اقتباسالمشاركة الأصلية كتبت بواسطة ماريان جرجس
مرحبا بضيفتنا الفاضلة
يسعدنا ويشرفنا الإجابة عن أسئلتك كلها
لكن رجاء ألا تنتقلى إلى سؤال جديد
سوى بعد إجابة السؤال السابق له
وإفادتنا ...
هل اقتنعت بردودنا أم لا ؟؟؟
حتى تكون هناك (إيجابية وفائدة) من الحوار
*****************************
تعالى نشوف أمثلة بسيطة (بالبلدى شوية)
عشان يبقى الحوار سهل وعقلانى
بس يا ريت تردى بكل أمانة :
*****************************
1- لو حضرتك مثلا عندك إبن
قال لك بمنتهى البراءة :
يا ماما أنا عاوز أسيب كلية الطب واشتغل فى المخدرات عشان باحب الشغلانة دى وبتجيب فلوس كثير
يا ترى حتسيبى له الحرية ؟؟؟
2- لو حضرتك مثلا عندك بنت متربية أحسن تربية والكل يتمناها
ومركزكم الإجتماعى (ولن اقول المادى) محترم جدااااا
وقالت لك بمنتهى البراءة :
يا ماما عاوزة أفسخ خطوبتى من خطيبى الدكتور أو المهندس المحترم الخلوق ابن الناس عشان باحب واحد عربجى وخلاص اتفقنا على الجواز وكل حاجة وهو بيحبنى وبيموت فيا
يا ترى حتسيبى لها الحرية ؟؟؟
3- لو حضرتك ليكى إبن بتحبيه أكثر ما أم حبت إبنها
جاء لك فى يوم وقال لك بمنتهى البراءة :
ماما أنا اتكلمت مع واحد صاحبى فى الجامعة ولقيت أنه من عبدة الشيطان
وبصراحة مذهبهم عجبنى جدا وأنا مقتنع بيه 100 %
ومش حاقتنع بغيره ومن النهاردة حانضم لعبدة الشيطان
يا ترى حتسيبى له الحرية ؟؟؟
4- لو حضرتك ليكى بنت بتحبيها أكثر ما أم حبت بنتها
جات لك فى يوم وقال لك بمنتهى البراءة :
ماما أنا اتكلمت مع واحدة صاحبتى مسلمة فى الجامعة
وبصراحة دين الإسلام عجبنى جدا وأنا مقتنعة بيه 100 %
ومش حاقتنع بغيره ومن النهاردة أنا مسلمة بدون أى ضغوط
يا ترى حتسيبى لها الحرية ؟؟؟
5- لو أى واحد من ولادك
حب فى يوم من الأيام يسيب لك البيت خالص
ويروح يعيش مع واحد من اصحابه أنتى متأكدة أنه منحرف وماشى غلط لأنه (إبنك) على حد تعبيره : (مش بيرتاح غير عنده)
يا ترى حتسيبى له الحرية ؟؟؟
*****************************
عاوزك بقى تجاوبى بأمانة جدااااااااااااا
مع الأخذ فى الإعتبار طبعا أنك أحرص واحدة على مصلحة ولادك
قبل ما تتكلمى عن (حرية المعتقد الدينى) فى الإسلام
*****************************
وبرضه علشان الكلام ما يبقاش (تحدى)
مش حاكلم حضرتك عن (حد الردة فى الكتاب المقدس) !!!!
ومش حاكلم حضرتك فى تعامل الكنيسة مع من يسلم !!!!
*****************************
فالله سبحانه وتعالى
قد ارتضى لعباده خير الأديان وأوثقها .... (دين الإسلام)
حتى يرث الأرض ومن عليها يوم القيامة
وهو أحرص على مصالح عباده
ويحب لهم الخير والهداية والسلام
ولذلك شرع حد الردة لمن (جاهر) بالخروج عن دين الإسلام بعد أن هداه الله إليه ... حفاظا على بقية المسلمين ووحدتهم وعزة دينهم
لا لإرهابهم وتخويفهم وإجبارهم كما تعتقدين
بل حتى لا يتخذ الدين مهزلة يدخل فيه المرء ويخرج كيفما ووقتما يشاء
وما ينطوى عليه هذا التصرف من الإستهزاء والإزدراء بالدين وللدين
*****************************
تقبلى تحياتى وتمنياتى بكل خير
المفضلات