السلام عليكم
اول شي حبيت اشكركم على اهتمامكم وعلى وقتكم اللي بتعيرون لي اهتمامكم فيه:)

ماعرف من وين ابتدي بس كل اللي في الموضوع اني محتاره بين الدين الاسلامي والدين المسيحي..

بدأ الموضوع بأني أدرس في مدرسه مسيحيه ولما كنت 9 سنوات كنت اشوف الفرق بين الاسلام والمسيحيه..

كنت اشوف كل شي في الاسلام متشددين فيه..مثل : كنت اشوف المرأه المسلمه مظلومه وانها مجبوره على الحجاب وانها ممنوعه من كل شي في حياتها حتى خروجها من البيت صار حرام!!!!!!!!!! والدين المسيحي كنت اشوفه معطي المرأه كامل حريتها ولا فيه أي تعقيدات ولا اجبار على حجاب (( اللي كنت اشوفه ماله اي لزوم))

وصلت 11 سنه تقربت من مسيحيات ومدرسات دين المسيحي وكنت اسألهم عن الدين المسيحي واتأثرت من شيء واحد في الدين المسيحي هو ان اليسوع ضحى لأجل البشريه وان هو ماعنده والد من البشر فهذا السبب انه هو غير وارث ذنب آدم وهو غير مذنب..

آمنت بهذا القول:"لأنه هكذا أحب الله العالم حتى بذل ابنه الوحيد لكي لا يهلك كل من يؤمن به بل تكون له الحياة الأبدية" (يوحنا 3: 16).

مع العلم ان اهلي مسلمين ولكني اقتنعت من الدين المسيحي 100% وكبرت عليه لي حد 17 سنه انا حاليا..كنت اخذ دروس عن الدين المسيحي عن طريق الانترنت واذا اضطريت من خارج الانترنت ارجع لمدرسة الدين المسيحي او للراهبات..

لي حد ما صادفت الأخ اللي مسجل باسم احبك يامحمد واشكره على كل شيء وهو اللي خلاني ارجع لكم بعد ماحاول يقنعني بالاسلام وجتني فتره كنت "اظن" اني مقتنعه في الاسلام وبدأت اصلي وحتى ختمت القرآن لكن ضعفت ارادتي وتركت الصلاة ولا حتى افكر ان في شي اسمه دين..اعيش ايامي الحاليه بدون عقيده اسلاميه ولا حتى مسيحيه ..

ولكن حتى في ايامي اللي كنت ماشيه فيها على الاسلام كنت افكر بالدين المسيحي وقصة التضحيه لأجل البشريه..


افكاري متشتته وماعندي أي سؤال معين اسأله لا عن الدين الاسلامي ولا حتى المسيحي..

كل اللي اريد اطلبه منكم انكم توضحون لي شو هو الفرق بين الاسلام والمسيحيه من النواحي السلبيه او الايجابيه..

اريد شي يقنعني ان فعلا هو الاسلام هو الصح.. اريد شي كل ما تذكرت الدين المسيحي يخليني اقووول ان الاسلام هو الصح..

((((((مع العلم ان هذا القول
للأنه هكذا أحب الله العالم حتى بذل ابنه الوحيد لكي لا يهلك كل من يؤمن به بل تكون له الحياة الأبدية" (يوحنا 3: 16).

يخليني اقتنع بالدين المسيحي وهو أساس دخولي في الدين المسيحي))