جزاك الله خير الدارين أخوي ،، وهذا العشم فيكم!
وهذا اللي حسيته من كلامه (إني ملعونة من قلب) ،، والمصيبة أنه يريدني أصبح مثل الحيوان ،، بلا عقل بس آكل وأشرب وأنام!!!
ورأيك في محله بس هذا أحسه جبااااااااان حتى الموت ،، ليش إني سألت اسئلة عقلية تخص الله وعيسى وآدم وهذا قبل ما يراسلني على الخاص - أنا وياه في منتدى أجنبي - ،، بس كنت أريد أعرف كيف هالناس تفكر ومنها دعوة للتفكير العقلاني ..
قال لي أجوبة الأعضاء غير جيدة وأنا (خايف) >> ما أدري خايف من شو بالضبط؟؟؟ ... وإن العقيدة الإسلامية ما أجابت على هالأسئلة>> كذاب درجة أولى ،، لأن المسلمين مش فاهمين ولا عارفين الألوهية والثالوث ،، وإذا إنتي ما فهمتي من هو (يسوع) ،، الانجيل بيكون (هراء) بالنسبة لج ،، يسوع هو الله اللي أتى إلى العالم بصورة الجسد ،، وأنا حاب أعطيج كتاب مقدس يبين هوية يسوع (ألوهيته) وكذلك الثالوث ،، ممكن نبدا هالشي؟ ،، ثقي فيني ،، أنا مهتم بكل شي تسمعينه ،،
أنا ردي كان ما يلي:
أول شي عرفته عن نفسي (كطائفة فقط) .. قلت له أنا من اهل السنة والجماعة ،، فشو هي طائفتك؟ وفي رده الثاني (تجاهلني وما رد على هالسؤال) ،، قلت له هاي الأسئلة طرحتها بعد ما قريت عقيدتكم ،، فهي عقلية ومحتاجة إلى تفسير منطقي من كتابكم المقدس ثم تفسير اللاهوتيين ،، لأن هذه عقيدة فيمكن التفسير يختلف ،، ودراستي للكتاب المقدس (ولحالي) ،، فكأنك تقول غوصي في الحوض لحالج ،، وأنا للأسف ما أعرف أغوص لحالي ،، حتى لو قلت ادرسيه وعقب اسألي ،، اسألتي مثل نقاط انطلاق فاعتقد أن لي حق في الحصول على أجوبة منطقية شافية من الخبراء (منك انت أو أي حد عنده العلم) ،، وبما إنك تقول إن الأعضاء ما جاوبوا على اسئلتي بشكل جيد ،، فهذيل ضايعين مثلي ،، شورايك تفتح لنا موضوع وتساعدنا نفهم (أيضا تجاهل طلبي في رده الثاني علي)!!!
هو فقط مركز علي أنا وما همه الباقين!!!!!
وفي ردي على رسالته الثانية ،، قلت له إذا إنت تقول إن الله أتى للعالم على هيئة انسان عشان ينقذني من العذاب ،، فليش ما أنقذني من محمد صلى الله عليه وسلم؟ ،، ليش ما أهلكه إذا كان ما يقول الحقيقة ،، أنا أؤمن إن الله على كل شئ قدير وأكيد تذكر حادثة الطوفان ،، وبما إنك أيضا تقول إن الله بين لنا (كل شي) لازم نعرفه ،، فالمفروض يبين لنا هالشئ أيضا وإلا ملكوت السموات بيكون في خطر!
كلمة (كل شي) كبيرة في عيني ،، لأن الموقع فيه نسبة كبيرة من المسيحيين ،، من هذيل المسيحين فيه ناس استووا ملحدين ،، وكثير ما اسمع كلمة (الايمان الأعمى) من الملحدين أنفسهم ،، أو كلمة (غسيل مخ) ،، أو اتحدى مسيحي يجاوب عليكم بجواب منطقي ،، الناس في هذاك الموقع ضايعين يا خوي ،، والله إني أحمد الله على نعمة الاسلام من اقرى كلامهم ،، والادهى والامر إن ما شي أدب في الحوار عن الله (البعض) ،، مثل اللي في كتابهم!
المهم ،، لين الحين ما شي رد ،، صار له كم يوم غايب عن الموقع! ،، فيا خوي هذا ما بيرضى يدخل مناظرة مع المسلمين لأن لا عنده حجة ولا منطق ،، تجاهل كل شئ طلبته واسئلتي الثلاث ،، فما بالك بمناظرة ،، بيشوف الموت قبل وقته
أساسا أنا كنت افكر أخصص مجموعة كاملة وخاصة فقط عن المسيح عليه الصلاة والسلام في هذاك الموقع ،، أنا أسست 3 مجموعات خاصة فيني ،، بس مجموعة نبينا عيسى عليه الصلاة والسلام يباله بحث ،، فأجلته شوي!
شكرا مرة ثانية وجزاك الله خير ،، وهذا من طيب أصلك!
والعذر منكم إني تحدث بالعامية
المفضلات