طبيعة غذاء الرسول وكيفية الوقاية من الأمراض

آخـــر الـــمـــشـــاركــــات

لمسات بيانية الجديد 10 لسور القرآن الكريم كتاب الكتروني رائع » آخر مشاركة: عادل محمد | == == | الرد على مقطع خالد بلكين : الوحي المكتوم المنهج و النظرية ج 29 (اشاعة حول النبي محمد) » آخر مشاركة: محمد سني 1989 | == == | قالوا : ماذا لو صافحت المرأة الرجل ؟ » آخر مشاركة: مريم امة الله | == == | () الزوجة الصالحة كنز الرجل () » آخر مشاركة: مريم امة الله | == == | مغني راب أميركي يعتنق الإسلام بكاليفورنيا » آخر مشاركة: *اسلامي عزي* | == == | الإعجاز في القول بطلوع الشمس من مغربها » آخر مشاركة: *اسلامي عزي* | == == | الكاردينال روبيرت سارا يغبط المسلمين على إلتزامهم بأوقات الصلوات » آخر مشاركة: *اسلامي عزي* | == == | لمسات بيانية الجديد 8 لسور القرآن الكريم كتاب الكتروني رائع » آخر مشاركة: عادل محمد | == == | الرد على شبهة زواج النبي صلى الله عليه وسلم من عائشة رضي الله عنهما بعمر السادسة و دخوله عليها في التاسعة » آخر مشاركة: محمد سني 1989 | == == | المصلوب بذرة ( الله ) ! » آخر مشاركة: *اسلامي عزي* | == == |

مـواقـع شـقــيـقـة
شبكة الفرقان الإسلامية شبكة سبيل الإسلام شبكة كلمة سواء الدعوية منتديات حراس العقيدة
البشارة الإسلامية منتديات طريق الإيمان منتدى التوحيد مكتبة المهتدون
موقع الشيخ احمد ديدات تليفزيون الحقيقة شبكة برسوميات شبكة المسيح كلمة الله
غرفة الحوار الإسلامي المسيحي مكافح الشبهات شبكة الحقيقة الإسلامية موقع بشارة المسيح
شبكة البهائية فى الميزان شبكة الأحمدية فى الميزان مركز براهين شبكة ضد الإلحاد

يرجى عدم تناول موضوعات سياسية حتى لا تتعرض العضوية للحظر

 

       

         

 

    

 

 

    

 

طبيعة غذاء الرسول وكيفية الوقاية من الأمراض

النتائج 1 إلى 3 من 3

الموضوع: طبيعة غذاء الرسول وكيفية الوقاية من الأمراض

  1. #1
    تاريخ التسجيل
    Jul 2005
    المشاركات
    1,559
    الدين
    الإسلام
    آخر نشاط
    13-10-2014
    على الساعة
    03:32 AM

    افتراضي طبيعة غذاء الرسول وكيفية الوقاية من الأمراض

    بسم الله الرحمن الرحيم
    --------------------------------------------------------------------------------
    مرحب بكم في موقع المسلمون

    طبيعة غذاء الرسول وكيفية الوقاية من الأمراض


    الأحد 4/10/1423هـ الموافق 8/12/2002م، (توقيت النشر) الساعة: 21:25(مكة المكرمة)،18:25(غرينيتش)

    الطب الحديث واستخدام الغذاء

    مقدم الحلقة:
    أحمد منصـور
    ضيف الحلقة:
    د. عبد الباسط محمد السيد: المركز القومي للبحوث
    تاريخ الحلقة:
    04/12/2002


    - طبيعة غذاء الرسول (ص) وكيفية الوقاية من الأمراض

    - التمر والوقاية من السم والحسد
    - فوائد زيت الزيتون والخل في الوقاية من الأمراض
    - أهمية الجزر في الحفاظ على الحامض النووي الوراثي والوقاية من الأمراض
    - أهمية وجبة العشاء في ظل هدي السنة النبوية
    - فوائد التين في الوقاية من النقرس وعلاج البواسير
    - العلاج الحديث واستخلاصه من السنة النبوية والقرآن
    - فوائد الرمان في علاج القرحة والحموضة



    أحمد منصور: السلام عليكم ورحمة الله وبركاته.

    أحييكم على الهواء مباشرة من القاهرة، وأرحب بكم في حلقة جديدة من برنامج (بلا حدود)، وكل عام وأنتم بخير بمناسبة حلول عيد الفطر المبارك.

    بدأ الطب الحديث خلال العقدين الأخيرين يعود وبقوة إلى الجذور في العلاج، بعد الاعتماد شبه الكلي على وسائل العلاج الكيمائي الدوائي طوال العقود الماضية، وبدأ العلماء الغربيون يهتمون بالطب الوقائي والعلاج بالغذاء، وكان من الطبيعي أن يتوجه هؤلاء إلى ما ورد في القرآن والسنة من آيات قرآنية وأحاديث نبوية تدل البشرية على ما فيه الخير لهم في كل شيء، حتى في طعامهم وشرابهم، واكتشف العلماء من.. من خلال النصوص القرآنية والأحاديث النبوية من الحقائق العلمية ما جعلهم يدرجونه تحت بند الإعجاز، وفي هذه الحلقة نحاول فهم بعض جوانب الإعجاز النبوي فيما يتعلق بالعلاج بالغذاء من خلال نتائج البحث العلمي الحديث ومطابقتها لما.. لما ورد في بعض الأحاديث النبوية وكيفية الوقاية من الأمراض عبر نظام غذائي سوي وسليم، وذلك في حوار مباشر مع الدكتور عبد الباسط محمد سيد (رئيس قسم الكيمياء الحيوية بالمركز القومي للبحوث في مصر، وعضو هيئة الإعجاز العلمي للقرآن والسنة).

    وُلد الدكتور عبد الباسط سيد في أسيوط في مصر عام 1943، تخرج من كلية العلوم جامعة أسيوط عام 64، ثم حصل على البكالوريوس في الطب من جامعة القاهرة عام 69، ثم على الماجستير في التمثيل الغذائي من جامعة القاهرة عام 1971، حصل بعد ذلك على الدكتوراه في مجال الفيزياء الحيوية الطبية من جامعة ستوكهولم في السويد عام 1978.

    أشرف حتى الآن على 186 رسالة ماجيستير ودكتوراه وصدر له 216 بحثاً نشرت في المجلات الدورية المحلية والعالمية.


    سجل ثماني براءات اختراع عالمية، أهمها اكتشاف قطرة عين مأخوذة من إشارات قرآنية لشفاء المياه البيضاء، وسجلها في الولايات المتحدة الأميركية وأوروبا، كما سجل براءة اختراع أخرى لعلاج التهاب الكبد الوبائي C وB، أيضاً في أوروبا والولايات المتحدة الأميركية.

    صدر له عدة كتب، منها "التداوي بالأعشاب والطب النبوي"، و"لطائف من الإعجاز العلمي في السنة النبوية"، و"الإعجاز العلمي في أحاديث الطب التشريحي للرسول صلى الله عليه وسلم".

    وللمشاهدين الراغبين في المشاركة يمكنهم الاتصال بنا على أرقام الهواتف التي ستظهر على الشاشة أو الكتابة إلينا عبر موقعنا على شبكة الإنترنت:www.aljazeera.net


    أحمد منصور: حديث الرسول صلى الله عليه وسلم " المعدة بيت الداء"، هل يُفهم منه أن منبع معظم الأمراض مما يتناوله الإنسان من غذاء؟

    د. عبد الباسط محمد سيد: بسم الله الرحمن الرحيم، والصلاة والسلام على رسول الله صلى الله عليه وسلم النبي الأمي الذي علم المتعلمين، وثقف المثقفين.

    هو بادئ ذي بدء التغذية عند رسول الله كان لها أسس.

    أحمد منصور: عليه الصلاة والسلام.

    د. عبد الباسط محمد سيد: ومن الغريب إن هذه الأسس هي ما وُضعت في القرن العشرين والواحد وعشرين في أسس الغذاء السليم.

    أحمد منصور: ما هي هذه الأسس؟

    د. عبد الباسط محمد سيد: أن رسول الله -صلى الله عليه وسلم- كان عندما يصبح صباحاً يشرب كوباً من الماء، ليس الماء اللي هو مأخوذ يعني الماء القراح، اللي هو موجود في العراء، مغطى ثم يذيب فيه معلقة من العسل عسل النحل، ويذيبها إذابة جيدة، لأن ثبت علمياً أن الماء يكتسب خواص المادة المذابة فيه، يعني بمعنى أن جزيئات الماء تترتب حسب جزيئات العسل.

    أحمد منصور: عجيب!!

    د. عبد الباسط محمد سيد: وكان يقول صلى الله عليه وسلم..

    أحمد منصور: عليه الصلاة والسلام.

    د. عبد الباسط محمد سيد: "عليكم بشراب العسل" يعني الكلمة هنا وضحت أن هذا الأمر لم يأتِ.. لم يكن جزافاً، وإنما "عليكم بشراب العسل".

    أحمد منصور: أيه فائدة؟ أيه الفائدة العلمية من هذا؟

    د. عبد الباسط محمد سيد: الفائدة العلمية إن أول الواحد ما يأخذ كل Alimentary Canal اللي هي الجهاز الهضمي ينبه تنبيه كامل، وال Presstarting bomb اللي هي الحركة الدودية للأمعاء تبتدي تشتغل كويس جداً، ويبتدي كل الجهاز الهضمي يتنبه تنبيه كامل، وفي الوقت نفسه العسل كمادة غذائية كاملة متكاملة من حيث احتوائه على السكريات الأحادية التي تُمتص مباشرة ولا يُجرى عليها هضم، يعني لا يجرى عليها هضم تُمتص زي ما هي، بالإضافة إلى ما به من هرمونات وفيتامينات وأملاح معدنية ومركبات لم تكتشف للآن.

    أحمد منصور: يعني السكر اللي في العسل غير معقد؟

    د. عبد الباسط محمد سيد: لأ، غير معقد، بسيط ويمتص زي ما هو مباشرة، فده بيدي الطاقة الكاملة لكل الكلام ده عشان يشتغل، فثبت إن هذا الكلام بيولد مركبات بيسموها (Adonazen tri Phosphate) أو إدونزين ثلاثي الفوسفيت، اللي إحنا بنسميه وقود العضلات، فكونك أنك بدأت بهذا يبقى أنت شغلت المعدة، وبعدين تشغَّل كل العضلات.


    أحمد منصور: بمجرد كوب من الماء مذاب فيه ملعقة من العسل.

    د. عبد الباسط محمد سيد: آه، وثبت علمياً إن حضرتك خدت معلقة من العسل القيمة الغذائية في معلقة العسل، إنما كل جزيئات الماء رُتبت حسب جزيئات العسل، فكأنك تشرب كوباً من العسل، ودي الحكمة في حديث رسول الله -صلى الله عليه وسلم- عندما قال: "عليكم بشراب العسل".

    أحمد منصور: هو ده شراب العسل؟

    د. عبد الباسط محمد سيد: أهو هو ده شراب العسل.

    أحمد منصور: مش العسل الصافي؟

    د. عبد الباسط محمد سيد: لأ، مش العسل الصافي.

    أحمد منصور: وأيضاً فيه ناس يحرصوا على إن هم يأخذوا ملعقة العسل صافية.

    د. عبد الباسط محمد سيد: هي معلقة العسل الصافي كويسة وكل حاجة، لكن يعني..

    أحمد منصور: وجودها في الماء بيسهل امتصاصها.

    د. عبد الباسط محمد سيد: بيسهل امتصاصها.

    أحمد منصور: وأيضاً بيضيف قيمة أكبر.

    د. عبد الباسط محمد سيد: أكبر، يبقى حضرتك بالضبط خدت كل الكوب كأنه عسل نحل، ودي اللي خليتهم في أوروبا دلوقتي يعملوا حاجة مهمة قوي إنه فيه حاجة اسمها العلاج بالماء، إنه يكسب الماء كميات من الطاقة من المادة اللي عايز يعالج بيها.



    أحمد منصور: أيًّا كانت هذه المادة.

    د. عبد الباسط محمد سيد: أياً كانت هذه المادة.

    أحمد منصور: اشرح لنا دي باختصار.

    د. عبد الباسط محمد سيد: لأن جزيئات الماء حضرتك، السائل الوحيد اللي له خواص تختلف عن جميع السوائل الموجودة في الدنيا، إن ربنا لما قال (وَأَنزَلْنَا مِنَ السَّمَاءِ مَاءً) واخد بال حضرتك.

    أحمد منصور: (وَجَعَلْنَا مِنَ المَاءِ كُلَّ شَيْءٍ حَيٍّ).

    د. عبد الباسط محمد سيد: (وَجَعَلْنَا مِنَ المَاءِ كُلَّ شَيْءٍ حَيٍّ)، فالماء أساساً له خواص محددة، جزيئاته ليست زي ما بيظن بعض الناس إن مكونة من جزيء هيدروجين وجزيء أوكسجين، لأ ده موجود في سلاسل، هذه السلاسل لها ترتيب ولها رابطة، بيسموها الرابطة الهيدروجينية، الرج فيها، مجرد حضرتك ما ترج فيها ترجها، يعني ذوبت مادة ورجتها، تلقى جزيئات الماء ابتدت تترتب حسب جزيئات المادة اللي موجودة.

    أحمد منصور: وذابت في هذه المادة.

    د. عبد الباسط محمد سيد: وذابت في هذه المادة.

    أحمد منصور: وأصبحت مكوناً كاملاً لها.

    د. عبد الباسط محمد سيد: مكوناً كامل لها، وكأن الماء كله اكتسب خاصية المادة.

    أحمد منصور: انتهى، لم يعد هناك ماء.

    د. عبد الباسط محمد سيد: لم يعد هناك ماء، وأصبح مكتسب خاصية المادة الجديدة اللي موجودة فيه، ولذلك دي دلوقتي بيستخدموا العلاج بالماء، وأصبح..، ودي برضو بتدينا المؤشر إن القرآن عبر عن هذا، سيدنا أيوب (ارْكُضْ بِرِجْلِكَ هَذَا مُغْتَسَلٌ بَارِدٌ وَشَرَابٌ) يعني سيدنا أيوب عاش 18 سنة قعيد الأرض، وجاءه ما يسمى يعني شبيه الروماتويد المفصلي واتهرى جلده نتيجة القرح اللي موجودة، (ارْكُضْ بِرِجْلِكَ) هنطلع لك شوية مياه تغسل بهم جسمك من بره هتُشفى من بره (مُغْتَسَلٌ بَارِدٌ) يعني هتغتسل (وَشَرَابٌ) يعني يشفيك من جوه.


    أحمد منصور: يا سلام.

    د. عبد الباسط محمد سيد: ودي اللي خلوها.. خلوهم يأخذوا الماء ويبصوا فيه دلوقتي وبيكسبوه طاقة، بيدوا له كميات من الطاقة زي ما هم عايزين، هذه الطاقة بتعوض كميات من الطاقات، ودي الصيحة الجديدة اللي موجودة في أوروبا اسمها العلاج بالماء وإكساب جزيئات الماء ما تريد أن تضفيه عليه من مواد.

    أحمد منصور: استخدام شراب العسل هذا هل بدءوا في الغرب أيضاً أو الأبحاث العلمية بدءوا يدرجونه كجزء من علاج بعض الأمراض؟

    د. عبد الباسط محمد سيد: من العجيب والغريب إن الكتلة الشرقية كانت بتستخدم هذا الكلام قبل الكتلة الغربية، يعني كان موجود قبل كده في الاتحاد السوفيتي، وموجود في تشيكوسلوفاكيا، وموجود في رومانيا والمجر شراب العسل.

    أحمد منصور: ولذلك الطب عندهم وحتى الأعمار أكثر تقدماً من الغرب.

    د. عبد الباسط محمد سيد: أيوه، وحضرتك يمكن تلاحظ حاجة مهمة جداً إن سمرقند وطشقند الأشبال يعتبر سنه 90 سنة..

    أحمد منصور: عجيب!!

    د. عبد الباسط محمد سيد: آه، أكثر الناس معمرين..

    أحمد منصور: يعني في العشرينات.

    د. عبد الباسط محمد سيد: آه يا أخي، فبناءً عليه شوف حضرتك، وبعد ذلك رسول الله -صلى الله عليه وسلم- يعتبر هذا إفطاره، لأنه أخذ كمية من الطاقة كافية.

    أحمد منصور: غداؤه بعد فاصل قصير.

    [فاصل إعلاني]

    التمر والوقاية من السم والحسد

    أحمد منصور: دكتور، كان هذا كما قلت فطور الرسول صلى الله عليه وسلم.

    د. عبد الباسط محمد سيد: كان هذا فطار رسول الله صلى الله عليه وسلم.

    أحمد منصور: عليه الصلاة والسلام.




    د. عبد الباسط محمد سيد: ثم يتكئ، رسول الله كان بعد صلاة الفجر مباشرة كان له العبادة المهجورة اللي هي التفكر، وبعد هذا التفكر يعني في عجالة كده بعد التفكر وبعد صلاة الضحى يذهب ويأخذ سبع تمرات عجوة موجودة في كوب من اللبن.

    أحمد منصور: سبع تمرات من العجوة.

    د. عبد الباسط محمد سيد: أيوه.

    أحمد منصور: يعني من نوع خاص من التمر يعني؟

    د. عبد الباسط محمد سيد: لأ، هو يعني التمر العجوة، اللي هو التمر اللي..

    أحمد منصور: اللين يعني، نعم.

    د. عبد الباسط محمد سيد: موضوعة في كوب من اللبن، منقوعة يعني عملية نقع، ورسول الله -صلى الله عليه وسلم- كان يقول: "عليكم بأبوال البقر فإنها ترب من كل الشجر".

    أحمد منصور: يعني أيه؟

    د. عبد الباسط محمد سيد: يعني تأكل من كل الشجر، وبتأتيك بخلاصة ما موجود في الشجر كله وتحطه لك في اللبن، وبعد كده التمر نفسه العجوة.

    أحمد منصور: لأ، إحنا عايزين نعرف إشمعنى سبعة مش عشرة مش خمسة أو أقل.

    د. عبد الباسط محمد سيد: هو رسول الله -صلى الله عليه وسلم- بهدي النبوة بنور النبوة حدد جرعات محددة، لأنه في حديثه اللي رواه أبو نعيم ورواه أبو داود، ورواه الحاكم، ورواه الإمام الترمذي، ورُوي في الإمام الذهبي للطب النبوي، قال: "من تصبح بسبع ثمرات عجوة لا يصيبه في هذا اليوم سم ولا سحر".

    أحمد منصور: طب سم نفهمها، يعني ممكن.

    د. عبد الباسط محمد سيد: هو السم تم عليه تجريب علمي، بمعنى إنه معروف إن السم الداخلي فيه إنزيم في الكبد مسؤول عنه.

    أحمد منصور: التسمم الداخلي الذي يصيب الجسد.

    د. عبد الباسط محمد سيد: التسمم الداخلي آه، والكبد بيقوم بعملية مضادات السموم، ولما يبقى فيه سموم داخلية الإنزيم ده بيرتفع، ولذلك لما بتجيب تلقى الإنزيم ده مرتفع، وتدي سبع تمرات عجوة لمدة شهر يومياً سبع تمرات عجوة، تجد إن الإنزيم ده ابتدأ يهبط ويخش في الوضع الطبيعي.

    أحمد منصور: عجيب!!

    د. عبد الباسط محمد سيد: ومن الغريب، لأن ممكن تعتبر إن حضرتك ده علاج يعني، لأن العلاج يعني ممكن علاجه، وبعدين ثم نعود مرة ثانية إلى الجرعات، لو تتبعت الحالة لمدة سنة بعد كده تجد الإنزيم لا يرتفع.

    أحمد منصور: يعني أصبح وقاية.

    د. عبد الباسط محمد سيد: شفاء، ثم وقاية، ولذلك هو لما أكل رسول -الله صلى الله عليه وسلم من شاة خيبر اللي كانت مسمومة.

    أحمد منصور: أيوه، اللي كان كتفها مسمومة.

    د. عبد الباسط محمد سيد: أيوه، وطبعاً الكتف كلِّمه، وربنا أنطق الكتف، كان متصبح بسبع تمرات عجوة النبي صلى الله عليه وسلم.

    أحمد منصور: عليه الصلاة والسلام.

    د. عبد الباسط محمد سيد: فلم يصبه في هذا الوقت سم، وإنما السم جه واتحوش تحت الجلد يعني دخل في الدهون تحت الجلد، ولذلك احتجم رسول الله -صلى الله عليه وسلم- من مكان تخزين هذا الدهن تحت الجلد.

    أحمد منصور: لكن السم.. السم العالي حتى هذه...

    د. عبد الباسط محمد سيد: مهما كان سماً قراء يعني حتى ولو كان يعني جربت اللي بيأخذ شهر، يعني خلينا نقول شهر رمضان.

    أحمد منصور: لو فيه.. لو فيه نتائج علمية معينة ممكن نستشهد بها.

    د. عبد الباسط محمد سيد: هأقول لحضرتك حاجة، هو ظاهرة.. الجمعية البريطانية اللي هي قايمة على ظاهرة (التليباثي) الاستجلاء البصري أو الاستجلاء السمعي أو اللي بيسموها التخاطر عن بعد، يعني أي تسمية من هذه التسميات، اللي هي ظاهرة التليباثي، بحثوا في هذا الحديث بحث مستفيض، وبجانب الدراسات اللي تمت في جامعة الملك عبد العزيز، وتمت موجودة عندنا هنا في القاهرة، وكانت الدراسات كلها الحقيقة مافيش أي drop يعني مافيش أي تعارض في النتائج، كلها نتائج..

    أحمد منصور: على البشر تمت؟

    د. عبد الباسط محمد سيد: تمت على البشر لأسباب، لأنها عجوة يعني حاجات edible حاجات بتتاكل، فلما تمت بهذه الوسيلة، وثبت إن هي بتعالج السم تماماً فوجد الناس اللي معرضين للتسمم يعني الناس اللي بيشتغلوا في رصاص.

    أحمد منصور: صح.

    د. عبد الباسط محمد سيد: بيشتغلوا في بطاريات، مشكلة الكادميام، لأن الكادميام مشكلة كبيرة..مشكلة..

    أحمد منصور: أيه الكادميام؟

    د. عبد الباسط محمد سيد: إحدى العناصر الثقيلة اللي هي تسممها بيؤدي إلى الفشل الكلوي، ويؤدي إلى مشاكل كبيرة جداً.

    أحمد منصور: يعني الناس اللي بتشتغل في المصانع الكيماويات وكل هذه..


    د. عبد الباسط محمد سيد: أيوه، لو خد سبع تمرات عجوة لا يمكن دايماً هتلقى detoxication أو مضادات السموم في الكبد تلقاها سليمة.

    أحمد منصور: عملتم أبحاث على هؤلاء الناس؟

    د. عبد الباسط محمد سيد: حضرتك مش إحنا بس، إحنا وظاهرة التليباثي فيه حوالي 120 بحث منشورين، ومنهم الراجل اليهودي اللي اسمه (جولدمان) نشر بحث عن سبع تمرات عجوة، وجولدمان..

    أحمد منصور: وثبت إن كل الناس اللي بيشتغلوا في المصانع والأشياء اللي.. أجري عليهم البحث واللي عُرضة للسموم؟

    د. عبد الباسط محمد سيد: حتى لو كان بيعمل في مصانع لها معادن ثقيلة، زي التسمم بالرصاص ومصانع البطاريات ومصانع الطباعة، لو تصبَّح بسبع تمرات عجوة بتعمل Claition يعني حضرتك بتخش المعادن الثقيلة وتعمل لها مركبات مخلبية، مخلب ويداري هذا المخلب، ويوديه تحت الجلد.

    أحمد منصور: يا سلام.

    د. عبد الباسط محمد سيد: يوديه تحت الجلد، بالإضافة إن جزء يذيبه وينزله في البراز، وجزء يذيبه وينزله في البول، ودي عملية detoxication اللي بتتم أو عملية مضادات السموم اللي بتتم من تمر العجوة، ولذلك رسول -الله صلى الله عليه وسلم- يقول..

    أحمد منصور: عليه الصلاة والسلام.

    د. عبد الباسط محمد سيد: فيما رواه الترمذي في سنن الترمذي الحديث: "العجوة من الجنة، وفيها شفاء من السم".

    أحمد منصور: أي عجوة، مش لازم الناس بتقول لك عجوة المدينة..

    د. عبد الباسط محمد سيد: هو عجوة المدينة لها يعني خصوصية محددة، حتى تراب المدينة له خصوصية محددة، "وإن في بلح العالية لترياق".

    أحمد منصور: يا سلام.

    د. عبد الباسط محمد سيد: يعني هواء، وكلمة ترياق، يعني حضرتك لها المعنى الشامل الكامل، إنما..

    أحمد منصور: بس بيبيعوه غالي يا دكتور، هم بيسمعوا الأحاديث دي ويبيعوه غالي جداً.

    د. عبد الباسط محمد سيد: معلش هو إنه ترياق لهم أن يبيعوه غالي، لأن يعني أهل المدينة دول..


    أحمد منصور: لكن إحنا نقدر نقول بشكل عام..

    د. عبد الباسط محمد سيد: العجوة، لأن رسول الله أطلقها.

    أحمد منصور: عليه الصلاة والسلام.

    د. عبد الباسط محمد سيد: ضحكت، يعني شوف حضرتك "إن العجوة من الجنة، وفيها شفاء من السم".

    أحمد منصور: فيه شقين في هذا الحديث.

    د. عبد الباسط محمد سيد: أيوه.

    أحمد منصور: الشق الأولاني اللي هو من السم.

    د. عبد الباسط محمد سيد: السم.

    أحمد منصور: طب السحر؟

    د. عبد الباسط محمد سيد: السحر بقى إحنا يعني حاجة غير ملموسة بالنسبة لنا.

    أحمد منصور: بالضبط.

    د. عبد الباسط محمد سيد: فجت ظاهرة التليباثي عملوا حاجة شغلانة غريبة جداً، أولاً: هم ظاهرة.. بتوع ظاهرة التليباثي أو الاستجلاء البصري أو الاستجلاء السمعي.

    أحمد منصور: دول علماء بريطانيين.

    د. عبد الباسط محمد سيد: أيوه، وأساساً الجمعية دي لها..

    أحمد منصور: أبحاثهم منشورة وكل شيء.

    د. عبد الباسط محمد سيد: أبحاثهم بتنشر، وهي جمعية نشطة جداً، ولها دورية ثابتة، دورية ثابتة بتطلع كل ست شهور..

    أحمد منصور: اسمها أيه دوريتهم؟

    د. عبد الباسط محمد سيد: الدورية اسمها "تليباثي" برضو، وبتنشر أبحاث علمية وبتجنح أحياناً إلى الروحانيات شوية، يعني إنه إزاي إنسان يخاطب إنسان أو يدخل في روعه من بعيد، وللعلم هو واخدين سيدنا الإمام عمر بن الخطاب واخدينه الـ Poineer بتاعهم أو الرائد بتاعهم.

    أحمد منصور: رغم إنهم مش مسلمين.

    د. عبد الباسط محمد سيد: رغم إنهم مش مسلمين، لأنه ثبت لديهم في التاريخ أنه تم لديه استجلاء بصري..

    أحمد منصور: يا سارية الجبل.


    د. عبد الباسط محمد سيد: يا سارية الجبل، استجلاء بصري، ثم تبعه استجلاء سمعي، فبيقول لك إن تمت في الاثنين.

    أحمد منصور: يا سلام.

    د. عبد الباسط محمد سيد: وهم لحد دلوقتي مش قادرين يعملوها في الاثنين بيعملوهم واحدة، يعني إما استجلاء سمعي يا إما استجلاء بصري، حسب ما يقولون يعني، والله أعلم.

    بناءً عليه هم وجدوا إن تمر العجوة نواتج هضمه يُعطي خط طيفٍ لونه أزرق.

    أحمد منصور: بيعطيه فين هذا الخط؟

    د. عبد الباسط محمد سيد: يعطي في الجسم كله، يعني أنت حضرتك لو جبت..

    أحمد منصور: لا يُرى طبعاً.

    د. عبد الباسط محمد سيد: لا يُرى طبعاً، هو لأ، إحنا ممكن نعمل له أيه؟ يعني في البحوث العلمية لما تجيب بلح العجوة وتهضمه بره، يعني تعمل له هضم بره في الأنبوبة، وتيجي تشوف طيفه خط طيف بالأجهزة تلقى فعلاً خط طيف لونه أزرق، ويستمر اللون الأزرق لمدة 12 ساعة.

    أحمد منصور: عجيب.

    د. عبد الباسط محمد سيد: وهم اللي قالوا هذا الكلام، وقالوا إن العين اللي بتحسد، لأن العين اللي بتحسد دي معناها أيه؟ الحسد ليس تغيراً في طبيعة الأشياء، لأنه حتى لما جه في القرآن عندنا، وقال (سَحَرُوا أَعْيُنَ النَّاسِ وَاسْتَرْهَبُوَهُمْ وَجَاءُوا بِسِحْرٍ عَظِيمٍ) وقالوا على سيدنا موسى: (فَإِذَا حِبَالُهُمْ وَعِصِيُّهُمْ يُخَيَّلُ إِلَيْهِ...).

    أحمد منصور: (أَنَّهَا تَسْعَى).

    د. عبد الباسط محمد سيد: (مِن سِحْرِهِمْ أَنَّهَا تَسْعَى) يبقى هي ما كانتش بتسعى، يبقى هي تغيير.

    أحمد منصور: بيسحروا أعين الناس.

    د. عبد الباسط محمد سيد: فوجد إن العين التي تسحر والقدرة السحرية يبطلها أو تمتص كل الألوان ماعدا اللون الأزرق.

    [موجز الأخبار]

    أحمد منصور: دكتور، كنت في حديث العجوة، وأثبتَّ أو تطرقت إلى الإثبات العلمي فيما يتعلق بالشفاء من السم.

    د. عبد الباسط محمد سيد: بالسحر.. والسحر..

    أحمد منصور: والسحر، بقي قضية السحر، وقلت إن سبع تمرات تصيب الإنسان بهالة زرقاء لمدة 12 ساعة.

    د. عبد الباسط محمد سيد: أيوه بتدي خط طيف لونه أزرق لمدة 12 ساعة.

    أحمد منصور: هو كده فيه ناس بيحطوا خرزة زرقا.

    د. عبد الباسط محمد سيد: هو طبعاً إحنا..

    أحمد منصور: فعلاً دي علمياً صحيحة؟

    د. عبد الباسط محمد سيد: لأ هي إحنا.. يعني إحنا نُهينا في الإسلام عن استخدام التمائم، لكن لنا تمائم جابها رسول الله -صلى الله عليه وسلم- داخلية.



    أحمد منصور: عليه الصلاة والسلام.

    د. عبد الباسط محمد سيد: ما هي دي التميمة الداخلية، اللي هي سبع تمرات، اللي هي بتعمل الخط طيف لونه أزرق يقي الإنسان من الحسد، ويقيه من السحر، وظهرت..

    أحمد منصور: وفعلاً العين لا تستطيع اختراق اللون الأزرق.

    د. عبد الباسط محمد سيد: لا تستطيع.

    أحمد منصور: العين الحاسدة يعني.

    د. عبد الباسط محمد سيد: العين الحاسدة والعين الساحرة، يعني حتى السحر، وعندما يأتوا بسحر عظيم لا يستطيع أن يسحر عين الإنسان اللي هو..

    أحمد منصور: كل ده بفضل سبع تمرات؟

    د. عبد الباسط محمد سيد: أيوه.

    أحمد منصور: سبحان الله!!

    د. عبد الباسط محمد سيد: لأن سبع تمرات دول مع كباية اللبن بيدوك 800 كيلو سعر كبير، يعني يدوك وجبة غذائية.

    أحمد منصور: مع اللبن.

    د. عبد الباسط محمد سيد: أيوه.

    أحمد منصور: مع اللبن.

    د. عبد الباسط محمد سيد: كاملة متكاملة، ولذلك كان..

    أحمد منصور: مش شرط إنه يبقى لبن بعير أو لبن..؟

    د. عبد الباسط محمد سيد: لأ، لبن البعير ده حاجة ثاني، لبن البعير حاجة ثاني خالص، لأن رسول الله -صلى الله عليه وسلم- قال في ألبان الإبل يعني تكلم عنها أنها شفاء من الاستسقاء.

    أحمد منصور: سبحان الله.

    د. عبد الباسط محمد سيد: آه، شفاء من الاستسقاء.

    أحمد منصور: طيب لنبق في إطار هذا الموضوع.

    د. عبد الباسط محمد سيد: فحضرتك هو بياخد سبع.

    أحمد منصور: إحنا الآن بنتكلم في أسس الغذاء التي وضعها رسول الله صلى الله عليه وسلم.

    د. عبد الباسط محمد سيد: رسول الله صلى الله عليه وسلم، يبقى الأساس الثاني إنه بيأخذ سبع تمرات بكوباية لبن، يأخذهم بعد صلاة الضحى.

    أحمد منصور: للوقاية من السحر.

    د. عبد الباسط محمد سيد: والسُّم وفي الوقت نفسه غذاء.

    أحمد منصور: وفي الوقت نفسه غذاء.

    د. عبد الباسط محمد سيد: لأنها غذاء كامل متكامل من حيث احتواؤه على الكربوهيدريت والبروتين والدهون والأملاح المعدنية والفيتامينات.

    أحمد منصور: كل ده متكامل في هذه الوجبة.

    أحمد منصور: كله متكامل في هذه الوجبة، خلاص بقى مش عايزين إحنا ثاني بقى، مافيش.. رسول الله بعد صلاة العصر يأخذ من..

    أحمد منصور: مافيش.. مافيش حاجة ثانية؟

    د. عبد الباسط محمد سيد: لأ، مافيش حاجة ثانية.

    أحمد منصور: يعني الآن بعد الفجر شراب العسل.

    د. عبد الباسط محمد سيد: شراب العسل.

    أحمد منصور: على الضحى.

    د. عبد الباسط محمد سيد: على الضحى سبع تمرات بكوب اللبن.

    أحمد منصور: إلى العصر.


    فوائد زيت الزيتون والخل في الوقاية من الأمراض


    د. عبد الباسط محمد سيد: إلى العصر، بعد صلاة العصر رسول الله -صلى الله عليه وسلم- يأخذ ملء السقاية، ملء السقاية يعني غطى السقاية اللي هو تقريباً معلقة زيت زيتون كبيرة وعليها نقطتين خل.

    أحمد منصور: زيت زيتون بخل.

    د. عبد الباسط محمد سيد: آه، ومعاه كسرة من خبز الشعير، يعني السيدة عائشة بتقول: يعني مثل نصف كف اليد.

    أحمد منصور: هنا فيه عندنا 3 عناصر.

    د. عبد الباسط محمد سيد: أيوه يا فندم.

    أحمد منصور: زيت الزيتون.

    د. عبد الباسط محمد سيد: أيوه والخل.

    أحمد منصور: والخل.




    د. عبد الباسط محمد سيد: والشعير.

    أحمد منصور: والشعير.

    أحمد منصور: أيوه.

    أحمد منصور: ودول ورد فيهم أحاديث كثيرة جداً.

    د. عبد الباسط محمد سيد: لرسول الله صلى الله عليه وسلم.

    أحمد منصور: عليه الصلاة والسلام.

    د. عبد الباسط محمد سيد: اللي هو حضرتك في زيت الزيتون ورد الحديث "ائتدموا بالزيت وادهنوا به فإنه من شجرة مباركة".

    أحمد منصور: مضبوط.

    د. عبد الباسط محمد سيد: وقال يعني خالفوا.. يعني خالفوا "ادهنوا بالزيت وخالفوا اليهود غيروا الشيبة بالأيه؟ هو قال "غيروا الشيب بالحناء"، وقال إن زيت الزيتون بيؤخر الشيب.

    أحمد منصور: وطبعاً الزيتون ورد (شَجَرَةٍ مُّبَارَكَةٍ زَيْتُونَةٍ لاَّ شَرْقِيَّةٍ وَلاَ غَرْبِيَّةٍ).

    د. عبد الباسط محمد سيد: (زَيْتُونَةٍ لاَّ شَرْقِيَّةٍ وَلاَ غَرْبِيَّةٍ يَكَادُ زَيْتُهَا يُضِيءُ).

    أحمد منصور: (وَالتِّينِ وَالزَّيْتُونِ) أيضاً.

    د. عبد الباسط محمد سيد: أيوه.. أيوه، وبعدين الآية الثانية اللي هو الراجل اللي اسمه (أندريا ويل) دا تكلم عنها.

    أحمد منصور: مين أندريا ويل؟

    د. عبد الباسط محمد سيد: أندريا ويل دا عالم أغذية أميركي، ووضع أسلوب، أو قال يعني كتابه اللي هو موضوع "8 أسابيع للوصول إلى الصحة المثلى"، وقال أنا أخذت هذا الكتاب أو الـ 8 أسابيع للوصول إلى الصحة المثلى من رسول الله صلى الله عليه وسلم.

    أحمد منصور: رغم أنه غير مسلم.

    د. عبد الباسط محمد سيد: لأ، هو أسلم في الفترة الأخيرة.

    أحمد منصور: آه، يعني بعد.. بعد قناعة، لكن حينما عمل هذا لم يكن مسلماً.

    د. عبد الباسط محمد سيد: لأ، ماكانش.. لم يكن مسلماً، لأسباب لأن هو قال أنا خدته 8 أسابيع، لماذا 8 أسابيع؟ يعني ما أي واحد ممكن يسأل طب ليه مش عشر أسابيع؟

    أحمد منصور: هو فعلاً ليه فعلاً قال هنا 8 أسابيع؟

    د. عبد الباسط محمد سيد: قال لأسباب منها حديث السيدة عائشة: "كنا يمر علينا الهلال والهلال والهلال ولا نوقد ناراً، فلما سُئلت كنتم تعيشوا على ماذا؟ قالت: السوداوين الماء والتمر". وبعدين هو لما لقي الماء والتمر.

    أحمد منصور: الهلال والهلال والهلال يعني.

    د. عبد الباسط محمد سيد: يعني من بين ثلاثة أهلة 8 أسابيع، ما هو بين الثلاثة أهلة شهرين بالضبط 8 أسابيع.

    أحمد منصور: صح.

    د. عبد الباسط محمد سيد: وبناءً عليه كان رسول الله -صلى الله عليه وسلم- بيأكل الماء والتمر في ذلك الوقت، وثبت إن الماء والتمر أيضاً كافي يعني كافي تماماً للجسم، ليس هناك الإنسان لا يصيبه أي نقص لا في الأملاح المعدنية ولا في الكربوهيدريت، ولا في البروتين، ولا في الدهون.

    أحمد منصور: لو كل 3 وجبات تمر وميه؟

    د. عبد الباسط محمد سيد: 3 وجبات تمر وميه، فرسول الله -صلى الله عليه وسلم- دي خاصية من خصوصياته، لكن هو تطرق في الـ 8 أسابيع دي إلى زيت الزيتون والخل اللي إحنا بنتكلم عنه، لأنه كان فيه حالات من حالات سرطان العظم (سركوما)، واستخدم فيها زيت الزيتون يومياً، وتم كمية.. يعني كمية شفاء، وقال إن نسبة الشفاء عمالة تستمر باستخدام زيت الزيتون، وهو اللي تكلم في الآية القرآنية اللي بتقول: (وَشَجَرَةً تَخْرُجُ مِن طُورِ سَيْنَاءَ تَنْبُتُ بِالدُّهْنِ وَصِبْغٍ لِّلآكِلِينَ)، فقال كلمة صبغ للآكلين دي، الكتب بتاعتنا يعني ابن كثير والقرطبي وكل التفاسير اللي موجودة، قالت أنها بتصبغ الجسم يعني لها صبغية، لكن هو..

    أحمد منصور: ولذلك بعض الناس بيدهنوا جسمهم بزيت الزيتون.

    د. عبد الباسط محمد سيد: ما هو فعلاً بيقي التجاعيد.

    أحمد منصور: فعلاً.

    د. عبد الباسط محمد سيد: أيوه، يعني الستات اللي بيعملوا شد لوشهم لو دهنوا زيت الزيتون مرة.

    أحمد منصور: أنا أذكر (صوفيا لورين) قالت إن سر بشرتها كان زيت الزيتون بشكل دائم.

    د. عبد الباسط محمد سيد: أيوه، بالضبط، وبيقي الإنسان إنه يشد وشه، ويقي التجاعيد، ولذلك فعلاً الكلام ده موجود برضو في جنوب شرق آسيا تماماً.

    أحمد منصور: علشان كده تلاقي الواحدة عندها 60 سنة ومش باين عليها وجهها إنها عمرها قد أيه.


    د. عبد الباسط محمد سيد: مش باين.. مش باين آه العمر، ولذلك حضرتك يعني الأمر هنا..

    أحمد منصور: طيب كيفية استخدام ده أيه طالما تطرقنا للنقطة دي؟ هل كل يوم الإنسان يدهن وشه؟

    د. عبد الباسط محمد سيد: لأ، مرة في الأسبوع.

    أحمد منصور: مرة في الأسبوع.

    د. عبد الباسط محمد سيد: مرة في الأسبوع.

    أحمد منصور: فقط كافية؟

    د. عبد الباسط محمد سيد: فقط كافية.

    أحمد منصور: ولمدة قد أيه؟

    د. عبد الباسط محمد سيد: لمدة ربع ساعة، ماسك لمدة ربع ساعة.

    أحمد منصور: فقط، يعني مش محتاج إنه ينفر من حوله ولا إن هو يعني يضعها بشكل مستمر.

    أحمد منصور: لا.. لا.. إحنا بنقول ربع ساعة لأسباب.. لأسباب لأن له قدرة الامتصاص.

    أحمد منصور: وأي نوعية من زيت الزيتون؟ زيت الزيتون العادي هذا؟

    د. عبد الباسط محمد سيد: هو زيت الزيتون بتاعنا إحنا المعصور عصر طبيعي مش مستخلص بالمذيبات، المعصور.

    أحمد منصور: اللي هو بيسموه بكر عصرة أولى.

    د. عبد الباسط محمد سيد: عصرة أولى، وده الممتاز جداً، لأنه مافيش أي كيماويات فيه.

    أحمد منصور: ويكفي إن الإنسان يدهن وجهه مرة واحدة، وده وجلده بشكل عام.

    د. عبد الباسط محمد سيد: آه جلده، يعني مثلاً في تونس والمغرب.

    أحمد منصور: مشهورين بزيت الزيتون.

    د. عبد الباسط محمد سيد: مشهورين به وبيدهنوا نفسيهم، بيدهنوا كلهم، مرة في الأسبوع يدهن كل جسمه، ويلف نفسه في شاش ويبات فيه وينام فيه، أنا وجدت رجل يعني سِنُّه تقريباً فوق الـ 90 سنة، وتشوفه حضرتك تلقى البشرة، وتلقى حتى إيديهم ناعمة جداً، يعني نعومة من زيت الزيتون، فهو حضرتك الراجل ده اللي اسمه..

    أحمد منصور: يعني هنا: كلوا الزيت وادهنوا به.

    د. عبد الباسط محمد سيد: أيوه.

    أحمد منصور: هنا الدهان للجسم والأكل أيضاً في نفس الوقت.

    د. عبد الباسط محمد سيد: آه، أئتدموا بالزيت يعني ائتدموا يعني خذوا إدام غمسوا به.

    أحمد منصور: أو حتى يستخدم في الطبيخ.

    د. عبد الباسط محمد سيد: أيوه، لأ هو الطبيخ يعني في الني في ني، لأن الزيتون ما يجبيش إن ينقدح.

    أحمد منصور: إنه يتحرق نعم.

    د. عبد الباسط محمد سيد: إنه يتحرق، وزيت الزيتون الزيت الوحيد اللي يقاوم الدهون في الجسم.

    أحمد منصور: العجيب إن زيت الزيتون بس تم الاهتمام به خلال العشرين سنة الأخيرة فقط.

    د. عبد الباسط محمد سيد: أيوه، بالضبط.

    أحمد منصور: وتقريباً الدكتور حسان شمس باشا يقول: إن أول بحث نُشر عن زيت الزيتون سنة 86 فقط.

    د. عبد الباسط محمد سيد: أيوه بالضبط.

    أحمد منصور: بشكل متأخر.

    د. عبد الباسط محمد سيد: أيوه، اللي كان كل الكلام ده بيعتبروه نوع من أنواع الزيت وخلاص، وإنما لما اهتُم به، وكانت الاهتمام بأميركا بالذات لأسباب لأنه فعلاً له.. ليه علاقة بالوقاية من السرطان.

    أحمد منصور: الآن هناك آلاف الأبحاث منشورة في هذا، قل لي إزاي نقدر نتفهم هذا؟ إن زيت الزيتون له هذه الفوائد الكبيرة بشكل أساسي في الوقت اللي كثير من الأمراض المتفشية يقولوا سببها الدهون؟

    د. عبد الباسط محمد سيد: هأقول لحضرتك ليه؟ لأن زيت الزيتون يحارب الدهون.

    أحمد منصور: يحارب الدهون.

    د. عبد الباسط محمد سيد: ويذيب الكولسترول، يعني مثلاً الناس اللي عندهم تشمع في الكبد أو الكبد الدهني، لو أخذ كل يوم معلقة زيت زيتون يزيل الكبد الدهني.

    أحمد منصور: هكذا معلقة.

    د. عبد الباسط محمد سيد: آه، معلقة.

    أحمد منصور: ممكن يغمسها أو يشربها.

    د. عبد الباسط محمد سيد: أو يحطها على السلطة ويشربها بالسلطة.

    أحمد منصور: يعني هو هنا يعني كما فهمت منك في حديث العسل أو في.. في قضية معلقة العسل إن الناس أحياناً بتتخيل إنها لازم تأخذ الحاجة كده.



    د. عبد الباسط محمد سيد: لأ.

    أحمد منصور: يعني ممكن لو أذابها في أي شيء وأخذها، هي نفسها دخلت وامتصت.

    د. عبد الباسط محمد سيد: أيوه، لأسباب.. لأسباب لأن هو أساساً زيت الزيتون الوحيد من الزيوت اللي بيحتوي على أحماض دهنية وحيدة التشبع، يعني فيها رابطة غير مشبعة واحدة، ولذلك أندريا ويل بيقول لك: استخدم الشم والتذوق في إن زيت الزيتون يبقى virgin يبقى بكر، يعني مش متزنخ، ووجد إن حضرتك لما تحطه على الدهون يذيب الدهون.

    أحمد منصور: عجيب!!

    د. عبد الباسط محمد سيد: ما هو شوف حضرتك دهن ويعالج الدهون، لأنه فيه أوميجا 3 كثير، والأوميجا 3 بتعالج الدهون.

    أحمد منصور: وثبت إن الشعوب اللي بتستخدم زيت الزيتون بشكل دائم مافيش عندها معاناة.

    د. عبد الباسط محمد سيد: ما بيحصلش عندها تصلب الشرايين ولا (إكزهايمر) اللي هو ضياع مرض الخوف ده اللي بيضيع الذاكرة أو يضيع المخ.

    أحمد منصور: اللي هو بيبقى في نهاية العمر.

    د. عبد الباسط محمد سيد: في نهاية العمر، بالإضافة إلى حاجة مهمة جداً إن أندريا ويلد بيقول (وَصِبْغٍ لِّلآكِلِينَ) اللي جت في الآية، إنه الصبغ نحن في العرب نسمي الكروموسومات، أو نسمي المورثات بنسميها الصبغيات، فقال أنتم ليه ما خدتوش الكلمة دي (وَصِبْغٍ لِّلآكِلِينَ) على أنها إشارة إلى الصبغيات أوالمورثات؟ فبناءً عليه هو أثبت بقى أندريا ويل يعني أيه علاقته بالسرطان، بيحمي سرطان.. الخلية السرطانية خلية عادية، بس اللي حصل إنه الضفيرة الوراثية اللي فيها المسافة ابتدت تتسع شوية، يعني فيه ارتباط بين الضفيرة والضفيرة بين خطي الضفيرة، الارتباط ده بيخلي فيه مسافة، المسافة دي بتتسع من 26 أنجستروم، أنجستروم دي وحدة قياس طول، يعني واحد على مليون من المتر، بتتسع من 26 إلى 36 أو 37، فالخلية تنقسم بسرعة وتضفر، ثبت إن زيت الزيتون يحافظ على المسافة بين الأيه؟ فرعي الشريط الوراثي، ويحارب التآكل اللي بيتم في طرفي الضفيرة الوراثية، هذا ما أثبته أندريا ويل.

    أحمد منصور: أنا هنا عايز أقول لك على موضوع الزيت، هل هذه الأشياء التي كان الرسول -عليه الصلاة والسلام- يأكلها كانت البيئة هي التي تجبره عليها أم أنها كانت هدياً أيضاً في اختياره؟

    د. عبد الباسط محمد سيد: لو كانت البيئة التي تجبره عليها، فلماذا تكلم عن أمور لم.. لم توجد في البيئة؟

    أحمد منصور: مثل؟

    د. عبد الباسط محمد سيد: القسط الهندي.

    أحمد منصور: أيه القسط الهندي.

    د. عبد الباسط محمد سيد: قال: عليكم بالقسط الهندي فإنه يعني لما كان بيأتيه بعض الأطفال اللي عندهم لوز أو عندهم.. كان يقول يعني اعملوا له سعوط.. سعوط يعني زي غرغرة بالقسط الهندي، وكان يعالج به ذات الجنب، وكان يأتي في ذلك الوقت من الهند، واخد بال حضرتك؟ وتكلم عن العدس، ولم يكن العدس موجود في الجزيرة العربية، وتكلم عن البردقوش..

    أحمد منصور: العدس جه في القرآن، هل كانوا العرب يفهموا معنى العدس (وقثائها وفومها وعدسها)؟

    د. عبد الباسط محمد سيد: لأ، كان موجود في مصر.

    أحمد منصور: آه.

    د. عبد الباسط محمد سيد: كان موجود في مصر.

    أحمد منصور: وكانوا يعرفون هذا؟

    د. عبد الباسط محمد سيد: يعني هو ذُكر على اعتبار.. الخردل لم يوجد في الجزيرة العربية، وتكلم القرآن عن الخردل، وتكلم رسول الله عن الخردل، ما هو ده الإعجاز بتاع رسول الله إنه بيتكلم عن أدوية حتى..، يعني على سبيل المثال اللي.. اللي هو كان بيأخذ السقاية اللي فيها زيت الزيتون، وفيها نقطتين خل.

    أحمد منصور: أي نوع من الخل؟

    د. عبد الباسط محمد سيد: والله اللي كان موجود في الجزيرة العربية في ذلك الوقت كان الخل.. خل التفاح.

    أحمد منصور: خل التفاح.

    د. عبد الباسط محمد سيد: أو قيل هذا يعني.

    أحمد منصور: والجزيرة العربية لم تكن تزرع التفاح في ذلك الوقت.

    د. عبد الباسط محمد سيد: آه، وبعدين قيل إن هو نوع من أنواع الخل اللي كان في.. بيوجد في الخمور يعني، تحويل الخمور، إن الخمر لما بيتوجد فيه كالسيوم بيتحول على طول إلى خل.


    .
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

    الـــــــSHARKـــــاوى

    إن المناصب لا تدوم لواحد ..... فإن كنت فى شك فأين الأول؟
    فاصنع من الفعل الجميل فضائل ..... فإذا عزلت فأنها لا تعزل

  2. #2
    تاريخ التسجيل
    Jul 2005
    المشاركات
    1,559
    الدين
    الإسلام
    آخر نشاط
    13-10-2014
    على الساعة
    03:32 AM

    افتراضي مشاركة: طبيعة غذاء الرسول وكيفية الوقاية من الأمراض

    أحمد منصور: لأن حديث "نعم الإدام الخل".

    د. عبد الباسط محمد سيد: أيوه.

    أحمد منصور: وإن الخل يعني كان دائماً موجود في بيوت الناس.

    د. عبد الباسط محمد سيد: آه، "ما اقفر بيت فيه خل" "بارك الله في الخل فإنه كان إدام الأنبياء من قبلي".

    أحمد منصور: فائدة الخل هنا؟


    د. عبد الباسط محمد سيد: أهم حاجة بقى الفايدة بتاعة الخل غريبة جداً إن رسول الله لما كانوا يجيبوا له خل يغمس بالخل، يغمس كسرة الخبز بالخل ويأكل، الخل نواتج هضم المواد الكربوهيدراتية في الجسم، مركب خل اسمه أسيتو أسيتيت، والبروتين يتحول إلى أسيتو أسيتيت، والدهون تتحول إلى أسيتو أستيت، يبقى المركب الوسطي للدهون والكربوهيدريت والبروتين خل، فلما تأكل خل ويحصل عندك نقص في أي واحدة فيهم يديك.

    أحمد منصور: تعويض لهذا.

    د. عبد الباسط محمد سيد: تعويض لهذا.

    أحمد منصور: من الدهون.

    د. عبد الباسط محمد سيد: من الدهون ومن الكربوهيدريت ومن البروتين، ولذلك شوف حضرتك نعم الإدام الخل، الكلام هنا كلام جامع شامل فيه جوامع الكلم لرسول الله صلى الله عليه وسلم.

    أحمد منصور: عليه الصلاة والسلام.

    د. عبد الباسط محمد سيد: وما.. ما اقفر بيت فيه خل. ما اقفر يعني ما افتقر بيت فيه خل. بارك الله في الخل فإنه كان إدام الأنبياء من قبلي.

    أحمد منصور: أيه الكميات اللي يُنصح بأخذها من الخل كل يوم؟

    د. عبد الباسط محمد سيد: الكمية اللي تقبلها، يعني حضرتك فيه كثير جداً من الناس يقول لك أيه..

    أحمد منصور: أصل فيه ناس بتسرف، يعني مثلاً أنت الآن الحديث بيقول سبع تمرات، ممكن كل واحد طول النهار نازل أكل تمر مثلاً.

    د. عبد الباسط محمد سيد: لا.. لا.. لأ.. لأ..

    أحمد منصور: يعني هي قضية الكمية قضية مهمة جداً أيضاً.

    د. عبد الباسط محمد سيد: لأن دي قضية جرعة.

    أحمد منصور: زي جرعة، نعم.

    د. عبد الباسط محمد سيد: يعني رسول الله كونه أنه يحدد رقم يبقى كونها جرعة، يبقى أنا بأستخدم الغذاء هنا كأيه؟ كعلاج زي ما حضرتك تفضلت، أنا هنا استخدمت الغذاء كعلاج، فعندما استخدم هو حضرتك يعني القرآن لما عبر (كُلُوا وَاشْرَبُوا وَلاَ تُسْرِفُوا) مش كده ولا أيه؟

    أحمد منصور: لا تحرم نفسك من شيء، ولكن لا تسرف.

    د. عبد الباسط محمد سيد: يعني هو ليس حرماناً، ولكنه تقنين، ليس..

    أحمد منصور: آه، بالنسبة هنا للخل قلت لي الفايدة بتاعته هذه الأساسية، وقلت لي الكمية ما يطيقه الإنسان.

    د. عبد الباسط محمد سيد: ما يطيقه الإنسان، يعني ولذلك رسول الله كان بيحط نقطتين من الخل على ملء غطاء السقاية، يعني ملء غطاء السقاية زي ملعقة شوربة كبيرة، يحط عليها نقطتين خل.

    أحمد منصور: أنت عارف حضرتك إن يعني في أوروبا في المطاعم الفخمة جداً بيقدموا زيت الزيتون وبيضعوا عليه أيضاً.

    د. عبد الباسط محمد سيد: نقطتين خل.

    أحمد منصور: نقطتين خل كشيء كمقدمة في.. في الأكل.

    د. عبد الباسط محمد سيد: حاجة مشهيات من المشهيات اللي بتعطي، ودلوقتي لما عرفوا فايدته، وعرفوا إنه بيقاوم تصلب الشرايين، الخل يصنفر الشرايين.

    أحمد منصور: يصنفر الشرايين.

    د. عبد الباسط محمد سيد: أيوه، أنا بأتكلمها الكلمة دي يمكن عشان العامة يفهموها، إنه فعلاً لما زيت الزيتون بيدخل، أنت عارف حضرتك إن فيه دهون حميدة ودهون غير حميدة في الجسم، فيه الدهون اللي بيسموها أيه High density protein دهون عالية الكثافة، ودهون قليلة الكثافة، الدهون قليلة الكثافة اللي بتترسب في الشرايين، إنما عملية الكثافة البلدوزر اللي بيكنس الشرايين.

    أحمد منصور: اللي هي؟

    د. عبد الباسط محمد سيد: اللي هي دهون عالية الكثافة.

    أحمد منصور: اللي بتكنس الشرايين.

    د. عبد الباسط محمد سيد: بتكنس الشرايين، الخل.. قصدي زيت الزيتون يزيد من كمية الدهون عالية الكثافة، البلدوزر اللي بيكنس الشرايين، والخل بقى يعمل أيه بقى؟ الخل يخلي النسبة يعني حضرتك الزيادة من الجسم بتخزن على صورة دهون، لأ ده هو بيذيب هذه الدهون ويحولها إلى المركب اللي أنا قلت عليه الأسيتو أسيتيت، ويخليه يخش في التمثيل الغذائي.

    أحمد منصور: هنا برضو في قضية الدهون أنا فوجئت أيضاً، وجدت حديث تعجبت له "أول طعام أهل الجنة زيادة كبد الحوت" الرسول -عليه الصلاة والسلام- كان في بيئة صحراوية.

    د. عبد الباسط محمد سيد: أيوه.

    أحمد منصور: ومع ذلك فيه حاجات كثيرة في كبد الحوت يعني جاءت حتى إن الدكتور حسين شمس باشا لقيته عامل كتاب كامل حوالين هذا الموضوع من بين مجموعة كتب قيمة الحقيقة عاملها، "الأسرار الطبية الحديثة في السمك والحوت" هنا في قضية الفوائد زيت كبد الحوت، ويقال إنه من أغنى أنواع الزيوت بالدهون.

    د. عبد الباسط محمد سيد: أيوه، هو أغنى أنواع الزيوت بس الأوميجا 3، اللي هي الدهون الأيه.. شوف حضرتك فيه دهون غير مشبعة، الدهون غير المشبعة يعني بتحتوي على روابط كيميائية غير مشبعة، اللي منها زيت الزيتون، وعندنا الزيت الحار بتاعنا هو..

    أحمد منصور: يعني هذا أيضاً مفيد.

    د. عبد الباسط محمد سيد: مفيد جداً الزيت الحار.

    أحمد منصور: اللي هو زيت الكتان.

    د. عبد الباسط محمد سيد: زيت الكتان مفيد جداً جداً، بس عيبه إنه سريع التزنخ شوية، على اعتبار إنه هو..

    أحمد منصور: ريحته شوية..

    د. عبد الباسط محمد سيد: وسريع التزنخ ويعني لابد، لكن زيت الزيتون مش سريع التزنخ، لأن الزيت الحار أو زيت الكتان بيحتوي على رابطتين غير مشبعتين، إنما زيت الزيتون يحتوي على رابطة واحدة، فبناءً عليه إنه يعتبر زيت الزيتون من واظب على زيت الزيتون لا يمكن يأتيه مرض خبيث.

    أحمد منصور: ما شاء الله.

    د. عبد الباسط محمد سيد: تقريري يعني ده ربما بعض الناس يقولوا إحنا بنتكلم بالعاطفة الدينية، كونه أن القرآن ذكر وكون إن الحديث ذكر. لأ، إحنا العاطفة الدينية دي قضية إيمان، مش كده ولا أيه؟

    أحمد منصور: نعم.

    د. عبد الباسط محمد سيد: إنما قضية العلم دي حاجة ثاني.

    أحمد منصور: وإحنا بنحاور طبيب وعالم معروف ومخترع، ولك براءات اختراع.

    د. عبد الباسط محمد سيد: حضرتك.. حضرتك كتاب كامل عن زيت الزيتون يكتبه أندريا ويل ويعالج نفسه بزيت الزيتون.

    أحمد منصور: غير هذا.

    د. عبد الباسط محمد سيد: من سرطان العظم، يعالج نفسه من سرطان العظم، زيت الزيتون والمشي، واخد بال حضرتك؟ يعني حاجة غريبة جداً، ولذلك حضرتك رسول الله لما كان بيأكل الكسرة، بعد كده رسول الله نهى عن إدخال الطعام على الطعام، ودي الراجل ده كاتب فيها باب بحاله، يعني أيه رسول الله ينهى عن إدخال الطعام على الطعام؟

    أحمد منصور: يعني أيه ينهى عن إدخال الطعام على الطعام؟

    د. عبد الباسط محمد سيد: حضرتك كلت دلوقتي، العادة العربية بعد ما نأكل يقول لك: تعال نحلي، يعني نأكل فاكهة ونأكل.. بتاع ده، لأ لو كلت يبقى ما تأكلش بعد ساعتين.. ساعتين ما تأكلش حاجة خالص.

    أحمد منصور: طب ما هي ضمن الأكل الفاكهة والحلويات والحاجات دي كلها.

    د. عبد الباسط محمد سيد: لأ إزاي؟ لأن دي بتعمل تخمر لما بتأكل سكريات مع الأكل ثاني وكميات من السكريات بتعمل تخمر، التخمر ده يزود الغازات ويعيق الهضم.

    أحمد منصور: عجيب!! يعني الآن إذا الإنسان أكل الوجبة الأساسية بتاعته.

    د. عبد الباسط محمد سيد: خلاص.

    أحمد منصور: لا يأكل معها لا فاكهة ولا حلوى.

    د. عبد الباسط محمد سيد: ولا حلوى، ويأكل بعد ساعتين.

    أحمد منصور: بعد ساعتين يأخذ هذه الأشياء.

    د. عبد الباسط محمد سيد: لابد على الأقل بعد ساعتين، ولذلك رسول الله شوف حضرتك في الأساس كيف نهى عن إدخال الطعام على الطعام؟

    أحمد منصور: ودي علمياً؟

    د. عبد الباسط محمد سيد: علمياً حضرتك حتى يعني القرآن لما قال أيه (وَفَاكِهَةٍ مِّمَّا يَتَخَيَّرُونَ (20) وَلَحْمِ طَيْرٍ مِّمَّا يَشْتَهُونَ) بدأ بالفاكهة أولاً، يعني إن كلت كل فاكهة واسكت، لو أنت عايز تاكل فاكهة كل فاكهة واسكت استنى بقى بعد شوية كده لما تجوع ابقى كل، إنما لو كلت وجبتك الأساسية اللي فيها الغذاء المتوازن يبقى عليك أنك تنتظر لحد الساعتين ما يفوتوا أو 3 ساعات أو 4 ساعات وتبتدي تأكل الفاكهة أو الحلو.

    أحمد منصور: ده شيء آخر..

    د. عبد الباسط محمد سيد: آه، ولذلك شوف حضرتك نهى عن إدخال الطعام على الطعام، ولذلك هو بيقول لك: هل هو كان أستاذ أغذية بحيث إنه يقول الكلام ده؟

    أحمد منصور: هو قضية إدخال الطعام على الطعام الناس تفهم منها إن الواحد ما يبقاش واكل مثلاً قبل نص ساعة ويرجع يأكل تاني.


    د. عبد الباسط محمد سيد: آه.. ما هو حضرتك أيه؟ هو الأساس في المعدة إنه حضرتك بعد ما بتأكل بنسد الفتحتين وتبدأ المعدة تخض الطعام، ولذلك رسول الله قال: "إن كان لابد فثلث لطعامه وثلث لشرابه وثلث لنفسه" طب لو مليت عندك إزازة ماليها للآخر تقدر ترجها؟

    أحمد منصور: لأ.

    د. عبد الباسط محمد سيد: ما فيش مساحة للرج، ولذلك لما تخلي الثلث للطعام والثلث للشراب، والثلث للنفس يبقى معناها.

    أحمد منصور: فيه مساحة للرج صح.

    د. عبد الباسط محمد سيد: ما هو النفس معناه إن ثلث المعدة فاضي، يبقى يقدر يرج الطعام ويخلطه بالعصارات اللي موجودة، لو حضرتك بعدما قفلت نزلت حاجة ثانية هنفتح..

    أحمد منصور: وهتعمل عسر للذي تم تناوله.

    د. عبد الباسط محمد سيد: بالضبط، يبقى هنخلي الأكل يبقى هنخرجه ثاني، لأن لسه هنكوم ثاني على ما هو موجود من الأيه.. اللي أنت كومته، ولذلك ده أساس مهم جداً، ولذلك من الغريب بقى في (شتوتجارت) هتجد فيه عبارة موجودة في المستشفى الأساسية في (شتوتجارت) في ألمانيا مكتوب الحديث ده، الحديث ده مكتوب ومكتوب بالعربية والألمانية، أنا طبعاً سألت هل الألمانية دي ترجمة الحديث؟ قالوا: نعم.

    أحمد منصور: زرتها؟

    د. عبد الباسط محمد سيد: أيوه زرتها، قال لي حضرتك أيه فإذا كان لابد، هم بادئينه من كده، وطبعاً هم ما بيشيروش إن ده حديث يعني، إذا كان لابد فثلث للطعام، وثلث للشراب وثلث للنفس، هكذا يكتبون.

    أحمد منصور: يعني كسياسة.

    د. عبد الباسط محمد سيد: غذاء.

    أحمد منصور: غذاء.

    د. عبد الباسط محمد سيد: فحضرتك بترج المعدة، خلاص مدام بتترج أنت لو كلت أدخلت الطعام على الطعام فتفتح ثاني.

    أحمد منصور: سيبها خالص لما تفرغ ما فيها وتدخل شيئاً جديداً إليها.

    أهمية الجزر في الحفاظ على الحامض النووي الوراثي والوقاية من السرطان

    د. عبد الباسط محمد سيد: تدخل شيء جديد، ولذلك نهى، بعد العصر حضرتك رسول الله من الغريب بقى كان يأكل جزرة حمراء اللي كانت موجودة في الجزيرة العربية.

    أحمد منصور: تحديداً.

    د. عبد الباسط محمد سيد: تحديداً.

    أحمد منصور: دي برضو بتطلع في مصر دي الحمرة.

    د. عبد الباسط محمد سيد: أيوه الجزرة الحمرة.

    أحمد منصور: ولا اللي هي الأصفر؟

    د. عبد الباسط محمد سيد: لأ، الأصفر اللي عندنا في مصر كويس، إنما في مصر برضو فيه جزر أحمر، لكن ثبت اللي كان موجود في الجزيرة العربية هو الجزر الأحمر، وعود بقدونس وعود شبت، يعني كان دايماً رواة الحديث عن هذا يعني حضرتك خش في طب الإمام الذهبي والإمام الألوسي وابن القيم تجد إن رسول الله داوم على هذا، وكان ينصح أصحابه.

    أحمد منصور: شبت؟

    د. عبد الباسط محمد سيد: شبت وبقدونس.

    أحمد منصور: وبقدونس وجزر.

    د. عبد الباسط محمد سيد: والجزر، الجزر دلوقتي البحوث اللي موجودة فيه (Antioxidant).. مضادات الأكسدة.

    أحمد منصور: أوه سرطان والدنيا كلها.

    د. عبد الباسط محمد سيد: مضادات الأكسدة، أهم حاجة إن الأكسدة بتؤدي إلى الشيخوخة فلذلك..، وبعدين بيعطل ظهور العوامل الوراثية، يعني واحد عنده عامل وراثي بتاع سكر في جسمه.

    أحمد منصور: ما يوصلش لولاده.

    د. عبد الباسط محمد سيد: لأ، يوصل لولاده بس يتعطل ظهوره.

    أحمد منصور: آه.

    د. عبد الباسط محمد سيد: يعني لو كان هيظهر في سن الأربعين يبدأ مثلاً يظهر في سن الخمسين، يعني يعطِّل ظهور العوامل الوراثية، ودي دلوقتي البحوث الأميركية يمكن من سنة 1998 للآن، وهي كل سنة فيها بحوث عن (الأنتي أوكسيدنت)، وبالذات الجزر.

    أحمد منصور: كل من يعالج بالسرطان -ربنا يعفينا- وأمراض كثيرة جداً ينصح بمشروب الجزر يومياً.

    د. عبد الباسط محمد سيد: أيوه، وحضرتك الحاجة الغريبة إن الجزر فيه مادتين الكاروتين والليكوبين، والاثنين دول أقوى مضادات الأكسدة في العالم، يعني يقوا الأكسدة، ويقوا تدمير الحامض النووي المسؤول عن الوراثة في الجسم.

    أحمد منصور: عجيب!!

    د. عبد الباسط محمد سيد: إنه بيشيل كل الشوارد الحرة، الشوارد الحرة اللي هي مركبات أوكسجينية بتدمر أو تؤكسد الخلايا، لأن الأكسدة هدم فيمنع الهدم.

    أحمد منصور: دكتور، هل يُفضَّل شربه أم أكله أيضاً؟

    د. عبد الباسط محمد سيد: والله هو دايماً المواد الألياف اللي موجودة.

    أحمد منصور: اللي هي العصير بـ..

    د. عبد الباسط محمد سيد: بيشيل الألياف.

    أحمد منصور: نعم.

    د. عبد الباسط محمد سيد: إنما الألياف دي لها فايدة كبيرة جداً، إنه لها علاقة برضو بالحركة الدودية للأمعاء.

    أحمد منصور: يعني يفضل الإنسان يأكل..


    د. عبد الباسط محمد سيد: آه، إذا كانت سنانه سليمة، إذا كان لابد يبقى نستخدمه عصير.

    أحمد منصور: الشبت.

    د. عبد الباسط محمد سيد: الشبت ثبت إن هو يقي ترسيب أي حصوة في المرارة.

    أحمد منصور: عجيب!!

    د. عبد الباسط محمد سيد: بمعنى إن حصوة المرارة زي الكولسترول، فلو مع زيت الزيتون مع الشبت مش ممكن تتكون حصوة في المرارة، البقدونس له علاقة بتكوين حصوات في المسالك البولية.

    أحمد منصور: سبحان الله!!

    د. عبد الباسط محمد سيد: ويذيب الأوجزلات، ويذيب حصوة اليوريك أسيد ليه بقى؟

    أحمد منصور: يعني كل ده لو اتخلط في طبق سلطة يبقى رائع.

    د. عبد الباسط محمد سيد: بس هو ده، ولذلك الأميركان دلوقتي بيأكلوا في الأسبوع من 3 إلى 5 كيلو خضروات في الأسبوع.

    أحمد منصور: بعدما كانوا بيأكلوا 10 كيلو لحمة في اليوم.

    د. عبد الباسط محمد سيد: بالضبط، ابتدت الأمور تنقلب بعد البحوث إلى هذه الأمور، ومن الغريب إن برضو أندريا ويل يرجع ثاني يقول لك: ده إحنا خذنا كل هذا الكلام من التراث العربي، لكن إحنا دايماً العادات الغذائية السيئة بتاعتنا بنعتبر إن كل ما زادت كمية اللحوم كلما أيه ازداد الأمر يعني.

    أحمد منصور: اسمح لي بس آخد مشاهد من سوريا على الخط من زمان.

    د. عبد الباسط محمد سيد: ماشي.

    أحمد منصور: محمد غازي من سوريا أخ محمد.

    محمد غازي: السلام عليكم.

    أحمد منصور: عليكم السلام، نعتذر عن التأخر إليك، اتفضل.

    محمد غازي: بارك الله فيك حياكم الله.

    أحمد منصور: شكراً.

    محمد غازي: كل عام وأنتم بخير.

    أحمد منصور: وأنت بالصحة والعافية.

    محمد غازي: نحنا نفتخر بالدكتور عبد الرزاق السيد على البرنامج القيم.

    أحمد منصور: دكتور عبد الباسط.

    محمد غازي: بارك الله فيه، بس نحنا إلنا مداخلة بسيطة على موضوع الخل إنه خير إدامكم الخل كما روي النبي صلى الله عليه وسلم.

    أحمد منصور: عليه الصلاة والسلام.

    محمد غازي: بمعنى إنه الخل.. الخل التفاح وخل العنب بالمفارقات اللي نحنا جربنا.. جربناها بأبحاثنا بالأعشاب، وجدنا إنه خل التفاح إله فايده كبيرة مع العسل في تخسيس الوزن أو تنزيل وزن الإنسان بحرق الكربوهيدرات ومساعدة على الهضم وتنظيم القولون، وأيضاً عم نحكي كمان على الشبت أو السنُّوت اللي هو عليكم..

    أحمد منصور: السماعة الداخلية يا شباب في الأستوديو.

    محمد غازي: عفواً.

    أحمد منصور: عفواً أنا بأكلم الشباب هنا، اتفضل.. اتفضل.

    محمد غازي: آلو.

    أحمد منصور: أنا أسمعك اتفضل.

    محمد غازي: نعم.. نعم فيه عندنا.

    أحمد منصور: أنت باحث في الأعشاب؟

    محمد غازي: نعم؟

    أحمد منصور: أنت باحث في الأعشاب؟

    محمد غازي: أنا باحث ومستشار في الأعشاب، وخبير بالأعشاب من جدة عم أكلمك أنا، ففي حديث عن سنن ابن ماجة عن النبي -صلى الله عليه وسلم- مذكور فيه: "عليكم بالسنا والسنوت فإن فيهما شفاء من كل داء إلا السام قيل ما.. يا رسول الله، ما السام؟ قال: الموت" فوجدنا نحنا أبحاث كثيرة عن السنا وعن السنوت بالذات اللي هو الشمر أو الشومر بعلاج مرض السكر وفتح السدد عن الجسم بكل معانيه بتقوية النظر والعصب البصري وشبكية العين وتقوية القلب والقولونج أيضاً اللي هو القولون العصبي والقولون الغازي، فأشياء كثيرة وجدنا في أبحاث الشمر فوائد كثيرة عاوزين إنه ننصحها لكل أمراض السكر يستعملوه بدراية وبحكمة وبمعرفة حيث جُرب كثير.

    أحمد منصور: أشكرك كثير، لأن حتى أوجز للدكتور، لأن يبدو هنا خلل بسيط في.. في سماعة الأستوديو، هو يقول أن.. هو باحث في الأعشاب أيضاً، يقول: إن ثبت إن استخدام الخل مع العسل بيبقى له أثر كبير جداً في عملية تخسيس الوزن من خلال أبحاثهم، وذكر حديث السنا والسنوت.

    د. عبد الباسط محمد سيد: أيوه، ما هو لسه إحنا جايين للسنا والسنوت.

    أحمد منصور: نعم.. نعم.

    د. عبد الباسط محمد سيد: هو معلش الخل والعسل، يعني فيه ناس كثيرة جداً بتتكلم عن عملية التخسيس اللي بتبقى موجودة فيه، لكن أنا بأتكلم دلوقتي عن ما ورد في التراث، يعني إذا كانت فيه شيء من التوليفات..

    أحمد منصور: هو بيضيف شيء من عنده عشان إحنا نستمر في..

    د. عبد الباسط محمد سيد: ماشي.. نستمر في..، وبعدين الأمر الثاني يعني هو أنا لو كان هو بادئ كده ما نأخذ حاجة من التراث مضمونة، لأنه الخل والعسل يعني برضو هل طعمهم هيبقى مقبول لكل إنسان؟ لأن كيف تضيف الخل مع العسل؟ الشيء هو يعني الشيء.

    أحمد منصور: هو الآن حضرتك الآن وضحت إن كل حاجة لها وقت بتؤخذ فيه.

    د. عبد الباسط محمد سيد: وقت نعم.

    أحمد منصور: ولو الإنسان حرص إن هو يتناول الحاجات في أوقاتها بالجرعات المحددة هيبقى هو يمشي يضبط أموره..

    د. عبد الباسط محمد سيد: آه، يعني حضرتك بعد كده رسول الله كان..


    أحمد منصور: هي كميات الطعام هي سبب بلاء أشياء كثيرة.

    د. عبد الباسط محمد سيد: طبعاً.. طبعاً.

    أحمد منصور: وزي ما حضرتك أشرت إدخال الطعام على الطعام، ومثل هذه الأمور كلها من الأشياء اللي بتفسد هذه الأشياء.

    أهمية وجبة العشاء في ظل هدي السنة النبوية

    د. عبد الباسط محمد سيد: يعني رسول الله -صلى الله عليه وسلم- قال بعد كده: "من ترك طعام العشاء فقد وهن جسده".

    أحمد منصور: من؟

    د. عبد الباسط محمد سيد: ترك طعام العشاء، يعني قال لنا: لازم تتعشوا.

    أحمد منصور: معنى كده إن العشا هو الوجبة الأساسية؟

    د. عبد الباسط محمد سيد: لأ، الوجبة الأساسية كان رسول الله بيأكل اللبن الرايب اللي هو اللبن الروب.

    أحمد منصور: يعني العشا بيعتبر الوجبة الأساسية هنا.

    د. عبد الباسط محمد سيد: آه.. يعني ما تعتبرش الوجبة الأساسية عند رسول الله، بيأكل الروب وكسرة خبز برضو من الشعير.

    أحمد منصور: ما هو الوجبات بتاع الرسول واضح إنها كلها كده، لكن عليكم بالعشاء فقد وهن جسده.

    د. عبد الباسط محمد سيد: آه يعني من ترك.

    أحمد منصور: "من ترك العشاء -عفواً- فقد وهن جسده" دليل على أن العشاء يعتبر وجبة أساسية.

    د. عبد الباسط محمد سيد: وجبة أساسية طبعاً، مهمة آه،.. تقصدها بالناحية دي.

    أحمد منصور: أنا أقصدها من الناحية دي.

    [فاصل إعلاني]
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

    الـــــــSHARKـــــاوى

    إن المناصب لا تدوم لواحد ..... فإن كنت فى شك فأين الأول؟
    فاصنع من الفعل الجميل فضائل ..... فإذا عزلت فأنها لا تعزل

  3. #3
    تاريخ التسجيل
    Jul 2005
    المشاركات
    1,559
    الدين
    الإسلام
    آخر نشاط
    13-10-2014
    على الساعة
    03:32 AM

    افتراضي مشاركة: طبيعة غذاء الرسول وكيفية الوقاية من الأمراض



    أحمد منصور: دكتور كنا وصلنا إلى العشاء.

    د. عبد الباسط محمد سيد: أيوه حضرتك إحنا قلنا من ترك طعام العشاء فقد وهن جسده، لكن أي عشاء، يعني العشاء دائماً كان رسول الله -صلى الله عليه وسلم- يأكل اللبن الرايب اللي هو الروب، مقدار الكوب مع كسرة خبز من الشعير.

    أحمد منصور: ودا له أهمية كبيرة وردت.

    د. عبد الباسط محمد سيد: آه طبعاً لأسباب لأنه ده بيعمل عملية تخمير للمصران الغليظ الكميات اللي موجودة في فضلات المصران الغليظ، ودا بيمدنا بكل أفراد الفيتامينات...

    أحمد منصور: عشان كده الناس اللي بتأخذ زبدية قبل النوم أو لبن رايب أو الغذاء كذا..

    د. عبد الباسط محمد سيد: ولذلك فعلاً جنوب شرق آسيا من طشقند وسمرقند وبخارى والكلام دا تجد من..

    أحمد منصور: دول وسط آسيا.

    د. عبد الباسط محمد سيد: دائماً وسط آسيا بيتصبحوا بالعسل النحل الصبح والزبادي بالليل.

    أحمد منصور: عشان كده الشباب عندهم 90 سنة.

    د. عبد الباسط محمد سيد: أيوه والخل دايماً يتحط على الأكل هناك بصفة مستديمة، ولذلك ما تجدش أي تصلب شرايين، تجد عملية الشباب سِنَّه 90 سنة اللي إحنا بنشوفهم في الحج تلقى 91 سنة وأحسن مننا قوة.

    فوائد التين في الوقاية من النقرس وعلاج البواسير

    أحمد منصور: أسامة منصور مراد -رجل أعمال من أسبانيا وصيدلي- يقول: توجد في التين مادة مضادة لمرض الزهايمر وهي موجودة في الزيتون وتركيزها في التين 7 مرات أكبر في التين والزيتون، ذكر 7 مرات في القرآن بينما التين ذكر مرة واحدة، التين إحنا اتكلمنا عن فوائد الزيتون، أيه فوائد التين؟

    د. عبد الباسط محمد سيد: أيوه للتين حضرتك رسول الله -صلى الله عليه وسلم- بيقول "لو قلت أن فاكهة من الجنة لقلت أنها التين" لأن فاكهة الجنة بلا عجم.

    أحمد منصور: يعني مافيهاش بذر.

    د. عبد الباسط محمد سيد: مافيهاش بذر آه، و"كلوا التين فإنه يرفع البواسير ويذهب داء الملوك".

    أحمد منصور: يا سلام.

    د. عبد الباسط محمد سيد: أيوه.

    أحمد منصور: اللي هو..

    د. عبد الباسط محمد سيد: النقرس


    أحمد منصور: النقرس آه.

    د. عبد الباسط محمد سيد: وهو فعلاً ثبت إنه هو ليه علاقة بالإنزيم الخاص بتحويل الزانسين إلى اليوريك أسيد.

    أحمد منصور: يعني بسَّط.. على ما.

    د. عبد الباسط محمد سيد: يعني هو حضرتك زي ما بيحول يعني بيرسب اليوريك أسيد فالإنزيم بدل ما بيخليه يمشي في اتجاه واحد، يمشي في اتجاهين فيعمل الاتزان، ولذلك إحنا الأدوية بنثبط هذا الإنزيم، اللي بنديها من بره، لكن بنثبطه جزئياً، لكن التين ينظم يعني شوف حضرتك النقرس هو عبارة عن خطأ في التمثيل الغذائي، وعشان كده بقى نقدر نقول أيه يا أستاذ أحمد، الأدوية الكيميائية كما ذكرت حضرتك شفت عرض ولم تشفِ مرض؟

    أحمد منصور: يا سلام، فبيبقى المرض لكن عرضه بيزول.

    د. عبد الباسط محمد سيد: عرضه بيزول، فالمرض يتحول إلى مرض مزمن.

    أحمد منصور: لكن هنا ا لهدف هو إزالة المرض نفسه.

    د. عبد الباسط محمد سيد: المرض نفسه السبب.

    أحمد منصور: وليس العرض.

    د. عبد الباسط محمد سيد: بالضبط كده، فالتمثيل.

    أحمد منصور: إزالة أسباب يعني لا نزيل الصداع وإنما أسباب الصداع.

    د. عبد الباسط محمد سيد: بالضبط.

    أحمد منصور: بحيث لا يأتي مرة ثانية.

    د. عبد الباسط محمد سيد: هذا هو طب رسول الله يتركز في النقطة دي.

    أحمد منصور: واللي الطب الحديث كله بيركز عليه.

    د. عبد الباسط محمد سيد: بيركز عليه لأسباب.

    أحمد منصور: أصبح حوالي 50% من الألمان يعتمدوا على هذا، الأوروبيين أصبحوا يتوجهوا بشكل كبير إلى هذا، حتى الأميركان.

    د. عبد الباسط محمد سيد: الأميركان بياخذوا الأدوية بتاع رسول الله بتاعتنا وبيقننوها، يعني بيحطوه في تقنين علمي، ودا المطلوب مننا إحنا، فلذلك شوف حضرتك النقرس عبارة عن خطأ في التمثيل الغذائي، التين يصلح الخطأ في التمثيل الغذائي فبتعود.

    أحمد منصور: كمية التين أيه اللي الإنسان يحتاجها؟

    د. عبد الباسط محمد سيد: هو رسول الله حددها ثلاثة في اليوم.

    أحمد منصور: ثلاث تينات.

    د. عبد الباسط محمد سيد: ثلاثة لمدة -شوف حاجة غريبة جداً- لمدة أسبوع.

    أحمد منصور: في الحديث جت كده.

    د. عبد الباسط محمد سيد: آه في الحديث جاءت في تفسير الحديث.

    أحمد منصور: في تفسير الحديث.

    د. عبد الباسط محمد سيد: يعني مثلاً اللي ذكر هذا الحديث حضرتك ذكره أبو نعيم في الطب النبوي ولما ذكر إن رسول الله طب التين هل اللي موجود على طول أو حتى التين المحفوظ.

    أحمد منصور: المجفف.

    د. عبد الباسط محمد سيد: المجفف، يتحط في المية عشان يتشال السكر منه ويتاكل، واخد بال سيادتك، لسبع مرات.. يعني لمدة أسبوع كل يوم ثلاث تينات، وبعدين شوف التمثيل مش.. تصحح من التمثيل الغذائي.

    أحمد منصور: حتى البواسير.. حتى..

    أحمد منصور: بترفع البواسير لأسباب لأنها ما فيها مادة قابضة، وبعدين الأخ اللي بيقول لك إن ليها علاقة بمادة الزهايمر اللي موجودة هي المواد الملينة والمواد المطهرة اللي موجودة في التين ومضادات الأكسدة اللي موجودة في الألوان فعلاً البحوث دلوقتي بتتجه إليها، يعني حضرتك.. ولذلك حضرتك ... "لو قلت إن فاكهة الجنة لقلت إنها التين".

    العلاج الحديث واستخلاصه من السنة النبوية والقرآن

    أحمد منصور: عندي عبد الرحيم أحمد عبد الله -مهندس مصري- بيقول: ذهبت إلى عيادتكم في مسجد الدكتور مصطفى محمود وأخذت العلاج اللازم لفيروس C الذي تتحدثون عنه، واستعملت العلاج كما قيل، ولم يذهب الفيروس، فهل لديك بديل؟

    د. عبد الباسط محمد سيد: لأ مش لدي بديل، هو حضرتك معلش أصل الناس في مصر هنا لما بتيجي تتعالج بتتعالج إزاي؟ هو بيتعالج out Patient يعني مريض خارجي، فالمريض الخارجي في مصر هنا يأخذ الدواء فترة ويسيبه فترة، لكن إحنا عندنا 147 ألف حالة شفاء لمن.

    أحمد منصور: هنا في مصر.


    د. عبد الباسط محمد سيد: آه في مصر اللي هم استمروا.

    أحمد منصور: من خلال هذا الاختراع.

    د. عبد الباسط محمد سيد: أيوه من خلال هذه النقط بتاعة الفيروس.

    أحمد منصور: وبيعالجوا من خلال المسجد أيضاً بأجر رمزي.

    د. عبد الباسط محمد سيد: بأجر رمزي، فحضرتك الأمور كلها.

    أحمد منصور: حضرتك ما لقيتش شركة أدوية هنا..؟

    د. عبد الباسط محمد سيد: والله فيه (فيتا فيجور) الأميركية بتتعاقد دلوقتي على اعتبار البحوث.. تكمل لأسباب، وإن شاء الله هيطرح في السوق قريباً يعني.

    أحمد منصور: يعني.

    د. عبد الباسط محمد سيد: بس لما هينزل هينزل ببرنيطة الخواجة فالناس هتقبله.

    أحمد منصور: لكن يعني رغم إنك أنت مخترعه هنا ما فيش أي شركة عربية أو..

    د. عبد الباسط محمد سيد: لا لا لا ما فيش.

    أحمد منصور: حاولت إنها تأخذه.

    د. عبد الباسط محمد سيد: لأ هو حتى.

    أحمد منصور: رغم إن هنا في مصر بيعانوا بنسب عالية جداً من.. من الكبد الفيروس.

    د. عبد الباسط محمد سيد: والله الأمور ابتدت يعني الناس ابتدت يبقى وعيها يزيد، فالكلام اللي اتقال يعني هي كانت مرتبط بالبلهارسيا بحقن البلهارسيا اللي كانت بتنتقل من إيد لإيد قبل الحقن اللي... البلاستيكية.

    أحمد منصور: البلاستيك.

    د. عبد الباسط محمد سيد: آه اللي هي بتستخدم لفرد واحد ثم إيه يقوم يتخلص منها، فأيام البلهارسيا كانت الحقنة بتنتقل من إيد لإيد فيعتقد إنه انتقل في ذلك الوقت.

    أحمد منصور: اختراعك الآخر يا دكتور الخاص بالقطرة الخاصة بالـ..

    د. عبد الباسط محمد سيد: والله إحنا خذناها من.. من كانت ليها قصة غريبة جداً إن إحنا قولنا إن طبعاً معجزة سيدنا يوسف هي معجزة (اذْهَبُوا بِقَمِيصِي هَذَا فَأَلْقُوهُ عَلَى وَجْهِ أَبِي يَأْتِ بَصِيراً وَأْتُونِي بِأَهْلِكُمْ أَجْمَعِينَ)، فحضرتك بمجرد ما هتلقي القميص هيأتي بصيراً، دي معجزة نبي، مش كده ولا أيه؟

    أحمد منصور: طبعاً.

    د. عبد الباسط محمد سيد: لكن الأمر هنا (وَلَمَّا فَصَلَتِ العِيرُ قَالَ أَبُوَهُمْ إِنِّي لأَجِدُ رِيحَ يُوسُفَ) الله! يعني الأمر هنا فإحنا حللنا العرق لقيناه مكون من 52 مادة.

    د. عبد الباسط محمد سيد: عرق الإنسان.

    د. عبد الباسط محمد سيد: أي إنسان، حتى الناس بتختلف بيقول أيه طب ما عرق دا مش عارف ليه ريحة ودا عرق، لأ هو عرق.. وكل واحد زي الثاني.

    أحمد منصور: حتى لو مالوش ريحة.

    د. عبد الباسط محمد سيد: آه بس دا بكتريا بتنمو على العرق فبتسبب ريحة، وبكتريا ما بتنموش على العرق ما تسببش إنما كل إنسان...

    أحمد منصور: لكن الأصلي نفسه أصل العرق 52 مادة.

    د. عبد الباسط محمد سيد: 52 مادة، حللناهم، وجبنا العدسة اللي فيها عتامة اللي مأخوذة بعمليات جراحية تقليدية وحطيناها في أطباق وجبنا كل مادة ونحط على العدسة لقينا مادة منهم بتحول العدسة المعتمة إلى عدسة شفافة.

    أحمد منصور: من الـ 52 مادة دول.

    د. عبد الباسط محمد سيد: من الـ 52 مادة، خذناها واتعرفنا على تركيبها وابتدينا نصنعها.

    أحمد منصور: سبحان الله!

    د. عبد الباسط محمد سيد: فإذن أنا بأقول...

    أحمد منصور: وسجلت هذه البراءة.

    د. عبد الباسط محمد سيد: سجلت هذه البراءة في أميركا وفي أوروبا سنة 93 و95، 93 في أميركا، و95.

    أحمد منصور: والآن بتنتج هذه المادة؟

    د. عبد الباسط محمد سيد: الآن (سيبا جايجي) هتنزل انتاجها يمكن ابتداءً من أول السنة الجديدة من 2003.

    أحمد منصور: هذه مجرد قطرة لهذه المياه البيضاء.

    د. عبد الباسط محمد سيد: بدل العملية الجراحية.

    أحمد منصور: اللي كانوا بيعملوا فيها عملية جراحية، تزيل المياه البيضاء.

    د. عبد الباسط محمد سيد: ومأخوذة من إشارات قرآنية نحن.. نحن أيه؟ لا ننفي إن كثير جداً من الناس يقول لك أيه؟ دي معجزة نبي، طب ما إحنا ما نمشيش.. ما إحنا دلوقتي كنا بتتكلم عن المياه اللي شُفي بها سيدنا.

    أحمد منصور: أيوب نعم.

    د. عبد الباسط محمد سيد: أيوب، يعني طب ما هو دلوقتي فيه علاج بالماء، وأهوه إشارات قرآنية موجودة إحنا معجزة سيدنا يوسف لا ننفيها، لكن إشارات قرآنية هي اللي دلتنا، وثبت صحتها، دا غير كده بقى إن وجدوا إن فيه بياض في القرنية يعني القرنية السوداء أو الخضراء لبعض الناس أو الزرقاء عند بعض الناس، هذه القرنية أحياناً يحصل فيها بياض القطرة صالحة لهذا.

    أحمد منصور: يا سلام!

    د. عبد الباسط محمد سيد: تزيل بياض القرنية.

    أحمد منصور: وكل هذه الأبحاث العلمية كلما انتهت والآن ستطرح في الأسواق قريباً.

    د. عبد الباسط محمد سيد: إن شاء الله القطرة هتطرح في الأسواق، أما بالنسبة لفيروس C فهتاخذه فيتا فيجور وحضرتك إحنا عندنا 146 ألف حالة شفاء في مسجد محمود فقط في المهندسين.


    أحمد منصور: عندي أحمد.. أحمد عادل بيقول: لو تدلونا على مصادر يعني من بعض المصادر يقول فتحتم شهيتنا إلى العلم.

    و.. أحمد عبد العزيز من القاهرة يقول: هل هناك مصادر يمكن أن نرجع إليها للتعرف على هذه الأشياء؟

    د. عبد الباسط محمد سيد: أنا موجودة الكتب في مصر بس الناس لا تقرأ، كتابي..

    أحمد منصور: آه كتبك أنت..

    د. عبد الباسط محمد سيد: كتابي "التداوي بالأعشاب والطب النبوي" أنا استعرضت فيه كل هذه الأمور وبأسلوب ديني وعلمي، يعني وضحت الجانب الديني وفسرت جنبه الجانب العلمي ليس من وجهة نظري..

    أحمد منصور: فيه مواقع على الإنترنت؟

    د. عبد الباسط محمد سيد: فيه موقع لي على الإنترنت بس الحقيقة أنا مش فاكره، لو ممكن يعني يتصلوا بتليفوني.

    أحمد منصور: أنا الحقيقة برضو عندي بعض المصادر ممكن أقول لمشاهدينا عليها الدكتور حسان شمس باشا له مجموعة من الكتب، "قبسات من الطب النبوي والأدلة العلمية الحديثة"، "زيت الزيتون من الطب والقرآن"، "الأسرار الطبية الحديثة في الثوم والبصل"، "الشفاء بالحبة السوداء"، والدكتور محيي الدين عمر لبنية أيضاً له كتابين ممتازين عن العلاج الغذائي للأمراض والتوابل وفوائدها العلاجية، وهناك موقع على الإنترنت أيضاً:http://www.khayma.com/chamsipashaa

    أيضاً عليه معلومات كثيرة جداً متاح لكل الناس لمن أراد أن يحصل على هذه الأشياء المتعلقة بالجوانب العلمية متطابقة مع أحاديث رسول الله -صلى الله عليه وسلم- والقرآن الكريم، دكتور للأسف الوقت خذنا وإحنا ماعملناش 10% من اللي احنا متفقين عليه.

    د. عبد الباسط محمد سيد: لأن الموضوع في الحقيقة..

    أحمد منصور: لأن يعني أنا اكتشفت أنك كنز كبير جداً.

    د. عبد الباسط محمد سيد: لأ العفو يا سيدي العفو.

    أحمد منصور: وللأسف مهمل من وسائل الإعلام وغير ملتفتة إليك رغم جهدك العلمي الضخم.

    د. عبد الباسط محمد سيد: الله يخليك.

    أحمد منصور: والكبير وإنك يعني تكاد تكون متبحر في العلم الديني والعلم..

    د. عبد الباسط محمد سيد: الحمد لله.

    أحمد منصور: الجوانب العلمية بشكل يعني ربنا فاتح عليك ربنا يديم عليك النعمة يعني.

    د. عبد الباسط محمد سيد: الله يعافيك.

    فوائد الرمان في علاج القرحة والحموضة

    أحمد منصور: باقي آخذ منك شيء مهم يتعلق بالرمان، (فِيهِمَا فَاكِهَةٌ وَنَخْلٌ وَرُمَّانٌ) وسيدنا.. روي عن علي -رضي الله عنه- فيما رواه أحمد: "كلوا الرمان بشحمه فإنه دباغ للمعدة"، ما هي فوائد الرمان باختصار؟ وهو كيف يكون..

    د. عبد الباسط محمد سيد: هو الرمان يا أفندم فيه حديث لرسول الله -صلى الله عليه وسلم- بيقول "ما من رمانة إلا ولقحت من رمان الجنة، وما رمانة إلا فيها حبة من رمان الجنة".

    أحمد منصور: عجيب!! الرمان اللي في إيدينا دا اللي بناكله؟

    د. عبد الباسط محمد سيد: اللي في إيدينا، ولذلك سيدنا علي كان يحرص إنه ياخذ كل الفصوص الموجودة في الرمان حتى أصيب فص رمانة الجنة.

    أحمد منصور: الفص بالكامل يعني.

    د. عبد الباسط محمد سيد: أيوه، أما عن "كلوا الرمان بشحمه فإنه دباغ للمعدة"، أولاً القلف الأبيض اللي جوه اللي هي الطبقة البيضاء اللي بين الفصوص دي بتحتوي على مادة قابضة ومضادة للحموضة، وثبت إنها بتعمل شفاء لقرحة المعدة وقرحة الإثنى عشر، والبحوث بتقول إنهم بياخدوا المستخلص المائي أو المعلق منها، يعني يعملوها معلق، ويخشوا بالمناظير يحقنوا قرحة المعدة وقرحة الإثنى عشر فتبرأ في الحال.

    أحمد منصور: يا سلام!

    د. عبد الباسط محمد سيد: ولذلك شوف رسول الله "كلوا الرمان بشحمه فإنه دباغ للمعدة".

    أحمد منصور: يعني بقلبها كلما..

    د. عبد الباسط محمد سيد: بقلبها.. بالقلب الأبيض اللي هو..

    أحمد منصور: بس بتشيل القشر من بره.

    د. عبد الباسط محمد سيد: من بره، ولذلك حضرتك الجزء اللي جوه حضرتك أخذته وجففته وجت عندك أي كمية حموضة وأنت المجفف دا خدته بلسم، بمجرد ما تاخده يضيع الحموضة تماماً.

    أحمد منصور: حتى يمكن للإنسان اللي بيعاني من القرحة، أو كذا أن يتناول الرمان بهذه الطريقة؟

    د. عبد الباسط محمد سيد: بهذه الطريقة ويتناول ويجفف الجزء الأبيض اللي من جوه وياخذه القرحة والجروح بتاعة المعدة هتنتهي تماماً.

    أحمد منصور: هتلتئم لوحدها.

    د. عبد الباسط محمد سيد: تماماً.

    أحمد منصور: وثبت علمياً هذا الأمر.

    د. عبد الباسط محمد سيد: ثبت علمياً بتجارب المنظار.

    أحمد منصور: يعني الآن بيحقنوا فعلاً بدأوا يعملوا عمليات.

    د. عبد الباسط محمد سيد: آه في هذا الكلام.

    أحمد منصور: قرحة المعدة بحقن المنظار بهذه المادة.

    د. عبد الباسط محمد سيد: كميات كبيرة جداً في وسط أوروبا وبهذه الكيفية وللأسف إنهم واخدينها برضو من هذا التراث.


    أحمد منصور: لازال أمامنا عشرات الأسئلة والمحاور، انتهى الوقت للأسف، لكن أنا أعد المشاهدين اللي أرسلوا كثير من الأسئلة سواء عبر البريد الإلكتروني أو عبر الفاكس في أن نسعى -إن شاء الله- إلى أن نحاول أن نستكمل هذا الجانب الهام الذي يمكن أن يقي الإنسان، لأن إحنا جانب الوقاية لم نتحدث عنه مطلقاً كيف يستطيع الإنسان أن يقي نفسه كثير من الأمراض باتباعه أسلوب غذائي سليم نابع من وحي الرسول -صلى الله عليه وسلم- ومن وحي القرآن الذي أخذه كثير من العلماء الغربيين مثل هذا العالم ووضعوا به أنظمة غذائية يتبعها عشرات الملايين من الناس في هذا الكون.

    في الختام أشكر ضيفي هنا في الأستوديو الدكتور عبد الباسط سيد (رئيس قسم الكيمياء الحيوية في المركز القومي للبحوث في مصر).

    كما أشكركم مشاهدينا الكرام على حسن متابعتكم، في الختام أنقل لكم تحيات فريقي البرنامج من القاهرة والدوحة، وهذا أحمد منصور يحييكم (بلا حدود) من القاهرة، والسلام عليكم ورحمة الله وبركاته
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

    الـــــــSHARKـــــاوى

    إن المناصب لا تدوم لواحد ..... فإن كنت فى شك فأين الأول؟
    فاصنع من الفعل الجميل فضائل ..... فإذا عزلت فأنها لا تعزل

طبيعة غذاء الرسول وكيفية الوقاية من الأمراض

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. الســــــــــــمك غذاء العقل
    بواسطة ronya في المنتدى مائدة المنتدى
    مشاركات: 5
    آخر مشاركة: 06-03-2009, 04:17 PM
  2. الرمان غذاء و دواء
    بواسطة ronya في المنتدى المنتدى الطبي
    مشاركات: 11
    آخر مشاركة: 21-02-2009, 10:36 AM
  3. غذاء الرسول صلى الله عليه وسلم معجزة إلهية
    بواسطة ronya في المنتدى من السيرة العطرة لخير البرية صلى الله عليه وسلم
    مشاركات: 7
    آخر مشاركة: 06-04-2008, 04:20 PM
  4. بعض الأسئلة حول طبيعة موت آدم عليه الصلاة والسلام
    بواسطة أنا مسلم في المنتدى منتدى نصرانيات
    مشاركات: 4
    آخر مشاركة: 03-07-2006, 06:26 PM
  5. (طبيعة النفس البشرية)من خواطر الإمام الشعراوي رحمه الله
    بواسطة احمد العربى في المنتدى المنتدى الإسلامي
    مشاركات: 4
    آخر مشاركة: 03-07-2006, 12:53 AM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

طبيعة غذاء الرسول وكيفية الوقاية من الأمراض

طبيعة غذاء الرسول وكيفية الوقاية من الأمراض