سلام الله عليكم
يعني مكنتش اتخيل اني ممكن اسمع منكم كلمة طيبة من يوم ما عرفتكم ودخلت عندكم
ولا كنت اتخيل ان حيجي يوم عليا اكون على نفس دينكم بعد كل اللي صدر مني مش عارف كنت عايش ازاي الشكر لله على اي حاجة المهم اني بابتدي صفحة جديدة واتمنى تساعدوني على كده
باشكركم جدا وباشكر منتداكم ومنتدى البشارة الإسلامية ومنتدى الفرقان وأي منتدى اتأذى من كلامي باعتذرله ويا ريت تكونوا اعتبرتوني اخوكم فعلا من قلبكم وتكونوا سامحتوني من جواكم عشان حبيب عرف الرب الحقيقي مش عشان متكسفونيش لا عشان انتم فعلا سامحتوني
واي حد حيقرا كلامي ومش حيكتبلي انه سامحني حاعتبره لسة شايل مني ومش حاسامح نفسي بجد
وأي مسلم اتحاور معايا هنا او اتحاور معايا على منتدى البشارة الاسلامية او على منتدى الفرقان أو على منتدايا المسيحي وسمع مني شئ زعله على دينه باتأسفله واحط تراب رجليه على راسي من فوق المهم تقبلوا اخوكم الجديد بينكم
وجميل انكم غيرتم خانة الديانة ودخلت لقيتها دي كانت مفاجأة حلوة جدا جدا ربنا يخليكم ويفرح قلبكم دايما
وانا معاكم لو ملقتونيش هنا حتلاقوني في البشارة الاسلامية وانا نويت الف على كل منتدى اسلامي أسأت له واعتذرله في بيته
بحبكم جدا جدا يا خير أمه أخرجت للناس زي ما قال القرآن فعلا واللي محستهاش إلا لما بقيت منكم
السلام عليكم
أخوكم : حبيب حبيب
رحبــــــــــو بأخونا حبيب حبيب ....
رد مع اقتباس
المفضلات