درس الأحد وصاح الديك كوكو كوكو
درس الأحد (31 )
وصاح الديك كوكوكوكو
الواعظ الأب أبو فرخة
سلام ونعمة
التلاميذ
سلام ونعمة
أبو فرخة
وعظة اليوم حتكون عن الفرق بين إتنين من تلاميذ الرب يسوع وهما يهوذا الاسخريوطي وبطرس إللي كان اسمه سمعان ، الأول سلمه والثانى أنكره
وحنشوف يهوذا إيه دوافعه لما سلم الرب لأعدائه ، فالكتاب يقول إنه باعه نظير ثلاثين من الفضة ، فهل هذا الدافع وحده يكفى أن يضحى بمعلمه ، حد فيكم يقدر يدينى إحتمالات لخيانة يهوذا الاسخريوطي
فصيح
كان عنده غيرة من الرب لأن النساء كانت تصرف على الرب وتسكب على جسده العطور الغالية
تريزا
إنه لم يكن مؤمن بأن السيد المسيح هو الله أو ابن الله فمن غير المعقول أن يكون عارف بلاهوت المسيح ثم يخونه
ناصح
وانا مع تريزا فى الكلام ده ، لأنه لو كان عارف ان المسيح إله أو ابن إله وسمع المسيح وهو بيقول ان من سيخونه هو الذى يغمس يده معه فى الصحفة كان تراجع عن نيته وعن إللي فى دماغه وكان خاف بعدما تم كشفه وخصوصآ بعد ماسئل المسيح وقال هل انا هو يا سيدي ؟ قال له انت قلت ، ومش من المعقول ولا حاجة تخش الدماغ إنه علشان يكسب تلاتين من الفضة يخسر ملكوت الله
مادلين
لأنه كان يسرق من صندوق النذور وخاف أن يكتشفه الرب
أبو فرخة
بس الرب لم يكتشف ذلك والذى إكتشفه هو الأقنوم التالت أى الروح الذى ساق متى للكتابة
نبيه
لما احنا بنخاف من ربنا وهو شايفنا واحنا مش شايفينه يقوم يهوذا إللي شايف الرب قدامه وشافه وهو بيعمل معجزاته يقوم ما يخافش منه وكمان يسلمه لأعدائه
أبو فرخة
يمكن الخطة إللي عاملها الرب من أجلنا ان يكون سبب تسليمه لأعدائه هويهوذا أحد تلاميذه لعمل الفداء
تريزا
اليهود ورؤساء الكهنة ماكنوش منتظرين خيانة يهوذا للمسيح ليسلمه إليهم لأنه كان معلومآ عندهم بإسمه وشكله ورؤساء الكهنة والفريسيون كانوا يدخلوا معه فى جدالات كثيرة وكانوا يشتكوا عليه إنه مجدف واتهموه بأنه يجعل من نفسه معادلآ لله كما كان يتحرك إمامهم والانجيل يذكر إنه كان يجتاز من وسطهم
حتى الجموع التى كانت تتبعه وكانوا يتعجبوا من تعاليمه كانوا يعلموا شخصيته ويقولوا أليس هذا ابن النجار ؟ أليست أمه تدعى مريم، وأخوته يعقوب و يوسى و يهوذا ؟ والجارية إللي كانت فى بيت رئيس الكهنة اتعرفت على بطرس وقالت الجدع ده كان معاه بتقصد المسيح
يعنى الكل عارفينه يبقى إزاى كانوا مستنين يهوذا لما يعرفهم عليه ؟ ويقولهم إللي أبوسه يبقى هو
لوسى
بالراحة ياتريزا إيه الحمئة بتاعتك دى ياختى امال الانجيل حيكدب ولآ أبونا إللي فى الكنيسة حيكدب دى كلمة يايهوذا دى على طول على لسانهم لما يلاقوا واحد خان واحد تانى وكمان لما بيلاقوا واحد مش مصدق حاجة يقولوله ياتوما يا شكاك
أبو فرخة
كفاية كلام فاضى
ناصح
أنا شايف يابونا ان الكلام إللي مكتوب فى الانجيل بالصورة دى مش مظبوط خالص ، ومتهيئلى ان يهوذا مظلوم ومش خاين ، حتى نهايته اختلفوا فيها واحد يقول إنه شنق نفسه
وواحد يقول وقع وانكبت أحشاءه
أبو فرخة
عمومآ نسيب موضوع يهوذا دلوقت ونمسك موضوع إنكار بطرس للمسيح
مايكل
الأول يهمنا إيه كان إعتقاد بطرس فى المسيح هل كان يعتبره إله أو إبن إله
أبو فرخة
لما نرجع للإنجيل حنلاقى متى بيقول
16: 15 فقال لهم و انتم من تقولون اني انا
16: 16 فاجاب سمعان بطرس و قال انت هو المسيح ابن الله الحي
مايكل
يعنى بطرس كان عارف إنه إبن الله الحى
نبيه
طيب ما نشوف مرقس قال إيه ؟
فصيح يخرج الانجيل ويقرأ من مرقص
8: 29 فقال لهم و انتم من تقولون اني انا فاجاب بطرس و قال له انت المسيح
8: 30 فانتهرهم كي لا يقولوا لاحد عنه
كارولين
طيب نشوف لوقا بالمرة وتخرج انجيلها وتقرأ من لوقا
9: 20 فقال لهم و انتم من تقولون اني انا فاجاب بطرس و قال مسيح الله
نبيه
عجيبة ثلاث إختلافات
مرقص قال انت المسيح
ولوقا قال مسيح الله
ومتى قال انت المسيح ابن الله الحى
أبو فرخة
ما علينا ياولاد
نبيه
إزاى الكلام ده يابونا لو كان السؤال لكذا تلميذ وكانت إجابتهم كما وردت بالأناجيل التلاتة مختلفة ، زى مثلآ ان توما قال عند مرقص انت المسيح ويعقوب قال عند لوقا انت مسيح الله وبطرس قال عند متى انت المسيح ابن الله الحى
ممكن نقول ساعتها ممكن
انما المشكلة ان بطرس هو إللي قال هنا وقال هنا وقال هنا
أبو فرخة
بردو ما علينا ونشوف السبب إللي دعاه للإنكار
حد فيكم يقوللى الاحتمالات
بيشوى
ممكن يكون خايف يقبضوا عليه
شنودة
أنا مع بيشوى
فصيح
ماهو لو كنا عرفنا إيه إعتقاده فى المسيح كنا عرفنا
أبو فرخة
حنعتبره زى ماقال فى متى إنه ابن الله الحى
مايكل
طيب إزاى ينكر ابن الله واحنا بنقول الأبن والأب واحد !!!
تريزا
وخصوصآ ان المسيح تنبأ له وقال ستنكرنى تلات مرات قبل أن يصيح الديك ، يعنى الكلام ده لو صح عمره ما كان حينكر المسيح وكان حيفضل متذكر كلام السيد المسيح ومش حينساه وحيكون حريص فى كلامه
لوسى
ماهو قعد يبكى يافالحة بعد ما أنكره لأنه تذكر
تريزا
أنا مش عاوزة أرد عليكى علشان ماتزعليش
مايكل
بس هو ما أنكرش المسيح
أبو فرخة
إنت بتقول إيه ؟
مايكل
أنا بقول هو لم ينكر المسيح
أبو فرخة
هو إنت عبيط ؟
إذا كان المسيح بنفسه قال إنك ستنكرنى ثلاث مرات قبل أن يصيح الديك
مايكل
هو قال أنا لا أعرف الرجل
26: 72 فانكر ايضا بقسم اني لست اعرف الرجل
أبو فرخة
وده معناه إيه ؟
مايكل
قال الرجل ولم يقول يسوع
أبو فرخة
مش فاهم ؟
مايكل
لم يقول أنا لا أعرف المسيح أو لا أعرف يسوع
أبو فرخة
بردو مش فاهم قصدك إيه ؟
مايكل
فيه فرق بين المسيح اللاهوت والناسوت وبين الرجل العادى
أبو فرخة
وبعدين ؟
مايكل
كرر إنكاره مرة اخرى ومعرفته بالرجل
26: 73 و بعد قليل جاء القيام و قالوا لبطرس حقا انت ايضا منهم فان لغتك تظهرك
26: 74 فابتدا حينئذ يلعن و يحلف اني لا اعرف الرجل
أبو فرخة
بردو وبعدين ؟
مايكل
صاح الديك
أبو فرخة
إنت عاوز تقول إيه بعد اللفة دى ؟
مايكل
مش جايز فعلاً إن إللي مسكوه واحد تانى غير المسيح
ويكون كلام بطرس صادق إنه ما يعرفش مين هو اللي مسكوه ؟
أبو فرخة
ياولاد الواد ده عبيط ولا شكله كدة ؟
التلاميذ
لأ شكله كدة
أبو فرخة
اجلس باين عليك عبيط فعلاًً
تعرفوا ياولاد صياح الديك فكرنى بحكاية ظريفة حصلت معايا
جالى تليفون من حوالى شهر تقريباً ولقيت واحدة بتقوللي إلحقنى يابونا شقتنا فيها عفريت وكانت متوترة جداً قلتلها هى إيه الحكاية بالظبط قالتلى إحنا عرسان جداد ماكملناش إسبوعين وجوزى من ساعة ما إتجوزنا وهو نايم على طول ياكل وبعد ما ياكل يقعد يتّاوب يتّاوب ورا بعض وبعدين ينام ويشخر وأفضل أصحى فيه ما يصحاش قلتلها إزاى الكلام ده ؟ والعفريت إيه علاقته بده ؟ قالتلى ماهووو ماهووو
قلتلها ماهووو إيه ؟
قالتلى ماهووو حضرتك إفهمها لوحدك
قلتلها وإشمعنى جوزك بس إللي بينام وإنتِ لأ ؟
قالتلى يابونا العفريت عاوزنى أنا بس إللي أكون صاحية فاهم إنت ؟
قلتلها ولآ فاهم حاجة
قالتلى بس لما تيجى عندنا حتعرف
قلتلها وإنت إتأكدتى من فين إنه عفريت ؟
قالتلى فيه ناس قالتلى أكيد الشقة فيها عفريت هو إللي بيكبس على نفس جوزك وبيخليه ينام على طول
علشان بيغير منه كمان أنا بأحس بحاجات غير طبيعية
فمعلش يابونا لازم تيجى تبارك الشقة وتبخرها وترش الماء المقدس وتطرد العفريت بالصليب
وأنا إسمى قشطة وده العنوان بتاعى
قلتلها دلوقت دى الساعة داخلة على واحدة بالليل
وبعدين فين السيد قشطة ؟
قالتلى قصدك على توتو ده نايم فى سابع نومة وبيشخر وحيفضل كدة لحد الصبح
قلتلها متأكدة إن توتو بيفضل نايم لحد الصبح ؟
قالتلى ده كمان بيفضل نايم على جنبه الشمال ووشه للحيطة لحد الصبح وما بيتقلبش خالص وبأقعد أزغده فى ضهره علشان يصحى ما بيصحاش
قلتلها عال أوى، طيب أنا جايلك طيارة يادوب مسافة السكة
المهم إنى كتبت عنوانها وقمت بسرعة لبست هدومى وعلقت الصليب فى رقبتى وأخدت معاى الماء المقدس وحطيت الانجيل فى جيبى على سبيل الإحتياط وجيت أخرج من باب الشقة لقيت مراتى قدامى زى العمل الردى وبتقوللي على فين ؟
قلتلها رايح أطرد روح شريرة وراجعلك بسرعة
ويادوب أنا قلت كدة وديك الجيران صاح كوكوكوكو
قالتلى يا كداب عاوز تضحك عليا وتستغفلنى روح إيه إللي إنت رايح تطّلعها ده أنا إللي حطلع روحك دلوقت وراحت ماسكة الشبشب بتاعها علشان تضربنى
وحاولت أقنعها إنى رايح أطلع العفريت ودى راسها زى الجزمة القديمة وتقوللي الديك صاح علشان إنت بتكدب وخلتنى أأقلع هدومى وليلتها نمت متنكد لحد الصبح وأنا بقول فى سرى يا بختك يا عفريت يابن العفريته
مادلين
بس بالرغم من تبريك المكان والتبخير بتظهر العفاريت وأنا أعرف ناس كانت العفاريت مسودة عيشتهم والقسيس جه عندهم كذا مرة يبخر ويرش ماء مقدس ويصلب على المكان ومفيش فايدة
والأخر فيه ناس ولاد حلال قالوا دقوا مسمامير وكبوا حلة عدس كبيرة فى الشقة ومفيش عفاريت حتظهر تانى وفعلاًً العفاريت إختفت
تريزا
ياااه حتى العفاريت ما بتحبش العدس
أبو فرخة
لو سمحتم خلونا فى إنكار بطرس وبلاش كلام عن العفاريت
ناصح
هو مش حضرتك إللي جبت سيرتهم الأول
أبو فرخة
أيوه بس خلونا دلوقت فى موضوع بطرس
ناصح
وانت رأيك إيه يابونا
أبو فرخة
فى إيه ؟
ناصح
فى إنكار بطرس
أبوفرخة
احنا لوشغلنا مخنا ياولاد حنلاقى ان السيد المسيح بعد سؤاله لبطرس ، ورد بطرس عليه
انت المسيح ابن الله الحى
حنلاقى فى العدد إللي بعده على طول الاجابة
16: 17 فاجاب يسوع و قال له طوبى لك يا سمعان بن يونا ان لحما و دما لم يعلن لك لكن ابي الذي في السماوات
16: 18 و انا اقول لك ايضا انت بطرس و على هذه الصخرة ابني كنيستي و ابواب الجحيم لن تقوى عليها
فنلاقى هنا ان دافع بطرس لإنكار الرب هو الخوف من القبض عليه وهو الذى سماه المسيح بالصخرة فلو تم القبض عليه لن يستطيع المسيح أن يبنى كنيسته عليه وهذا ما دفعه للكذب وإنكاره للرب خدمة للرب حتى يستطيع الرب أن يبنى عليه كنيسته ، ومن هذا الموقف الذى كذب فيه بطرس حفاظآ على بناء كنيسة الرب كان ده الدافع إللي خلى بولس يقول جملته الشهيرة
فانه ان كان صدق الله قد ازداد بكذبي لمجده فلماذا ادان انا بعد كخاطي
ناصح
يعنى نقدر نقول ان الكنيسة مبنية على كذبة بطرس
وان أعمدة الكنيسة وقواعدها أساسها الكذب !!!
وبعدين جايز يكون فى حكاية الإنكار أو التلات كذبات
رمزية ، يعنى تلات كذبات فى الكنيسة أو فى الإيمان
بتاع الكنيسة
أبو فرخة
قصدك التثليث
ناصح
انت الذى تقول !!!!
نبيه
لا فض فوك
أبو فرخة
بلاش تهريج دتكوا القرف
تريزا
بالنسبة لواقعة صياح الديك
ورد فى متى
26: 34 قال له يسوع الحق اقول لك انك في هذه الليلة قبل ان يصيح ديك تنكرني ثلاث مرات
ووردت فى مرقس
14: 30 فقال له يسوع الحق اقول لك انك اليوم في هذه الليلة قبل ان يصيح الديك مرتين تنكرني ثلاث
ووردت فى لوقا
22: 34 فقال اقول لك يا بطرس لا يصيح الديك اليوم قبل ان تنكر ثلاث مرات انك تعرفني
ووردت فى يوحنا
13: 38 اجابه يسوع اتضع نفسك عني الحق الحق اقول لك لا يصيح الديك حتى تنكرني ثلاث مرات
أبو فرخة
وإيه المشكلة ؟
تريزا
فى متى ومرقس المسيح قال الليلة يصيح الديك
وفى لوقا قال اليوم يصيح الديك
وفى يوحنا سابها مفتوحة لوقت ما الديك يصيح
أبو فرخة
المهم إن فيه ديك وخلاص
ياساتر على الغباء بتاعكم
معادنا الاسبوع الجاى
يالآ مفيش سلام
التلاميذ
وآخر دعوانا ان الحمد لله رب العالمين
لا شريك له
أَفَمَنْ أَسَّسَ بُنْيَانَهُ عَلَىٰ تَقْوَىٰ مِنَ الله ِ وَرِضْوَانٍ خَيْرٌ أَم مَّنْ أَسَّسَ بُنْيَانَهُ عَلَىٰ شَفَا جُرُفٍ هَارٍ فَانْهَارَ بِهِ فِي نَارِ جَهَنَّمَ واللهُ لايَهْدِي الْقَوْمَ الظَّالِمِينَ ﴿التوبة: ١٠٩﴾
رد مع اقتباس
المفضلات