يوميات عم رمضان كلهم عجينة واحدة
يوميــــات عم رمضـــــان
كلهم عجينة واحدة
الواد زقلط
أهى دكانة ميلاد الصايغ يا عم الشيخ حسن
عاوز حاجة تانى
الشيخ حسن
متشكرين يا زقلط وإبقى قول لأمك ماتنيش الشيخ حسن لما تيجى تخبزى
الواد زقلط
حاضر يا شيخ حسن
الشيخ حسن
يا ميـــلاد
يا سى ميـــلاد
يا خواجة ميــلاد
ياواد يا سى ميلاد
ميـــــــــــــــــــلاد
مين ؟ الشيخ حسن معقولة دى ؟!!
ياأهلاً ياأهلاً يا مليون تريليون تشيليون مرحبا
الشيخ حسن
أيوه ليك حق ما السلامات ببلاش
ميـــــــــــــــــــلاد
خطوة عزيزة يا شيخ حسن ياأهلاً يا أهلاً
على مهلك واحدة واحدة وحاسب العصايا والبترينة علشان كلها إزاز أيوه هات إيدك ياأهلاً ياأهلاًً
لو عارف إنك جاى المحل كنت رشيت الأرض ميا
الشيخ حسن
مستخسر الرمل علشان بفلوس ؟
ميــــــــــــــــــــلاد
خلاص يا شيخ حسن المرة الجايه أجيب عربية رمل وأفرشها قدام المحل
ياأهلاً يا أهلاً دى خطوة عزيزة
يا مرحب يا مرحب
الشيخ حسن
يا ولــه كتر السلام يقل المعرفة
ميـــــــــــــــــــلاد
دى محبة يا شيخ حسن
الشيخ حسن
طيب لما نشوف المحبة إللي بتقول عليها دى حقيقى ولا مجرد كلام
ميــــــــــــــــــــلاد
لأ حقيقى يا شيخ حسن وحتشوف بنفسك
بس قوللي طلبك إيه ؟
الشيخ حسن
مش تستنى الأول لما أأقعد وآخد نفسى
ميـــــــــــــــــــلاد
براحتك خالص واحدة واحدة أدى الكرسى
هات بقى أركنلك العصايا بتاعتك
إستريحت دلوقت ؟
قوللي بقى طلبك إيه ؟
الشيخ حسن
الدهب بكام النهاردة ؟
ميـــــــــــــــــــــلاد
مش تقوللى طلبك إيه الأول ؟
غويشة – كردان – محبس – حلق – خاتم – دبلة
الشيخ حسن
هو يعنى سعر الدهب حيفرق فى الغويشة والمحبس والحلق ؟
ميـــــــــــــــــــلاد
سعر الدهب واحد وحسب العيار المصنعية هى بس إللي بتفرق
إنت بس قوللي طلبك إيه ؟
الشيخ حسن
والمصنعية دى تطلع كتير ؟
ميــــــــــــــــــــلاد
حسب الشغل المعمول فى الحاجة يعنى مثلاً الشغل إللي فى الكردان والخاتم والحلق غير الشغل إللي فى الدبلة
بس قوللي الأول طلبك إيه ؟
وأنا أخدمك فى المصنعية
الشيخ حسن
حتخدمنى بجد ولا أهو كلام والسلام ؟
ميـــــــــــــــــــلاد
صدقنى حاخدمك وحتشوف بنفسك
بس قوللي الأول طلبك إيه ؟
الشيخ حسن
أنا قلت بدل الدوخة ووجع القلب والشعططة فى نزول مصر إنت أولى من غيرك
ميــــــــــــــــــــلاد
وليه مصر ؟ والمشّورة والتعب وتدفع الشيىء الفلانى فى المواصلات ده غير الزحمة والبهدلة ويمكن يضحكوا عليك هناك فى الصاغة وهنا المحل محلك وتحت أمرك
بس قوللي الأول طلبك إيه ؟
الشيخ حسن
جميل .. جميل
إنت دلوقت ريحت قلبى
ميـــــــــــــــــلاد
إنت كمان ريح قلبى وقوللي الأول طلبك إيه ؟
وأنا حاأجيبلك أحلى حاجة عندى
إستنى قبل ما تتكلم تشرب إيه الأول ؟
أجيبلك كازوزة ولآ أطلبلك سحلب ولا تشرب شاى
الشيخ حسن
مش لما تشوف طلبى إيه الأول ؟
ميـــــــــــــــــــــلاد
الواجب الأول وبعدين تقوللى طلبك إيه
معلش سامحنى أنا كنت ناسى خالص أسئلك تشرب إيه أول ما دخلت المحل عموماً ملحوقة
قوللي الأول طلبك إيه ؟
ياااه قصدى تشرب إيه ؟
الشيخ حسن
الطمع نساك الواجب
ميـــــــــــــــــلاد
دى عندى يا شيخ حسن معلش
الواحد دماغه مقلوبة إعذرنى
تشرب إيه بقى ؟
الشيخ حسن
ملوش لزوم تكلف نفسك
الاكرامية بتاعتى إنك تخدمنى
فى الطلب بتاعى
ميــــــــــــــــــــلاد
أكلف نفسى ده إيه يا شيخ حسن ؟
هو إنت شوية ده إنت أول مرة تجيىلى المحل
بقى ده إسمه كلام يا راجل
ما يصحش كدة
لازم تشرب حاجة الأول وبعدين تقوللي طلبك إيه ؟
الشيخ حسن
خلاص مادام مصمم هات كازوزة
ميـــــــــــــــــــلاد
أيوة كدة
حاجيبلك الكازوزة الأول وبعد كدة السحلب
روح يابقطر هات إزازة كازوزة للشيخ حسن من القهوة وقوللهم يببعتوا سحلب بعد شوية
الشيخ حسن
مين بقطر ده ؟
ميــــــــــــــــــــلاد
ده واد غلبان من كفر أبو فروة
الشيخ حسن
وإنت تعرفه منين ؟
ميــــــــــــــــــــــلاد
أبونا بعته علشان أشغله عندى فى المحل
المهم سيبك إنت من الواد
وقوللي الأول طلبك إيه ؟
أنا عندى تشكيلة إنما إيه . عجب
ولا أأقولك إستنى لما تشرب الحاجة الساقعة الأول
يا مرحب يا مرحب
الشيخ حسن
ياأخى إومال ما بأشوفش الكرم ده ليه لما بأجيلك البيت علشان تقراللى من الكتاب بتاعكم
ميــــــــــــــــــلاد
إهيه !!
هو إحنا بنكون فاضيين يا شيخ حسن مش بنكون مشغولين فى الكمبيوتر وسؤالاتك الكتيرة
الكازوزة وصلت أهى
وصيت يا بقطرعلى السحلب للشيخ حسن ؟
بقــطر
أيوه
الشيخ حسن
والله ماكان ليه لازمة لده كله
ميــــــــــــــلاد
ما تقولش كدة يا شيخ حسن
هو فيه أغلى منك
مد إيدك يا راجل إزازة كازوزة إنما إيه متلجة على الأخر
الشيخ حسن
بالحق نسيت أباركلك
ميـــــــــــــــــلاد
على إيه ؟
الشيخ حسن
جاللكم أب جديد
ميـــــــــــــــــلاد
قصدك يعنى على البابا تواضروس ؟
الشيخ حسن
أيوه
تدوبوه فى عرق العافية
ميــــــــــــــــــلاد
خلينا فى طلبك الأول وبعدين نبقى نتكلم عن البابا
ما قولتليش الأول طلبك إيه ؟
الشيخ حسن
بس أول ما شطح نطح
ميــــــــــــــــــــــلاد
مين ده ؟
الشيخ حسن
ياواد أنا بأكلمك عن البابا الجديد
ميــــــــــــــــــــــلاد
سيبك دلوقت من البابا والماما وخلينا فى الأهم
وقوللي الأول طلبك إيه ؟
الشيخ حسن
صحيح أنا نسيت إن أبوك هو القرش
ميــــــــــــــــــلاد
يا سلام يا شيخ حسن لما تدّخل الهزار فى الجد
إحنا دلوقت فى الطلب بتاعك
غويشة حلق كردان محبس
إللي إنت عاوزه
بس قوللي الأول طلبك إيه ؟
الشيخ حسن
بس عجبك كلامه لما قال البنات بتأسلم بسبب الجنس
وبيهربوا علشان يتجوزوا
طيب والشباب والرجالة الكبار إللي بيشهروا إسلامهم
ميـــــــــــــــــــلاد
الغربال الجديد له شَدةَ يا شيخ حسن
بس خلينا دلوقت فى الطلب بتاعك
وقوللي طلبك إيه ؟
الشيخ حسن
شَدةَ إيه وبتاع إيه ؟ وهو مخرم من كل ناحية
مش لما يسد الأول الخروم إللي عنده
ميـــــــــــــــــلاد
قصدك إيه عن الخروم يا شيخ حسن ؟
الشيخ حسن
التناقضات إللي فى كتابه والشبهات إللي ملهاش أول ولا آخر
ميـــــــــــــــــــــلاد
سيبك من كل ده
وقوللي الأول طلبك إيه ؟
الشيخ حسن
يعنى فكرك كدة زى ما بيقول إن البنات بتهرب علشان الجنس ؟
ميــــــــــــــــــلاد
وهو إيش عرفه بالجنس يا شيخ حسن
ده راهب ملوش فى الحريم ولا يعرف عنهم حاجة ويمكن يكون خاصى نفسه أو حد خصاه وهو صغير
فمتاخدش على كلامه وخلينا فى الطلب بتاعك
هه قوللي بقى طلبك إيه ؟
الشيخ حسن
مالك ياولـّه حتريل كدة ليه ومعندكش صبر تستنى لحد ما اشرب السحلب
ميـــــــــــــــــــلاد
أنا قلت أعرف منك طلبك إيه علشان أجهزه عقبال ما تخلص إزازة الكازوزة
الشيخ حسن
خلصت روحك
يا ولـه ما تبقاش كدة لحوح وكتير الكلام
ميــــــــــــــــــــــلاد
ماشى بس ريحنى وقوللي الأول طلبك إيه ؟
الشيخ حسن
خلاص حاريحك مادام معندكش صبر تستنى لحد ما أشرب الكازوزة وبعدين السحلب
ميـــــــــــــــــــــــلاد
روح يابقطر جرى على القهوة وإستعجل السحلب للشيخ حسن
بقــطر
حاضر
ميــــــــــــــــــــــلاد
أيوه يا شيخ حسن متأخذنيش أصل إنت حبيبى
قوللي بقى طلبك إيه ؟
الشيخ حسن
بس كويس إنه ماقالش إنهم بيتخطفوا زى ماكانوا كلهم بيقولوا
ميــــــــــــــــــــلاد
سيبك من الكلام الفاضى ده هو فيه حد بيخطف حد
خلينا فى الأهم
وقوللي الأول طلبك إيه ؟
الشيخ حسن
لحظة يا سى ميلاد
هى فين ؟ فين فين يا شيخ حسن ؟
هى راحت فين ياربى
ميـــــــــــــــــــــلاد
إوعى تكون المحفظة وقعت ؟
الشيخ حسن
اصبر يا واد يا سى ميلاد
الحمد لله الصرة أهى !!
ميــــــــــــــــــــــلاد
نحمد الرب أنا قلبى وقع فى رجليا
قلت المحفظة ضاعت بالفلوس
كويس إنك صارر الفلوس فى صرة
الشيخ حسن
ما تستعجلش ياواد ياسى ميلاد
وإستنى لما أفك الصرة
الحمد لله أهم محطوطين بحطتهم
بص بقى ياخواجة أولاً دول فردتين الحلق بتاع حلاوتهم
فردة منهم البريمة بتاعتها محتاجة تتضيق شوية وبالمرة تشيك على الفردة التانية
ميــــــــــــــــــــلاد
دى حاجة بسيطة إعتبرها خلاص خلصت
المهم هو ثانيــاً ؟
ياريت تقوللي طلبك إيه ؟
الشيخ حسن
مش لما نخلص الأول من أولاً
ميـــــــــــــــــــــلاد
حالاً أصلحلك البريمة وأشيكلك على الفردة التانية وألمعهم بالمرةعلشان يبرقوا وأحطهملك كمان فى علبة قطيفة من عندى وبعدين نيجى لثانيــاً
الشيخ حسن
ماشى وقوللي حتاخد كام
ميــــــــــــــــــــلاد
يا خبر يا شيخ حسن عيب تقول كدة
ولا مليم دى حاجة بسيطة ومش مستهالة
الشيخ حسن
ما ينفعش كدة يا واد يا سى ميلاد
ميــــــــــــــــــــلاد
طب والمسيح الحى ماآخد حاجة
جرى إيه يا شيخ حسن دى حاجة بسيطة جداً
أهوالسحلب وصل أهو
عقبال ما تشرب السحلب أكون خلصت أولاًًعلشان نفضى لثانياًًّ
وتقوللى طلبك إيه ؟
الشيخ حسن
ده كمان إنسحب من التأسيسة بتاعة الدستور
ميــــــــــــــــلاد
مين ده إللي إنسحب ؟
الشيخ حسن
كبيركم
قصدى على البابا بتاعكم
ميـــــــــــــــــــلاد
وإنت ليه بس شاغل نفسك بيه يا شيخ حسن
خلينا فى الطلب بتاعك وشوف إنت عاوز إيه عقبال ما أخلص إللي فى إيدى
الشيخ حسن
وهو إنا إللي شاغل نفسى بيه ده هو إللي شاغل نفسه بينا ماله هو ومال الإسلامين وماله ومال الشريعة وهو عارف إنها مش حتتطبق عليهم ومن بجحاته يقول إن المادة 220 تعتبر كارثية
ميـــــــــــــــــلاد
والمادة دى عن إيه ؟
الشيخ حسن
بتنص على "مبادىء الشريعة الإسلامية"
وبيقول إنها تحول مصر من دولة مدنية إلى معنى مختلف تماما لذلك"
طيب هو ماله مادام هوحيحتكم لشريعته
الظاهر إن كلهم عجينة واحدة
ميــــــــــــــــــلاد
سيبك من العجينة والخميرة وخلينا فى أكل عيشنا
وقوللي طلبك إيه ؟
الشيخ حسن
قبل ما يقعد على الكرسى قال إن دور البابا يعتبر روحيا, لأن الكنيسة مؤسسة روحية وليس سياسى وبعد ما نصبوه بدأ الصدام مع المسلمين وأول حاجة عملها إغتصب 9000 فدان بتوع المحمية الطبيعية وحوطهم بسور
ميـــــــــــــــــــلاد
أنا خلصت أولاً يا شيخ حسن وحطتلك الحلق فى علبة قطيفة وكمان لمعته وبقى يبرق كإنه لسه جديد
خد العلبة أهى شيلها بمعرفتك
وكدة نخش على ثانياً
قوللى بقى طلبك ؟
الشيخ حسن
بس الراجل ده باين عليه دموى وما بيحبكمش وما يهموش إنكم تموتم أو تروحوا فى ستين خرارة
ميـــــــــــــــــــــــلاد
إزاى يعنى ؟
الشيخ حسن
لأنه نبه على الكهنة والقساوسة والأقباط يشتركوا فى العصيان المدنى ومايروحوش أعمالهم لتعطيل الانتاج ويقعدوا فى التحرير طول اليوم ومايخافوش من الإسلاميين لأن العالم كله شايف
ميــــــــــــــــــلاد
وده يبقى دموى يا شيخ حسن ؟
الشيخ حسن
ماهو ياواد ياسى ميلاد لما إنتوا تخرجوا وتهتفوا زى ماقال
"الرب راعيكم ويؤيدكم فى مطالبكم" وأكيد ناس كتير منكم حتاخدهم العنترية ويتحرشوا بالإسلاميين ، والإسلاميين مش حيسكتوا وحيبقى فيه دم
وهو ده إللي عاوزه البابا بتاعكم علشان يولول ويطلب الحماية من بره
ميــــــــــــــــــــــلاد
الرب يجيب العواقب سليمة يا شيخ حسن
أنا عن نفسى مش حاانزل مصر وحاافتح دكانى عادى
المهم ما قلتليش طلبك إيه ؟
يتبع بمشيئة الله
عند التفاعل
رد مع اقتباس
المشاركة الأصلية كتبت بواسطة روح الريحان
المفضلات