المشاركة الأصلية كتبت بواسطة leader85239d
عزيزى - يشرفنى التحدث معك وبصراحة عجبنى قوى الكلام اللى انت كاتبه يشبه الزجل الشعبى , ينفع يكون مسرحية تتمثل فى الكنائس لان فيها مشاهد تمثيلية جميلة واسمح لى اخدها نسخة عندى لانى بافكر استخدمها بعد كدة . بس انا كنت عايز اسألك انت لية بتقارن بين الناس اللى ماتوا على مر العصور اما بالغرق او بالسيف او بالصليب بالرب يسوع المسيح ابن الله الحى؟؟ ايش جاب لجاب , يا عزيزى كل انسان مولود امرأة هو مولود محكوم عليه بالموت فلا يستطيع ان يموت بدلاً عن اى حد تانى وكل انسان خاطى زيى انا وانت فمالوش اى ميزة تميزه ليكون كفارة الا الذى بلا خطية واظن انت تتفق معى ان السيد المسيح " لم يعرف خطية - لم يذكر له ذنباً" فهو بس اللى يقدر يكون كفارة - وعلشان كدة يا عم النجم يسوع لم يأت بالطريقة العادية فى الزواج بين البشر , جاء بمعجزة وبدون تدخل رجل علشان ما يبقاش تحت حكم الموت زى باقى البشر - العملية يعنى مش محتاجة مفهومية كبيرة - ثم تقول " يعنى الله غير قادر على الغفران بسهولة ...... " - يا عم هوة لعب عيال؟؟؟؟ شوية اخرج من الجنة وموتاً تموت وشوية لأ ارجع تانى وحياة تحيا ؟؟ احنا لما بنغلط فى امين شرطة فى مصر بتقوم الدنيا وما تقعدش فما بالك برب الكون كله - دا مرة اهلك الدنيا كلها بالطوفان , كل الدنيا , زادت فى الشر جداً , صحيوا الصبح لقوا نفسهم جثثاً عائمة,لية يعنى ما رحمهمش بكلمة وخلاص؟؟ ولية عامل جهنم فى الآخرة ما يرحم الناس ويخلى الكل مؤمنين وخلاص؟؟؟ - خليك واقعى - اما بخصوص كلامك " هى دى حاجة تدخل المخ ....." الرد : طب ومين قالك ان اعمال ومحبة الله تدخل المخ؟؟ يقول"كم هى عجيبة اعمالك يا رب فوقى ارتفعت لا استطيع (فهمها)" وهو كان معقول ان سارة زوجة ابراهيم تلد بعد التسعين؟؟ وللا معقول ان يونا يدخل فى بطن الحوت ثلاثة ايام؟؟
وللا معقول ان ميت يقوم من الاموات؟؟ وللا معقول ان اعمى بدون اعين يشوف؟؟ وللا وللا وللا .......... من هذا ياعزيزى يعرف الاله الحقيقى , من اعماله المثيرة للدهشة . جاى حضرتك دلوقت تقول ازاى ؟؟ طب كنت فين لما شق البحر الاحمر امام موسى ؟؟ لماذا لم تعترض؟؟ - الله يا عزيزى يفعل الاشياء التى تثير دهشتنا وهو بذلك يثبت انه الله ..... اريد ان اسجل اعجابى مرة اخرى بذجلك وانا مستنى ردك , وعلى فكرة انا مش زعلان من اللى قال "مسيخيين" لان الاله العجيب فى محبته اوصانى ان احب من شتمنى ... وشكراً
المفضلات