انا معاكى فى الدعاء لمصر انه ربنا يصلح حالها ويرزقها بحاكم يتقى الله
لكن مش معاكى بانه مبارك طاغية
هو صحيح لحكمه مساوىء كتيرة لكن والله العظيم محاسنه اكتر وعمل لمصر حاجات كتير كويسة
متخلوش الغضب يعمينا عن حاجات كانت حلوة موجودة وننكر فضل لحد
انا مع الشباب واللى عملوه والمطالب اللى طلبوها وبفضل الله وفقهم ومطالبهم اتحققت
مبقاش غير مطلب واحد انه مبارك يمشى وهو خلاص هيمشى لكن مفيش داعى يمشى بطريقة فوضوية وبعار زى صدام حسين كده
بلاش نكون زى الناس اللى ضربوا تمثال صدام حسين يوم ما اعتقلوه
خلونا نستنى كام شهر وهو هيمشى بطريقة مشرفة لينا قبل ما تكون مشرفة ليه

ويارب بحق جاه حبيبك النبى تولى علينا من بعده واحد يخاف الله وميكونش له اغراض شخصية
ويارب احمى شباب مصر من شر الفتن
يارب رجعلنا نعمة الامان اللى ضاعت مننا بسبب العناد
يارب نرجع مطمئنين زى ما كنا عايشين طول السنين اللى فاتت
يارب عوض خسارتنا والمليارات اللى خسرناها وتدهور قيمة الجنيه هو مكنش ناقص يارب
يارب اللى فقدوا شغلهم بسبب التدهور ده يلاقوا غيره
وياااااااااارب عين حكومتنا تحقق المطالب اللى وعدت بيها وعندى تفاؤل انها هتتحقق
يارب احفظنا من كل شر
واحفظنا من كيد الكائدين والمتربصين بينا يارررب