السلام عليكم
أخى حبيب عبد الملك : مقالة حضرتك رائعه بس أنا عندى طلب سخيف شويه لو مش حتقدر تلاقيه مش مشكله
تعرف مقاله زى ديه بالenglish

أخى "kholio"
بما إن حضرتك واضح معى فخلينى أكون أكثر وضوحا معك
زى ما أنا وضحت قبل كده إن أنا بدعوا إلى الإسلام لمدة عام أو أكثر لغير المسلمين غير العرب ,عمرى ما جربت أدعو المسيحين العرب
أذكر إن فى مره واحده بدافع البحث عن غرفة تجويد للأخوات فى البالتوك وجدت أول غرفه أمامى فيها عدد كبير من الأعضاء وكانت غرفه مسيحيه فيها هجوم شديد على الإسلام و شتايم أى حد عنه إيمان لايتجرأ أن يقولها على لسانه ...مقدرتش أسمعهم لمدة خمس دقائق و عمرى مرحت هناك تانى..فالعذر الوحيد اللى ممكن أديه لبعض الأعضاء هنا هو إن النوعيه ديه هما اللى علطول بيتعاملوا معاها
بس هما لازم يعرفوا برضه إن فى ناس تانيه ميعرفوش حاجه عن الكلام ده و هما فعلا مخلصين فى البحث عن إجابه فمش ممكن يكون من أول تعامل يظهروا الشك ناحيتهم

أنا إكتشفت إن غير المسلمين العرب هم أشد الناس عداء للإسلام علشان كده المنصر ده أصعب من غيره
دعنى أقولك أخى إن المنصر ده بيدّعى إنه كان مسلم وترك الإسلام للمسيحيه ...بس أنا مش مصدقاه مش علشان إنه ترك الإسلام بس علشان اللى بيسيبوا الإسلام مبيسبهوش بالكره و العداء ده غير إن أسباب اللى بتخليهم يسبوه بتبقى عادة أسباب لا تثبت تماما إن الإسلام مش الحق(زى مثلا واحد حاسس إن شرائع الإسلام كتيره وهو عايز يعيش على مازاجه وده عادة بيكون فى المسلمين الجدد ) ده غير أكاذيبه و نفاقه للى يخلينى أكثر يقيننا فى إنه كاذب ومعا ذللك أنا عمرى ما شتمته أو قلتله إنه كاذب بس كل اللى يهمنى إنى أرد على شبهاته اللى لو كانت تافه ما كنتش جيت هنا
المنصرين بيبذلوا كل جهدهم لعداء الإسلام فلازم تكونوا جاهزين إن فعلا ممكن يجيلك شخص عنده شك و مش فاهم إجابتك فلو دى طريقة التعامل معاه حيمشى و يسيبك, حتى لو هو مش مقتنع بإجابتك حسسه بالإخوه فى الله...مش لا يهمنى إذا كنت مسلم أو لأ!!!