يوميات عم رمضان إنتَ حبيبى

آخـــر الـــمـــشـــاركــــات

لمسات بيانية الجديد 10 لسور القرآن الكريم كتاب الكتروني رائع » آخر مشاركة: عادل محمد | == == | الرد على مقطع خالد بلكين : الوحي المكتوم المنهج و النظرية ج 29 (اشاعة حول النبي محمد) » آخر مشاركة: محمد سني 1989 | == == | قالوا : ماذا لو صافحت المرأة الرجل ؟ » آخر مشاركة: مريم امة الله | == == | () الزوجة الصالحة كنز الرجل () » آخر مشاركة: مريم امة الله | == == | مغني راب أميركي يعتنق الإسلام بكاليفورنيا » آخر مشاركة: *اسلامي عزي* | == == | الإعجاز في القول بطلوع الشمس من مغربها » آخر مشاركة: *اسلامي عزي* | == == | الكاردينال روبيرت سارا يغبط المسلمين على إلتزامهم بأوقات الصلوات » آخر مشاركة: *اسلامي عزي* | == == | لمسات بيانية الجديد 8 لسور القرآن الكريم كتاب الكتروني رائع » آخر مشاركة: عادل محمد | == == | الرد على شبهة زواج النبي صلى الله عليه وسلم من عائشة رضي الله عنهما بعمر السادسة و دخوله عليها في التاسعة » آخر مشاركة: محمد سني 1989 | == == | المصلوب بذرة ( الله ) ! » آخر مشاركة: *اسلامي عزي* | == == |

مـواقـع شـقــيـقـة
شبكة الفرقان الإسلامية شبكة سبيل الإسلام شبكة كلمة سواء الدعوية منتديات حراس العقيدة
البشارة الإسلامية منتديات طريق الإيمان منتدى التوحيد مكتبة المهتدون
موقع الشيخ احمد ديدات تليفزيون الحقيقة شبكة برسوميات شبكة المسيح كلمة الله
غرفة الحوار الإسلامي المسيحي مكافح الشبهات شبكة الحقيقة الإسلامية موقع بشارة المسيح
شبكة البهائية فى الميزان شبكة الأحمدية فى الميزان مركز براهين شبكة ضد الإلحاد

يرجى عدم تناول موضوعات سياسية حتى لا تتعرض العضوية للحظر

 

       

         

 

    

 

 

    

 

يوميات عم رمضان إنتَ حبيبى

النتائج 1 إلى 6 من 6

الموضوع: يوميات عم رمضان إنتَ حبيبى

  1. #1
    تاريخ التسجيل
    Jan 2007
    المشاركات
    573
    الدين
    الإسلام
    آخر نشاط
    14-10-2016
    على الساعة
    10:05 PM

    افتراضي يوميات عم رمضان إنتَ حبيبى

    يوميات عم رمضان
    انتَ حبيبى
    عم رمضان
    سلامتك ياشرقاوى أجر وعافية
    الحاج شرقاوى
    الله يسلمك يا شيخ رمضان
    بس تعبت نفسك ليه إنت والشيخ حسن والجو برد
    الشيخ حسن
    ودى تيجى برضو ياحاج شرقاوى
    أنا لما عرفت إن الشيخ رمضان جايلك قلتله إستنى لما أروح معاك
    الحاج شرقاوى
    ماكان له لازمة مجيتكم ياجماعة دول شوية رطوبة من
    سقية الزرع ليلة امبارح
    عم رمضان
    هو سيكا مانزلش معاك ؟
    الحاج شرقاوى
    سيكا كان عنده مذاكرة علشان امتحانه قرب وبينى وبينكم خفت عليه لأن محلتيش غيره والجو كان تلج
    عم رمضان
    صحيح الجو كان رصاص ليلة امبارح
    الشيخ حسن
    إومال لما الشتا يدخل بجد حتعملوا إيه ؟
    الحاج شرقاوى
    يعنى حنعمل إيه أهو ربنا يتولانا يا شيخ حسن
    عم رمضان
    بقى حبة برد يخلوك ترقد فى السرير ؟
    الحاج شرقاوى
    العضمة كبرت يا شيخ رمضان يالا بقى حسن الختام
    الحاج شرقاوى
    يا سيكا ياسيكا
    سيكا
    نعم يابا
    الحاج شرقاوى
    تعالى يا سيكا سلم على عمك الشيخ رمضان وعمك الشيخ حسن
    وبعدين خلي الجماعة يعملولنا شاى فتلة
    الشيخ حسن
    أنا يا سيكا سكر زيادة وعمك الشيخ رمضان سكر مظبوط وياريت تخلى الفتلة بتاعتى ملضومة بفتلة تانية
    سيكا
    بس كده من عينيا ياعم الشيخ حسن
    عم رمضان
    خلصت السقية إمتى ؟
    الحاج شرقاوى
    يادوب على الفجر وكان أبنوب بيسقى أرضه هو كمان
    وقاللى مجبتش سيكا معاك ليه كان ساعدك ؟
    قلتله سيكا وراه إمتحانات فسبته يذاكر
    قاللى كان فضى نفسه بدل ما يسيبك لوحدك وإنت تعبان
    قلتله المعين ربنا
    قاللى هو الواحد بيخلف ليه ؟ مش علشان عياله تساعده وقت الزنقة ، اومال العيال لازمتها إيه ؟ أنا لو إبنى هنا
    كان ريحنى وسقىَ بدالى بس إنت عارف إنه فى مصر والبنتين متجوزين وفى بيوتهم وكمان البنت مش زى الولد
    وشوف إنت لما الأب حب يصالحنا بعت إبنه علشان يفدينا ويخلصنا من الخطية بتاعة أبونا آدم
    قلتله قصدك بالأب إللى هو مين ؟
    قاللى أنا بأقصد إن الله بعت إبنه
    قلتله لاحول الله إنتوا خليتوا لله إبن ؟
    أستغفر الله العظيم من كل ذنب عظيم
    إنت عبيط ياأبنوب ولآ إيه ؟
    هو ربنا سبحانه وتعالى زيه زينا طيب إحنا محتاجين للولد علشان بنعجّز ومحتاجين حد يساعدنا ويراعينا لما
    نكبر أو نمرض ويشيل اسمنا ويترحم علينا لما نموت
    إنما ربنا سبحانه وتعالى حي لا يموت ولا يشيخ ولا يعجز عن شيىء ولا يحتاج لمن يرعاه
    وربنا سبحانه وتعالى قال لرسوله صل الله عليه وسلم
    قل إن كان للرحمن ولد فأنا أول العابدين( 81 )سبحان رب السموات والأرض رب العرش عما يصفون
    يعنى نفى إن له ولد
    قاللى بس خليك معايا ياحاج شرقاوى إنت الأول مستغرب ليه ؟
    هو أب ولآ مش أب ؟ طبعاً أب مش كده ؟ وإحنا بنقول بسم الأب والأبن والروح القدس إله واحد أمين ، ومدام أب يبقى عنده إبن اومال سموه أب ليه ؟
    قلتله إنتَ بتغنى وترد على نفسك أب ده عندكوا إنتوا إنما عندنا بنعبد الله وهو واحد أحد صمد لم يلد ولم يولد ولم يكن له كفؤا أحد
    قُلْ هُوَ اللَّهُ أَحَدٌ * اللَّهُ الصَّمَدُ * لَمْ يَلِدْ وَلَمْ يُولَدْ * وَلَمْ يَكُن لَّهُ كُفُوًا أَحَدٌ
    قاللى صدقنى ده له ولد وبعته لينا علشان يخلصنا من الخطية وبعدين الكل معترف إنه إبن الله ماعدا المسلمين علشان مش فاهمين
    قلتله وإبنه ده ليه ماظهرش إلآ بعد ملاين السنين ؟
    قاللى لأ إبنه ده مولود من قديم الأزل بس الأب كان واخده فى حضنه علشان وحيده وبيحبه
    قلتله إيه كان خايف عليه من الحسد ؟
    قاللى هو فيه حد كان يعرف إنه مخلف إبن ياحاج إلآ بعد ما أرسله لينا فى صورة المسيح علشان يفدينا بدمه والكتاب المقدس قال إن المسيح كان تملى يفكر الناس بأبوه وكان يقول إللى بيفعله الأب بيفعله الأبن وعلطول كان يقول أبى
    قلتله ومين بقى إللى إكتشف إنه مخلف إبن ؟
    قاللى إحنا إللى إكتشفنا حكاية إن ليه إبن
    قلتله إنتوا مين ؟
    قاللى إحنا المسيحيين إللى إكتشفنا ده
    قلتله يعنى فجأة كده كل المسيحيين إكتشفوا إن له إبن ؟
    قاللى الأول واحد فينا بس هو إللى إكتشف المسئلة دى والباقى إتأكد فعلاً إنه إبن الله
    ده حتى الشيطان نفسه كان عاوز يتأكد من ده بس معرفش
    قلتله ياأبنوب لو إللى بيتكلم مجنون يبقى المستمع عاقل
    قاللى ليه ياحاج ؟
    قلتله إنت بتقول إن الأبن مولود من قديم الأزل وكان فى حضن الأب علشان وحيده وبيحبه ودلوقت بتقول إن الشيطان حاول يعرف إنه إبن الله وماعرفش
    قاللى أيوه ياحاج ده صحيح
    قلتله يعنى على كلامك الأبن موجود مع الأب من ألأزل يعنى قبل خلق أدم مظبوط ؟
    قاللى مظبوط
    قلتله ولما ربنا خلق آدم كان الأبن موجود
    قاللى تمام
    قلتله والشيطان والملايكة كمان كانوا موجودين قبل خلق آدم صح ؟
    قاللى أكيد
    قلتله يعنى المفروض إن الشيطان كان شاف الأبن حتى لوكان فى حضن الأب
    إزاى بقى مكانش يعرف إن الله له إبن ؟
    أبنوب فضل ساكت
    قلتله طيب نسيب النقطة دى وقوللى مين بقى الشاطر إللى فقس الحكاية دى ؟
    قاللى معلمنا بولس كتر خيره هو إللى إكتشف إنه إبن الله
    قلتله إكتشفها كده لوحده فجأة دوناً عن جميع الخلق ؟
    قاللى الحكاية أصلها طويلة بس حاختصرهالك على قد ما اقدرعلشان إنت ياحاج شرقاوى راجل طيب وعلى نياتك وعاوز توصل للحق
    قلتله أيوه أهو ينوبك ثواب
    قاللى معلمنا بولس ده كان فى الأول يهودى متعصب علشان كده كان بيضطهد أتباع المسيح وكمان كان حرامى بيسطوا على الكنايس ويسرقها وياما عذب المسيحيين وسجنهم ووراهم الويل وعلشان كده ظهرله فجأة فى الطريق
    قلتله مين إللى ظهرله فجأة العفريت ؟
    قاللى لأ ده المسيح هو إللى ظهرله فى الطريق وهو رايح دمشق وقاله تعالى أنا عاوزك وأكيد هو إللى قال لمعلمنا بولس إنه إبن الله وطلب منه إنه يشاركه فى الانجيل بتاعه
    قلتله أحسن يكون هو إللى سطا على الانجيل علشان كان حرامى زى ما بتقول
    قاللى ده كان فى الأول حرامى بس تاب بعد ماظهرله المسيح وبقى شريك للمسيح فى انجيله
    قلتله بس أنا أسمع إن الاناجيل إللى عندكوا مفيهاش انجيل إسمه انجيل المسيح وبولس وإللى حداكم أناجيل لناس تانية حتى مش هما إللى كاتبينها حسب ما سمعت من الشيخ حسن قبل كده
    قاللى هو عمل انجيل إسمه انجيل الغرلة
    قلتله هو إللى عمله يعنى مش وحى من عند ربنا
    قاللى بص ياحاج أصل الموضوع طويل ومحتاج شرح ياما وإنت عارف إن طوبيا إبنى شماس فى مصر ولما بيجى حدانا فى الكفر بيقعد يشرح لى ويفهمنى وانا مش حااخدعك ياحاج ده انتَ حبيبى
    وبعدين إنتَ لو مش عاوزالحق إنتَ حر أنا بس بدى مصلحتك
    قلتله أول مرة ياأبنوب أعرف إن إبنك شماس
    ياريت توصيه وتقوله عمك الحاج شرقاوى عاوز شمسية تكون كويسة وزى ما تقطع مش مهم الفلوس أحسن الواحد بيبقى ماشى أو راكب حمارته والشمس قاعدة تنقح فى راسه
    قاللى ياحاج شماس ده بيكون تحت الأسيس علطول
    قلتله تحته إزاى ؟
    قاللى يعنى طوبيا إبنى كده والأسيس فوقه لزق
    قلتله قصدك الأسيس بيبقى راكب فوقه ؟
    قاللى إنت كده بتهرق ياحاج ومش هامك مصلحتك
    قلتله طيب إنتَ كنت بتقول إللى بيفعله الأبن يفعله الأب
    قاللى مظبوط بس مش أنا إللى باأقول ده المسيح نفسه هو إللى قال
    قلتله طيب ياأبنوب إنت عارف إن الضنى غالى والواحد يبقى عاوز إبنه يكون أحسن منه وبيضحى بنفسه علشان إبنه صح ؟
    قاللى صح ياحاج
    قلتله طيب ليه الأب مضحاش بنفسه علشانكوا بدل ما يضحى بإبنه ؟
    قاللى إنتَ مش واخد بالك ياحاج مهو الأبن والأب واحد وعلشان كدا بنقول إن الله فدانا بدمه
    قلتله طيب ولما هما واحد الأب كان واخده فى حضنه
    إزاى ؟
    قاللى عادى ياحاج
    قلتله يابنى أدم إنتَ بتقول إنهم واحد معنى كده إنه واخد نفسه فى حضنه
    قاللى جرا إيه ياحاج ده إنت سيد العارفين وخابر الكلام بتاع الناس كويس وبتسمع بودانك لما يقولوا إن فلان منطوى على نفسه أو حد يقول للتانى لم نفسك ، مش ده بيحصل ؟
    قلتله إنت بتخرف وتقول إيه ؟
    قال صدقنى كده زى ما باقولك وبعدين مش معنى فى حضنه يعنى الأب معبط فيه وحاضنه زى الواحد منا ما بيحضن التانى لأ ياحاج حاشا ده زى ما تقول كده حاجة رمزية أًصل الدين بتاعنا كله رمزيات يعنى تقدر تقول عن حضن الأب إنه بيرمز لمحبة الأب للأبن فكان زى ما تقول كده إن الأبن كان فى حضّانة الأب لأنه إبنه وحيده وإنت بتسمع كتير عن العيال إللى بتتولد وبيحطوهم فى حضّانات شوفت بقى ياحاج إن الحضن طلع حضّانة
    مهو لو فهمت الرمزية بالك حيستريح
    قلتله طيب روح شوف إللى بتتكلم عربى وسبنى أخلص سقية الأرض
    قاللى مين دى إللى بتتكلم عربى؟
    قلتله إنت مش بتقول لو الواحد فهم الرمزية باله يستريح
    قاللى مش واخد بالى
    قلتله أنا باكلمك بالرمزية وإللى بتتكلم عربى الأرض
    يعنى روح شوف أرضك أحسن تكون غرقت وسبنى أخلص سقية أرضى
    الشيخ حسن
    ممكن تشيع سيكا يروح يقوله الشيخ حسن عاوزك عندنا
    الحاج شرقاوى
    ياسيكا ياسيكا
    سيكا
    نعم ياَباَ
    الحاج شرقاوى
    إخطف رجلك بسرعة وروح لأبنوب وقول له أبوياَ عاوزك ضرورى وإوعى تجيب سيرة إن الشيخ حسن هنا
    سيكا
    حاضر ياَباَ
    حااجيبلكم الشاى وبعدين فوريرة ح أروح لأبنوب
    عم رمضان
    صح كده علشان لو أبنوب عرف إن الشيخ حسن هنا حيخاف يجي
    الحاج شرقاوى
    إتفضلوا الشاى ياجماعة
    ودى كوبايتك ياشيخ حسن فيها فتلتين زى ما طلبت
    يالا ياسيكا روح إنت لأبنوب
    سيكا
    فوريرة
    *
    *
    *
    سيكا
    أبنوب قاللى روح إنت وانا جاى وراك
    الحاج شرقاوى
    إوعى تكون قلتله إن فيه حد هنا
    سيكا
    لأ يابا متخافش
    الشيخ حسن
    لقيت حد عند أبنوب
    سيكا
    كان هناك أسيس وأبنوب كان قاعد يحكي معاه
    الشيخ حسن
    الواحد قلبه دليله وعرفت علطول إن أبنوب لازم يحكي إللى حصل بينه وبين الشرقاوى للأسيس
    عم رمضان
    الأسيس كلبا إللى كان قاعد مع أبنوب ولآ أسيس تانى
    سيكا
    لأ أسيس تانى إسمه بسّه
    الحاج شرقاوى
    يعنى إيه بسّه يا شيخ حسن ؟
    الشيخ حسن
    بسّه يعنى هرة أى قطه يا حاج شرقاوى
    الحاج شرقاوى
    كنيسة فيها كلبه وبسّه دى تبقى كنيسة
    عم رمضان
    وإيش عرفك يا سيكا إن الأسيس اسمه بسّه ؟
    سيكا
    أنا عرفت إسمه لما أبنوب قال لمراته حضرى لابونا بسّه
    رطلين زبدة مع شوية بيض
    والأسيس قال وماتنسيش الحليب ياميمونة
    أصل أبنوب كان بيتكلم مع الأسيس ولما شافنى غير كلامه علشان ما أعرفش هو كان بيقول إيه وقال لمراته حضّرى الزبدة والبيض للأسيس
    الحاج شرقاوى
    ماشى ياسيكا روح إنتَ ذاكروخد الصينية والكبويات معاك
    الشيخ حسن
    حيث كده حتلاقوا بسّه ده جاى مع أبنوب طالما أبنوب حكاله إللى حصل مع الشرقاوى وحيقول لنفسه أضرب على الحديد وهو سخن قبل ما يبرد مادام الشرقاوى عاوز يعرف الحق فين ولو طلع إنه كمين منصوب لأبنوب أبقى موجود أحسن يفتنوه ويأسلموه
    الحاج شرقاوى
    معقولة دى يا شيخ حسن
    عم رمضان
    معقولة أوى يا شرقاوى
    الشيخ حسن
    أصلك ما تعرفش المسيحيين كويس يا حاج شرقاوى
    دول ناس قاعدين بيفكروا ليل نهارعلشان يفتنوا المسلمين
    وشغالين مؤامرات ومقالب وإزاى يشككوا المسلمين فى دينهم
    عم رمضان
    يعنى لوإستغلواعقولهم وقعدوا يفكروا فى كتابهم والتحريف إللى فيه كان أفضل لهم بدل ماهم قاعدين يخططوا ويدبروا مؤامرات ضد الاسلام والمسلمين
    الحاج شرقاوى
    صحيح الواحد يصلّح بيته الأول من الداخل قبل مايتكلم عن بيوت الناس
    أبنوب
    ياجماعة ياللى جوه
    يا سيكا يا سيكا
    الحاج شرقاوى
    شوف النطع بينادى ويقول يا سيكا خايف يقول ياحاج شرقاوى قدام الأسيس إللى معاه
    عم رمضان
    بعد إذنك ياشرقاوى حاأقوم أفتح الباب
    أبنوب
    مين عم رمضان ؟
    سعيدة ياعم رمضان
    عم رمضان
    مين أبنوب ؟
    تصدق أنا لما سمعتك بتنادى على سيكا إفتكرتك عيل من العيال جاى بتنده عليه علشان تلعب معاه
    أبنوب
    أنا جاى أنا وابونا علشان نشوف أبو سيكا علشان عرفت من سيكا إنه بعافيىة شوية ومكنتش أعرف إنك هنا
    عم رمضان
    ودى تفرق معاك إنك لقتنى هنا مانا كمان جيت أنا والشيخ حسن علشان نشوف الحاج شرقاوى
    أبنوب
    لأ ما تفرقش مش كده يابونا
    بسّه
    لأ الحقيقة أنا لما سمعت من أبنوب إن الراجل الطيب إللى على نياته بعافية شوية قلت أجى أزوره وأمشى على طول علشان الحقيقة أنا مشغول وعندى مواعيد لازم أأقضّيها
    أبنوب
    يعنى مش حتقعد معايا شوية ياابونا لما أشوف أبو سيكا عاوزنى فى إيه وبعدين نمشى مع بعض
    بسّه
    مش فاضى صدقنى
    أبنوب
    طيب حتى لو دقايق أخلص بس مع أبو سيكا وامشى معاك علشان كمان تاخد الطلب بتاعك إللى سايبه عندنا
    بسّه
    أنا حااسلم وأمشى واسيبك قاعد علشان تشوفهم عاوزينك ليه وانا حابقى افوت على ميمونة أخد منها الحاجة
    عم رمضان
    طيب إتفضلوا جوه ياجماعة
    يتبع بمشية الله


  2. #2
    تاريخ التسجيل
    Oct 2015
    المشاركات
    6
    الدين
    الإسلام
    الجنس
    ذكر
    آخر نشاط
    30-03-2016
    على الساعة
    01:31 AM

    افتراضي

    بارك الله فيك
    أصبحت أرى منشوراتك متواجدة بكثرة على الفايسبوك
    تحياتي

  3. #3
    تاريخ التسجيل
    Jan 2007
    المشاركات
    573
    الدين
    الإسلام
    آخر نشاط
    14-10-2016
    على الساعة
    10:05 PM

    افتراضي

    اقتباس
    اقتباس المشاركة الأصلية كتبت بواسطة omar137 مشاهدة المشاركة
    بارك الله فيك
    أصبحت أرى منشوراتك متواجدة بكثرة على الفايسبوك
    تحياتي
    مرحب بك أخى الحبيب عمر على صفحتى الخاصة بالفيسبوك
    وشكراً على متابعتك اليوميات ودروس الأحد
    بارك الله فيك

  4. #4
    تاريخ التسجيل
    Jan 2007
    المشاركات
    573
    الدين
    الإسلام
    آخر نشاط
    14-10-2016
    على الساعة
    10:05 PM

    افتراضي


    أبنوب
    سعيدة ياجماعة
    الشيخ حسن
    مرحب يا أبنوب
    أبنوب
    عرفتنى من صوتى يا شيخ حسن
    ده الواحد يمسك الخشب على كده
    الشيخ حسن
    ممكن كمان تتعلق عليها
    أبنوب
    سلامتك يابو سيكا
    أبونا جاى يسلم عليك ويقولك سلامتك ألف سلامة وحيمشى علطول علشان وراه مواعيد مهمة
    الحاج شرقاوى
    هو أبوك ما بيتكلمش ؟
    أبنوب
    لأ بيتكلم
    الحاج شرقاوى
    أنا إفتكرته أخرس علشان دخل وما سلمش علينا
    وانت بتتكلم بالنيابة عنه
    أبنوب
    أبونا أصله قلبه رهيف ولما شافك راقد فى السرير شفق عليك من محبته ليك وده إللى نساه إنه يسلم أول مادخل
    الحاج شرقاوى
    من محبته ليا
    دى أول مرة أبوك يشوفنى فيها
    بسّه
    إحنا المحبة بتاعتنا زايدة عنكوا حبتين ما تستغربش إنى حبيتك أول ما شوفتك ده حتى الرب قاللنا أحبوا أعداءكم باركوا لاعنيكم
    وعلشان كده لما أبنوب قاللى إنه بيحبك لأنك على نياتك وإنك بعافية شوية قلت لازم أجى أشوفك وأمشى علطول علشان عندى مصالح كتير بدى أخلصها
    الحاج شرقاوى
    ودى تيجى ياه … هو اسم حضرتك إيه ؟
    بسّه
    إسمى الأب بسّه الصياد
    الحاج شرقاوى
    عاشت الأسامى يا سى بسّه
    لما أعرفك بقى بالموجودين ده الشيخ رمضان راجل طيب وقلبه زى البفتة البيضا وكمان على نياته زي العبد لله وده بقى الشيخ حسن راجل مطّلع وحافظ كتاب ربنا ومع إنه كفيف بس متنور وبيشغل مخه وعلشان كده بيخلى نفر من عندكوا يقراله فى الكتاب بتاعكم علشان لما يقابل حد من زمايلك ياخد ويدى معاه فى الكلام
    بسّه
    طيب مش كنت تقوللى يا أبنوب قبل ماآجى كنت أفضى نفسى
    الشيخ حسن
    إحنا مش حناخد من وقتك كتير
    بسّه
    صدقنى ولا قليل أنا مشغول لشوشتى
    الحاج شرقاوى
    كده ما يصحش ياسى بسّه إنت ضيف ولسه ماقمناش بالواجب
    بسّه
    ياريت ده كان ينفع بس فيه ناس منتظرانى دلوقت
    الشيخ حسن
    طيب لحظة واحدة أستفسر منك عن حاجة عندكوا
    بسّه
    حاجة فين ؟
    الشيخ حسن
    فى كتابكم
    بسّه
    لو بتفهم فى الرمزية ماشى ؟
    الشيخ حسن
    إسمحلى الأول أناديك بالسيد بسّه
    بسّه
    مش مهم نادينى بأى حاجة
    الشيخ حسن
    يا سيد بسه محسوبك العبد لله عارف إن إنتوا لما بتعجزوا عن تفسير إى حاجة بتقولوا إن فيها رمزية وتفسروها بحاجة على مزاجكم
    وعلشان كده يا سيد بسّه عاوز أسئلك سؤال
    بسّه
    ممكن أجاوب سؤالك لما آجى مرة تانية علشان مستعجل دلوقت
    الشيخ حسن
    هو انا لسه قلت السؤال
    بسّه
    طيب قول سؤالك دلوقت وانا لما آجى مرة تانية أبقى أجاوبك عليه
    عم رمضان
    إهيه وهو انتَ حتيجى تانى بقى ده معقول ؟
    بسّه
    عيبكوا يا مسلمين إنكوا ما بتصدقوش أى حاجة عكسنا إحنا يا مسيحيين إللى بنصدق أى حاجة
    عم رمضان
    إحنا ما بنصدقش إللى بيخالف العقل ومفيش شاهد عليه إنما إنتوا بتصدقوا أى حاجة بتخالف العقل أو من غير دليل
    الشيخ حسن
    طيب يا سيد بسّه مكتوب عندكوا فى انجيل متى إن يوحنا المعمدان كان بيكرز فى برية اليهودية ويقول
    و في تلك الايام جاء يوحنا المعمدان يكرز في برية اليهودية
    قائلا توبوا لانه قد اقترب ملكوت السماوات

    فماذا كان يقصد بملكوت السموات الذى إقترب مجيئه
    بسّه
    يوحنا المعمدان كان يعد طريق الرب فكان يقصد بإقتراب ملكوت السموات أى إقتراب مجيىء الرب يسوع لأن الرب يسوع نزل من السماء زى ماقال هو
    وَلَيْسَ أَحَدٌ صَعِدَ إِلَى السَّمَاءِ إِلاَّ الَّذِي نَزَلَ مِنَ السَّمَاءِ
    الشيخ حسن
    يعنى يا سيد بسّه يوحنا المعمدان كان بيعد طريق الرب من فوق لتحت يعنى من السماء إلى الأرض لأنك بتقول الرب نزل من السماء
    ممكن تقوللنا كان بيعد طريق الرب إزاى يا سيد بسّه ؟
    ولآ عاوز تقول إن يوحنا المعمدان نزل من السماء إلى الأرض قبل نزول الرب بتاعك ليعد له طريقه ؟
    ولا دى كمان فيها رمزية ؟
    أبنوب
    ده سؤال سهل جداً مش كده يابونا ؟
    الشيخ حسن
    ده انا لسه ما وصلتش للسؤال الرئيسى
    بسّه
    وإيه هو السؤال الرئيسى ؟
    الشيخ حسن
    مش لما تجاوب على السؤال ده الأول
    بسّه
    قول السؤال التانى وانا أجاوب على السؤالين مرة واحده
    عم رمضان
    شيلوه عنزة … قال هاتوا التانية
    الشيخ حسن
    ماشى يا سيد بسّه أاقولك السؤال التانى
    إنت بتقول المقصود بملكوت السموات هو الرب يسوع
    بسّه
    هو ده السؤال التانى ؟
    الشيخ حسن
    أنا لسه ماخلصتش
    بسّه
    طيب إتفضل
    الشيخ حسن
    كمان مرة علشان ماتحمرقش
    المقصود بملكوات السموات هو الرب يسوع زى إنتَ ما قلت
    أبنوب
    أبونا ما قالك أيوه
    إنت عاوز تلخبطه علشان يرجع فى كلامه
    بسّه
    اسكت إنت يا أبنوب وخلينى مع الراجل السكرة ده
    أيوه مقصود بملكوت السموات هو السيد الرب يسوع المسيح
    الشيخ حسن
    عال أوى
    طيب تقول إيه عن المكتوب فى متى أيضاً عن إن يسوع نفسه كان بيقول نفس الكلام إللى كان بيقوله حنا المعمدان
    مت 4 :17 من ذلك الزمان ابتدا يسوع يكرز و يقول توبوا لانه قد اقترب ملكوت السماوات
    بمعنى إن ملكوت السموات لم يأتى بعد إنما إقترب وإللى قال كده يسوع نفسه
    ياريت تقوللنا يا سيد بسّه ما المقصود بإقتراب ملكوت السموات الذى بشر به يوحنا المعمدان وبشر به أيضاً
    السيد المسيح عليه وعلى نبينا أفضل الصلاة والسلام
    بسّه
    النهاردة إيه ؟
    الحاج شرقاوى
    النهاردة السبت
    بسّه
    يوم التلات بمشيئة الرب حااجى واجاوب على السؤالين مع بعض
    الشيخ حسن
    وما ينفعش تجاوب عليهم دلوقت
    بسّه
    ما ينفعش صدقنى لأن إجابتهم محتاجة وقت طويل ومفيش عندى وقت
    الحاج شرقاوى
    قول بقى إنك عاوز تزوغ
    بسّه
    لأ حاشا
    عم رمضان
    طيب لما نشوف حتيجى تانى ولا لأ
    بسّه
    لأ صدقونى حاجى بس إسمحولى أمشى دلوقت أحسن يادوب ألحق مشوارى
    أبنوب
    خدنى معاك يابونا علشان أجيبلك حاجتك زمان ميمونه
    جهزتها
    سعيدة بقى ياجماعة
    يالا يابونا
    عم رمضان
    إمسك أبوك من إيده يا أبنوب أحسن تلاقيه دلوقت مش شايف حاجة قدامه
    أبنوب
    حاضر ياابوسيكا
    الحاج شرقاوى
    ده الشيخ رمضان إللى بيكلمك ياابنوب
    هو انتَ كمان مش شايف
    أبنوب
    لامؤاخذة ياابو سيكا مش واخد بالى
    *
    *
    الحاج شرقاوى
    يا سيكا يا سيكا
    سيكا
    نعم يابا
    الحاج شرقاوى
    إجرى يا سيكا وامشى ورا أبنوب والأسيس وشوفهم بيقولوا إيه
    عم رمضان
    لأ يابنى تعالى انت شوف المذاكره بتاعتك
    يا شرقاوى كده غلط ربنا سبحانه وتعالى قال ولا تجسسوا
    وانت عاوز تعلم الواد إنه يتجسس على الناس
    لأ أنا مش معاك فى كده
    الشيخ حسن
    حرام يا شرقاوى
    احنا مسلمين مش زيهم
    الحاج شرقاوى
    عندكوا حق والله ياجماعة




  5. #5
    تاريخ التسجيل
    Oct 2007
    المشاركات
    7,696
    الدين
    الإسلام
    الجنس
    أنثى
    آخر نشاط
    09-08-2017
    على الساعة
    10:57 AM

    افتراضي

    ما اجمل يومياتك يا استاذ شومان
    الجماعه دول ربنا يهديهم
    بيلفوا حولين نفسهم كثيييييير
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

  6. #6
    تاريخ التسجيل
    Jan 2007
    المشاركات
    573
    الدين
    الإسلام
    آخر نشاط
    14-10-2016
    على الساعة
    10:05 PM

    افتراضي

    اقتباس
    اقتباس المشاركة الأصلية كتبت بواسطة gardanyah مشاهدة المشاركة
    ما اجمل يومياتك يا استاذ شومان
    الجماعه دول ربنا يهديهم
    بيلفوا حولين نفسهم كثيييييير

    شكرأ اختنا الفاضلة على رأيك فى اليوميات
    وربنا يهديهم وبلاش اللف والدوران على المسلمين

يوميات عم رمضان إنتَ حبيبى

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. يوميات عم رمضان
    بواسطة showman في المنتدى منتدى نصرانيات
    مشاركات: 12
    آخر مشاركة: 08-11-2015, 09:26 PM
  2. يوميات عم رمضان البراغيت
    بواسطة showman في المنتدى من ثمارهم تعرفونهم
    مشاركات: 4
    آخر مشاركة: 15-04-2013, 08:54 PM
  3. يوميات عم رمضان ( وحدووه )
    بواسطة showman في المنتدى منتدى نصرانيات
    مشاركات: 7
    آخر مشاركة: 10-01-2013, 03:35 PM
  4. يوميات عم رمضان ( النهـــاية )
    بواسطة showman في المنتدى منتدى نصرانيات
    مشاركات: 10
    آخر مشاركة: 06-10-2012, 02:51 PM
  5. يوميات عم رمضان ( الإستفتاء )
    بواسطة showman في المنتدى منتدى نصرانيات
    مشاركات: 4
    آخر مشاركة: 16-09-2012, 02:21 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

يوميات عم رمضان إنتَ حبيبى

يوميات عم رمضان  إنتَ حبيبى