أكله أثيوبيه رهييييييييييبة....بجد صدمه

[ابنة الزهراء]

بصوا بقى يا جماعه يسعدني بل يسرني بل يملأ قلبي سرورا اني أشارك معاكم بوصفه أكل

وطبعا أنا هقول الوصفه فقط وانتم تطبخوها نظرا لأني زي ما انتم عارفين ايبه في الطبخ وشغل البيت بشكل عام

زمان قوي لما كنت صغيره كان ليا صاحبه سوداني

ويوم فرحها رحت ليها وأكلت أكله غريبه جدا ولذيييييييييذة بشكل رهيب

كانت عباره عن قطع دجاج متقطع صغير او قطع لحم مكعبات صغيره مطبوخه بصلصة حاااااارة جدا وبتتغمس بنوع من الخبز عامل زي عجينة القطايف

وبالبحث والتمحيص طول السنين وقع في ايدي الموقع بتاع الاكله دي بعد ما عرفت انها اكله اثيوبي مشهورة اسمها زغني وان الخبز ده اسمه انجيرا

المشكله يا جماعه اني جبت الوصفه دي من صديقه سودانيه عرفتها من موقع عمرو خالد

وهي جابتها من موقع مكتوب باللغه الانجليزيه

لذلك رجاءا تتكرموا علينا بالترجمه وصدقوني والله الصنف روعه وسهل جدا اعداده حتى الخبز لأنه بيتعمل بطريقه قريبه من البان كيك


Title: Siga Wot
Categories: Meats
Yield: 6 servings

3 lg Onions; chopped <4c>
3 tb Corn oil
3 tb Chow
3 tb Tomato paste
1 ts Salt; to taste
2 c Water
1 1/2 lb Beef chuck; cut into
-half inch cubes

Siga wot is a spiced beef stew.

In dry pan over moderate heat, stir fry the onions for 4 mins to
reduce the bulk, stirring constantly. Add the oil and stir fry for
about 1 minute longer.

Add the chow and tomato paste and contine to fry. Then add the salt
and 1/4 of the water. Stir well. Add the beef cubes and the
remaining water. Cover the pan and cook for 45 mins, or until the
beef is tender. There should be a moderate amount of sauce.

Serve warm with Injeera.

ــــــــــــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــــــــــــ ــــــــــــــــــــ

Title: Injera (Ethiopian Flat Bread)
Categories: Home Cookin,
Yield: 4

1-3/4 c flour
1/2 c self-rising flour
1/4 c whole wheat Flour
1 pk dry yeast
2-1/2 c warm water
1/2 ts baking soda
1/2 ts salt

Combine the flours and yeast in a ceramic or glass bowl.
Add the warm water and mix into a fairly thin, smooth batter.
Let the mixture sit for three full days at room temperature.
Stir the mixture once a day. It will bubble and rise.
When you are ready to make the injera, add the baking soda and
salt and let the batter sit for 10-15 minutes.

Heat a small, nonstick 9" skillet.
When a drop of water bounces on the pan's surface, take about 1/3
cup of the batter and pour it in the skillet quickly, all at once.
Swirl the pan so that the entire bottom is evenly coated, then
return to heat.
The injera is cooked only on one side and the bottom should not
brown.
When the moisture has evaporated and lots of "eyes" appear on the
surface, remove the injera.
Let each injera cool and then stack them as you go along.
If the first injera is undercooked, try using less of the
mixture, perhaps 1/4 cup, and maybe cook it a bit longer.
Be sure not to overcook it. Injera should be soft and pliable so
that it can be rolled or folded, like a crepe.


في انتظار ترجمة الطبخة

[حفصة]

:bsm:

السلام عليكم ورحمة الله وبركاته
بصي يا ستي ..
انا بصيت..
ولما بصيت ندهت لبنتي علشان تبص معايا ..
وهي لما بصت بصتلي..
رحت انا باصالها ..
وقلتلها ..
ينفع نترجمها ونتصدم ؟
قالتلي ينفع ياماما ..
بس بنتي ما تعرفش عربي كتير
فرحت انا مترجمالها النص العربي
وهي مترجمالي النص الإنجليزي


وقلتلها الحكاية دي حصلت من زمان قوي

وبعد البحث والتمحيص طول السنين وقع في ايدها ....
قالتلي هو ايه يا ماما ؟ الساطور ؟
قلتلها لأ الموقع اللي فيه زغني وأنجيرا ...

الساطور ده بتاعي أنا



وبعد البحث في محتويات الطبخة والتمحيص في المقادير
طلعنا بنتيجة نرجو من الله ان تكون مفيدة



*************************************

Siga wot is a spiced beef stew.((عبارة عن لحمة متبهرة)) اللي هي زغني


المقادير :

نصف كيلو او اقل بقليل ما يعادل ثلاث او اربع بصلات مخرطة

ثلاث ملاعق طعام زيت ذرة

ثلاث ملاعق طعام chow يعني نوع من المعكرونة الرفيعة الصينية الصفراء تسمى نودلار( هكذا اعرفها) ولا اعلم اذا كان لها تسمية اخرى

ثلاث ملاعق طعام صلصة الطماطم

رشة ملح

كبايتان ماء

نصف كيلو او اقل بقليل لحمة بقر مقطعة قطع بقياس انش ونصف

اللي يحب يستلف ساطوري عشان يقطع اللحمة ما فيش مانع يتفضل


(ومش كاتبين اي حاجة عن الدجاج في هذه الوصفة
ولكن يظهر اللي يحب يضيف اليها دجاج ينفع برده )
وأظن انها بالجاجاج هتبقى ألذ وأشهى


المهم الطريقة

عشان تكمل الصدمة

نجيب مقلاة ونضعها على نار خفيفة

ونوضع فيها البصل على الناشف من غير زيت

ونقلب البصل شوية شوية( وملاحظة البصل هنا ما نسيبوش لازم يتقلب باستمرار )

وبعدين لما يدبل شوية نضيف الزيت عليه

وبعدين نضيف النودلار اللي هي chow
وصلصة الطماطم
ورشة الملح
وربع كباية ماء

ونقلب في الخليط كويس
وبعدين نضيف اللحمة والماء الباقي

ونغطي المقلاة ونتركها على النار الهادية لمدة خمسة واربعين دقيقة لكي تنضج



ولازم الطبخة لما تنضج ما تكونش ناشفةعلى الآخر
ويكون فيها بقية المرقة او القليل منها

يظهر من كمية المقادير المقلاة لازم تكون ذو ارتفاع وليست مفلطحة على الآخر

آدي حكاية زغني
ننقل بقى على حكاية أنجيرا


وربنا يستر ما خفي من انجيرا كان أعظم

[حفصة]

: Title: Injera Ethiopian Flat Bread Categories: Home Cookin









self rising

اربعة اكواب دقيق

2 ملعقة صغيرة ملح

2 ملعقة صغيرة بكم بودر

تخلط المقادير مع بعض وتترك

سياتي استعمالها لاحقا

تاخدي منه الكمية اللازمة

وتسيبي الباقي لبعدين

للإستعمالات اللاحقة في مرات اخرى
..........................

خبز الأنجيرا


المقادير :


كوب وثلاثة أرباع الكوب دقيق عادي

نصف كوب self rising

ربع كباية طحين اسمر ( يعني قمح كامل مطحون بقشره )

باكو خميرة ناشفة

كبايتين ونصف الكوب ماء ساخن

نصف ملعقة صغيرة بيكربونات ( كربونة )

نصف ملعقة صغيرة ملح


...............................

الطريقة :

خلط كل انواع الدقيق مع بعض مع الخميرة
ويوضع الخليط في وعاء زجاجي او سيراميك
بعد الخلط الجيد يضلف الماء الفاتر ويخلطوا من جديد لكي يصبح كعجين البان كيك



نضع الخليط ثلاثة أيام كاملة تماما

في درجة حرارة الغرفة

يعني لو خلطنا الخليط الساعة ثمانية الصبح نسيبهم لغاية الساعة ثمانية بعد ثلاثة أيام

مش قولتلكم وما خفي من الأنجيرا كان أعظم


ولازم كل يوم نقلب الخليط بتاع العجين مرة واحدة فقط


يعني حسبة واحدة وواحدين ضرب ثلاثة يساوي ثلاث مرات متفرقين على ثلاث ايام


وبعدين الخليط سيظهر فيه فقاعات ما تخافيش مش رح يفقعوا


بعد ثلاثة أيام عندما تبدأين بخبز العجين تضيفي اليهم البيكربونات ( الكربونة) والملح


وتخلطي العجين كويس وتتركيه لمدة ربع ساعة





بعدين تحمي المقلاة nonstick 9" القطر بتاعها بحجم 9 مثل ما كاتبين


بس تسعة إيه الله اعلم يظهر ان الحجم لازم يكون صغير


المهم لما تحمى المقلاة كويس تجيبي نقطة مية وترشيها بالمقلاة لو عملت إتـــشششششششش
يبقى هو ده المطلوب

وبعدين كاتبين تجيبي ثلث كوب من العجين ونسكبها في المقلاة الحامية اللي عملت إتـــششششششش دفعة واحدة


مثل البان كيك


ولكن الفرق هنا !!............


انه نرفع المقلاة عن النار وندور المقلاة بشويـــــــش بحيث ان الخليط يتفرد.. يتفرش.. يتفلش.. يتبعثر.. داخل المقلاة


ومن ثم نضعها على النار


ويا ريت وقفت على كده وبس لأ لازم العجين يتخبز على جهة واحدة بس


ولازم ما يبقاش لونه بني


ولازم يصير فيها فقاعات بس ما تخافيش هي مش .......



أصلها متدلعة


شوفي إزاي الدلع .....


لما تخبزي العجين تحطي كل واحدة( في طبق) لغاية ما تبرد

حاسبي كل واحدة في طبق مش زي البان كيك فوق بعض

الكلام ده ما ينفعش مع الأنجيرا

وبعدين لو شفتي انها متعجنة ولسة ما استوتش

في حلين للمشكلة

قللي المعيار الى اقل من ثلث كوب


بحيث تلحق تتخبز كويس من غير ما يصير لونها بني


او اخبزيها وقت اطول شوية من غير ما تنشف


علشان لازم تبقى طرية بحيث انه تقدري تطويها من غير ما تتكسر




بس خلصت الحدوتة بتاعة زغني وأنجيرا


ومأكول الهنا ان شاء الله ومطرح ما يسري يمري

[حفصة]

جزاك الله خيرا اختي ابنة الزهراء على هذه الطبخة اللذيذة
لم نجربها بعد ولكن واضح من المقادير انها لذيذة سنبدأ بها بعد غد ان شاء الله وننتظر ثلاثة ايام لكي بندأ بالخبز



وعندها نطبخ اللحم والدجاج :SMILS183:

و تاتي الصدمة الكبرى
والله المستعان

[ابنة الزهراء]

هههههههههههههههههههههههههههههههههههههههههههههههههههههههههه

والله مش صدمة دي أكلة لذيذة جدا جدا جدا يا حفصة

خليكي جدعة وجربيها وقوليلنا النتيجة

أنا من الأول قلت أكلة أثيوبية انتي بقى اللي ترجمتي

ذنبك على جنبك

[نسيبة بنت كعب]

ههههههههههههههههههههههه

ربنا ياستر .... أخواتى : انتم شربات والله

ابنة الزهراء خطيرةجدا على الناس والأعضاء

بارك الله فيك


سأحاول تجربتها - بس لو اختفيت من المنتدى للأبد ابقوا أطبخوا الأكلة بالشقلوب علشان ارجع لكم

تحياتى

[h7oda_mody]

اةةةةةةةةةةةةةةةة ياااااااااااااااابطنييييييييييييييييييييييييييييييييي
جزاكم الله خير

[ابنة الزهراء]

اقتباس

سأحاول تجربتها - بس لو اختفيت من المنتدى للأبد ابقوا أطبخوا الأكلة بالشقلوب علشان ارجع لكم

اذا طبخنا بالشقلوب يظهر الشخص المختفي

ههههههههههههههههههههههههههههههههههههههههههههههههه

اذا سمحتي يا حفصة أعيدي الترجمة بالمشقلوب تجنبا لمشاكل الاختفاء أحسن نسيبة عايزة تجرب الأكلة