درس الأحد
عــَــابد عبــــدُه
الواعظ الأب بَحَّه
سلام ونعمة
التلاميذ
سلام ونعمة
الأب بَحَّه
أكيد مفيش حد يعرفنى منكم
عموماً أنا الأب بَحّه
وقبل ما نبدأ الوعظة حد يحب يسئل عن حاجة مش فاهمها فى الوعظات إللى فاتت ، وياريت نبطل نسئل الأسئلة البايخة بتاعتكم إللي بتفور الدم وتعصبنى وانا متعصب أصلاً وعلشان مفيش حد يستظرف ويتنقور فى سره أويعلق بينه وبين زميله على إسم بحَّه
فبحَّه مش هى البطة زى الفلاحين ما بيسموها فى الريف ويقولوا على البطة بحَّه ، أما البطة بتاعتى قصدى البَحَّه بتاعتى فده لأنى إتولدت وفى صوتى بَحَّه ويمكن إنتوا لاحظتوا ده
أهو بصوا بَحّ بَحّ بَحّ شوفتوا بقى البحَّة بتاعتى
نجفة
هو بحَّة ده إسم حضرتك الحقيقى ؟
الأب بحَّة
لأ الحقيقة إن إسمى فى شهادة الميلاد هو فلقس
بس لما لقوا صوتى فيه بحَّة بقوا ينادونى بحَّة يعنى كدلع وبقيت مشهور بالإسم ده ، حتى لما ودونى المدرسة وكان عمرى وقتها أربع سنين ونص وكانوا بيسموها زمان الروضة فاكر ساعتها إن الأبلة بتاعتنا لما دخلت الفصل قالت أنا حاأندى الأسماء وإللي يسمع إسمه يقوم يقف وينحنى يعنى يوطى تحية للأبلة وبعدين قعدت تنادى الأسماء وكل واحد يسمع إسمه يقوم يقف وينحنىِ ، فجه دورى والأبلة قعدت تقول فلقس فلقس فلقس وأنا مش عارف إن ده إسمى لحد ماجت لحد عندى وقالتلى أنا مش بأقول فلقس ليه ماقمتش وإنحنيت
وكمان كانوا فى البيت بينادونى ببحَّة حتى قرايبى والناس إللي فى الحى بتاعنا كانوا عارفين إن إسمى هو بحَّة حتى بعد ما إتجوزت مراتى وإبنى بينادونى ببحَّه
وكنت لما أخد إبنى ماريو معايا الكنيسة كان يستغرب لما يسمع حد بيقوللي أبونا فلقس
حتى إنه حصلت حاجة طريفة من كام سنة إبنى ماريو كان فى كيجى وان وسواق التاكسى إللي بيوديه المدرسة ويجيبه إتأخر عليه حبة لأن فردة كاوتش عنده ضربت ومفيش معاه إستبن فالولد قعد يبكى قدام باب المدرسة وهو مستنى السواق ولحسن الحظ كان فيه أولاد فى ثانوى كانت مدرستهم ملاصقة لمدرسته ولما لقوه بيبكى سئلوه بتبكى ليه ياشاطر؟ قاللهم السواق ماجاش ومش عارف بيتنا فين فقالوله تعالى ما تخافش وأخدوه معاهم وسلموه لنقطة الشرطة لأن إدارة المدرسة كانوا روحوا بيوتهم فالظابط سئله إنت ساكن فين ؟ فالولد فضل ساكت لإنه مش عارف فالظابط بتاع النقطة سئله طيب بابا إسمه إيه ؟ فرد الولد وقال بابا إسمه بحَّة بس بيضحكوا عليه فى الكنيسة ويقولوله فلقس
هاهاهاهاها
بدل ما يقول بيدلعوه قال بيضحكوا عليه
لإنه عارف إن إسمى بحَّه فإفتكرهم بيدلعونى فى الكنيسة وينادونى بفلقس
هاهاهاهاها
ياااه ياولاد على ده موقف لما البيه الظابط كان بيحكيلى لما رحت أستلم إبنى من النقطة وسئلنى وهو بيضحك هما صحيح بيضحكوا عليك فى الكنيسة ويقولولك فلقس ؟؟
تريزا
حضرتك سعيد جداً وإنت بتحكى
إومال بتقول ليه أول ما دخلت إنك متعصب ؟
الأب بحَّه
لإنه حصل معايا موقف وأنا جاى على هنا خلانى متوتر حبتين
تريزا
خير يابونا ؟
الأب بحَّه
الراجل الارهابى إللي إسمه أحمد صاحب السوبرماركت إللي قدام العمارة بتاعتى عصبنى جداً وأنا جاى على هنا
نبيه
ويعصّبك ليه ؟
الأب بحَّه
أبدآ هو فى الحقيقة رجل طيب وزى الفل ومع إنى
ما كنتش بأنفعه وأشترى حاجة من عنده وكل طلباتى كنت أخدها من جرجس البقال إللي كان فى الشارع إللي بعدنا بس كنت متعود لما أنزل من البيت وأمرعلى الراجل إللي إسمه أحمد ده أأقوله إزيك يا أحمد ياإرهابى وكان يرد عليا ويقوللي الحمد لله بخير ياعابد عبده كنوع من الهزار
مايكل
إنتوا مش بتشتمونا وبتقولوا ما تتكلموش مع المسلمين ؟
فين الخشبة ؟
مادلين
كمل يابونا وبعدين ؟
الأب بحَّه
النهاردة الصبح قلت أفوت على جرجس البقال أشوف جاب ديوك رومى مجمدة ولا لأ علشان مراتى
كانت بتزن عليا بقالها يومين وتقولى روح شوف جرجس جاب رومى ولا لأ
مارى
إشمعنى جرجس ؟
الأب بحَّه
أصل الواد جرجس أنا باأجر منه شكك على الحساب وأهم حاجة عجبانى فيه إنه بيتكسف يقوللى أنا جريت بكام
أنا كمان ذوق معاه جداً جداً فوق ما تتصوروا فساعات أعزم عليه بفلوس بس الحقيقة هوعلى طول بيرفض ياخد منى حاجة رغم إن المدام بتاعتى مستقطعاه ولو محتاجة أى حاجة بتبعت الواد إبن الجيران وتقوله روح لجرجس البقال وقوله مرات أبوك بحَّه عاوزة الشيىء الفلانى وهو الصراحة ما بيتأخرش
نجفة
يعنى إنتوا بتجروا منه كل شهر ومايرضاش ياخد منكم فلوس ؟
الأب بحَّه
أيوه كل شهر وبعدين أنا بأعزم عليه بفلوس وهو إللي بيرفض أعملله إيه أكتر من كدة ؟ هو حر بقى
نبيه
المفروض حضرتك تصر إنه ياخد حق الحاجات
الأب بحَّه
يا حبيبى أنا أول كل شهر أروح عنده البقالة علشان يقوللي أنا جريت إيه وبكام وأمد إيدى وأأقعد أدور فى جيوبى كلها على المحفظة هى فين ألاقيه قاللي خلاص يابونا ما تتعبش نفسك جايز تكون نسيتها فى البيت
أأقوله معلش ياجرجس أعمل إيه فى الزهايمر إللي عندى الرب يكفيك شره
مايكل
كل شهر تقعد تدور فى جيوبك قدامه على المحفظة ؟
الأب بحَّه
يابنى الزهايمر ده غصب عنى ؟
نجفة
الظاهر إن كل الوعاظ إللي بيجولنا عندهم زهايمر
علشان بينسوا إللي مكتوب فى الانجيل ولما حد فينا يسئل عن أى عدد معناه إيه ؟ نلاقيه بيسئلنا هو فين العدد ده ؟
بيشوى
خلونا ياجماعة فى جرجس البقال
مارى
ده كمان تلاقيه مبسوط إن أبونا بيجر منه على الحساب
الأب بحَّه
ده بيبقى طاير من الفرح ومش عارف يروح فين ولا فين لما بيشوفنى جاى من بعيد وداخل عليه المحل
بس أنا سمعت من بعض الجيران إنه عاوز يقفل محل البقالة ويفتح فى حتة تانية
ولما سمعت كدة إتأثرت جداً ورحتله المحل وقلتله أنا زعلت جداً أنا ومرات أبوك لما سمعنا إنك عاوز تنقل المحل فى حتة تانية
لو الحال مش ماشى معاك هنا ما تقلقش أنا حاأبخرلك المحل وأرشه بالماء المقدس وأرشمه بالصليب والحال حيمشى
إنت بركة يا جرجس ده حتى أبونا سطوحى بقاله إسبوع وهو بيلح عليا أشوفله شقة تكون قريبة منك لما سمع منى إن محل البقالة بتاعك فيه كل حاجة وكمان مهاود وبتتكسف تاخد فلوس
قاللي كتر خيرك يابونا الصراحة أنا قرفت من هنا ومفيش مكسب بالعكس بأخسر كتير
قلتله يا جرجس الخسارة القريبة أحسن من المكسب البعيد
إحنا يابنى مش هاين علينا العشرة لأن إللي زيك معرفته كنز
قاللي خيرها فى غيرها يابونا
قلتله خلاص مدام مصمم تنقل الرب معاك بس ماتنساش تسيبلى العنوان الجديد إللى حتنقل فيه المحل وياريت يكون قريب مش بعيد علشان أأقدر أتمشاها
وعلشان تطمن قلبك أول ما تبلغنى العنوان الجديد أنا حاأبلغ أبونا سطوحى على طول
مايكل
تلاقيه قال فى نفسه بَحّه على سطوحى تبقى خربت
الأب بحَّه
بتقول إيه ؟
مايكل
بقول ياخسارة العشرة
الأب بحَّه
أنا أعرفه من سبع سنين من أول يوم فتح فيه محل البقالة والود متصل مابنّا ما إتقطعش يوم واحد
نجفة
وده إيه علاقته بالراجل إللي إسمه أحمد الإرهابى
الأب بحَّه
وأنا معدى عليه شاف فى إيدى الكيس الكبير إللي فيه الديك الرومى ومعاه شوية حاجات والكيس مكتوب عليه بقالة جرجس
قاللي إيوه ياعابد عبده إنتوا بتنفعوا بعض بس
وعمرك ماجيت وإشتريت منى حاجة
مش زينا ما بتفرقش معانا المسلم زى المسيحى
قلتله أنا بأجر منه شكك على الحساب
قاللي وشكك ليه ؟؟ هو إنت شوية
ومع ذلك أنا مستعد أشككلك قلتله يا إرهابى ده إنت معلق يافطة مكتوب عليها الشكك ممنوع والزعل مرفوع والرزق على الله
قاللي بس مستعد أشككلك إنت بس حتى ولو حتاخد منى كيس ملح بس المهم تدفع فى الأخر مش إنا أسفكناكم
قلتله يا إرهابى جرجس صحيح أنا باخد منه على الحساب بس ما بيرضاش ياخد منى حاجة
قاللي يعنى بتاكلوا شحاته ؟
قلتله أما عجيبة إنت مالك ؟
قاللي وبتبلعوها إزاى ؟
قلتله جرجس مسامح ؟
قاللي وإيش عرفك يمكن بيقول فى ضهرك بالسم الهارى
قلتله من الناحية دى إطمن هو يخاف يقول كدة أحسن أعرف هو قال إيه
قاللي وحتعرف إزاى ؟
قلتله يخاف إن الروح يبلغنى بإللي قاله
قاللي روح إيه إللي يبلغك ؟
قلتله أصل إحنا غيركم ؟
قاللي طبيعى إنتوا غيرنا علشان إنتوا ناقصين عقل
قلتله ياإرهابى أنا قصدى إن كل واحد منا إحنا يا مسيحيين جواه روح قدس بيرشده للصواب يعنى جرجس جواه روح قدس وأنا جوايا روح قدس فهو يخاف يقول حاجة الروح القدس إللي جواه يبلغ بيها الروح القدس إللي جوايا فأعرف هو قال إيه فهمت ياإرهابى ؟
قاللي كل واحد منكم جواه روح قدس ؟
هما كام روح قدس ولا مؤاخذة ؟
قلتله هو روح قدس واحد بس
بس جوانا كلنا
قاللي مقسم نفسه يعنى ؟
ولا إنت بتقصد الروح إللي جوانا كلنا ؟
قلتله لأ الروح إللي جواك وجوايا إسمها نسمة حياة
أما الروح القدس فدى جوانا إحنا بس يا مسيحيين
قاللي وإنت لو جواك روح قدس كنت ضليت ياعابد عبده ؟
قلتله عموماً الحاجات دى مش حتفهمها لأن مفيش جواك روح قدس خليك إنت فى المخلل بتاعك والمكرونات
قاللي طيب الروح القدس إللى جوه جرجس إللي بيرشده للصواب زى ما بتقول ما بلغوش إنك بتستقطعه وتضحك عليه
أو الروح القدس إللي جواك ماجاش مرة وقالك يا بحَّه إختشى على دمك شوية وكفاية خربت بيت جرجس
ده جرجس ده عبيط بشكل علشان يصدق الكلام الفارغ ده
قلتله مهو من الأر بتاعك حيقفل المحل بتاعه علشان بيخسر
قاللي طبيعى يخسر طالما فيه أمثالك إللي بيستغلوه وياكلوا ببلاش
قلتله وهو ده عيب ؟ إذا كان السيد المسيح نفسه كان بياكل عند الناس وما بيدفعش فلوس والنسوان كانت بتصرف عليه من جيبها وكمان بترّيحُه وإنت لو كنت شفت المكتوب فى الانجيل ماكنتش إتكلمت
قاللي والنسوان كانت بترّيحُه إزاى ؟
قلتله كانت بتحطله ريحه وتدلكله رجليه
يتبع بمشيئة الله