مسسسساااء العسسسسل ..

وصبآآآح القشششطة ..

كيفكم؟ اخباركم؟

شو عاملين ؟

كيف مطابخكم معكم ؟؟

سلمولي على مطابخكم خزانة خزانة وحنفية حنفية :d

المهز, بلا طول سيرة وبرم :p

في يوم من أيام رمضان ,.

تبرعت الشيف نوسة لـ تطبخ لـ أهلها .,

ردّات الفعل :

الوالد الله يطول بـ عمره : كان لسا وئتها رآجع من شغله, استقبلته ع الباب بهالخبر ,

حمل حاله ورجع طلع :d

آل أنا معزوم, يلا بنشوفكم ازا صحّلنا :p

بس طبعاً كان بمزح ,!

أصلا أحبّ ما على قلبه يدوئ طبخي >> ثقة فزيعة

الوالدة حبيبة ئلبي : يييييييييي الله يرضى عليك بتريحيني :d

لانها كانت تعبانة تئبر ئلبي ,

شفتو ئدي أنا مرضية

أخي وأخواتي : قرروا بـ الإجمآع يطلبوا delivery ..!

بس طببببعاً ..

القرآر ما كآن بيرجعلهم ..!

كلهم ئعدوا وأكلوا ..

والصور كمآن شوي رح تثبت هالشي ....

رح أبلش معكم ..


الطبخة اسمها ..

[ صينية خضروات ودجاج مشوي بـ كيس الشوآء ] ..

المكونات :

جاجتين,

بهارات وملح,

زبدة,

خضرآوآت ::-

بازيلا,

بطاطا,

جزر,

بصل,

توم,

كرفس,

بقدونس,

وأي شي بتحبوه ..


الطريقة ::-

قطعي كل جاجة أربع قطع ..

وقطعي البصل شرائح كبيرة >> عشان اللي ما بحب البصل متلي يعرف يشيله

وقطعي الخضروات ..

اغسلي الجاج بـ الخل ..

بعدين حطي بهارات وملح ع الجاج ..

وسخّني الزبدة ع النآر ..

وديريها ع الجآج ..

ثم حطيهم بـ كيس الشواء,

وسكري الكيس منيح واربطيه واخزئه من الطرف مثلث صغير,

متل ما بتحكي هاي الصورة ::



وحطيه بـ الصينية وحطي بـ الفرن,

اتركي شي ساعتين ..

وبعدين طلعي وشمي الروآآآآئح ..

Yummmmmyyyy ..!

بعدين ديريهم بـ صينية جديدة,

وافرمي بقدونس وديري على الجاج من فوئ ..

شوفوا هالمنظر ::






أما عن الصينية بعد الأكل ::






بس عشآن تتأكدوا انو طبخي زاكي :d

حتى أهلي اعترفوا وقضوا ع الأكل ..!

عنجد عنجد من دون مزح ..

هالطبخة كتير كتير زاكية ,,!

الخضراوات طعمها غير شكل ,

والجآج أيضاً ..! :d .!

وع فكرة, هآي أول طبخة الي بعد ئلاية البيض :p



كآنت معكمـ الشيف منال العالم ..

ايييييييه أزدي الدكتورة نوسة ..

وإلى لقآء آخر ..

في رمضآن القادم أو بعد القآدم بـ إذن الله ..

تصبحوا ع خير