درس الأحد من الذى لمسنى ؟
درس الأحد
من الذى لمسنى !!!!!!
الواعظ الأب أبو مروحة
سلام ومحبة
التلاميذ
سلام ومحبة
أبو مروحة
عاوزين نتكلم النهاردة على حاجة مكناش واخدين بالنا منها
وانا من وجهة نظرى شايف إنها فى منتهى الأهمية
طبعآ كلكم متشوقين تعرفوا الحاجة دى إيه ... صح ؟
هى حاجة ممكن تمر على الواحد منا ومايلاحظهاش أو ياخد باله منها
وأنا من وجهة نظرى شايف إن الواحد منكم لو دقق كده زى حالآتى وركز كويس يمكن ياخد باله
طبعآ إنتوا إتشوقتوا أكتر علشان تعرفوها...صح
عمومآ هو توفيق من الرب إللي خلانى ألاحظ المسئلة دى
ولفت نظرى لموضوع تانى حصل بعد كدة عند صلب الرب يسوع وعرفت ليه هما عملوا إللي عملوه
وأنا من وجهة نظرى شايف ان الموضوع بالشكل ده يكون فسر نفسه بنفسه ومعادش فيه حاجة مستخبية وعلى رأى المثل
إذا عُرف السبب بطل العجّب
ميرى
ماتقوللنا بقى يابونا إيه الحكاية شوقتنا بصحيح ؟
أبو مروحة
ما تستعجليش يا حبيبتى
تريزا
طيب الموضوع ده فى الانجيل ؟
أبو مروحة
واحدة واحدة ياحبيبتى انت وهى ، الموضوع أصله مش سهل زى ماانتم متصورين
مايكل
وهو احنا نعرف إيه هو الموضوع علشان نتصور أو مانتصورش وإذا كان سهل أو صعب
أبو مروحة
بالراحة ياولاد . الموضوع أنا إكـشفته إمبارح بالليل بس
يعنى الموضوع لسه سخن طازة ويمكن مفيش حد من الأباء يعرفه حتى ولا سيدنا نفسه
والوحيدة إللي تعرفه الحية بتاعتى
ولما عرفت إنى عاوز أبلغ سيدنا قالتلي إوعى تعمل كدة
احسن أخليها تطبق على دماغك
والحكاية دى شفتها فى الحلم اللي صحيت منه فجأة على صياح الديك وزغدة كوع فى جنبي من الولية مراتى وهى بتقوللي
بطل شخير واعدل دماغك أحسن أكسرهالك
ولما حكيتلها على الفيلم . ياااه . دماغى لفت أه يانا ياامه. قصدى لما حكيت لها على الحلم والاكتشاف إللي وصلتله وقلتلها انى ناوى أبلغ سيدنا قالتلي على الله اسمع إنك قلتله حاجة عن الموضوع ده أحسن ينسبه لنفسه ويقول ان الملاك ميخائيل هو إللي بلغه لإنه بيقول إنه صاحبه وبيقعدوا سوا مع بعض
وساعتها حتبقى وقعتك معاي زى الطين !
تريزا
والديك صاح ليه ؟ هو إنت كدبت على حد
أبو مروحة
وهو فيه حد فينا مابيكدبش
و الصراحة أنا مش فاكر إذا كنت كدبت قبل ماانام ولآ لأ
ميرى
طيب نقدر نقول ان ده يعتبر إكتشاف جديد
أبو مروحة
من وجهة نظرى أنا شايف إنه إكتشاف عظيم ما يقلش عن إكتشاف المخطوطات
ناصح
تلاقيها حاجة هايفة ومتستهلش
أبو مروحة
هايفة إيه ؟ ماهو إللي ميعرفش يقول عدس
ناصح
طيب ماتقول وتخلصنا
إيه لازمتها تقعد تعلقنا وتلف وتدور
أبو مروحة
طيب أنا حابوحلكم بالسر ده
بس مفيش حد فيكم يتكلم ويفتشه
كيرلس
ماشي الكلام
سكوت ياخوانا ونسمع أبونا أبو مروحة حيقول إيه ؟
أبو مروحة
تتصوروا ياولاد إنى إكتشفت ان الرب يسوع مش هو لوحده إللي بيشفى المرضى
ولكن إتضح إن ثيابه هى كمان بتشفى
ميرى
ياسلام !!!
أبو مروحة
أنا حاقولكم إزاى الكلام ده
أنا كنت كل لما اقرا حكاية
المرأة إللي بقالها إتناشر سنة بتنزف دم وجت ولمست هدب ثوب المسيح له المجد كنت ماآخدش بالي من الحكاية دى وكانت تعدى عليا وكل إللي كنت أستعجب منه حكاية الإتناشر سنة بتوع لوقا ، بنت رئيس المجمع إللي كانت مريضة كان عندها إتناشر سنة والمرأة النازفة كانت بتنزف دم من إتناشر سنة وكنت أأقول فى نفسى هى علقت مع لوقا ولا إيه ؟ لأن العدد إتناشر ده فكرنى بالإتناشر قفة إللي لموا فيهم كسرات الخبز إللي فاضت من أكل الناس وكنت أأقول أكيد دى تبقى قفف التلامذة
9: 17 فاكلوا و شبعوا جميعا ثم رفع ما فضل عنهم من الكسر اثنتا عشرة قفة
المهم نيجى للثياب معقول إن ليها نفس المميزات والمفعول أينعم كانت المواضيع حوالين القصة دى كانت عن عدم إستطاعة الرب يسوع معرفة من لمسه
وإنه قال من الذى لمسنى
ولم يقول من التى لمستنى
قلت فى نفسى معقول يكون وقتها مكانوش يعرفوا الفرق بين الذى والتى
وقلت لو هما مكانوش يعرفوا الفرق بين الذى والتى فإحنا كمان مش حنعرف التلميذ ده دكر ولا نتاية وعلى كدة تكون المجدلية هى التلميذ إللي بيحبه يسوع معقولة يكون ده صحيح
كمان إستغربت من رد بطرس جداً لما قال الجموع كلها حواليك ومضيّقين عليك يعنى ملتصقين بيك وجاى تقول من الذى لمسنى ؟ ومع إن بطرس عنده حق بس ليه ماقالش ليسوع وأنا إيش عرّفنى إنت مش رب وعارف كل حاجة ومفروض تعرف مين إللي لمسك
معقول بطرس مايعرفش إن يسوع يبقى إله
كلامه بيدل على كدة ، أما عجيبة صحيح
الأول نقرا المكتوب فى لوقا وبعدين نتكلم
8: 41 و اذا رجل اسمه يايرس قد جاء و كان رئيس المجمع فوقع عند قدمي يسوع و طلب اليه ان يدخل بيته
8: 42 لانه كان له بنت وحيدة لها نحو اثنتي عشرة سنة و كانت في حال الموت ففيما هو منطلق زحمته الجموع
8: 43 و امراة بنزف دم منذ اثنتي عشرة سنة و قد انفقت كل معيشتها للاطباء و لم تقدر ان تشفى من احد
8: 44 جاءت من ورائه و لمست هدب ثوبه ففي الحال وقف نزف دمها
8: 45 فقال يسوع من الذي لمسني و اذ كان الجميع ينكرون قال بطرس و الذين معه يا معلم الجموع يضيقون عليك و يزحمونك و تقول من الذي لمسني
بس مش هو ده المهم
المهم إن ثيابه شفت المرأة من النزيف والنزيف توقف
نيجى بقى للأهم عند موضوع الصلب لما الجنود إقتسموا ثيابه فاكرين ياولاد
لما متى قال لكي يتم ما قيل بالنبي اقتسموا ثيابي بينهم و على لباسي ألقوا قرعة
وبردو متى ماقالش إيه هى أهمية ثيابه
وأنا فى الحلم فكرت ليه ياترى الجنود إقتسموا ثيابه وقعدت مدة أفكر ليه . ليه وفجأة إفتكرت حكاية المرأة النازفة لما قالت لعلى أشفى لو لمست ثيابه ولمست هدب ثوبه ونالت الشفاء وقلت أه بقى هو الموضوع كدة
مايكل
بس يسوع قال للمرأة إن إيمانك هو إللي شافاكِ
أبو مروحة
هو قال كدة بس علشان ما يخليش حد ينتبه لأهمية ثيابه
نبيه
ليه خاف إن المرضى والعجزة يعرفوا فيهجموا عليه ويقلعوه هدومه وياخدوها ويسيبوه بلبوس
أبو مروحة
خلونى أكمل ياولاد
قلت أكيد الجنود عارفين أهمية الثياب دي وإيه فايدتها
وعلشان كدة إقتسموها بينهم
ممكن يقطعوها ويعملوها أحجبة
ممكن يعلقوها عندهم على الحيطان ويطردوا بيها الشياطين
ممكن يحطوها مع الخميرة ويكثروا بيها الخبز
ممكن يحطوها فى الشبكة علشان تجيب سمك كتير
ممكن يحطوها على أى جرح علشان تمنع النزيف
ممكن يحطوها جوه الكفن علشان ترجع الروح بتاعة الميت
حاجات كتير ممكن يعملوها
وقلت فى نفسى يعنى الجنود عرفوا لوحدهم قيمة ثيابه
وسيدنا إللي عيان بقاله أكتر من تلاتين سنة ما يعرفش الموضوع ده ؟
بس رجعت وقلت فى نفسي صحيح هو سيدنا حيجيب حتة من ثيابه إزاى ؟
إلآ إذا كانوا بتوع الفاتيكان محتفظين بحتة من ثيابه وحبوا يخدموه ويبعتوله قصقوصة منها أو حتى فتلة يحطها على الحتة إللي بتوجعه
دول لو بيحبوه أساسآ
بس للأسف زى مااحنا عارفين الطوائف كلها بتكفر بعض وتلعن فى بعض ومفيش حد بيحب التانى
انا بصراحة كنت عاوز أأقوله على الاكتشاف ده
لولآ الحية بتاعتى إللي قالتلي نهارك حيبقى زى وشك لوقلتله
إوعى تقوله يا موكوس أحسن ينسب الموضوع لنفسه
وانا بصراحة ياولاد ماأقدرش على دكر البط بتاعى أصلها ولية نكدية وإيدها زى المرزبة
مايكل
ياااه ثيابه تعمل الحاجات دى كلها ؟
إيش حال لباسه ؟
فصيح
ده أكيد يعمل عمايل
أبو مروحة
أكيد طبعاً اللباس حيعمل حاجات أكتر من كدة بكتير ومفعوله حيكون أشد لإنه بيكون ملتصق بيه أغلب الوقت غير الثياب إللي بيقلعها لما يجى ينام
نبيه
ويا سلام لو كان بأستك
مايكل
إيش حال يوم ما ختنوه لو إللي ختنوه كانوا يعرفوا إن إللي بيختنوه ده إله كانوا إحتفظوا بالطرطوفة بتاعته بدل ما كانت تترمى على الأرض
دى كانت تعمل بلاوى
بس ياخسارة مفيش حد كان يعرف وقتها إنه إله أو إبن إله لإنهم عارفين إنه طفل عادى
نبيه
ده لو أى جيش بيحارب ومعاه الطرطوفة دى حينتصرعلى أى جيش تانى بقوة الطرطوفة بتاعته
ميرى
ده محتاج منك حلم تانى يابونا
تشوف فيه قوة لباسه بتعمل إيه
أبو مروحة
على رأيك يابنتى ولو ان ده حيكون صعب شوية لأنهم بيقولوا ان لباسه كان منسوج حتة واحدة وصعب يقسّموه بينهم
وكمان عمرنا ما سمعنا رغم المدة الطويلة دى ولغاية دلوقت وأهو فات اكتر من ألفين سنة ومحدش قال إنهم عثروا على لباسه إللي كان لابسه عند الصلب وقلعه ، والجندى صاحب النصيب إللي فاز فى القرعة وأخد اللباس ثم توارثه الأحفاد من بعده مفيش حد فيهم طلع وقال ياجماعة ما تتعبوش نفسكوا وتبحثوا لأن اللباس بتاعه عندى
أو حطه فى كنيسة أو متحف أو دير
أو حتى عمل عليه مزاد زى مابنشوف بالنسبة للحاجات النادرة
ميرى
افرض يابونا ان معاك حتة من الثياب دى
حتعمل بيها إيه ؟
أبو مروحة
يااااه يابنتى
ياريت بس تكون حتة أصلية مش مضروبة زى الكفن إللي قالوا إنه بتاعه ومطبوع عليه وشه وطلع أونطة
ده لو حصل الموضوع ده
أول حاجة أعملها أفك حتة القماش دى وأخليها فتل
تانى حاجة أعملها آخد فتله منهم وأنقعها فى شوية ميه وأسقيها لدكر البط بتاعى علشان ترجع فرخة زى ماكانت الأول قبل ما اتجوزها
تالت حاجة آدي لكل واحد من الجماعة بتوع اللاهوت بأنواعه الدفاعى والهجومى والعقائدى والمقارن والطقسى كله كله ، أدى لكل واحد منهم فتله وأقوله بلهّا واشرب مَيتّها يمكن ربنا يشفيك من الضلال إللي إنت فيه وتعرف الحق والحق يحررك زى ماقال صاحب الثياب
كيرلس
مش حتدي فتله لسيدنا علشان الحالة إللي عنده بدل السفر بره كل شوية ؟
أبو مروحة
لما يحلم !!
كيرلس
إزاى ؟
أبو مروحة
قصدى لما يحلم زي !!
وانا من وجهة نظرى شايف
لوكان الرب يسوع بيحبه وعاوز يخدمه كان خلاه شاف الحلم إللي أنا شفته
ميرى
ياااه يابونا ده انت قلبك إسود بشكل
مش من شوية كنت بتقول انك كنت عاوز تبلغه بالاكتشاف ده لولآ دكر البط بتاعك
أبو مروحة
أيوه يابنتى ده كان الأول
قبل ما يكون معايا حتة القماش
وأنا من وجهة نظرى شايف
انه مش كل واحد حأقعد أديله فتله
الواحد لما مايكنش معاه حاجة يقول حاأعمل وأعمل وأعمل
وأول ما يبقى معاه بينسى كل حاجة ولآ كأنه قال حاجة ولآ وعد بحاجة
فصيح
بس إنت ممكن تقدرتساوم البابا
أبو مروحة
إزاى ؟
فصيح
يعنى تقدر تعرفه إنك تقدر تشفيه
أبو مروحة
بردو إزاى ؟
فصيح
تقوله ممكن يا سيدنا أحط إيدى على الحتة إللي بتوجعك
وتكون مخبى الفتله فى إيدك وتحطها على الحتة إللي بتوجعه
ناصح
يادى الكسوف يادى الكسوف
أبو مروحة
وهو حيرضى ؟
فصيح
ده ما حيصدق إنك تحط إيدك
ويمكن يقولك إيدك بلسم ياأبو مروحة جايبة هوا
ناصح
وبعد ما يخف إطلب منه يخليك قمص
بيشوى
أه ياقاسى !!
أبو مروحة
وانت تطلع مين انت كمان ؟
ميرى
ده بيشوى الأنتيم بتاع الواد شنودة
أبو مروحة
بتقولى مين ؟
ميرى
شنودة يابونا إللي قاعد هناك ده مش إللي بالي بالك
أبو مروحة
كمان فيه نقطة مهمة أوى ياولاد أخدت باللي منها بالصدفة
فصيح
خير يابونا
أبو مروحة
إنتوا عارفين طبعآ من مشاهدتكم للتليفزيون والسيما
المحكوم عليه بالأعدام بيلبسوه إيه
ميرى
بيلبسوه بدلة حمرا
أبو مروحة
صح ؟ ماهى حكاية البدلة الحمرا إللي بيلبسها المحكوم عليه بالإعدام من زمان أوى وبقت كتقليد إلى الوقت الحالى
طيب ياولاد لما بياخدوه للمشنقة بيكون لابس إيه
ميرى
بيكون لابس بردو البدلة الحمرا
أبو مروحة
ولآ بيقلعوه البدله الحمرا ويلبسوه هدومه؟
تريزا
لأ طبعآ . بيفضل لابس البدلة الحمرا
أبو مروحة
مش كدة ولآ انا غلطان ؟
ميرى
لأ كدة مظبوط
المحكوم عليه بالأعدام بيفضل لابس البدلة الحمرا ويتشنق بيها
أبو مروحة
طيب تعالوا نشوف البشير متى كتب إيه عن الرب يسوع
فى الاصحاح 27
27: 27 فاخذ عسكر الوالي يسوع الى دار الولاية و جمعوا عليه كل الكتيبة
27: 28 فعروه و البسوه رداء قرمزيا
27: 29 و ضفروا اكليلا من شوك و وضعوه على راسه و قصبة في يمينه و كانوا يجثون قدامه و يستهزئون به قائلين السلام يا ملك اليهود
27: 30 و بصقوا عليه واخذوا القصبة و ضربوه على راسه
27: 31 و بعدما استهزئوا به نزعوا عنه الرداء
والبسوه ثيابه و مضوا به للصلب
بنلاحظ هنا إنهم عروه يعنى قلعوه هدومه وألبسوه البدلة الحمرا وفضلوا يستهزئوا بيه وضربوه وبعد ده كله قلعوه البدلة الحمرا وألبسوه هدومه تانى وخدوه علشان يصلبوه
طيب إيه لازمة انهم يقلعوه هدومه ويلبسوه البدلة الحمرا وبعدين يقلعوه البدلة الحمرا ويرجعوا يلبسوه هدومه
طيب ماكانوا خلوه بهدومه وضربوه ولما يروحوا يصلبوه يبقوا يلبسوه البدلة الحمرا
أو كانوا لبسوه البدلة الحمرا وضربوه وخدوه بيها وراحوا يصلبوه
أو مكنوش قلعوه ولآ لبسّوه
إيه الدوخة دي واللعبكة إللي مش مظبوطة
عاملة زى الثالوث الأب مش هو الأبن والأبن مش هو الأب والروح مش هو الأب والأب مش هو الروح والروح مش هو الأبن والأبن مش هو الروح
طيب مايقولوا إنهم تلاتة وخلاص وإن كل واحد فيهم مش زى التانى
مايكل
عجيبة صحيح حكاية يقلعوه ويلبسوه وبعدين يرجعوا يقلعوه ويلبسوه
أبو مروحة
وعلشان كدة قلت لنفسى أكيد الموضوع فيه إنّا
كيرلس
يعنى العملية محتاجة حلم تانى يابونا مش كدة ؟
أبو مروحة
أنا من وجهة نظرى شايف إن القديس متى لو هو إللي كتب الكلام ده
فهو كتبه بعد الأحداث إللي حصلت بسنين طويلة
وهو وضب قصة القبض على المسيح وضربه طبقآ لما هو جارى عند الرومان إللي كانوا بيلبسوا المحكوم عليه بالإعدام لباس قرمزى يعنى أحمر وكان ماشى كويس لغاية حكاية الضرب والجلد والبصق والركل والشد والجذب كل ده وهو ملبس المسيح البدلة الحمرا قصدى اللباس القرمزى
والبشير متى من عادته إنه يقعد ينبش فى التوراة وأسفار الأنبيا والمزامير على نبؤة كدة ولآ كدة يقوم ياخدها ويفصلها على أد المسيح فأصطدم بنبؤة إقتسموا ثيابى وعلى لباسى ألقوا قرعة
فراح قوام مقلّع المسيح اللباس القرمزى يعنى البدلة الحمرا وراح ملبَسّه هدومه تانى بعد الضرب والبهدلة علشان يكون لابس هدومه عند الصليب علشان الجنود يخدوها ويقتسموها وتمشى الأمور حسب النبؤة
وده إللي أنا شايفه من وجهة نظرى
ناصح
بس ماتنساش تحلم باللباس وتشوف أد إيه مفعوله
فصيح
وبالمرة تشوفلنا النعلين بتوعه يعملوا إيه
ميرى
أكيد إللي يلبسهم يقدر يمشى بيهم فوق الميا وما يتبلش
فصيح
هما مش بيقولوا إن المسيح نزل الجحيم يابونا ؟
أبو مروحة
أيوه بيقولوا كدة
فصيح
نزل حافى وعريان ؟
أبو مروحة
إشمعنى ؟
فصيح
هو لما إتصلب مش إتصلب وهو حافى وعريان
أبو مروحة
على حد علمى مفيش حد إتكلم عن الموضوع ده
مايكل
وكمان مفيش حد جاب سيرة إذا كان إُصعد عريان وحافى ولا لأ لأن بعد القيامة الانجيل ما ذكرش إذا كان روّح على بيتهم علشان يلبس ولا لأ
ميرى
ده كان لابس ملابس البستانى يامايكل
نبيه
لابسهم فوق الحنوط ؟؟؟؟؟؟
أبو مروحة
الملاك قال لمريم ومريم التانية
28: 10 فقال لهما يسوع لا تخافا اذهبا قولا لاخوتي ان يذهبوا الى الجليل وهناك يرونني ( متى )
يعنى صرفهم بالذوق وعلشان هما حريم مارضاش يقوللهم إنه حيروح يستحمى ويزيل الحنوط من عليه
وبعدين يقابل التلاميذ
ناصح
ياراجل !
قصدى يابونا ده الملاك قال لهم قبل كدة
28: 7 و اذهبا سريعا قولا لتلاميذه انه قد قام من الاموات ها هو يسبقكم الى الجليل هناك ترونه ها انا قد قلت لكما ( متى )
يعنى طلع من القبر بحنوطه وراح جرى على الجليل والتلاميذ حصلته بعد كدة
فصيح
وقدر يجرى وعليه حنوط أد كدة ؟؟؟؟!!!
أبو مروحة
أمشى أنا قبل ما واحد منكم يقول لما الملاك قال لمريم ومريم
إن يسوع مش هنا وإنه قام من القبر وسبق على الجليل وقولوا لتلاميذه تحصله على هناك
أُوُمال مريم ومريم قابلوه إزاى بعد كدةعند القبر ؟؟؟؟
ياه الوقت فات بسرعة
سلام ونعمة
التلاميذ
سلام ونعمة
وأخر دعوانا ان الحمد لله رب العالمين
لا شريك له
بسم الله الرحمن الرحيم
اللَّـهُ يَسْتَهْزِئُ بِهِمْ وَيَمُدُّهُمْ فِي طُغْيَانِهِمْ يَعْمَهُونَ
﴿١٥﴾ أُولَـٰئِكَ الَّذِينَ اشْتَرَوُا الضَّلَالَةَ بِالْهُدَىٰ فَمَا رَبِحَت تِّجَارَتُهُمْ وَمَا كَانُوا مُهْتَدِينَ ﴿١٦﴾
نرجوا التواصل لإستمرار تقديم دروس الأحد ويوميات عم رمضان
رد مع اقتباس
المشاركة الأصلية كتبت بواسطة عبد الرحمن احمد عبد الرحمن
المفضلات