ما المسيح مات و قام و مش هيموت تانى خلاص!!اقتباسالمشاركة الأصلية كتبت بواسطة فبأى حديث بعده يؤمنون
كلام حضرتك
و عندى سوئال ليه المسيح إبن مريم هو إلى تحديدا من كل الرسل هيجى؟؟ مش من البديهى بردو إن خاتم المرسلين هو إلى ينزل؟؟
بديهى ايه سيدنا محمدخلاص مات يصحى تانى ليه وبعدين هو رسالته خلاص كملت بأكتمال رساله الاسلام انما المسيح لم يمت بعد ودا جزء من رسالته
وياريت حضرتك تكملى معانا وترجعى تانى بعد شهر رمضان لان المنتدى يتوقف خلاص شهر رمضان ونرجو انك متنسيناش لاننا مش هننساكى وهنفضل ندعيلك فى شهر رمضان
و بعدين هى فى حاجه صعبه على الله؟ لو كان عايز رسول المسلمين هو إلى ينزل كان هيخليه هو إلى ينزل ما اروحنا كلها عنده! و رساله الله لا تتم ابدا لأن كلام الله لا يفنى ابدا وكما قيل إن لو كتب كلام الله مكنش هيكفى شجر العالم كله اقلام و بحر العالم كله حبر فى كتابه كلمه الله ...كله يفنى و كلمه الله لا تفنى و لا يوجد لها حدود!! و حضرتك بتقول رسالته كملت بكماله رساله المسلمين؟!
و انا اقول رساله المسيح لم و لن تكمل ابدا لإن كلمه الله لا يوجد لهل حدود ولا نهايه!إلا يوم النهايه!!و هذا ما اجده فى الإنجيل حتى الان.
ما علينا مش هو د موضوع نقاش.
إن شاء الله إنى اكمل معاكو يبقى هكمل معاكو... لإنى أسئله كل يوم فى صلاتى و اقول له لو رغبتك يا رب إنى اكمل حديث خلينى اكمل و لو رغبتك إنى اتوقف إجعل فى كلامى هنى العوائق إلى تخلينى ابطل اكمل حديث. فأنا اضع دائما حياتى فى يد الله.
و إلى هو عايزه و شايفه صح هو إلى هيتم...بس انا الصراحه عايزا اكمل....
بس لتكن مشيئه الله.
صدقنى انا مش هنساكم ابدا ابدامينفعش انساكم!!
استاذى انا جزء من عائلتى مسلمين.. لإن بنات خالت والدتى تزوجو مسلمين و خلفو و الاولاد مسلمين و أحمد ربى إن والدى مش متعصب فا إحنى فى ترابط فى العائله رغم إختلاف الدين.. و نجلس مع بعض و نحب بعض و اصوم معهم فى رمضان بس هما مش بيصومو معايا فى صيامنا بس ممكن يصومو صيام العزراء... و اديه جى فى رمضان يعنى صيمين كلنا مع بعض إن شاء الله.
و علشان كدا انا مينفعش انساكو لإن اصحابى و اقاربى و حبايبى و بلدى كلهم مسلمين.
و لهذا السبب انا اصلى للمسلمين و للمسيحيين وللعالم كله اطلب من الله ان يحاسب على حسب الاعمال ففى النهايه كلنا نعبده....و انا متئكده إن هو عادل كل العدل و طيب كل الطيبه و مغفرته لا تفوق الوصف... ترأف بحالنا يا رب ترأف يا الله و تمجد يا قدير.
اشكرك على دعائك و انا ادعى للكل و احاول ان ادعى بالإسم...يا الله إسمع دعائنا و تقبل صلاتنا و صيامنا.
و كل سنا و حضرتك طيب و حضرتكم كلكم طيبين.... رمضان كريم
هو انا كنت عايزا سوئال اصلى مش عايزا اتوقف عن القرائه فى شهر رمضان و اصحابى قالو لى مش اى سايت تفتحى يبقى فيه الكلام الصح... ممكن حضرتك تشوف اللينك ده و تقول ليا لو تمام واكمل قرائه القرئان و التفسير منه؟؟
http://www.islamway.com/?iw_s=Quran&...&chapter_id=18
المفضلات