بارك الله فيك يا اخ الاسلام

و لكنك فعلا اضحكتنى من نخاشيش قلبى كما نقول فى مصر



اقتباس
الخطة الثالثة : اصرف نصف راتبك وادخر النصف الآخر :
هل تعلم اخى اننى فعلت كل ما ذكرته و برضه المرتب مش بيكمل الشهر مع انى و الحمد لله مرتبى كويس و احسن من ناس كتير

اقتباس
الخطة الرابعة : إذا اشتهيت شراء شئ فأجله أسبوعاً أو شهراً
ما هو اصلا كل حاجة متأجلة و بعدين اأجل ايه و لا ايه

اقتباس
الخطة الخامسة : اجعل لزوجتك مصروفاً ثابتاً
المرتب كله مصروفها يا اخى ليه بس بتقلب علينا المواجع

اقتباس
الخطة السادسة : اسكن في بيت يناسب دخلك
محدش فى مصر الان يقدر يغير بيته عشان كل حاجة بتغلى يعنى لو بعت شقتك الان بعد ساعة تشتريها اغلى 20%

اقتباس
الخطة السابعة : لا تشتري سيارة جديدة ..
نعم!!! مش بقولك اضحكتنى هو انا عارف اشتر قديمة لما هاشترى جديدة و كمان بتقول تويوتا
اقتباس
أنت أحوج إليه من وكيل تويوتا !!
( على فكرة ده اعلان يا باشا )

اقتباس
الخطة التاسعة : لا تشتري شيئاً إلا ( كاش نقدي)
يا اخ الزبير بن العوام و هو فين الكاش النقدى بس

اقتباس
الخطة العاشرة : أوجد لك دخلاً حلالاً آخر غير عملك الأساسي
لو كانت البطالة رجلا لقتلته الف الف مرة

اللهم احفظ لنا ابوينا الذين اذا ضاقت بنا الدنيا لم نلجأ الا لهما بعدك يا الله - امين

و ختاما لا تزعل منى يا اخى كنت بضحك معاك كما اضحكتنى

اللهم ارزق اخى فى الاسلام و جميع المسلمين من حيث لا يحتسبوا

و بارك الله فيك يا زبير و على فكرة نصائحك هامة جدا و ان شاء الله اتبعها باذن الله