السلام عليكم ورحمة الله وبركاتة
من عادتى الاستيقاظ مبكرا يعنى الساعة 7.5 بصحى من النوم
النهاردة اليوم كان غريب فالناس الى دايما كانت بتتريق عليا وتقولى انت صاحى توزع لبن الى اخرة
لاقيتهم صاحيين من الفجر مناموش
وقاعدين يدعوا ويتهجدوا
قلت يمكن فية امتحانات ولا حاجة
سئلت فية اية
ولو كنت نطقت نكتة ماكان ماضحك منهم ضحك كدة
ولو كنت شتمت باوسخ الالفاظ ماكانش الى زعل زعل كدة
اية ياعم الجثة انت مش فى الدنيا
الاهلى بيلعب فى اليابان
الله واكبر النصر لنا
؟؟!!!!!!!!!!!!!!!!!
كبرت دماغى وقلت افطر واشوف الى ورايا
لقيت الصراخ ابتدى والفاظ من اتجاهات كثيرة الحكم ماحسبش الجون حكم ظالم حكم مش بيحب المصريين
اصريت انى اعرف جنسة الحكم طلع اوزبكستانى يعنى لالة فى التور ولا عنبة
ثم بداء الدعاء والتضرع الى الله والصراخ والبكاء وكل ماتعرفونة اكثر منى
الجون التعادل
جون 3:2
جون 4:2
صراخ
عويل
ناس بتعيط
طرابيزات بتتكسر
فية اية يابشر جرى اية؟
الاهلى اتغلب لالالالالالالالالالا بصراخ رهيب
ومن يقول حكمتك يارب انت العلى الكبير حكمتك يارب
وواحدة عمالة تلطم وتصوت
والى يصرخ
قلتلهم فية اية اية الى جرى هما كانوا هايوزعوا عليكم فلوس
الدنيا اتقلبت
انت مش مصرى
انت معندكش انتماء ومعندكش وطنية
انت انت ومانتش دارى
الوطنية والانتماء بقت تشجيع كورة؟
والله لو الناس الى صحيت بدرى النهاردة للكورة صحيت تصلى الفجر لوجة الله لكان القدس محررا
انت خايب
اوجع دمغنا بقى ماهى ناقصة
يا عالم انتم مش شايفين الدنيا بيحصل فيها اية
مدارس كتير فى امريكا دلوقتى بتدرس خريطة العالم وفيها سيناء اسرائيلية وبدون اعتراض من الحكومة
البانتجون اعلن خرايط فيها سيناء دولة بدوية وباكستان مقسمة وكذلك العراق والمملكة السعودية
كما اعلن عن خطط للسيطرة على ابار النفط فى المملكة السعودية فى حالة حدوث طوارىء لدرجة ان القوات السعودية قامت بتلغيم الابار بقانابل قذرة وعملوا نظام تدمير ذاتى
ماشفتوش اعترافات الحكومة الامريكية بالنسبة للتعذيب
يابشر الى فى سجون امريكا من المسلمين اكثر من مليون مسلم ولا يعرف العدد الحقيقى لهم
انتم تعرفوا ان نيجيريا مات فيها 400 مسلم لانهم مسلمين وكانت مذابح هناك
بطل خيابة خلينا فى حالنا احنا مالنا ومال غيرنا
مالنا اية
طيب مالنا ونهبوة وباعوة والحم كالوة والعضم هايفرقوة
انت قلت لا
دورت على مالك؟
حالنا ماهو مايل
لما سئلت عن البلاد المشاركة فى الدورة ما قدرت تجميعة
هم
استراليا -------------ترفض تصدير الغنم لمصر لان المصريين مذابحهم غير مؤهلة--------------
اليابان ------------نجت من قنبلتين نووييتين وبنت امبراطورية واسم معناة الجودة--------------
المكسيك --------- صمدت امام الامركة ولم تتامرك مع انها دولة فقيرة ليس لديها نصف امكانيات مصر على الاقل بينتخبوا رئيسهم-----------
ايطاليا--------- فى الفترة الاخيرة اسمها مقترن بمغرق العشرات على الحدود هربا من مصر------------
بالذمة لكم نفس
احنا لم نعمل لنكون مثل اقل تلك الدول شئنا لافى الزراعة ولا الصناعة ولا حتى الكورة التى يصرف عليها ملايين
انت محبط لو كان الناس كدة محبطين زيك ماكناش عدينا قناة السويس
طيب عدينا وبعدين
الى رجع بالدم اتباع بالفلوس
وابقى سلملى على مولد ابو حصيرة واراضى شرم الشيخ والمستثمرين الاستراتجيين بتوع الكويز
انت ما عندكش انتماء
لو كسبوا هايرفعوا علم مصر
طيب انت تعرف الوان علم مصر بتعبر عن اية؟
طيب الى على العلم نسر ام صقر
ولو نسر يبقى اى نوع او اي فصيلة
ولو صقر يبقى اى نوع
واية دلالتة
(حد هنا يعرف من نفسة من غير مايسئل حد سؤال جاوب علية)
ويعنى علم مصر لما هايترفع فى الكورة فى مباراة ولاحتى كاس العالم
انا ماسوف يعود عليا كمواطن مصرى؟
يكفيك الفخر
فخر
ومين الى هايشيل الفقر الى كابس على نفسنا
مين الى هايرفع راس البلد من تحت جزم الميرى الى هما تحت جزم امريكانى؟
ايوة انا نفسى المنتخب والاهلى وكل الفرق تخسر وماعدتش تكسب (لاحظ ان دة اول تصريح ليا بكدة وكل الكلام السابق كان ن استفسارى فقط)
انت منفسن وقلبك وحش
والرياضة
الدين حث على الرياضة ياعم قال الله وقال الرسول
رياضة اية ياحبة كروش مين فيكم بيتهز من مكانة
انا بركب عجل وبروح علية مشاويرى انت وهوة تقعد تضحك راكب عجلة فقير؟!
فى اوروربا والدول المتقدمة وزراء يركبون الدرجات
ولا التقليد فى قلع الهدوم وقلة الادب وبس؟
ملحوظة
-----------
بعد كل مباراة يفوز فيها اى من فاز بيخرج ابناء القبيلة التى انتصرت ليعلنوا الفرح فى الشوارع بما يشوبة من بنات ليل ومخدرات
اصبحت البلد فنلة كورة وفريق والى مش بيشجع معندوش انتماء ومتزمت ورجعى
اختزلت الرياضة كلها فى الكورة وياريتها لعب لا دى فرجة بس
الهنود صعدوا القمر
والامريكان لم يكونوا ليصلوا لولا العقلية المصرية المتمثلة فى العبقرى اسامة الباز (وان كنت اختلف معة فى نقط)
ومصر لسة بتغنى للقمر (حتى يارتهم يرجعو يغنولة)
باكستان الى هى عبارة عن مجموعة قبائل دولة صناعية الان
ايران الشيعية تصنع صواريخ باليستية
احنا نصنع نجوم هشك بشك وابجنى تجدنى وهرمنا الرابع فىفى عبدة صاحبة الرسالة السامية
الافغان ارهابيين الوحشين المنغلقين اصبحوا الان الامة الوحيدة التى هزمت كل من قطبى العالم واصبحت اسطورة القتال بعد اعلانالبانتجون عن ان اكثر من 75% من افغانستان تحت ايدى طالبان وانهم على ابواب كابل بل ان من قاداتهم من يدخل ويخرج من المدينة
لم يتحرك واحد على مليون من متابعى الكرة لمساندة محاصرين غزة ولا مشردى العراق
عندما تم الفحت داخل المسجد الاقصى لم يقوم الناس من نومهم للدعاء
عندما تذبح كرامتنا يوميا لم نبكى
انا فعلا ماعنديش انتماء للبلد دى
انتمائى لمصر المحروسة مصر الازهر وكنانة الله فى ارضة
اما بلد روبى وننانسى وهز الوسط
بلد شيخ ازهرها مصاب بزهايمر على مرض الكرسى
اسف لا
انا مش ممنتمى لها بلدى احسن بلد على الارض لا يفوقها شىء الا مكة لان بها البيت العتيق
ومدينة رسول الله وارض الاقصى
ان كنت خايب ومايل ومافييش الرجا لانى مهتم واتمنى ان افعل شىء حقيقى وان لم اقدر سوف اربى ابنى على ذلك وان لم يقدر فابن ابنة الى ان يتم الله بنعمتة ورحمتة على المسلمين
فانا اول الفشلة
رد مع اقتباس
المفضلات