مشكورين على الردود
اني راح ارد بصورة مباشرة لكل الي ردو على الموضوع
اولا:انا ما قلت اني اعبد المسيح انا مؤمنه بالله ومؤمنة بالمسيح كنبي فقط اي رسول الله وهو الذي سوف يديننا في الاخرة بدلالة قول محمد(سوف ياتي لينزل حكمه قاسطا) عذروني اذا كان الحديث كتبته
ثانيا: الغرب لا تحسوبه علينه احنه النصارى العرب لانه الغرب ميعرف دين كل عمايله يخالف الديانه النصرانية
ثالثا:انتم تتحدثون الاسلام المثالي اي بزمن الرسول يا اخوتي هسة عوف الانترنيت وروح اطلع بالشارع وشوف الاسلام شلونه انا اتكلم عما يحصل من حولي اي المنطقة ذات الغالبية المسلمة صحيح محترمينه بس شوف اخلاق المسلمين وشباب المسلمين وبنات المسلمات سكر وخمر ومصدقات ومواعيد وتحرش بالنساء وغيره وحقد وانانية ......
رابعا : انتم تطرقتم الى الماضي بس اريد اذكركم ماذا حصل بفتوحات الاسلامية؟؟؟؟؟؟؟؟؟؟؟؟؟
خامسا:بس اريد افتهم اكو تناقض عندي من اقره قران بين ايتين{وَمَن يَبْتَغِ غَيْرَ الإِسْلاَمِ دِيناً فَلَنْ يُقْبَلَ مِنْهُ وَهُوَ فِي الاَخِرَةِ مِنَ الْخَاسِرِينَ }
تره الله سبحانه وتعالى يحب البشر هو الله شريد منه غير انه نعبده وما نشرك بيه ونقوم على تعاليمه
بس اريد اسأل سؤال يا اخي انتم تقلون اذا كنت نصرانية ما تدخلين الجنة زين ليش
كوني على ديانة عيسى ابن مريم ما ادخل الجنة؟؟؟؟؟
اذا كوني على ديانة عيسى ابن مريم
زين خلوه بعقلكم
جيب وحدة نصرانية مؤمنة بالله ومؤمنة بالمسيح كنبي ومؤمنة بالنبياء كلهم تصلي وتصوم وتزكي _
وجيب وحدة مسلمة ما تصلي ولا تصوم وتزني وتشرب خمر والكل بلاوي الدنية بيه
هل الاثنين راح يروحون للنار؟؟؟؟؟؟؟ لو انتم شدكولون !
سادسا: يا اخوان ليش هاي كل العداوة الي بيناتنا تره كلنا بشر وكلنا نعبد الله واحد وماكو فرق اذا كنت نصرانية مؤمنة بالله وبكل رسوله واذا كنت انت مسلم وتخاف الله ومؤمن بكل رسوله وبعد ليش كل هل الحجي والله تره نحبكم واني بالنسبة اليه احب الدين الاسلام واحب نبيكم الكريم واموت على المسيح ومريم
وتحياتي
رد مع اقتباس
المفضلات