السلام عليكم ورحمة الله و بركاته
صباح الخير للضيفة الكريمة
جزاكم الله جميعا كل خير
الحوار نفسه بطرفيه الأساسيين , قمة في الرقي
و صفحة التعليقات أكتر من رائعة من الجميع
بكل المشاركات جميعها
الضيفة الكريمة
حضرتك طلبتي أن الحوار يكون معتمد على المنطق
طيب حضرتك ذكرتي
اقتباس
فالله خلقنا على صورته و مثاله و هو من خلصنا من الموت الابدي عندما تنازل من اجل خلاص البشر فنزل من السماء و تجسد و مات و قام و اقامنا معه
بخصوص هذة الجزئية
بما أن هذا السبب هو سبب الإعتقاد في تجسد الإله في العقيدة المسيحية
عاوزة أتسأل عن حاجة لو سمحتي من فضلك
لو أفترضنا مثلاً
أن في معلم في أحد الفصول الدراسية
اللي فيها مجموعة من الطلاب الصغار
و هو له مكانته كمعلم أمامهم
و هو له من الخبرة بهم
أنه بيعلم تصرفاتهم و يتوقع ماذا سيفعلون من قبل أن يفعلوه
لو حد نسب لهذا المعلم
قاعدة في التعامل , سيضعها هذا المعلم بكامل حريته
قبل بداية السنة الدراسية
و قبل أن يتصرف الطلاب أي تصرف
و ستكون هي أساس التعامل في الفصل بين المعلم و تلاميذه
لو حد قال
أن المعلم قال هأضع قاعدة معينة للتعامل مع طلابي
( الملونة باللون الأزرق )
القاعدة الأولى ( الضلع أ ب ) بشكل مباشر :
- اللي من الطلاب هيغلط , وبعديها يندم على غلطه و يظهر ندمه
هأسامحه بعد ما يظهر ندمه و توبته و يبدأ في خطوات جادة للتصليح
- وأما اللي هيغلط , و يصر على الغلط
مش هأسامحه , وهيتم عقابه بدنياً
طالما يرفض الإعتراف بالغلط و يكابر
هكذا القاعدة بشكل مباشر
في شخص تاني قال لأ
المعلم معملش القاعدة دي قبل بداية السنة الدراسية
و قال أن هذا المعلم
قبل السنة الدراسية ما تبدأ
قال أنا هأعمل قاعدة من أكتر من مرحلة
( الملونة باللون الأسود ) على تلات أضلاع
الضلع ( أ ء )
- أن اللي هيغلط من الطلاب
أي غلطة , و لو صغيرة , مهما كانت
مش هيسامحه أبداً
مهما ندم
مهما حاول يصلح
لأني أنا المعلم اللي ليا مكانتي الكبيرة في الفصل
و أي غلطة ضدي , غلطة لا تغتفر
مفيش سماح أبداً
لأن هيبته و مكانته عالية
يعني عنده أن غلطة اللي غلط من الطلاب و ندم = غلطة اللي غلط من الطلاب و لم يندم
و المفروض عقاب اللي غلط من الطلاب و ندم = عقاب اللي غلط من الطلاب و لم يندم
(و لابد من العقاب أمام أي خطأ )
- في الضلع ( ء ج )
و ضع المعلم بقية القاعدة
قال أنا عارف أن في إتنيين طلاب هيغلطوا ( من واقع خبرته وعلمه الكبير بطريقة تصرف الطلاب )
متأكد أنهم هما الأتنيين هيغلطوا
ومن الخطوة السابقة , رغم أن أي غلطة , مقدارها عنده بنفس القيمة ( أي غلطة لا تغتفر أبداً )
لكنه قال بالرغم من الغلطتين بنفس المقدار للطالبين
لكن من دلوقتي هأقرر أغفر لواحد معين منهم فقط
رغم أنه المفروض عادل
والمفروض أن الغلط المتساوي , يتعامل نفس المعاملة بالظبط
- ( الضلع ج ب )
رغم أنه من ضمن المعطيات أنه هو المعلم و اللي هيبته و إحترامه في الفصل أمام تلاميذه ( لدرجة أنه كان مقرر اللي هيغلط أي غلطة مش هيسامحه من كتر ما هيبته دي عالية )
لكن المعلم قال علشان أغفر , لأحد طلابي اللي قررت إني هأبقى أغفر له
قال أنه هو كمعلم , هو من سيتم ضربه هو شخصياً بالعصى بدلاً من المخطيء , و الطلاب هما اللي هيضربوا المعلم
و بكدة يبقى عندنا قاعدتين
بيوصلوا لنفس النتيجة في النهاية
أنه هيتم الغفران للمخطيء اللي يندم
وإنه مش هيتم الغفران للمخطيء اللي لم يندم
نتيجة الأضلاع ( أء ) ثم ( ء ج ) ثم ( ج ب )
نفس النتيجة بالضبط
اللي يوصل لها قاعدة الضلع ( أ ب ) مباشرة
مع الإختلاف أنه في طريقة ( أء ) ثم ( ء ج ) ثم ( ج ب ) إنه
1- قرر من البداية أن أي حد هيغلط لازم يعاقبه , مهما ندم ( أء ) - ودا يتنافي مع الرحمة
2- قرر من البداية إنه هيغفر لأحدهم ومش هيغفر للآخر , رغم أن الأتنيين ليهم نفس الذنب بنفس المقدار ( و هو اللي ساوى ذنبهم من نفسه في الخطوة الأولى ) - ودا يتنافى مع العدل
3- قرر من البداية , و بالرغم أنه , له هيبته و له إحترامه لدرجة أنه من الخطوة الأولى قال أي حد هيغلط في هيبتي و مكانتي , ملوش سماح أبدا , لكن قرر أيضاً من البداية أنه سيتم إهانته هو شخصيا و هيعرض نفسه للضرب أمام الطلاب بواسطة طلاب آخريين , لما ييجي يعفو عن الطالب اللي عارف من الأول أنه هيغلط و هيغفر له
لو حد نسب للمعلم أحدى هاتين القاعدتين
- واحد قال , المعلم وضع القاعدة الأولى : الضلع ( أب ) بشكل مباشر وواضح
- وواحد تاني قال , لا , المعلم لم يضع القاعدة دي : المعلم وضع القاعدة الثانية : الأضلاع ( أء ) ثم الضلع ( ء ج ) ثم الضلع ( ج ب )
منطقيا
إيهما تبدو أنها هي القاعدة الحقيقية اللي وضعها هذا المعلم ؟
اللي هو المفروض معلم رحيم , عادل , مهاب وعنده حكمة في إعداد قواعد التعامل مع طلابه
المفضلات