم (لو الدجاج عنده أنفلوانزا وتعبان مش قادر يندبح) أو سمك (لو الحيوانات جالها جنون بقر) أو دجاج (لو السمك مسمم نتيجه لتلوث البحار والأنهار) .....

خلاص يا شرقاوي مش هسألك عن حاجه تاني

جبتلي(اكتئاب غذائي)