تحضير الجمبري

[ronya]

تحضير الجمبري



أسلوب حديث لتقديم طبق كوكتيل الجمبري التقليدي

- المقادير:

- 5 قطع من الجمبري
- 2 ملعقة صغيرة زيت زيتون
- 1 ملعقة صغيرة عصير ليمون
- ½ قطعة افوكادو
- عدد 6 حبات زيتون
- 2 ثمرة طماطم - 15 غرام بصل
- 25 غرام كوكتيل صوص
- ملح
ـ فلفل

- الطريقة:

يوضع زيت الزيتون في إناء على النار ويشوح فيه الجمبري مع إضافة قليل من الملح والفلفل ثم تتم إضافة الافوكادو المهروس ويقلب معا مع إضافة عصير الليمون.

تقشر الطماطم وتقطع قطعا صغيرة، كذلك تقطع حبات الزيتون والبصل وتتم إضافتها إلى الخليط السابق مع إضافة صوص الكوكتيل .

نصيحة لست البيت

لتطرية شرائح البفتيك

لتطرية شرائح البفتيك المعدة للشى ، يتم اضافة قليل من الخل اليها وتركها لعدة ساعات قبل القيام بعملية الشى

[spider_oxxo]

إيه الجمبري ده بقى ؟!!
هو فيه أكل جديد نزل من ورانا ولا إيه ؟!!
ربنا يكتبها للواحد وياكله قبل ما يموت بس يبقى معاه الكتالوج بتاع طريقة الأكل
تسلمي أختي على إنك جوعتينا ولو إني لسه واكل ساندوشتات كبدة

[داع الى الله]

اقتباس

إيه الجمبري ده بقى ؟!!
هو فيه أكل جديد نزل من ورانا ولا إيه ؟!!
ربنا يكتبها للواحد وياكله قبل ما يموت بس يبقى معاه الكتالوج بتاع طريقة الأكل
تسلمي أختي على إنك جوعتينا ولو إني لسه واكل ساندوشتات كبدة

طبعا كبدة متلجة من عند زيزو نتانة

جزاك الله خيرا اختنا رانيا و ان شاء الله ناكله جماعة في الجنة

[نوران]

بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين
السلام عليكم ورحمة الله وبركاته

يا اخوة اختكم جابت خمس حبات هتبعت لكل واحد حباية على الخاص صح يا رانيا ؟

اذا كان صح اوعى تنسينى

[spider_oxxo]

اقتباس

طبعا كبدة متلجة من عند زيزو نتانة

جزاك الله خيرا اختنا رانيا و ان شاء الله ناكله جماعة في الجنة

والله بقى كبدة متلجة ، كبدة بتستهبل ، ولو حتى من عند عبده باكبورتات مش حتفرق
طلبت معايا كبدة ضروري فبعت جبت ساندوشتات
بس اللي يطمئن إننا في قرية ، وإن صاحب المحل أصلاً جزار ومن أنضف الجزارين في بلدنا وكمان قريبنا
وعامة مش حتفرق ما مصر كلها أكلت لحم حمير وخنازير وفي أكبر فنادق مصر
لأ وكله كوم والأكل الجديد اللي إسمه الجمبري ده كوم
ده بيتزرع ده ياخويا ولا إيه ؟؟

اللهم آمين على أكلنا سوياً في الجنة بإذنه وسنجد مالا عين رأت ولا أذن سمعت ولا خطر على قلب بشر .. يعني لا جمبري ولا إستاكوزا حتى من بتاعتنا دي

[spider_oxxo]

اقتباس

بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين
السلام عليكم ورحمة الله وبركاته

يا اخوة اختكم جابت خمس حبات هتبعت لكل واحد حباية على الخاص صح يا رانيا ؟

اذا كان صح اوعى تنسينى

كله واحد حباية ؟!!
حباية إيه بس ياأختي ربنا يهديكي ويهدينا
الأشكال والشخصيات اللي زي تقولي مثلاً مالا يقل عن 3 أو 4 ميلون حباية علشان تسد معانا
قال حباية قال .. بتأكلوا كتاكيت هنا ولا إيه

[gardanyah]

ايةيا جماعة
كل دة علشان طبق فية خمس وحدات جمبرى
طب تعالوا عندنا فى الاسكندرية عروس البحر الابيض المتوسط بل عروس كل بحار الدنيا واحنا باكلكم بقى جمبرى بصحيح وبحق وحقيقى وعلى طريقة الاخت الكريمةronya وكل واحد طبق كبييييييييييييييييير
وجنبة الذى منة

[ronya]

اقتباس

إيه الجمبري ده بقى ؟!!
هو فيه أكل جديد نزل من ورانا ولا إيه ؟!!
ربنا يكتبها للواحد وياكله قبل ما يموت بس يبقى معاه الكتالوج بتاع طريقة الأكل
تسلمي أختي على إنك جوعتينا ولو إني لسه واكل ساندوشتات كبدة

اللهم آآآآآمين أخي spider ربنا يطول في عمرك وتاكل جمبري كتير أوي تاكل كل الجمبري الموجود فى البحر
صحة وهنا سندويش الكبدة

اقتباس

وعامة مش حتفرق ما مصر كلها أكلت لحم حمير وخنازير وفي أكبر فنادق مصر
لأ وكله كوم والأكل الجديد اللي إسمه الجمبري ده كوم

لا حول ولا قوة الا بالله
لسة فاكر أخيspider موضوع الجزار الغشاش ان شاء الله هعمل رفع للموضوع علشان الناس تنتبه ربنا ينتقم منه جزار حرامي وغشاش

تشرفت بمرورك العطر أخي الكريم
تحيتي لك

[ronya]

اقتباس

طبعا كبدة متلجة من عند زيزو نتانة

جزاك الله خيرا اختنا رانيا و ان شاء الله ناكله جماعة في الجنة

اللهم آآآآآآآآمين اخي إيهاب نأكل هذا الطبق في الجنة

جزانا الله واياكم كل الخير
تشرفت بمرورك العطر أخي إيهاب
تحيتي لك

[ronya]

اقتباس

بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين
السلام عليكم ورحمة الله وبركاته

يا اخوة اختكم جابت خمس حبات هتبعت لكل واحد حباية على الخاص صح يا رانيا ؟

اذا كان صح اوعى تنسينى

أيـــــــــه الفضايح دي

لا لالالا أختي الحبيبة نوران مش صح
بصي هل يكفي هذا الطبق من الجمبري أظن يكفي مش لازم تاكلوا كتير علشان تحافظوا على صحتكم مش عايزكم تسمنوا

تفضلوا بالهنا والشفا كل أنواع الجمبري موجودة على الطبق مع الصوص أيضاً



مبسوطة الان أختي الغالية نوران

تشرفت بمرورك العطر حببتي وتعقيبك الجميل