سبب اسلامى هو شدة كرهى للمسلمين تخيلوا ؟؟؟؟

آخـــر الـــمـــشـــاركــــات

لمسات بيانية الجديد 10 لسور القرآن الكريم كتاب الكتروني رائع » آخر مشاركة: عادل محمد | == == | الرد على مقطع خالد بلكين : الوحي المكتوم المنهج و النظرية ج 29 (اشاعة حول النبي محمد) » آخر مشاركة: محمد سني 1989 | == == | قالوا : ماذا لو صافحت المرأة الرجل ؟ » آخر مشاركة: مريم امة الله | == == | () الزوجة الصالحة كنز الرجل () » آخر مشاركة: مريم امة الله | == == | مغني راب أميركي يعتنق الإسلام بكاليفورنيا » آخر مشاركة: *اسلامي عزي* | == == | الإعجاز في القول بطلوع الشمس من مغربها » آخر مشاركة: *اسلامي عزي* | == == | الكاردينال روبيرت سارا يغبط المسلمين على إلتزامهم بأوقات الصلوات » آخر مشاركة: *اسلامي عزي* | == == | لمسات بيانية الجديد 8 لسور القرآن الكريم كتاب الكتروني رائع » آخر مشاركة: عادل محمد | == == | الرد على شبهة زواج النبي صلى الله عليه وسلم من عائشة رضي الله عنهما بعمر السادسة و دخوله عليها في التاسعة » آخر مشاركة: محمد سني 1989 | == == | المصلوب بذرة ( الله ) ! » آخر مشاركة: *اسلامي عزي* | == == |

مـواقـع شـقــيـقـة
شبكة الفرقان الإسلامية شبكة سبيل الإسلام شبكة كلمة سواء الدعوية منتديات حراس العقيدة
البشارة الإسلامية منتديات طريق الإيمان منتدى التوحيد مكتبة المهتدون
موقع الشيخ احمد ديدات تليفزيون الحقيقة شبكة برسوميات شبكة المسيح كلمة الله
غرفة الحوار الإسلامي المسيحي مكافح الشبهات شبكة الحقيقة الإسلامية موقع بشارة المسيح
شبكة البهائية فى الميزان شبكة الأحمدية فى الميزان مركز براهين شبكة ضد الإلحاد

يرجى عدم تناول موضوعات سياسية حتى لا تتعرض العضوية للحظر

 

       

         

 

    

 

 

    

 

سبب اسلامى هو شدة كرهى للمسلمين تخيلوا ؟؟؟؟

صفحة 1 من 11 1 2 ... الأخيرةالأخيرة
النتائج 1 إلى 10 من 108

الموضوع: سبب اسلامى هو شدة كرهى للمسلمين تخيلوا ؟؟؟؟

  1. #1
    تاريخ التسجيل
    Nov 2009
    المشاركات
    129
    آخر نشاط
    25-11-2010
    على الساعة
    06:04 PM

    افتراضي سبب اسلامى هو شدة كرهى للمسلمين تخيلوا ؟؟؟؟

    السلام عليكم

    كنت متردده كثيرا ان اكتب قصة اسلامى لسبب فى نفسى هو خوفى ان تكرهونى او تتجنبونى لكن لان هذا الطلب جاء من الشخص الذى ساعدنى فى النجاة والخلاص الحقيقى ومعرفه طريق الحق يعز عليه جدا ارفض طلبه .

    سوف تتعجبون ان اسلامى والذى بدء بدخولى هذا المنتدى هو بسبب كرهى للمسلمين لانى كنت اعتقد ان كل مصيبه حصلتلى فى حياتى كان سببها المسلمين فى البدايه كونت تلك الفكره عن المسلمين من مواقف فعلا حدثت معى اولها كنت لسه فى عمر السادسه تقريبا وعملت عمليه اللوز عند دكتور مسلم وبعدها بفتره طويله حدثت لى اعراض مرضيه كان السبب فيها هو ذلك الطبيب منها سرعه الترسيب وروماتيزم عادى ورحت لدكتور برضه مسلم وادانى علاج وقالى دى بسيطه واحنا صدقناه وفضلت اعانى فتره طويله من الام شديده فى كل انحاء جسمى وانا كنت بكبر دماغى لانى مش بحب اكون عيانه واشغل اهلى فكنت بستحمل لما كبرت وبئا عندى حوالى 17 سنه مقدرتش وروحت لدكتور برضه مسلم وطلب منى تحاليل وعملتها وقالى سرعه الترسيب عندك عاليه جدا وانتى اهملتى المفروض كنتى اخدتى من فتره طويله اوى حقنه اسمها بنسلين ودى اخدها مرتين فى الشهر علشان الموضوع ميوصلش للقلب زى ما حصل كده وكان السبب من البدايه اهمال دكتور مسلم .

    طبعا بعد كده بدئت اكون فكره زى الزفت عن المسلمين وكنت بتعامل معاهم معامله زى اللى بتلكك لهم سواء فى الجامعه الاول او بعد كده فى شغلى

    اهم شىء اثر فى حياتى جدا وخالانى ادخل منتديات مسيحيه علشان سبب واحد بس اشوف ردودهم وطعنهم فى رسول الاسلام وردودهم وسبهم فيكم كان ليه اخت اكبر منى . ارجو من كل من يقرء الان ان يطلب الرحمه ليها . انا ليه بنتين اخواتى وانا الوسطانيه اختى الكبيره كانت فى خريجه اعلام وبتشتغل فى جريده تحت التمرين واتعلقت بشاب مسلم بسبب اخلاقه ودفاعه دايما عنها حتى لما اعترفت ليه انها بتحبه ومعندهاش مانع تتجوزه وتفضل مسيحيه وهو مسلم لكن هو للاسف صدمها صدمه كبيره لما قالها ما ينفعش اتجوزك لانك مش من اهل الكتاب اللى امرنا ربنا اننا نتجوزهم انتى ايمانك غير ايمان اهل الكتاب ومش عايز اجرحك اكتر من كده واقولك راى دينا فيكم . روحت اختى منهاره فى اليوم ده وحكتلى اللى حصل لاننا كنا اقرب لبعض كنا روح واحده تقريبا .طبعا انا خرجت عن شعورى وفضلت اشتم واسب لما قولت يابس عليه وعلى المسلمين لانهم بيعتبرونا كفره ومش من اهل الكتاب وفى اليوم ده نزلت اشترى حاجه وكان صاحب المكتبه مسلم ومشغل قران بصوت عالى شويه وانا كنت داخل المحل قولت يا نهار اسود انتم ورايه ورايه وزعقت مع صاحب المكتبه وطلبت منه يوطى الصوت وهو لما شافنى طبعا فهم انى مسيحيه طلع راجل زوق وكل اللى عمله طردنى من المكتبه وقالى متشتريش منى حاجه تانى .

    من اليوم دى بذات بدئت اختى تتغير بطريقه ازهلتنى كانت دايما لواحدها وكانت بتدخل النت كتير وبجد مكنتش عارفه هى بتعمل ايه عليه لان النت ده كنت بعتبره تضييع وقت

    المهم اختى ربنا اراد انها تصاب فى حادث من سنتين تقريبا الا 3 شهور ودخلت المستشفى وفضلت فى الرعايه كام يوم وطبعا دى اكبر صدمه اتعرضت ليها فى حياتى على فكره سواق العربيه اللى عمل الحادثه كان برضه مسلم . بعد اختى ما دخلت العنايه المركزه كانت يدوبك بتفتح عنيها بالعافيه وكنا ممنوعين من الدخول ليها لكن اليوم اللى ماتت فيه بليل انا كنت بره فى الطرقه وجت الممرضه وقالتلى انتى فلانه قولتلها ايوه وانا قلبى كاد ان يقف قالتلى تعالى اختك عايزاكى فرحت فرحت فرحت قولت يعنى الرب نجاها وكمان اتردلها وعيها كنت هموت من الفرح لانى كنت هموت من الخوف انها تموت بس المفاجاءه اللى ازهلتنى وصدمتنى واقسم بالله ان اول مره انطق بهذا الكلام لاحد او اى حد يعرف السر ده . اختى لاقيتها بتوصينى ايوه بتوصينى بتقولى اعملى المستحيل وادفنينى مع المسلمين ؟ تخيلوا اختى كنا روح واحده اسلمت وانا معرفش كنت ملاحظه التغيير بس قولت بسبب اللى حبته كنت هتجنن قولتلها اسكتى اسكتى ارجعى لعقلك يمكن تكون دى اخر لحظه ليكى افتكرى اليسوع افتكرى عمل ايه علشانه . افتكرى الحياه الابديه افتكرى هتقولى ايه لليسوع لما يسالك كفرتى بيه ليه . فضلت اقول واقول واقول وانا مش حاسه بنفسى من كتر البكاء اختى خلاص هتموت وهتموت على ضلال مش هتكون معانا فى الحياة الابديه مش هتكون هناك هتخسر كل شىء كنت زى المجنون واقسم بالله انى اراها الان وارى ابتسامتها . قولتلها احكيلى من اللى ضلك مين احكيلى كل حاجه بس للاسف راحت تانى فى غيوبه وكان اخر شىء اراه هو ابتسامتها . طلعت اجرى قولت لازم اعمل حاجه بس انا مش عايزه حد يعرف دى فضيحه قولت مافيش غير ابونا اجيبه من الكنيسه ويجى يكلمها ومش هقوله حاجه غير انها بتموت وفعلا روحت وجه معايه وفضل مستنى انها تفوق لكن للاسف الغيبوبه طولت طولت اوى ومشى وقالى لما تفوق اتصلى بيه وهاجى فورا وفعلا فاقت اختى بليل بس فاقت ليه تعرفوا ليه . كنت فى الوقت ده قاعده جانبها هى على السرير وانا على الارض عماله اصلى ليها وادعلها علشان تفوق تنطق بس انها رجعت لليسوع علشان اطمن عليها وفعلا فاقت وقالتلى كويس انك انتى اللى هنا اوعى تنسى وصيتى ليكى واقسم بالله خالق كل شىء وجدتها تنظر لسقف الحجره وتبتسم وفارقت الحياه .

    فضلت اصرخ اصرخ خلاص ماتت ماتت ومش على دين الحق مش بتؤمن باليسوع دى مصيبه محدش يعرفها غيرى ده حمل تقيل عليه وازاى هنفذ وصيتها ازاى مقدرتش بجد مقدرتش وعملنا ليها القداس على روحها واندفنت تبع الطقوس المسيحيه . كنت ببصلها ومن جوايه بقولها قومى قومى تانى اعرفى الهك الحق وموتى تانى مصيبتى فيكى مش فى موتك انما فى انك موتى كافره موتى مسلمه .

    طبعا عرفت بعدها ان اللى كان السبب هو حبيبها انه عرفها الاسلام وانها اسلمت قبل موتها باربع شهور بس ودى كانت تانى لطمه ليه علشان اكره المسلمين هما السبب هما اللى اضلوا اختى هما اللى كانوا السبب فى موتها كافره .

    من بعدها بدئت ادخل النت بس علشان ادخل منتديات مسيحيه اشوفهم بيشتموكوا وبيسبوا نبيكم ده اللى كان بيشفى صدرى وبحس انى كده بنتقم منك ليه ولاختى لحد ما بدئت احس ان فيه حاجه غلط فعلا فيه حاجه غلط كل موضوع مسيحى الردود منك مفحفمه عليهم ثم سرعان ان تتحذف ويتفصل العضو لحد ما جه واحد مسيحى وهو صديق ليه من على النت وقالى شوفت اخر كدب المسلمين وتمثيلهم قولتله فى ايه قالى ال واحد عندهم اسلم دى تمثيليه يا بنتى ووووووووووووووووالخ

    المهم طلبت منه اللينك قالى بلاش بدل ما يضلوكى قولتله انت عبيط هات اللينك وانا هفرجك عليهم ودخلت المنتدى وبدء الحوار وبصراحه مكنتش ناويه اكمل ولا حاجه بس لما سالتونى عن المسيحيه هل هى دين سماوى اتبرجلت ؟ وسالت نفسى لازم ارد والا هكون انا اللى بنسف دينى لما طلبت المساعده من صديقى ده قالى يا ستى هيضلوكى بلاش تدخلى تانى انا غلطانه انى اديتك اللينك المهم فضلت برضه مصممه انى لازم اعرف الاجابه حتى لنفسى . وبدئت المناظره تاخد عندى شكل تحدى يا انا يا انتم . وكل ما اسال صحاب على الاميل اى سؤال يقولولى انتى شاغله دماغك ليه عندك الردود فى منتديتنا ردى منها بدئت اعمل كده فعلا بس لاقيت ردودكم انتم اقوى لحد ما وصلت لمرحله انى مش مصدقه الكتاب المقدس قولت خلاص هرد انا من خلال فهمى انا وزى ما تيجى لاقيت ردود قويه ومقنعه طلبت من الاخ السيف البتار جزاه الرب خيرا فى رساله خاصه انه يوضحلى كل شىء عن نبيه ورغم استعمالى الفاظ تسىء لنبيه الا انه لم يذكرها لا ورد عليه ردود قويه لا ينكرها الا واحد عايز يفضل فى ضلال

    انا دلوقت اكتر حاجه فرحانه ليها ان اختى ماتت مسلمه مش كافره زى ما كنت فاكره انا عمرى ما تخيلت انى اكون مسلمه عمرى لدرجه انى دخلت فى نقاش مره مع واحد منتقبه معايه فى الشغل وقولتها انا لو حبيت اغير دينى هدخل فى البوذيه ومكنش مسلمه قالتلى تصدقى بالله لو ربنا اراد انك تكونى مسلمه هتكونى مسلمه وانا احساسى بيقولى ان ربنا هيهديكى .

    وفعلا ربنا هدانى الحمد لله انا بشكركم كلكم على سع صدركم وبحمد ربنا انى بقيت مسلمه
    اشهد ان لا اله الا الله وان محمد رسول الله وان المسيح عبد الله ورسوله

  2. #2
    تاريخ التسجيل
    Jun 2009
    المشاركات
    2,651
    الدين
    الإسلام
    آخر نشاط
    03-09-2020
    على الساعة
    12:46 AM

    افتراضي

    بسم الله الرحمن الرحيم

    جزاك الله خيرا اختنا الفاضلة وشفاك الله تعالى وعافاك باذنه سبحانه وتعالى ورحم الله تعالى اختك الفاضلة واسكنها فسيح جنانه انه ولي ذلك والقادر عليه سبحانه
    سَلامٌ مِنْ صَبا بَرَدى أَرَقُّ ....ودمعٌ لا يُكَفْكَفُ يا دمشقُ

    ومَعْذِرَةَ اليراعةِ والقوافي .... جلاءُ الرِّزءِ عَنْ وَصْفٍ يُدَّقُ

    وذكرى عن خواطرِها لقلبي .... إليكِ تلفّتٌ أَبداً وخَفْقُ

  3. #3
    تاريخ التسجيل
    May 2009
    المشاركات
    1,951
    آخر نشاط
    19-05-2011
    على الساعة
    01:24 AM

    إسلام جوستينا بعد مناظرتها
    مَع أ / السَيِّفُ البتَّار



    لكن ممكن ســـــؤال؟؟؟
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعيإنتَبِهوا!فكثيراًمن الأمورالهامة البَعض يقع فيها بحُسن نيـِّة http://www.ebnmaryam.com/vb/t179459.html
    أى مُتنَصِر لا يساوى ثمن حذآئِهhttp://www.ebnmaryam.com/vb/t30078.html
    القساوسَة مَدعوون للإجابَة على الآتى
    http://www.ebnmaryam.com/vb/t179075.html
    مُغلَق للتَحديث

  4. #4
    تاريخ التسجيل
    May 2009
    المشاركات
    1,951
    آخر نشاط
    19-05-2011
    على الساعة
    01:24 AM
    لماذا (أخت حضرتك اللهَ يرحمها ويحسن إليها)
    ما دام أسلمت ماهو الشىء الذى منع الإرتباط؟؟؟؟

    باقى أجزآء المناظرة موجودة فى المرئيات وعلى اليوتيوب
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعيإنتَبِهوا!فكثيراًمن الأمورالهامة البَعض يقع فيها بحُسن نيـِّة http://www.ebnmaryam.com/vb/t179459.html
    أى مُتنَصِر لا يساوى ثمن حذآئِهhttp://www.ebnmaryam.com/vb/t30078.html
    القساوسَة مَدعوون للإجابَة على الآتى
    http://www.ebnmaryam.com/vb/t179075.html
    مُغلَق للتَحديث

  5. #5
    تاريخ التسجيل
    Jul 2009
    المشاركات
    395
    الدين
    الإسلام
    آخر نشاط
    16-11-2010
    على الساعة
    06:49 PM

    افتراضي

    ياريتك مكتبتيش قصتك ربنا يسامحك انا لسة بقراء قصة نادين كل يوم بدخل زائرة وكنت اتمنى من ربنا انها مكنتش تكتب قصتها الاقيكى تكتبى كمان قصتك
    ربنا يباركك
    تحمَّلتُ وحديَ مـا لا أُطيـقْ *** من الإغترابِ وهَـمِّ الطريـقْ

    سلامي لأغلى أخوتي :
    عبورهـ
    وإسلاماة
    حياة القلوب
    تقاء
    ولاء بنت الإسلام
    ونادين
    وماما نوران
    وهنودا
    ......

  6. #6
    تاريخ التسجيل
    Apr 2009
    المشاركات
    6,554
    الدين
    الإسلام
    الجنس
    ذكر
    آخر نشاط
    04-07-2023
    على الساعة
    11:29 PM

    افتراضي

    ثبتكِ الله أختنا ورحم أختك وأسكنها فسيح جناته
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    الحمد لله على نعمة الإسلام

  7. #7
    تاريخ التسجيل
    May 2006
    المشاركات
    5,424
    آخر نشاط
    12-07-2013
    على الساعة
    03:24 PM

    افتراضي

    لاحول ولا قوة إلا بالله ...إنا لله وإنا إليه راجعون
    رحم الله أختك أختي جوستينا
    اللهم اجعل قبرها روضة من رياض الجنة ولا تجعله حفرة من حفر النار
    أللهم تقبلها وثبتها بالقول الثابت
    اللهم آآآمــــــــين
    جزاكِ الله الجنة أختي جوستينا وشكراً لكِ على كتابة قصتك
    أسأل الله أن يشفيك شفاءاً لا يغادر سقماً
    اللهم اشفِ اختنا جوستينا من كل بلاء ومرض وثبتها على دين الإسلام

  8. #8
    تاريخ التسجيل
    Nov 2009
    المشاركات
    129
    آخر نشاط
    25-11-2010
    على الساعة
    06:04 PM

    افتراضي

    [QUOTE]
    اقتباس
    اقتباس
    اقتباس المشاركة الأصلية كتبت بواسطة elqurssan مشاهدة المشاركة
    [COLOR="Blue"][align=center]لماذا (أخت حضرتك اللهَ يرحمها ويحسن إليها)
    ما دام أسلمت ماهو الشىء الذى منع الإرتباط؟؟؟ COLOR][/CENTER]
    السلام عليكم

    اللى فهمته من كلامه انه فعلا كان هيرتبط بيها بس الموضوع مش سهل وكان بيرتب لكده بس اراده ربنا وموتها هو اللى انهى كل شىء غير كده انا مقدرتش افهم منه اى حاجه لانى كنت منفعله عليه وبسبه وبتهمه انه ضل اختى وهو قالى بكره تعرفى انها هى اللى على حق

    على فكره هو فعلا انسان صادق لانه من يوم ما ماتت وهو حزين فعلا عليها ومخطبش لحد دلوقت لانى متابعه اخباره .

  9. #9
    تاريخ التسجيل
    Feb 2009
    المشاركات
    976
    الدين
    الإسلام
    آخر نشاط
    01-09-2012
    على الساعة
    06:38 PM

    افتراضي

    ماذا عساي ان اقو ل الحمد لله الحمد لله

    ربما يا اختي العزيزة أختك الله يرحمها كانت تدعيلك من كل قلبها حتى تلتحقي بركب المسلمين

    أنا فرحت جدا ان اختك ماتت مسلمة يارب تكون من اهل الجنة يارب تكون من اهل الجنة

    يارب تكوني أنت أيضا معها في الجنة و انتو ماسكين بعض آمين يا كريم

    أرجوك اختي لا تنسي أختك الصغرى وابواك واهلك لا تقنطي من رحمة الله ادعوهم بكل صبر واستمري في الدعاء

    هذه القصة من اجمل القصص التي قرءتها في حياتي ولو تسمحيلي يعني انشرها لكن أغير في اللهجة واكتبها باللغة العربية وراح أبعثلك نسخة على الخاص .....يا رب تكون قصتك عبرة لكل مسيحي معانا .....وياريت من كل مسلم يدعي لأختك بالجنة ويدعي لأهلك بالهادية

    أحبك في الله ....إنت إنسانة شفافة و مهذبة ...الله يحفظك
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

  10. #10
    تاريخ التسجيل
    Sep 2009
    المشاركات
    445
    آخر نشاط
    10-06-2011
    على الساعة
    09:24 PM

    افتراضي

    انا مش قادره امسك نفسى من البكاء بجد يا حبيبتى ياجوستينا انتى انسانه حساسه وقصتك عبرة الحمد لله الذى هداكى والله انتى ما تعرفيش انى حاسه انك اختى وقريبه منى جدا كما لو كنت اعرفك منذ فترة طويله وهذه هى الاخوة فى الله والله ان كل الناس كانت بتدعيلك علشان الله يهديكى بداتى المناظرة قويه وناهيتيها وانتى اقوى بدين الله ياحبيبتى لا يا اختى فى الله بس انا نفسى تقولى ماذا بعد اسلامك ناويه على ايه او شايفه الدنيا ازاى دلوقتى والله انك نصرة لدين الله واتمنالك فى الدنيا تكونى داعيه لله ويدخل على ايدك ناس كتير فى الاسلام وفى الاخرة ان يجمعنى انا وانتى واختك الله يرحمها وكل الاخوة والاخوات فى الفردوس الاعلى وتقبلينى يا اختى فى الله
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

صفحة 1 من 11 1 2 ... الأخيرةالأخيرة

سبب اسلامى هو شدة كرهى للمسلمين تخيلوا ؟؟؟؟

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. 10 دروس مفى مطلع سورة البقرة - تخيلوا !
    بواسطة نسيبة بنت كعب في المنتدى فى ظل أية وحديث
    مشاركات: 1
    آخر مشاركة: 30-06-2014, 03:05 AM
  2. تخيلوا
    بواسطة السيف البتار في المنتدى الأبحاث والدراسات المسيحية للداعية السيف البتار
    مشاركات: 9
    آخر مشاركة: 07-08-2008, 10:43 PM
  3. تخيلوا!!!!!! تم حظري
    بواسطة عبدالله(رمضان الحادي) في المنتدى المنتدى العام
    مشاركات: 3
    آخر مشاركة: 03-02-2008, 09:39 PM
  4. مركز اسلامى نورنبرج
    بواسطة yasser1970 في المنتدى Deutsches Forum
    مشاركات: 3
    آخر مشاركة: 14-09-2007, 09:23 PM
  5. مشاركات: 12
    آخر مشاركة: 02-09-2007, 01:11 AM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

سبب اسلامى هو شدة كرهى للمسلمين تخيلوا ؟؟؟؟

سبب اسلامى هو شدة كرهى للمسلمين تخيلوا ؟؟؟؟