إضحك لثوانى

**الريحانة** · 13-05-2005, 01:12 AM

بسم الله الرحمن الرحيم
ذهب احد الأغبياء إلى حديقة الحيوان ,,فقام بوضع رأسه فى قفص الأسد فجرى إليه الحارس مسرعاً وقال له إنت بتعمل إيه فرد الرجل إيه يا عم يعنى هناكله.
*****
عين احد الاغبياء عسكرى فى الجيش,,فوقف لحراسة المعسكر ليلاً ,فجاءه احد الاشخاص وقال له
-انا الشاويش محمد اللواء فريد جه
- لأ لسه مجاش
وبعد فترة جاءه الشاويش محمد
- انا الشاويش محمد اللواء فريد جه
-لأ لسه مجاش
وبعد فترة جاء الشاويش محمد
- اللواء فريد لسه مجاش
-لألسه مجاش
وبعد ثلاث ساعات وصل اللواء فريد فقال له الغبى
-إنت كنت فين ده الشاويش محمد هيخرب بيتك
*******************
اثنين بيتعاطوا حشيش فقال احدهم:- لو قلتلى الشوال اللى معايا فيه إيه هاديك منه بلحتين
الآخر:- ها ...جوافة
***********
احد الاشخاص كان يعانى من الديدان وداخ على الدكاترة ومافيش فايدة
فجلس مهموماً مع احد اصدقائه
- مالك
- الديدان اللى فى بطنى مش عارف اتخلص منها ودخت على الدكاترة ومافيش فايدة
- انا هاقولك على طريقة إنت تجيب بطيخة وتقسمها نصين وتروح قاعد على نصف البطيخة.. الملك بتاع الديدان لما ينزل ويلاقى البطيخةطعمها حلو هيروح منادى على كل الديدان عشان تنزل وتاكل من البطيخة وساعتها تتخلص من كل الديدان .
-متشكر اوى
وراح مشترى احلى بطيخة فى السوق وراح قاعد على نصها
ملك الديدان نزل لقى البطيخة طعمها حلو اوى راح منادى على باقى الديدان
يا شباب..طلعو هاللى فوق.
*************
سبحانك الله وبحمدك اشهد ان لا الله إلا انت استغفرك واتوب إليك
كان الصحابة يقولون[ اللهم بلغنا رمضان قبل ان يأتى رمضان بستة أشهر]
فلنقل جميعاً اللهم بلغنا رمضان
*************

**نسيبة بنت كعب** · 13-05-2005, 07:44 AM

اضحك الله سنك اختى الريحانه

عسل والله

تحيــــاتى

**شبكة بن مريم الإسلامية** · 13-05-2005, 09:14 AM

اضحك الله سنك اختى الريحانه

**المهتدي بالله** · 13-05-2005, 11:21 AM

السلام عليكم

يسلم هديات والله ما بطلت ضحك بس كان في عندي مشكلة
أني ما فهمت النكت الا لما جبت أخويا المصري يفهمني أياهم
بعدها ضحكت وما بطلت ضحك
أضحك الله سنكي كما أضحكت سني أختي الريحانة

**ابنة الزهراء** · 13-05-2005, 06:58 PM

أضحك الله سنك أختي الحبيبة الريحانة

حلو تعليق أخونا المهتدي بالله

يعني بعد كده نحط النكت المصري ومعاها الترجمه

**ادعلى أحمد** · 23-06-2005, 09:49 PM

نكة ظريفة ان شاءالله

**Merooo** · 24-06-2005, 01:36 AM

السلام عليكم

متجمعين عند النبى

ان شاء الله

اضحك الله دائما سنكم جميعا وجعل ايامكم فرحه وسرور واخرتكم ضياء ونور

جميله نكتك يا اخت ريحانه

واديكى غيرتى ريحه ( المجارى ) اللى غرقتى بيها مياه اسكندريه

وبهديلك النكته دى

بس يا ترى حد صعيدى هنا يا جماعه؟؟؟
متهيألى كلهم اسكندرانيه

مره جماعه صعايده كانوا عاملين مظاهره ساعه حرب العراق

وكانوا فى قمه الغضب

قاموا جابوا واحد منهم ولبسوه لبس بوش وولعوا فيه

**h7oda_mody** · 29-06-2005, 06:22 AM

جزاكي الله خير

**الشرقاوى** · 15-07-2005, 01:41 AM

مرة واحد راكب حمار فبيعدى على بنزينة لقا ايه لقا ان العربيات كل ما يتحطلها بنزين تطلع تجرى
راح دخل البنزينة وقال للراجل حط للحمار عشرة لتر بنزين عشان يجرى
اول مالراجل حط للحمار بنزين طلع يجرى ويرفس ويتشنج وجرى بعيد
قام الراجل قاله حطلى انا بقى عشرين عشان الحقه

**الشرقاوى** · 15-07-2005, 01:43 AM

واحده ست مسكت حرامى فى المطبخ ،فقالت لابنها روح إنده ابوك من على القهوة.... جه ابوه ، ولما فتح المطبخ لقي الحرامي صغيّر فقال له انت اسمك ايه؟ قالوا كريم ،فقعد يضرب فيه لحد ما عجنه .... تاني يوم الست بتفتح باب المطبخ لقيت حرامي قالت لابنها روح يا وله نادي ابوك من على القهوة جه الراجل
ولما دخل المطبخ لقي واحد طول بعرض ....... بص لمراته وقال لها امال فين كريم ؟!!!

مـواقـع شـقــيـقـة
شبكة الفرقان الإسلامية	شبكة سبيل الإسلام	شبكة كلمة سواء الدعوية	منتديات حراس العقيدة
البشارة الإسلامية	منتديات طريق الإيمان	منتدى التوحيد	مكتبة المهتدون
موقع الشيخ احمد ديدات	تليفزيون الحقيقة	شبكة برسوميات	شبكة المسيح كلمة الله
غرفة الحوار الإسلامي المسيحي	مكافح الشبهات	شبكة الحقيقة الإسلامية	موقع بشارة المسيح
شبكة البهائية فى الميزان	شبكة الأحمدية فى الميزان	مركز براهين	شبكة ضد الإلحاد