مشروع ضعيف
تيسيرآعلى أكلة جسد الرب وشرب دمه وإستخدامآ للتقنيات الحديثة واخضاعها لراحة الأنسان فقد رأينا أن نقدم هذه الخدمة عربون للمحبة لمن يدّعون المحبة
ياهل المحبة إدونى حبة من فضلكم !!
درس الأحد (93 )
مشروع ضعيف
الواعظ الأب ضعيف
تدخل الأم بسكلته وهى تسند كهل تخطى السبعين
الأم بسكلته
سلام ياولاد
التلاميذ
سلام
اقدم لكم ابونا ضعيف السقا ، وابونا ضعيف وان كان ضعيف سنآ وإسمآ إلآ إنه قوى علمآ وفهماً فهو من القلائل المتخصصين فى علم اللاهوت الطقسى
اتفضل يابونا على مهلك . على مهلك هات إيدك
واحدة .. واحدة
الأب ضعيف
شكرآ يابسكوته والرب يجازى تعب محبتك
وماتنسيش تيجيلى فى نهاية الوعظة علشان تسندينى وأنا ماشى
الأم بسكلته
تحب أبعتلك أبونا متساهل ؟
الأب ضعيف
لأ . أبونا متساهل عضمته ناشفه وعصبى وانا كمان عضمتى ناشفة
وناشف مع ناشف ما ينفعش
وكمان إحنا ما بنستريحش مع بعض
لا مؤاخذة ياولاد
بس علشان أبقا مطمّن ان فيه حد حيسندنى وأنا ماشى
ناصح وفصيح
احنا نسندك يابونا . ماتشغلش بالك
الأب ضعيف
لأ. الولاد خطوتهم واسعة
مش زى خطوتى
لو البنات يسندونى يبقا أحسن
علشان خطوتهم زغنطوطة زى خطوتى
فصيح
براحتك يابونا
الأب ضعيف
للي مايعرفنيش منكم أنا أبوكم ضعيف السقا الملقب بالشقى
حد جالكم من بتوع الطقس ؟
ميرى
طقس إيه ؟ هو حضرتك تقصد الأحوال الجوية ؟
الأب ضعيف
لآ ياروح قلبى قصدى اللاهوت الطقسى
مايكل
أول مرة نسمع باللاهوت الطقسى ده
الأب ضعيف
علم اللاهوت الطقسى هو العلم إللي بيبحث فى طقوس الكنيسة وترتيبها وصلوات وممارسات الأسرار من الناحية الطقسية وكذا فى شكل الكنيسة وبنائها الطقسى ومحتوياتها وكل مستلزمات العبادة المسيحية
تريزا
حضرتك بتقول ممارسات
اوعى تكون الممارسات الوحشه إللي بالى بالك إللي بنسمع عنها ؟
الأب ضعيف
لآ ياحبايبى اوعوا فكركم يروح بعيد
الممارسات يعنى إزاى نعمل ده
يعنى مثلآ إزاى نمارس
الأسرار السبعة
وازاى نمارس صلواتنا
وانتوا عارفين ان الكنيسة رتبت لينا صلوات زى مارتبت لينا أصوام لأن الصيام مش مفروض علينا من أصله والصلاة كمان زى ما قال عنها الرب خش واقفل عليك الباب وصلى للرب فى الخفاء ولآ قال أد إيه ولآ حاجة
مش زى الصلوات بتاعة المسلمين إللي فيها ركعات وحاجات من دى
وكمان قال وانت متى صليت
يعنى راجعة لإرادة الخروف منا لو كان عاوز يصلى يصلى مش عاوز يصلى مايصليش
6: 6 و اما انت فمتى صليت فادخل الى مخدعك و اغلق بابك و صل الى ابيك الذي في الخفاء فابوك الذي يرى في الخفاء يجازيك علانية
فالكنيسة كتر خيرها رتبت لينا صلوات نصليها فى الكنيسة إللي هى الأجبية أو السواعى وصلوات نصليها فى البيت
وصلوات البيت زى ما احنا كلنا عارفين زى صلوات قبل المذاكرة وصلاة بعد المذاكرة
وصلاة قبل الإعتراف وبعد الإعتراف وصلاة قبل التناول وبعد التناول والصلاة قبل الأكل وبعد الأكل
والصلوات إللي فى الكنيسة
هى صلاة باكر وصلاة الساعة الثالثه وصلاة الساعة السادسة وصلاة الساعة التاسعة وصلاة الغروب وصلاة النوووووووووم
خخخخخخخخخخ
ناصح
ابونا السقا نام
جورجيت
صحّيه يا ناصح حرام أحسن حد يشوفه وهو نايم يبلغ الإدارة
ماتيلدا
حرام . ياعينى صحته مش مسّعداه
فصيح
اومال عامل فيها شقى إزاى ؟
مايكل
يمكن شقاوته هى إللي خلته ينام
إصحى يابونا يابونا إصحى
إصحى ولآ انت بس شقى كلام
الأب ضعيف
هه . هه
الرب يجعله عامر قصدى الرب يجعله خير
تريزا
انت لحقت تحلم
الأب ضعيف
لامؤاخذة ياولاد علشان عينى راحت فى النوم غصب عنى
بس أنا باشكر الولد إللي صحانى من النوم وأنقذنى من الموت أنا كنت حاتقّطع حتت زى البسطرمة
التلاميذ
خير يابونا
الأب ضعيف
أصل أنا كنت قدمت إقتراح لسيدنا بخصوص إنشاء مصنع لعمل القربانة وقمت بتصميم مكنة آلية مبتكرة
ولما عرضت الفكرة عليه فى الأول
قاللي سلامة عقلك ياضعيف هى الشيخوخة أثرت عليك
قولتله الحال من بعضه يا سيدنا
بس لما عرضت عليه رسومات المشروع قاللي
طيب سبيهولى أدرسه مع المختصين
وبعدين بعتللى وقاللي
هو المشروع فكرته كويسه ومش بطالة بس حنعمل إيه فى الصلاوات إللي بيقوم بيها الكهنة والشماس على الحمل واللي معاه
ميرى
حمل إيه يابونا ؟
الأب ضعيف
الحمل إللي هو الفطيرة
المهم إنى قولتله بسيطة . إحنا بعد لما نحط الدقيق فى حجرة اللت والعجن ويتعجن وبعد كدة يفوت على حجرة التقطيع والتدوير ويبقى فطير وبعد خروج الفطير ومروره على السير حيروح حجرة الخبيز يتخبز ويطلع لينا 13 فطيرة بنفس المقاسات إللي بنستخدمها
وحيكون مجرد فطير حتى هذه المرحلة وبعد خروجهم حيمروا على 13 سير يعنى كل فطيرة على سير، وبعد كده يتجهوا الى حجرة إختيار الحمل الألى إللي حتكون مزودة بعقل ألكترونى يختار منهم الفطيرة ‘للى حتكون الحمل ويحجزه فى الغرفة واللي حتكون مجهزة بالاكسجين لإستقبال الحمل علشان يعرف يتنفس ومحتوية على جهاز للبخور بنظام الدفع والطرد ومركب فيها مشغل سيديهات أو شرايط كاست مسجل عليها طقس الصلوات وباقى الفطير أو الحملان يتجه لحجرة الحك علشان يكونوا فى إنتظار الحمل للتلامس والحك معه
ولما يوصل الحمل يحصل الحك مع بقية الفطير ويصبح الجميع حملان
سيدنا قاللي بس الصلوات بتاخد وقت طويل
قلتله ده مقدور عليه ممكن نشغل السديهاية أوالكاسيت بسرعة جامدة بحيث انه مايخدش أكتر من ثوانى وبعد كدة يخرج الحمل من الغرفة ويمشى على السير لوحده وعلى مهله بدون مضايقة من حد حتى حجرة الحك حتى يحتك به بقية الحملان
سيدنا قاللى استنى هنا إنت مش شايف إنك نسيت حاجة ؟
قلتله إيه هى ؟
قاللي إنت نسيت أهم حاجة
قلتله خير ؟؟
قاللي الرشم
حترشم الحمل وبقية الحملان إزاى يا ضعيف ؟
ودى كانت النقطة إللي كانت بتشغلنى ومأخرة المشروع
فلما عينى غفّلت فى النوم دلوقت
لقيت نفسى قدام سيدنا وأنا بقوله
بسيطة إحنا نعمل 13 زمبة وكل زمبة تكون على شكل صباع البنى أدم الوسطانى بالظبط واخد بالك يا سيدنا ويكون لكل صباع ظافر وممكن كسوتهم بجلد مشابه لجلد الانسان لإعطاء إنطباع وكأنه صباع بنى أدم حقيقى وأخلي وضعهم تحت السيور فى سكة الحملان وهما خارجين من حجرة الخبيز وماشيين على السيور بحيث ان الصباع الزمبة ده يبقى زى المكوك طالع نازل ويرشم الحملان من تحت
وبعد خروج الحمل من حجرة اختيار الحمل بعد انتهاء طقس الصلوات والتبخير يتجه الى حجرة الانتظار والتلامس حيث تنتظره بقية الحملان لتلامسه من جانبه
وبعد عملية التلامس يتجهوا جميعاً بعد الرشم فى السكة الى غرفة تقطيع الرب
ويتم تقطيع الرب فى كل حمل الى إتناشر جزء ثم من غرفة تقطيع الرب إلى غرفة تغليف الرب وممكن نحط العلامة التجارية على القربانات إللي حتكون على شكل مكعبات زى مكعبات دجاج ماجى وحتبقى العلامة دى مميزة يعنى مثلاً مثلاً ممكن نرسم على كل قربانة صورة فطيرة وجواها الرب وهو بيبتسم وكلام طالع من بقه بيقول بالهنا والشفا مع وجود تعريف على العلبة اللى بداخلها المكعبات قصدى القربانات مثل
رب مقطع ومجهز ومغلف بمعرفة الكنيسة الأرثوذوكسية بدون زرع يد قصدى بدون مس يد
رب صابح يوم بيومه
ورب مأكله حلال وجاهز للتناول
رب كامل الدسم
وممكن نخلى منه بردو نوع منزوع الدسم حسب الطلب
وممكن نحط مع القربانة روشتة زى إللى مع الأدوية
نكتب فيها مثلآ
خفيف على المعدة
سهل الهضم
لا يسبب إمساك
لا يلتصق بالحنق
لا يتخلل الأسنان
لا يسبب حكه
ليس له مضاعفات
يحفظ فى مكان بارد
وبعيدآ عن متناول الأطفال
وعدم تعريضه للشمس
ويؤخذ على معدة خاوية
مع وجود تحذير يقول
فى حالة سقوط القربانة على الأرض
تتخذ الإسعافات الأولية
سيدنا قاللى وحتعمل إيه فى دم الرب
حتجهزه آلى هو كمان ؟
قلتله دى بسيطة بس وافق انت الأول على مشروع القربانة وربنا يسهل واقترحت إقامة المصنع فى أحد الأديرة وتسميته مصنع القربانة الفورى والناتج بتاعه حنوزعه على كل الكنائس بتاعتنا جوه وبره بحيث يتم النقل بالخطوط الجوية من المصنع للطائرة رأسآ وممكن نصدر منه لبلاد بره بنفس الوسائل
سيدنا قاللي
طيب يا ضعيف كويس انك لقيت حل للرشم طب جرب لنا المكنّة علشان نشوفها على الطبيعة
فلقتنى واقف قدام المكنّة
شغلتها وكانت تعمل بنجاح بس عند المرحلة قبل الأخيرة
إللي هى بتاعة التقطيع لقيت التروس عطلانة ومش مشغلة السكاكين فمّديت إيدى وفجأة التروس إشتغلت ومسكت فى كمى وبتسحب إيدى ناحية السكاكين وأنا قاعد أصرخ وسيدنا حط ديله فى سنانه وجرى هو واللي معاه وسبونى لوحدى
ميرى
زى التلاميذ لما هربوا وسابوا الرب لوحده ساعة القبض عليه
الأب ضعيف
لغاية زميلكم لما صحانى كتر خيره ولولآ كده كنت إتقطعت حتت
تريزا
كل ده شفته يابونا فى الحلم
عجيبة ؟
الأب ضعيف
مش عجيبة ولآ حاجة
ماهو معلمنا يوحنا الرؤيا بتاعته إللي يشوفها يقول انه كان نايم فى العسل بقاله يومين
أنا بس كان نفسى المكنة تكملأ أخر مرحلة علشان أفضل أصرخ وأأقول هيييييييي
المكنة جابت حملان المكنة جابت حملان
تدخل الأم بسكلته
خلصت الوعظة يابونا
الأب ضعيف
أيوه يابسكوته أنا جاهز إستنى إوعى تمشى
التلاميذ
مستعجل ليه يابونا
الأب ضعيف
معلش بقا ياولاد علشان بسكوته جت
عمومآ انا جاى تانى الاسبوع الجاى
باى
التلاميذ
باى يا شقى
وآخر دعوانا ان الحمد لله رب العالمين
لا شريك له
بسم الله الرحمن الرحيم
وَمَا قَدَرُوا اللَّـهَ حَقَّ قَدْرِهِ وَالْأَرْضُ جَمِيعًا قَبْضَتُهُ يَوْمَ الْقِيَامَةِ وَالسَّمَاوَاتُ مَطْوِيَّاتٌ بِيَمِينِهِ سُبْحَانَهُ وَتَعَالَىٰ عَمَّا يُشْرِكُونَ ﴿الزمر: ٦٧﴾
رد مع اقتباس
.gif)
المشاركة الأصلية كتبت بواسطة الدبابة الشيشانى
المفضلات