درس الأحد ( قصاقيص )
درس الأحد ( 166 )
قصاقيص
الواعظ الأب سمية
سعيدة ياولاد
التلاميذ
سعيدة مبارك يابونا
الأب سمية
أبوكم سمية النهاردة مزاجه عالى أوى وعال العال وأول مرة أنشكح على الأخر
وعلشان كدة حاخلي الوعظة مفتوحة للي عاوز يتكلم فى أى حاجة تعجبه
يعنى إللي حصلتله معجزة هو أو لحد من قرايبه أو معارفه وحابب يحكيها ماشى
إللي عنده مأخذ على حد من الأباء يكون مضايقه أو مستقصده أو بيبتزه وخايف يعترف عليه وعاوز يحكيلنا ويفضفض بشرط إنه مايقولش إسمه لأجل ما يفضحوش ماشى
إللي واخد على خاطره من القديس بتاعه علشان ما بينفذش له طلباته ومحتاج أتوسطله ماشى
إللي حابب يقول نكتة على المسلمين ماشى
وعلشان أنا مبسوط ومزقطط وعندى إستعداد أسمع الكل ، فمش عاوز حد يعكننى وينكد عليا ويسئلنى أى سؤال فى الكتاب المقدس علشان ما يطيرش من دماغى الكاسين إللي شاربهم وانا جاى
خلاص إتفقنا
مين إللي حيحكى الأول
دميانة
أنا
الأب سمية
إسمك إيه ؟
دميانة
إسمى دميانة صبحى
الأب سمية
إتفضلى
دميانة
أنا ليا خالة إسمها توفيق
الأب سمية
توفيق ؟ !!
دميانة
وفيها إيه ماحضرتك إسمك سمية
الأب سمية
أنا مش معترض على الأسم
أنا بس باستفسر هو خال ولآ خالة
جايز يكون سمعت غلط
دميانة
لأ خالة ومخلفة كمان
الأب سمية
حصل إيه بقى لخالتك ؟
دميانة
قبل ما تخلف كان نفسها فى ولد فنصحوها تروح لأبونا النمرود وتقول له على طلبها وهو يعمل صلاة ليها وهى تحبل بعديها
فراحت لأبونا وقالتله على الطلب بتاعها وأبونا قاللها إنت نفسك فى ولد ولآ بنت قالت نفسى فى ولد
أبونا قال لخالتى أصل الولد ليه صلاة والبنت ليها صلاة
قالتله أنا عاوزة ولد قاللها الولد يكلفك ألفين جنيه والبنت تكلفك ألف ونص ، علشان الولد حيحتاج لبخور أكتر فى الصلاة
المهم خالتى روحت البيت تشوف الفلوس إللي موجودة عندهم أد إيه وملقتش إلآ ألف وتمنميت جنيه وقالت لجوز خالتى ماتقدرش ياخوخو تجيب المتين جنيه الباقيين قاللها منين أصل جوز خالتى إسمه خوليوس وبتدلعه بخوخو
الأب سمية
نبعد عن الأسماء لو سمحتى
دميانة
المهم إنها أخدت الألف وتمنميت جنيه وراحت لأبونا وقالت يابونا دى كل الفلوس إللي حيلتنا ومش فاضل فى البيت ولآ مليم تانى ، أبونا أخد الفلوس وهو مضايق
وقال لخالتى وهو بيبص فى الفلوس الرب يبارك فيكم (قصده على الفلوس ) وقاللها إنت خلاص روحى دلوقت على البيت وحتحبلى الشهر ده أو إللي بعده
وبالفعل خالتى حبلت بعدها بشهر ونص والبيت كله بقى فى فرح وبعد كده ولدت فى المستشفى وجابت ولد وكانت الفرحة مش سايعاهم بس لقوا الولد كل كف فيه صوبعين إتنين بس
خالتى زعلت جامد وقالت إنها حتروح لأبونا النمرود علشان يشوف لها حل فى الحكاية دى يمكن يقدر يرجع للولد بقية صوابعه
جوز خالتى قاللها وأبونا ذنبه إيه يا توفيق إحنا إللي ما دفعناش المبلغ كامل ، لو كنا كملنا لأبونا الألفين جنيه كانت صوابع الولد تبقى كاملة فى إيديه الأتنين
الأب سمية
الحكاية مش بطالة
إتفضلى
والحكاية دى يا ولاد تعلمنا لما يكون لينا حاجة نلجأ
للراهب أو الكاهن لأن الرب حيسمع منه هو مش حيسمع منا إحنا لأن الكاهن هو إللي بيحل ويربط على الأرض، كمان ما نبخلش عليه لما يطلب منا أى حاجة مهما كانت حتى لو نبيع هدومنا أوعفش بيتنا
التلميذ إللي هناك إللي رافع صباعه
أيوه إنت إسمك إيه
بيشوى
إسمى بيشوى سرجيوس
الأب سمية
إتفضل
بيشوى
بابا بيحكيلنا إنه لما كان لسه عيل صغيرعنده عشر سنين كان مقلبظ خالص لدرجة إنه كان بيتحرك بالعافية
وكانت فيه واحدة جارتهم إسمها أم رومانى بس كانت عينيها وحشة سم قالت لماما إيه يا نجفة هو إنت سايبة الواد ياكل مع الخنازير أصل بابا قال إنهم كانوا مربين خنازير ، بعد كلام أم رومانى بابا جتله سدة نفس ومبقاش ياكل وخس جامد ومبقاش قادر يصلب طوله ، جدتى قالت لجدى عاوزين نودى الواد عند الدكتور يافانوس
الأب سمية
جدتك إسمها نجفة وجدك إسمه فانوس
بيشوى
أيوه
الأب سمية
دول على كدة محطة كهربا بحالها
كمل كمل
بيشوى
جدى قال لجدتى إللي ندفعه للدكتور يانجفة ندفعه لأبونا فى الكنيسة وإحنا التلاتة نستفاد إحنا نستفاد لما إبننا يخف وأبونا يستفاد لما ياخد الفلوس وتالت حاجة الرب يكون راضى عنا وقام جدى واخد بابا وراح الكنيسة وقدم طلب صلاة للقسيس والقسيس أخد منه وقتها ميه وخمسين جنيه وكمان أخد خنزير لما عرف إنهم مربيين خنازير وأعطى جدى ورقة
وقال الورقة دى تنقعوها فى بول خنزيرة تكون حامل لمدة تلات أيام وبعدين تشيلوا الورقة ويشرب البول بتاعها
وعملوا إللي قال عليه أبونا ، وشرّبوا بابا بول الخنزيرة ، بس بعدها جاتله حالة إسهال جامدة من فوق ومن تحت لحد ما بقى عنده جفاف وكان حيموت ، جدى مصباح أخو جدى فانوس قال يافانوس الواد لازم يروح لدكتور أطفال
الأب سمية
ده العيلة بتاعتكم منورة على الأخر
نجفة وفانوس ومصباح
إشمعنى إنت إللي سموك بيشوى
بيشوى
بيشوى ده إسم الدلع بتاعى بس أنا فى الحقيقة إسمى شمعة
الأب سمية
الواد ده صحيح إسمه شمعة ياولاد
تريزا
أيوه يابونا إسمه الحقيقى شمعة
الأب سمية
كمل يا حبيبى
بيشوى
بس يا خسارة مالحقوش يودوه للدكتور ومات وكان لسه صغير خالص
الأب سمية
بردوا حكاية مش بطالة
والحكاية دى تعلمنا ...
ميرى
تعلمنا إيه يابونا هو انت مش واخد بالك
دى بيقول إن باباه مات قبل ما يودوه للدكتوروكان لسه طفل صغير خالص
بيشوى
أنا باقول على عمى
يعنى بابا هو إللي بيحكى عن عمى
تريزا
ياكداب إنت مش بتقول
بابا جتله سدة نفس
وشربوه بول خنزيرة حامل
الأب سمية
إحنا مايهمناش مين إللي كان عيان سواء إذا كان باباه أو عمه ده مش مهم
إحنا يهمنا العظة والعبرة إللي نطلع بيها من الحدوتة دى
ناصح
ياسلام !!
الأب سمية
إيه ياسلام دى ؟
ناصح
ده بيكدب يابونا
الأب سمية
مش عيب
فصيح
إزاى مش عيب ؟
الأب سمية
فيه مثل بيقول الغاية تبرر الوسيلة
تسمع عنه ؟
أكيد ماسمعتش عن المثل ده
أنا أأقولك
مثلآ القديس بولس لما حب يوصل رسالته ويكون مقبول من الجميع مش قال
صرت لليهودي كيهودي لأربح اليهود … وللذين بلا ناموس ، كأني بلا ناموس
أهى صرت دى هى الوسيلة
والغاية هى إنه يربح اليهود ويربح إللي من غير ناموس
وماحدش يفتكر الناموس ده هو الناموس إللي بيهاجمنا ويمص دمنا وإحنا نايمين
الناموس هنا المقصود بيه الناموس إللي نزل على النبى موسى أى الشريعة
ميرى
خطرعلى بالي سؤال دلوقت حالاً بخصوص الناموس بتاعنا إحنا
الأب سمية
عن إيه بالظبط ؟
ميرى
دلوقت الناموسة لو مصت دم منى وأنا نايمة تكون كدة مصت كمان دم الرب إللي جوايا
الأب سمية
إحنا إشترطنا ما نتكلمش فى الكتاب المقدس
فصيح
بس كلام القديس بولس إسمه كذب ونفاق
الأب سمية
مش مشكلة المهم المصلحة
فصيح
مصلحة إيه ؟
الأب سمية
شوف أنا حاشرحلك المسئلة
انت مثلاً لو شوفت ماما وهى بتمد إيدها فى جيب بابا وهو نايم بيشخر وفاتح بقه زى البلاعة ولا على باله وبعدين طلعت المحفظة بتاعته وقعدت تفتش فيها وبعدين أخدت منها فلوس ، ولما باباك صحى من النوم إكتشف إن فلوسه ناقصة وقال مين إللي مد إيده على محفظتى وانا نايم ؟ ومفيش حد رد عليه فراح باباك جاب الإنجيل وقالك إحلف إنك ما شوفت حد جه جنب بنطلونى ومد إيده على محفظتى
إنت حيكون ردك إيه ؟ مع إنك حلفت على الإنجيل ؟ أكيد إنك حتنكر علشان ماتأذيش ماما وكدة تكون كدبت بس لهدف
فصيح
أولاً ماما مستحيل تعمل كده
ثانياً بابا بيقبض مرتبه ويديه لماما وماما بتديله مصروف زيه زينا ، ده غير التبرعات إللي بيطلبوها منا فى الكنيسة
الأب سمية
يابنى بقول مثلاً مثلاً
على رأى نجيب الريحانى
هى لزقت خلاص
أيوه البنت إللي هناك
إتفضلي
كامليا
أنا ليا جارة مسلمة ساكنة فى الشقة إللي قدامى كل ما تشوفنى وأنا لابسه الصليب فى رقبتى تقوللي
وَمَا قَتَلُوهُ وَمَا صَلَبُوهُ وَلَـٰكِن شُبِّهَ لَهُمْ وَإِنَّ الَّذِينَ اخْتَلَفُوا فِيهِ لَفِي شَكٍّ مِّنْهُ مَا لَهُم بِهِ مِنْ عِلْمٍ إِلَّا اتِّبَاعَ الظَّنِّ وَمَا قَتَلُوهُ يَقِينًا
أأقوللها إحنا ما اختلفناش فيه يا حبيبتى ولا كمان شكينا
تقوللي بأمارة إيه ؟
هاتيلي دليل
لما المسيح نفسه قال
كلكم تشكون في فى هذه الليلة
هو إنت مش عارفة إللي مكتوب فى كتابك
وكل ما أأقولها حاجة ترد عليا من الإنجيل
والأخر لما فاض بيا قلت لبابا بابا راح لأبونا فى الكنيسة وحكاله عن البنت دى
أبونا قال لبابا تجيلي بكرة زى دلوقت ولما بابا راحله
قال لبابا أنا عملتلهم عمل حيطفشهم من قدامكم وسلط عليهم جن نجس بيكره الطهارة ومش حيعجبه طهارتهم فحيضايقهم ويطفشهم
بس ما حصلش وفضلت البنت دى كل ما تشوفنى
تقوللي أنا قلبى عليك إسمعى كلامى
قلتلها لعلمك أنا مسلطة عليكم جن نجس حيأذيكى ويأذى أهلك لو مابعدتيش عنى قالتلي إحنا ما بيهمناش من الجن علشان بنقرا آية الكرسى والمعوذتين وربنا بيحفظنا
بابا راح لأبونا فى الكنيسة وقال يابونا العمل إللي عملته مش جايب نتيجة والبنت المسلمة قالت إنهم بيقروا آية الكرسى والمعوذتين ومش هاممهم من الجن
أبونا قال لبابا خلى بنتك تقول للبنت المسلمة لو إنتم عندكم كرسى واحد إحنا عندنا إتناشر كرسى حيقعدوا عليهم تلاميذ المسيح ويدينوا أسباط بنى إسرائيل الاثني عشر زى ما قال السيد المسيح
الأب سمية
وبعدين ؟
كامليا
لما قلت الكلام ده للبنت
ضحكت منى وقالت وهو المسيح جاب سيرة المسلمين
ده قال تدينون اسباط اسرائيل الأثنى عشر
دول بيضحكوا عليكم فى الكنيسة علشان تكرهوا المسلمين
ربنا هو إللي بيدين ويحاسب ومش حيقبل إلآ دين الاسلام
روحى لبتوع الكنيسة وقوليلهم يافاعلى الأثم
الأب سمية
المهم حصل إيه فى الآخر ؟
كامليا
أبونا نصحنا إننا نعزل فى مكان تانى وما نسكنش مع مسلمين
الأب سمية
كمان الحكاية دى تعلمنا إننا ما نختلطش بالمسلمين حتى لا يتزعزع إيمانا وناخد مشورة الكاهن فى الكبيرة والصغيرة ولو حصل إن أى مسلم كلمنا فى الدين نعمل ودن من طين وودن من عجين
مايكل
حضرتك ماقلتش إنت ليه مبسوط ومزاجك عالى
الأب سمية
ماأخبيش عليكم ياولاد علشان كمان تشاركونى فرحتى
التلاميذ
خير يابونا
الأب سمية
أنا فرحان علشان يوتا بقى أب
ميرى
أب كاهن ؟؟
الأب سمية
لأ أب كلب
لأن يوتا ده الكلب بتاعنا
أول مرة يخش دنيا ويبقى أب
تريزا
تصدق أنا إفتكرت إنه بقى أب زيك كدة يابونا وإنه بنى آدم مش كلب
الأب سمية
أصل الحكاية إن جارتنا الست أم مينا عندها كلبة إسمها مارثا وكانت لما تيجى عندنا البيت تسئل عن حاجة كانت مارثا تيجى وراها
والظاهر إن يوتا ومارثا إتجوزوا بعض من ورانا
وإمبارح بالليل إتفاجأت بجارتنا الست أم مينا جايبة سبت صغير ومتغطى بحتة قماشة
إفتكرت إنها جايبلنا أكلة كويسة زى عوايدها وكنا بنفكر فى نفسنا ياترى جايبالنا إيه معاها المرة دى وخصوصاً كنا بنشم ريحة الأكل وهو لسه فى إيدها والصراحة الواحد كان ريقه بيجرى من ريحة الأكل كل مرة بس المرة دى الريحة مختلفة وكمان مش غريبة وقعدت أأقول لنفسى ياترى أنا شميت الريحة دى فين قبل كده أينعم هى ريحة قريبة من ريحة المدام بتاعتى بس فيه ريحة زيها بالظبط على طول بأشمها
فين ياربى فين ياربى
ولقيت الست أم مينا بتقوللي إنت يابونا مش سامعنى ولآ إيه أنا بأكلمك
إنا عندى ليك مفاجأة وراحت كاشفة القماشة من فوق السبت لقيت جرو أبيض وجرو إسود وجرو أبيض على إسود وقالت إن دول ولاد الكلب يوتا وإن مارثا خلفت ستة
قلتلها ياااه معقول الكلب يوتا يعمل كده ويتجوز من ورانا
وما تتصوروش ياولاد أد إيه كانت فرحتنا والبوس إللي أخده يوتا وكأن إحنا إللي خلفنا وعملناله حفلة مخصوصة وشربنا كتير فى صحته
وإلآ ياولاد لما ولاد يوتا شافوا أبوهم صحيح الدم بيحن
ولاده جريوا ناحيته وكأنهم بيقولوا أبونا يوتا .. أبونا يوتا وهو قعد يشمشم ويلحس فيهم وكأنه بيقوللهم وحشتونى ياولاد الكلب
بعد كده أخدتهم يناموا فى الاوضه بتاعتى
وما تتصوروش فرحتى لما فتحت عينى الصبح
ولقيت الكلب يوتا نايم جنبى على السرير وواخد ولاده فى حضنه
نبيه
ليك حق يابونا يكون مزاجك عالى
الأب سمية
طبعاً بقى فى البيت أب تانى غيرى
ياه الوقت خدنا
أشوفكم الاسبوع الجاى
سلام
التلاميذ
سلام
وأخر دعوانا ان الحمد لله رب العالمين
لا شريك له
رد مع اقتباس
المشاركة الأصلية كتبت بواسطة showman
الجيش السوري الحر
المفضلات