لماذا الرجل يسمح له بالتعدد والمرأه لا يسمح لها .. ارجو المساعده

[صلاح عبد المقصود]

اقتباس

لقد سألت النصاري عن الحكمة من وراء الكثير من الامور الموجودة في ديانتهم, وكان الجواب
الوحيد لديهم على الامور التي لا يجدوا تفسيراً مقنعاً لها (ان الله هو من امر بهذا ونحن لا نستطيع ان نستجوب الله لنعلم منه لماذا امر بذلك).

نعم اخى الكريم ولكن فى الاسلام كل امر او نهى معروفة الحكمه من وراءه ولله الحمد والمنه

[صلاح عبد المقصود]

عنق الرحم يتكون من

جزء داخل المهبل يسمى Ectocervix
يكون طوله 3 سم وعرضه 2.05 سم
وله فوهه تفتح فى المهبل
ويكون هذا الجزء مبطن بنوع معين من الانسجه يسمى stratified squamous epithelium-


الجزء الاخر يكون داخل الرحم ويسمى endocervix

يفتح بفوهه داخل الرحم ويكون مبطن بنوع من الانسجه مختلف عن النوع الاول ويسمى simple columnar epithelium

وتكون هناك قناه بين الفوهتين تسمى قناة عنق الرحم

اذا قناة عنق الرحم تكون مبطنه من الداخل بنوعين من الانسجه مختلفين ومابين هذبن النوعبن توجد منطقه تسمى transformation zone

هذه المنطقه التى تسمى transformation zone
تتعرض الى تغيرات عديده فى نوعية النسيج المبطن لها اثناء الحياه العاديه
هذه التغيرات تسمى metaplasia

هذه التغيرات التى تسمى metaplasia
تزيد من احتمال تعرض عنق الرحم للاورام السرطانيه

اثناء الزواج تكون هذه الانسجه معرضه الى نوع واحد من السائل المنوى فتتعرف على ال ph
الخاص بهذا السائل المنوى فيكون هناك نوع واحد من الانسجه فى هذه المنطقه ولا تحدث
metaplasia
اذا تعددت السوائل المنويه التى تتعرض لها الانسجه المبطنه لقناة الرحم تزداد نسبة حدوث ال metaplasia
وتزيد معها نسبة حدوث الاورام السرطانيه فى عنق الرحم

اذا حدث انفصال بين الزوجين بالطلاق تحتاج هذه الانسجه الى 3 اشهر لتتغير بحيث تفقد قدرتها على التعرف على ال phالخاص بالزوج وتصبح مهيأه لاستقبال ph
جديد لزوج جديد

[kane the mask]

جزاكمـ الله الف خير اخواني على ردكم الجميل والمتواضع ..

فالنسبه لـ DNA قلت له عندما جاء الأسلام لم يكن هناك اجزه تحليل DNA فهل يعقل ان يسمح الأسلام بتعدد عند توفر الأجهزه الخاصه .. وأيضا بالنسبه للواقي الذكري اجبت بأنه لم يكن يوجد الواقي الذكري في ذلك الزمان .. وأيضا قلت ان المرأه ضعيفه في الغالب .. فلربما لو كان لديها اكثر من زوج ولو حدث بينهم خصومات فمن يستطيع ايقافهم فحيث تزيد الغيره بينهم ويزداد الخصام يوميا فهل من المعقول العيش بهذا النمط لطوال العمر ..

وأيضا عدد المرأه في المجتمع يكون اكثر من عدد الرجال .. وحيث ان بعض الرجال يتهربون من الزواج والبعض الأخر شواذ فلو اعتبرنا ان جميع الرجال في العالم تزوجوا امرأه واحده فسيبقى الكثير من العوانس فما بالكم بالرجال الشواذ او الذي لايريد الزواج بسبب مشكله ما في نفسه او في اعضائه .. فسوف يخلف المزيد المزيد من العوانس .. أما المرأه لا تمانع من الزواج ..

بتوفيق الله سبحانه وتعالى ثم مساعدتكم النبيله افحمته حتى توقف عن الرد ..

اللهم لاتشغلنا الا في طاعتك ..

[أسد هادئ]

بالنسبة لهذا الموضوع

فالرد اللي دايما بكرره ولن أمل من تكراره .. هو الرد التالي

لكن قبل الرد لازم أقول .. موضوع تعدد الزوجات مينفعش نتعامل معاه بأننا في موقف دفاعي ، بل هو موقف هجومي على كل من يرفضه كمبدأ ..

ردي هو :-
---------------------------------------------------

موضوع تعدد الزوجات غالباً بيتخذ على انه نقد للإسلام

في الواقع أنا عايز أتخذه نقد للمسيحية ، أو للمذاهب التي تمنعه .. فهناك طوائف مسيحية تبيح التعدد

لكن أنا عايز أسأل سؤال

هل منع تعدد الزوجات صالح لكل زمان ولكل مكان ؟؟

بالخصوص .. في حالة الحروب مثلا

في حالة الحروب الطويلة بالأخص .. لأن الحروب .. بيحصل فيها ثلاث حاجات أساسية

الأولى ((بشر)) كتير جداً من أهل البلد بيموتوا

والثانية .. الغالبية العظمى من اللي بيموتوا من الرجال

وده بديهي جداً لأن اللي بيحاربوا النسبة الكاسحة منهم من الرجال

والثالثة .. كثرة الأرامل وأطفالهن .. يعني النساء اللي أزواجهن ماتوا

ففي الحالة دي .. احنا من ناحية عايزين ومحتاجين نزود عدد البشر تاني..وده مبيحصلش غير بالزواج والإنجاب

لكن في المقابل عدد النساء اللي هيولدوا الأطفال .. كبير جداً جداً بالنسبة لعدد الرجال بسبب الحرب اللي مات فيها رجال كتير ..

ولو مزودناش عدد المواليد ... ممكن الأعداء أصلا يهجموا .. ويفنوهم بقى خلاص ، ما الرجالة بيقلوا ومفيش تعويضات ..

فايه الحل في الموقف ده مثلا ؟؟

في نظري هناك حلان ..

الأول هو تعدد الزوجات .. كل راجل مثلا يتجوز أكثر من واحدة وده هيحقق هدفين

الأول أنه هيصرف على الست دي اللي مبقاش فيه حد بيصرف عليها ولا على عيالها
والثاني مضاعفة النسل .. فبدل مثلا ميكون بيجيب طفل كل سنة .. ممكن يبقوا اتنين أو تلاتة

والحل التاني هو الزنا برضه بهدف الإنجاب

فهل يوجد حضرتك حل ثالث ؟؟

وطبعا فيه مثال مشهور ومعروف جداً من التاريخ على الموضوع ده


من "قصة الحضارة"
---------------------------------------------


هبطت حرب الثلاثين بسكان ألمانيا من 20.000.000 إلى 13.500.000. وبعد عام أفاقت التربة التي روتها دماء البشر، ولكنها ظلت تنتظر مجيء الرجال. وكان هناك وفرة في النساء وندرة في الرجال. وعالج الأمراء الظافرون هذه الأزمة البيولوجية بالعودة إلى تعدد الزوجات كما ورد في العهد القديم. ففي مؤتمر فرانكونيا المنعقد في فبراير 1650 بمدينة نورمبرج اتخذوا القرار الآتي:-
"لا يقبل في الأديار الرجال دون الستين... وعلى القساوسة ومساعديهم (إذا لم يكونوا قد رسموا)، وكهنة المؤسسات الدينية، أن يتزوجوا.... ويسمح لكل ذكر بأن يتزوج زوجتين، ويذكر كل رجل تذكيراً جدياً، وينبه مراراً من منبر الكنيسة، إلى التصرف على هذا النحو في هذه المسألة(1)".
وفرضت الضرائب على النساء غير المتزوجات(2). وسرعان ما أعادت المواليد الجديدة المساواة التقريبية بين الجنسين، وأصرت الزوجات على ألا يقاسمهن أحد في رجالهن. واستعاد السكان كثرتهم سريعاً، فما وافى عام 1700 حتى ارتفع عددهم ثانية إلى عشرين مليون من الأنفس. وبنيت مجدبورج من جديد، وبعثت الأسواق الحياة والنشاط في ليبزج وفرانكفورت-أم-مين، وخرجت همبورج وبريمن أقوى مما كانتا. على أن الصناعة والتجارة استغرقتا أكثر من مائة عام حتى تدركا مستواهما الذي كانتا عليه في القرن السادس عشر. فالسويديون والهولنديون يسيطرون على مصاب الأودر، والألب، والرين، والنقل بالمحيط يحدث ركوداً نسبياً في النقل البري،
---------------------------------------------------------------------------

فسؤالي هو .. ما حل المانعين للتعدد في هذا الموضوع علما أنكم بتعتبروا تعدد الزوجات زنا أو إهانة ...

وهل المسيحية أو الأفكار الإلحادية العقلية بالطريقة دي قابلة للتطبيق في كل زمان ومكان ، وهل هي صالحة للواقع ؟؟

طبعا فيه امتيازات أخرى هائلة لموضوع تعدد الزوجات ... لكن أنا اخترت النقطة دي مخصوص ، لأني مش شايف فيها أي حل تاني ...

----------------------------------------------------

و أيضاً مسألة ال DNA حتى ، وكون الإسلام ظهر قبل الـ DNA

ممكن الشخص يقول ده يدل على عدم صلاحية الإسلام ، أو ان التشريع الإسلامي كان _أستغفر الله_ لا يعلم المستقبل..

لكن حتى لو ال DNA وصل درجة دقته لـ 100% كافتراض، فهل هناك رد على مسألة الحروب ؟؟


عموما ده نقل لحوار بيني وبين أحد المسيحيين في البشارة ، بعد ما قلت الرد ده ، وسألته ايه حل المسيحية اللي ممكن تقدمه ؟؟

قال
____________________________
موضوع تعدد الزوجات جاء حل لمشاكل وضعها المسلم نفسه فالاغارات والغزوات والحروب
جهادكم لانتشار الاسلام بالسيف

______________________________

فقلت


______________________

للأسف ده مبرر انت بتحاول تبرر بيه لنفسك ، لعدم وجود إجابة منطقية على سؤالي ايه الحل اللي المسيحية بتقدمه ، واللي بيأكد كلامي عن المثالية اللاواقعية للمسيحية ..

حرب الثلاثين عاما اللي ذكرتها لحضرتك ، كانت حرب بين مسيحيين و مسيحيين .. المسلمين ملهمش أي علاقة بيها من قريب و لا من بعيد .. يعني ده شأن مسيحي خاص ..ايه علاقة بقى كلامك اللي فوق بسؤالي ؟؟

عموما سؤالي عن الحل اللي المسيحية بتقدمه للحالات المشابهة لا يزال قائما ، أول ما تجد حل منطقي ابقى اعرضه مفيش مشكلة ..
______________________________


فقال هو

________________________________


فى الصين حتى يقللوا عدد السكان حددت حكومة الصين
منذ عدة سنوات ان لكل اسرة مولود واحد فقط
فكل اسرة كانت تريد ان تنجب ولد ليحمل لقب العائلة (تفكير خاطىء)
فكل امرأة تنجب بنت يغرقوا الطفلة و يكذبوا بعدها فيقولوا ان المولود جاء ميت مخنوق
(قتل كما يحدث فى الحرب فهذا عمل خاطىء)
النتيجة زاد عدد الرجال عن عدد السيدات بعددة اضعاف
سؤالى هنا
فهل لحل هذة المشكلة ان يتم تزويج المرأة لأكثر من راجل
و نقبل تعدد الأزواج لحل مشكلة سببها خطاء فعلة البشر
تماما مثل حرب التلاتين سببها البشر و ليس الله
فعلى البشر ان يتحملوا نتائج اخطاهم
مسيحيين ام غير مسيحيين
طالما لم يخضعوا لامر الله وخالفوه بالدخول فى الحروب
عليهم ان يتحملوا نتيجة زرعهم
هذا عقاب الله لهم
فالمسيحية رافضة للقتل و الحروب
وان اخطأ شخص مسيحى لأنه لم يسمع كلام المسيح يتحمل نتيجة غلطه
فالحرب فى الثلاثينات هى خطية فعلها المسيحيين و ليس امر من الله
و كما ان الله الذى خلقنا يريد ان كل البشر ان يدخلوا الفردوس
و لم يحدث ذلك لأنه يوجد من يبن البشر لا يريدون الله و انما يريد الشيطان
و بالتالى يدخلوا الجحيم
و الحقيقة ان الله لا يبارك الحرب و القتل و بالتالى هى خطية من البشر عليهم ان يوقفوها فورا
كما ان التلوث للطبيعة خطية و بالتالى تؤثر على صحتنا
فلا نعالج الخطاء بخطاء اخر و انما علينا برفض الحروب
و كما ان الله خلق حواء واحدة و أدم واحد يكون الرجل يتزوج بمرأة واحدة فقط
___________________________________


فقلت

___________________________

أنا مقصرتش الغرض على التعدد .. لكن تحدثت عن هذا الموضوع بالذات لأهميته ولأنه لا يوجد حل آخر إلا تعدد الزوجات ...

هناك مواضع أخرى لم أذكرها يكون الأفضل فيها تعدد الزوجات (وأعنى بالأفضل الأكثر فائدة) ، لكن ربما يستطاع التجاوز بمشقة كبيرة..

مثلا الزوجة مريضة لا تستطيع مساعدة زوجها ..

الزوجة لا تستطيع الإنجاب والرجل يريد ولداً

وجود مرأة تحتاج من يعولها وهي أرملة مثلا .. وبالتأكيد الشاب لن يتزوج مطلقة في الغالب لكن الرجل المتزوج يقبل ..

ممكن تيجي تقول .. طيب نعمل ايه لو الراجل هو اللي عقيم مثلا ؟؟

أقولك .. ساعتها ممكن يحصل الانفصال .. والفرق الواضح جدا .. ان الراجل هو اللي بصرف على المرأة وهي محتاجة له في المصاريف .. فلو طلقها لأن هي مش يتنجب .. يبقى ظلمها ورماها في الشارع لسبب هي مالهاش دخل فيه ..

إنما لو حصل العكس .. المرأة اللي جوزها بيصرف عليها .. هي المسئولة عن قرارها .. تختار انها تنفصل عنه لأنه لا ينجب وهي اللي تختار انه لا يعود يصرف عليها ..

ده غير ان التعدد قد يكون رغبة الإنجاب بدون الحروب

المرأة بتاخد في الطقل الواحد 9 أشهر

إنما الرجل معندهوش المشكلة دي ..

..
طيب بالنسبة لموضوع الصين بقى ..

انت مش شايف ان دي مشكلة هم صنعوها بنفسهم ؟؟ وحلها بسيط جدا انهم يوقفوا وأد البنات..

فرق شاسع بين الحروب ووأد البنات يا عابر

الحروب هذه ضرورة أصلا ، ولا يوجد عالم بلا جروب ..ولا يمكن تخيل عالم بدونها أصلا ... لكن يمكن جداً تخيل عالم بدون وأد للبنات وهذا لا مشكلة فيه ..

انظر حتى للتاريخ ... قبل الإسلام _لأني لا أدري لماذا تحاول أن توحي أن الإسلام هو مصدر الحروب_

هل العراق القديمة مكنش فيها حروب ؟

الفراعنة .. مكنش فيه حروب ؟؟

العهد القديم كله اللي حضرتك بتؤمن بيه .. مكنش فيه حروب ؟؟

الرومان مكنش فيه حروب ؟

اليونان مكنش فيه حروب ؟؟

الفرس والروم مكنش فيه حروب ؟؟

كل ده قبل الإسلام أصلا .. فالحروب شيء موجود في العالم لا يمكن تغييره أصلا ... بخلاف موضوع وأد البنات فهو سهل التغيير جداً وسهل الامتناع ، ده غير ان المجتمع اللي بيوافق عليه هو نفسه اللي بيتأذى بيه وفقط ..

لكن الحروب شيء واقع ولا يمكنك منعه ، حتى لو مكنش فيه إسلام خالص .. لأني أوضحتلك تاريخيا ان الحروب و بكل بساطة تحدث في كل حين

وأكرر فقط أنه ليس الهدف الوحيد من تعدد الزوجات هو التعويض عن الحروب ، لكنه السبب الذي لا يستقيم فيه الأمر بدونه في رأيي

ودي هي مسألة الواقعية اللي أنا بتكلم فيها .. إذا استطعت إقناع العالم كله بفكرة التوقف التام عن الحروب ..ساعتها ممكن أسمعلك .. لكن ده مش هيحصل ..

نيجي بقى لقولك ... وأد البنات أوقعهم في مشكلة ، والحروب أوقعت في مشكلة أيضاً

ممكن أقولك الحروب لها أهداف أصلا لا يمكن الاستغناء عنها ..

لكن اللي هقوله لك بهدف إنهاء النقطة دي و بفرض مجرد فرض سخيف ان الحروب ملهاش أي فائدة ...

هسألك سؤال آخر و يا ريت ترد عليه مش زي السابق ...

الناس اللي اتهجم عليها و كانوا في موقف المدافع .. ايه الحل عندهم ؟؟

لاحظ بقى ان دول و لا غلطوا و لا أي شيء ( في وجهة نظرك طبعا) .. يعني ملهمش أي دخل في اللي بيحصل .. دول و بكل بساطة هجم عليهم جيش ، وهم لم يكونوا راغبين في حرب ، لكن اضطروا للدفاع عن أنفسهم مثلا .. واتقتل منهم الكثير من الرجال المحاربين وانتصروا ..

أديني كده خرجت من نقطة كون احنا اللي سببنا الحرب و احنا نتحمل النتيجة .. وأنا تجاوزت عن وصفك للحرب بالشيء السيء دائما ، بل الحرب قد يكون لها أهداف مطلوبة .. لكن أنا بفضل ده في موضوع لوحده ، فمش هتكلم عن المهاجمين .. هتكلم عن الناس اللي وقع عليهم الأمر الواقع

يعني في حرب الثلاثين عاما دي ... فيه طرف هجم على الطرف الثاني وقضى على الرجال .. نسيبنا من الطرف الأول خالص لو عايز (رغم ان ده بيتوقف على الأسلوب والهدف و غير ذلك )، وخلينا في الطرف الثاني ... تقدر تقولي دول ايه اللي عملوه كخطأ ؟ وتقدر تقولي الحل اللي المسيحية بتقدمه ..مجدداً ؟؟؟

الخلاصة :-

وأد البنات خطأ أولا غير لازم الحدوث بل وغير طبيعي الحدوث .. وهو قتل بدون وجه حق ، وميفرقش كتير عن انك تجمع كل النساء في المدينة وتطلق عليهم النار .. وبعدين تقول معنديش نساء ، بخلاف الحروب التي هي طبيعية الحدوث وإن كانت مختلفة الوسيلة والهدف فبعض الأهداف مطلوبة وبعضها قذرة ...
المجتمع الذي يرضى بوأد البنات والذي هو جريمة هو فقط من سيتحمل هذه العواقب
بفرض أننا نتحدث عن المهاجمين بأغراض قذرة لا يستحقون مثلا .. فما الحل بالنسبة للمدافعين أنفسهم الذين لم تكن لهم أي أغراض قذرة ؟؟ فبالتالي موضوع الحرب قد تكون أنت المتسبب فيه لأجل هدف مشروع وقد تكون مجبراً عليه ..

مثال مثلا للحروب التي تبدأها أنت ...

شوف مثلا. .لو انت عندك جاسوس في دولة عينة أنبأك بما لا يدع مجالا للشك أن هذه الدولة تتجهز وبشدة للهجوم عليك في العام القادم ..

هل العقل والمنطق أن تنتظرها لتدمر بلدك والبنية الأساسية ؟؟ أم تسبق بالهجوم قبل التجهيز ؟؟

فبالتالي حتى لو هجمت أنت و قتل من رجالك الكثير .. فأنت أيضا تحتاج لتعدد الزوجات في مجتمعك لتعويض القتلى لذين قد يصلون إلا ملايين .. وهذه الحرب لا مفر منها أصلا .. بخلاف ود البنات الذي هو قتل عمد للأطفال ، و هو ليس بمطلوب ولا محتاج أصلا ،ويجب على أهل هذه المجتمعات من البداية التصدي لهذه الجريمة وفي وسعهم منعها كما منعها الرسول عليه الصلاة والسلام عند العرب ، بينما الحروب فليس في وسع أحد منعها أصلا ...

هل وضحت الصورة ؟؟

وفي النهاية فليس هذا السبب الوحيد لتعدد الزوجات إطلاقا لكنه السبب الذي لا يمكن تلافيه و الإنسان مجبر عليه ، لكن هناك أسباب أخرى يكون الحل لها هو تعدد الزوجات ولكنه قد لا يكون الحل الوحيد

مثلا امرأة لها أبناء و بنات وتوفي زوجها وهي تحتاج أن تصرف على أولادها ..
دي الأسهل والأفضل انها تتزوج رجلا يصرف عليها ؟؟

ولا انها تروح تشتغل خدامة في بيوت الناس تاخدلها ميت جنيه في الشهر متعرفش تعمل بيهم ايه ولا ايه ؟؟

مثلا امرأة عقيم لا تنجم ولكن تريد الزواج .. هل فيه شاب مثلا هيكون قبل الجواز نفسه مدرك ان اللي قدامه دي عقيم ، وهيفضلها على غيرها ؟؟

أكيد لأ ، لكنه ممكن يتزوجها كزوجة ثانية من باب إعفافها حتى ولو لم تنجب ..

وغير كده كثير ، ده غير انه وبكل بساطة الفطرة لا تناقض أن يتزوج الرجل أكثر من امرأة وهو سينجب من كل واحدة على حدة ، لكن إن تزوجت امرأة أكثر من رجل كما تقول وكما أوضحنا بطلان سببه ، فالابن ده هيكون ابن مين إن شاء الله ؟؟ وعلى كل النقطة دي مش موضوعنا الأساسي لكني زلت مننتظر ردك على ما سلف

____________________________________

وفي النهاية وصلنا للنتيجة المضحكة في الواقع


يقول

-----------------------------------------------------
ولما لا نتخيل العالم دون حروب
ان كانت الفضيلة ستسود من الطبيعى ساعتها عدم الحروب
اشكركم لاحتوائكم وجودى بكل احترام
وتشرفت وفهمت وزدتونى نورا وفهما وثقة بشرح
----------------------------------------------------

فقلت
------------------------------------------------------------
أديك عرفت بنفسك .. الفرق بين الإسلام والمسيحية يا ضيفنا الكريم ..

الإسلام مش بيخلينا "نتخيل" ونعيش في الوهم ..

المسيحية حسب طائفتك .. بتخليك تعيش في الوهم للأسف .. وتتخيل حاجة عمرها ما حصلت في التاريخ ...

طيب برضه هخليني ماشي معاك لما نشوف هنوصل لفين ..

بفرض المسيحيين دول الطيبة كلها .. وعمرهم مبيبدأوا اي حرب

_رغم ان التاريخ يثبت أن أبشع المجازر ارتكبت تحت راية الصليب ، أو ..قام بها مسيحيون ولو لم تكن تحت راية الصليب_

لكن برضه خلينا "نتخيل" ضمن التخيلات والأوهام زي مانت عايز ان الكلام ده محصلش ، والمسيحيون دول مفيش فيهم أي داع للحروب..

برضه لا يزال السؤال قائماً .. لما ناس مش مسيحيين يهجموا عليكم ويقتلوا منكم الرجال .. أهه حاجة مش بإرادتكم خالص ولا لكم دخل في حدوثها ... ايه الحل اللي المسيحية هتقدمه ، عشان المسيحيين مينقرضوش أو ميقلوش قلة مهولة ؟؟

شوف دي المرة الكام اللي أسأل فيها نفس السؤال ...

ولا حضرتك عايزنا .. نتخيل ان العالم كله مسيحيين ..

ونتخيل ان المسيحيين كلهم طيبين مفيش منهم أي داعي للحرب

الكلام ده بيؤصل ويؤكد نفس اللي أنا عمال أقوله من ساعتها ... المسيحية ديانة تصلح للأوهام والخيالات والعالم المثالي .. إنما لا تصلح للواقع إطلاقا ...

الحرب شيء مش بمزاجك انت مجبر عليه .. جيش جاي يهجم عليك هـ "تتخيل" انك هتقوله "كدة غلط" .. وهـ"تتخيل" برضه انه هيتكسف ويروح يعني ؟؟

صدقني لا مفر من الاعتراف بأن مبدأ منع تعدد الزوجات لا يصلح ..

فإما انك تعترف ببطلان المسيحية إذا أصريت على عدم الاعتراف بكلام الإخوة... أو ببطلان الطوائف الثلاث الأساسية فيها على الأقل اللي انت منهم ، وتتحول لمسيحي من المورمون ، لأنهم يؤمنون بتعدد الزوجات ...

--------------------------------------


وانتهينا على هنا

وتكملة للرد على موضوع الصين هذا

فكما قلنا .. الحروب شيء إجباري تضطر له بالخروج على إرادتك كمجتمع ..

بينما الوأد هذا لا اضطرار فيه بل هو تخلف وهمجية لا أكثر ولا يوجد أي اضطرار ..

ويمكن للمجتمع بكل بساطة أن يصدر قانونا لتجريم الوأد واعتباره جريمة قتل ..

أو قانونا بمنع زواج الذكور من صينيات ، لكل أب وأد ابنته ..

ويتم ذلك عن طريق إلزام كل طبيب بإثبات الجنين ساعة الحمل ثم تقديم هذه الأوراق

-----------------
لكن هل يمكن تصدر قانون تمنع بيه الدول التانية انها تهاجمك؟؟

[محبه الناس]

اقتباس

الموضوع أهه
لماذا الرجل يسمح له بالتعدد والمرأه لا يسمح لها .. ارجو المساعده

عايز حضرتك تردي على مشاركتي فيه ، و تردي في نفس الموضوع هناك .. ممكن ؟؟

صباح الخير استاذ اسد هادىء ... هو بناء على طلب حضرتك بس انا جيت هنا و قريت مشاركتك و مشاركه الاخرين إلى لى تعليق كثير عليها بس احب احتفظ بيه لنفسى. اما عن طلب حضرتك إنى ارد....فأنامش عارفا انا خايفا ردى يزعل مسيحيين و مسلمين..انا مش عارفا بقا.
بس ردى اصلن على السوءال:
لماذا الرجل يسمح له بالتعدد والمرأه لا يسمح لها .. ارجو المساعده
انا مش مستوعبه السوئال اصلن!!
إن كان مخى ممكن يستوعب تعدد زواج الرجل فمخى مش قادر يستوعب تعدد زواج المرأه!!
لسبب بسيط إن الله خلق المرئه كبنيان جسدى مختلف عن الرجل فيجب ان نقر اولا بهذا الإختلاف. و يختلاف البنيان بإختلاف دور كل واحد فيهم.
فيجب ان نقر ايضا أن يختلف دور الرجل عن دور المرأه.
و بما إن المرأه هى اللتى تحمل بالطفل و لمعرفه النسب و منع لإختلاط الانساب لا يمكن ان تجمع المرأه بين زوجين....
و غير كدا ارى إن السوئال موضوع بطريقه إنه يريد إظهار إن للرجل ميزه اكثر من المرأه!! هذه الميزه اعطاها الله للرجل لإختلاف بنيان جسمه عن المرأه.. طب انا ممكن اسئل بردو ليه الست هى إلى تحمل 9 شهور و تتحمل الام الولاده الرهيبه و ليه الراجل ميحصلش فيه كدا مش ده بردو يعتبر تفضيل؟؟ بس هذه مشيئه الله !
من الاخر انا مش قابله اصلن هذا السوئال..
فلا يجب ان نقارن الرجل بالمرأه ففى القرأن قال الرجال قوامون على النساء و فى الإنجيل قال إن الرجل هو رأس المرأه .."لان الرجل ليس من المرأة بل المرأة من الرجل.
1 كو 11: 9 ولان الرجل لم يخلق من اجل المرأة بل المرأة من اجل الرجل. " و فى نفس الوقت لا تتناقص اهميه المرأه فى المجتمع عن اهميه الرجل فبدون مرأه لن يكون هناك مجتمع و بدون رجال لن يكون هناك مجتمع فيجب وجود الترفين لبنايه مجتمع متكامل متكاثر.
و لاكن نقطه الحوار لا يوجد اصلن نقاش فيها لإن الله خلق هذا الإختلاف.
بمعنى إن تزوج الرجل عشر سيدات و حبلت العشره لن يكون هناك شك فى نسب العشر اطفال لهذا الرجل.
و يختلف النساء فى هذا: لو تزوجت المرأه عشر رجال عند حملها لن يتمكن احد فى تحديد نسب هذا الطفل! و إن كان على DNA فهذا شيء حديث و لا يتوافر إلى يومنا هذا فى كل انحاء العالم و حد علمى هو باهظ الثمن.. و لا يمكن الإعتماد عليه100X100.. و إن إعتمدنا عليه نحن فى ايامنا هذه ماذا هو الحال للخليقه من بدايه العالم حتى يومنا هذا.

و كلامى هذا لا يعنى إنى مقتنعه بتعدد الزوجات للرجل و هذا بخلاف المملوكات و ده غير زواج المتعه. ده غير زواج المحلل. فهذا كله انا مش قادره استوعبه.
اما عن مشاركت حضرتك..... عندى تعليق بس حسى إن افكارى و كلامى كله مشتت و محتاجه اقرى كلام حضرتك تانى بتمعن علشان اعرف احدد إجابتى.

[believer]

اقتباس

بواسطة محبة الناس
كلامى هذا لا يعنى إنى مقتنعه بتعدد الزوجات للرجل و هذا بخلاف المملوكات و ده غير زواج المتعه. ده غير زواج المحلل. فهذا كله انا مش قادره استوعبه.

يا سيدتى يجب ان تعلمى أن نظام ملكة اليمين هو تشريع مؤقت لفترة انتقالية حتى يتم التخلص تدريجيا من الرق الذى كان موجودا أثناء الدعوة فى بدايتها لانه لا يوجد بعد الاسلام رق و لايوجد من ينطبق عليهم وضع ملكة اليمين بعد الاسلام الا فى حالات استثنائية اذا تم الاضطرار لذلك بعد حرب شنها أعداء على المسلمين و لتكون المعاملة بالمثل ، فهو اما تشريع مؤقت لفترة انتقالية فى بداية الدعوة حتى يتم الانتهاء من هذا الجيل من الإماء ، لأنه ببساطة شديدة لا يوجد مصدر للحصول منه على إماء بعد الاسلام او أنه تشريع طوارىء او اضطرارى فى حالة أسر محاربات بادأوا المسلمين بالحرب و ليس قانونا منهجيا يقوم المسلمين بتطبيقه كما يحاول المدلسين تصويره بمعنى ان المسلمين يشنون الحروب لأسر نساء و اعتبارهم ملكة يمين ، اما ما يكون قد حدث من تجاوزات فى التاريخ من عدم الالتزام بذلك فهو خطأ فى التطبيق و ليس فساد فى التشريع و ليس حجة على التشريع القرآنى .
فالاسلام لم يخترع الرق و كان موجودا فى كل المجتمعات و فى بداية الدعوة كان هناك آلاف من الإماء اللاتى كانوا يستغلوا و تساء معاملتهم و ينتجون أبناء غير معلوم آبائهم ...الخ و لذلك جاء هذا التشريع الالهى المحكم لكى يتم تنظيم حياتهم و منع استغلالهم كرقيق و تساء آدميتهم و كذلك فتح الطريق لعتقهم و اعطائهم حريتهم بعد الانجاب و يكون أولادهم احرارا بعد الولادة بدلا من استمرارهم كعبيد .

و عندما قامت حرب البوسنة منذ 15 عاما قام الجنود الصرب باغتصاب عشرات الآلاف من النساء المسلمات و الاغتصاب طبعا متكرر أى يمكن ان الفتاة الواحدة يغتصبها 20 فرد و بذلك ستنجب هؤلاء المساكين أبناء ليس معلوم آبائهم و هذا بخلاف الاذلال و الرعب الذى تعرضوا له و الأمراض التى ستتلو هذه الفوضى ، و لذلك فان التشريع القرآنى هو موضوع نظام اجتماعى أخلاقى ينظم آلاف الحالات التى كانت موجودة بالفعل فى المجتمع و لم يسترقهم المسلمين منعا للتنكيل بهؤلاء النساء كبشر سوف يعتبرهم الناس لا سعر لهم و يحق اغتصابهم أو عملهم بالدعارة ...الخ و هذا التشريع الموضوع من 1400 سنة يثبت موضوع الصرب - الذى تم فى عصر حقوق الانسان من 15 سنة فقط - أنه تشريع أخلاقى لحماية نساء مغلوبين على أمرهم .

و الاسلام هو الدين الوحيد الذى شرع للتخلص من الرق و حث عليه و الآيات كثيرة على ذلك ومنها :
سورة البلد
فَلَا اقْتَحَمَ الْعَقَبَةَ{11} وَمَا أَدْرَاكَ مَا الْعَقَبَةُ{12}{ 13فَكُّ رَقَبَةٍ
سورة البقرة
لَّيْسَ الْبِرَّ أَن تُوَلُّواْ وُجُوهَكُمْ قِبَلَ الْمَشْرِقِ وَالْمَغْرِبِ وَلَـكِنَّ الْبِرَّ مَنْ آمَنَ بِاللّهِ وَالْيَوْمِ الآخِرِ وَالْمَلآئِكَةِ وَالْكِتَابِ وَالنَّبِيِّينَ وَآتَى الْمَالَ عَلَى حُبِّهِ ذَوِي الْقُرْبَى وَالْيَتَامَى وَالْمَسَاكِينَ وَابْنَ السَّبِيلِ وَالسَّآئِلِينَ وَفِي الرِّقَابِ

[أسد هادئ]

اقتباس

صباح الخير استاذ اسد هادىء ... هو بناء على طلب حضرتك بس انا جيت هنا و قريت مشاركتك و مشاركه الاخرين إلى لى تعليق كثير عليها بس احب احتفظ بيه لنفسى. اما عن طلب حضرتك إنى ارد....فأنامش عارفا انا خايفا ردى يزعل مسيحيين و مسلمين..انا مش عارفا بقا.
بس ردى اصلن على السوءال:
لماذا الرجل يسمح له بالتعدد والمرأه لا يسمح لها .. ارجو المساعده
انا مش مستوعبه السوئال اصلن!!
إن كان مخى ممكن يستوعب تعدد زواج الرجل فمخى مش قادر يستوعب تعدد زواج المرأه!!
لسبب بسيط إن الله خلق المرئه كبنيان جسدى مختلف عن الرجل فيجب ان نقر اولا بهذا الإختلاف. و يختلاف البنيان بإختلاف دور كل واحد فيهم.
فيجب ان نقر ايضا أن يختلف دور الرجل عن دور المرأه.
و بما إن المرأه هى اللتى تحمل بالطفل و لمعرفه النسب و منع لإختلاط الانساب لا يمكن ان تجمع المرأه بين زوجين....
و غير كدا ارى إن السوئال موضوع بطريقه إنه يريد إظهار إن للرجل ميزه اكثر من المرأه!! هذه الميزه اعطاها الله للرجل لإختلاف بنيان جسمه عن المرأه.. طب انا ممكن اسئل بردو ليه الست هى إلى تحمل 9 شهور و تتحمل الام الولاده الرهيبه و ليه الراجل ميحصلش فيه كدا مش ده بردو يعتبر تفضيل؟؟ بس هذه مشيئه الله !
من الاخر انا مش قابله اصلن هذا السوئال..
فلا يجب ان نقارن الرجل بالمرأه ففى القرأن قال الرجال قوامون على النساء و فى الإنجيل قال إن الرجل هو رأس المرأه .."لان الرجل ليس من المرأة بل المرأة من الرجل.
1 كو 11: 9 ولان الرجل لم يخلق من اجل المرأة بل المرأة من اجل الرجل. " و فى نفس الوقت لا تتناقص اهميه المرأه فى المجتمع عن اهميه الرجل فبدون مرأه لن يكون هناك مجتمع و بدون رجال لن يكون هناك مجتمع فيجب وجود الترفين لبنايه مجتمع متكامل متكاثر.
و لاكن نقطه الحوار لا يوجد اصلن نقاش فيها لإن الله خلق هذا الإختلاف.
بمعنى إن تزوج الرجل عشر سيدات و حبلت العشره لن يكون هناك شك فى نسب العشر اطفال لهذا الرجل.
و يختلف النساء فى هذا: لو تزوجت المرأه عشر رجال عند حملها لن يتمكن احد فى تحديد نسب هذا الطفل! و إن كان على DNA فهذا شيء حديث و لا يتوافر إلى يومنا هذا فى كل انحاء العالم و حد علمى هو باهظ الثمن.. و لا يمكن الإعتماد عليه100X100.. و إن إعتمدنا عليه نحن فى ايامنا هذه ماذا هو الحال للخليقه من بدايه العالم حتى يومنا هذا.

و كلامى هذا لا يعنى إنى مقتنعه بتعدد الزوجات للرجل و هذا بخلاف المملوكات و ده غير زواج المتعه. ده غير زواج المحلل. فهذا كله انا مش قادره استوعبه.
اما عن مشاركت حضرتك..... عندى تعليق بس حسى إن افكارى و كلامى كله مشتت و محتاجه اقرى كلام حضرتك تانى بتمعن علشان اعرف احدد إجابتى.

بسم الله الرحمن الرحيم

أشكر حضرتك لتلبية طلبي جداً .. أشكرك

ثانياً أنا مطلبتش من حضرتك الرد على عنوان الموضوع ، لأن لو حضرتك لاحظتي الموضوع مش موضوعي بالأساس، فأنا كنت طلبت من حضرتك الرد على مشاركتي الأخيرة و إبداء رأيك فيها مش في عنوان الموضوع خالص..

فطلبي لا يزال كما هو يا ضيفتنا الكريمة ..

اقتباس

و كلامى هذا لا يعنى إنى مقتنعه بتعدد الزوجات للرجل و هذا بخلاف المملوكات و ده غير زواج المتعه. ده غير زواج المحلل. فهذا كله انا مش قادره استوعبه.
اما عن مشاركت حضرتك..... عندى تعليق بس حسى إن افكارى و كلامى كله مشتت و محتاجه اقرى كلام حضرتك تانى بتمعن علشان اعرف احدد إجابتى

أما عن كون حضرتك " مش مقتنعة" فأنا هأجل التعليق عليها لحد ما حضرتك تعلقي على مشاركتي اللي فوق إن شاء الله براحتك ..

و موضوع ملكات اليمين مرتبط جداً بنفس الموضوع ده موضوع تعدد الزوجات ..

خدي بال حضرتك وجهة النظر في المشاركة اللي فوق هي مجرد زاوية واحدة فقط من الزوايا .. يعني ده مش السبب الوحيد اللي يخليني مقتنع تماما بتعدد الزوجات بل فيه زوايا أخرى كتير .. لكن خلينا في دي الأول .. و ملكات اليمين هتقترن بيها بصورة أو بأخرى وإن كنا هنضيف أشياء فيها بإذن الله.

أما زواج المتعة فهو محرم .. يعني زواج المتعة زنى .. حاجة صريحة كده .. طبعا ممكن نتناقش فيه بالتفصيل ~لأن الموضوع فيه تفصيل شوية نظرا لتأخر حكم تحريمه .. لكن لو حضرتك عايزة المفيد النهائي فهو زواج باطل..

زواج المحلل زنى .. و لو عايزين نتناقش فيه بالتفصيل زي المتعة مش هنعرف لأن مفيهوش تفصيل .. و فيه نص صريح من الرسول:salla-s: " لعن الله المحلل و المحلل له" ..

فياريت حضرتك تتأكدي من المصادر اللي بتأخذي منها المعلومات عن الإسلام .. أو اتأكدي منا هنا ...

عموما خلينا بس في موضوع تعدد الزوجات .. اللي منعه بكل بساطة يهدم الديانة المسيحية كما تؤمنين بها .. خلينا نتناقش في النقطة دي .. بانتظار رد حضرتك على المشاركة ، و عذرا للإزعاج

بالتوفيق إن شاء الله يا أستاذة محبة الناس ..

[عبدالله السلفي]

بسم الله الرحمن الرحيم

الجواب
المصدر: ردود علماء المسلمين -للشيخ محمد ياسين

لقد جاء الإسلام والتعدد موجود, وليس محدوداً بعدد معيَّن, بل كما يشاء الرجل, ولو مائة امرأة, ففى هذه الحالة أيكون الإسلام عدّد أم حدّد؟ وبعد نزول آية التعدد فى سورة (النساء) أمر الرسول r من كان معه أكثر من أربع أن يطلق الزيادة, أى أن تنفيذ الأمر - بلغتنا الحديثة - كان بأثر رجعى, وفى هذه الحالة يبيح الإسلام للمطلقات أن يتزوجن*

إن التعدد فى الإسلام ليس فرضاً, ولكنه مباح, وله من الحِكَم ما لا يُعَد, فمن المعلوم أن عدد الذكور فى كل المخلوقات - أو معظمها - أقل بكثير من عدد الإناث, وليس فى بنى الإنسان فقط, بل فى المملكة الحيوانية وغيرها, كما هو مُشاهد - مثلاً - بين الدجاج, فتجد أن المائة بيضة يخرج منها تقريباً خمسة, أو ستة ديوك, والباقى إناث, وهذا من حكمة الله سبحانه وتعالى, فلو كان العكس لحدثت كارثة, ولتضارب الذكور على الإناث, ولَخُطِفَت النساء من أزواجهن فى الشوارع. ومعلوم أيضاً أن عدد الوفيات بين الرجال أكثر من النساء, لتعرضهم للأمراض والحوادث الناجمة عن الأعمال الشاقة التى يقومون بها دون النساء, مثل العمل فى المناجم, وحفر الآبار, وأفران الحديد والصلب, وكسح الألغام, والتعامل مع الكهرباء عالية القوة, والغوص فى أعماق البحار, والطيران, وغير ذلك.وفى حالات الحروب تحصد العديد من الرجال, فيزداد عدد النساء, كما حدث بعد الحرب العالمية الثانية, عندما ازداد عدد النساء فى ألمانيا زيادة رهيبة, وأصبحت النساء بغير أزواج, فكنَّ يسافرنَ فى العطلة الأسبوعية لإشباع رغباتهنَّ فى الدول الأخرى, وتداخلت الأعراق والأنساب, وكثُر اللقطاء بصورة لا مثيل لها, حتى إنهم قُُدِّروا بحوالى خمسين مليوناً فى أرجاء أوربا الشرقية والغربية, فلو أنهم كانوا يدينون بالإسلام لَمَا لجأوا إلى الزنى, ولَمَا اختلطت أنسابهم, ولَمَا ظهر اللقطاء وأطفال الشوارع الذين لا يعرفون آباءهم. وهذا فى حد ذاته رد على السؤال الثانى.. وهو لماذا لم يُبِح الإسلام للنساء التعدد كما سمح للرجال؟ فلو سمح لهن بذلك.. فكيف يعرف كل طفل أباه؟ بالإضافة إلى أسباب أخرى كثيرة, فإن هذا الأمر تأباه الفطرة السليمة, ليس من جانب الرجال فحسب, بل من جانب النساء أيضاً. ودعونا نتساءل.. لو أن هذا الأمر حدث, ماذا ستكون النتيجة؟ كيف يعرف كل زوج أبناءه؟ سيحدث حتماً اختلاط فى الأنساب, وتنازُع على الأبناء, فكل زوج يريد الولد الأجمل, والأذكى, والأقوى, وهذا يريد الذكور, وآخر يريد الإناث… وهكذا. ومعلوم أن الذكر الواحد بإمكانه تلقيح عدد كبير من الإناث, وبهذا يزداد النسل, بعكس النساء, لو حملت إحداهنَّ فإن خصوبتها تُعَطَّل طوال مدة حملها, وربما مدة الرضاعة أيضاً. وبالإضافة لما سبق.. فقد أثبتت التحاليل والفحوص الطبية أن معاشرة المرأة لأكثر من رجل يعرضها لأمراض كثيرة, أهمها سرطان عنق الرحم, وهو من أخطر السرطانات. وقد أثبتت أحدث الفحوص والدراسات العلمية أن مَنِىّ الرجل له بصمة داخل رحم الأنثى, لا تتركه إلا بعد ثلاث حيضات, كيف هذا؟ يقولون إن أول حيضة يسقط معها ما يعادل ثلث البصمة تقريباً, والحيضة الثانية كذلك, والحيضة الثالثة كذلك, سبحان الله {وَالْمُطَلَّقَاتُ يَتَرَبَّصْنَ بِأَنفُسِهِنَّ ثَلاَثَةَ قُرُوَءٍ}[البقرة:228] وقد فسر العلماء الثلاثة قروء بثلاث حيضات, أو ثلاث طُهرات. أما الْمُتَوفَّى عنها زوجها فيقولون إن حالة الاكتئاب التى تمر بها تجعل البصمة لا تزول إلا بعد 118 يوماً{وَالَّذِينَ يُتَوَفَّوْنَ مِنكُمْ وَيَذَرُونَ أَزْوَاجاً يَتَرَبَّصْنَ بِأَنفُسِهِنَّ أَرْبَعَةَ أَشْهُرٍ وَعَشْراً}[البقرة:234]*

ومن حِكَم التعدد أيضاً حالات مرض الزوجة, أو عقمها, أو وجود عذر يمنعها من المعاشرة الزوجية لمدة طويلة لا يطيقها الزوج, فبعض النساء تستمر دورتهن الشهرية أياماً كثيرة, وبعضهن يُمنَعن من المعاشرة الزوجية أثناء الحمل (مثل حالات الإجهاض الْمُنذِر) وكذلك أيام النفاس. ومن الأسباب أيضاً وجود أرامل (وهن كثيرات لِمَا ذكرناه من كثرة الوفيات بين الرجال) ومطلقات ليس لهن عائل, ويتامى لا يجدون من يقوم على رعايتهم. ولا يقول أحد إنه يكفى رعاية كل هؤلاء بمساعدتهم مادياً, فإن المال ليس كل شىء, فالمرأة تحتاج لمن يعفها, وخصوصاً لو طُلِّقَت, أو مات عنها زوجها, وهى فى سن مبكرة, وكذلك فإن الأطفال يحتاجون للتربية, والتوجيه, والقيام على مصالحهم, وهذا لا تكفى فيه المرأة وحدها. وكذلك وجود بنات عوانس تجاوزنَّ سن الزواج.. مَن لهن؟ أيُترَكنَ للضياع والانحراف؟ أليس لهن الحق كبقية النسوة؟ ونقول للمستغربين قلباً وقالباً (أى الذين يعشقون الغرب بِقَضِّه وقضيضه): إن التعدد ضرورة اجتماعية, وقد كان منتشراً فى أوربا إلى عهد الملك (شارل مان) كما جاء فى مقال الكاتب المصرى (محمد التابعى) فى مجلة (آخر ساعة) الصادرة بتاريخ 3يونيو1945, إذ كان هذا الملك متزوجاً بعدة نساء, وبعد ذلك جاء أمر من القساوسة بمنع التعدد, فأصبح مباحاً للرجل أن يتخذ أكثر من عشيقة فى الحرام, ولا يتزوج على امرأته فى الحلال, لدرجة أنهم حين ظهر مرض الإيدز, وأرادوا عمل دراسات على الرجال الذين لم يعاشروا إلا زوجاتهم لمدة خمس سنين, لم يجدوا ولا رجلاً واحداً! وفى تركيا عندما أنهى (مصطفى كمال أتاتورك) الخلافة الإسلامية, وجعلها عِلمانية, وألغى التعدد (عليه من الله ما يستحقه) انتشر الزواج العرفى والزنى, وكثر اللقطاء.

[محبه الناس]

اقتباس

[=أسد هادئ;507985]بسم الله الرحمن الرحيم

أشكر حضرتك لتلبية طلبي جداً .. أشكرك

ثانياً أنا مطلبتش من حضرتك الرد على عنوان الموضوع ، لأن لو حضرتك لاحظتي الموضوع مش موضوعي بالأساس، فأنا كنت طلبت من حضرتك الرد على مشاركتي الأخيرة و إبداء رأيك فيها مش في عنوان الموضوع خالص..
فطلبي لا يزال كما هو يا ضيفتنا الكريمة ..

صباح الخير استاذ اسد هادىء
انا عارفا إن حضرتك مطلبتش الرد على العنوان او رأس الموضوع ..و ما كتبته أنا كان طعليق سريع بس على الموضوع قبل الرد.
و كانت هذه اخر جمله انا كتبتها لحضرتك:

اقتباس

هذا كلامى:
اما عن مشاركت حضرتك..... عندى تعليق بس حسى إن افكارى و كلامى كله مشتت و محتاجه اقرى كلام حضرتك تانى بتمعن علشان اعرف احدد إجابتى.

و بعدين لما حاولت اضيف إجابه إمبارح مش عارفا ليه لم اتمكن من الإضافه ولا حتى فتح صفحه من صفحات المنتدى و حاولت من كذا جهاذ و كان هناك نفس العيب و حاولت من جهاذ الموبيل برضو مكنش فى فايده لهذا تأخر ردى إلى اليوم و أحمد ربى إن الصفحه فتحت معايا.

اقتباس

بالتوفيق إن شاء الله يا أستاذة محبة الناس ..[/

اشكر حضرتك يا استاذ اسد هادىء بجد اشكرك على الإهتمام و الرد السريع لو لم يكن من حضرتك بلاقى الف واحد تانى مهتم و بيرض علياو بيوضحلى حتى لو كان الشرح و التوضيح لم يقنعنى اشكركم جميعا. و هذا الإهتمام انا اقدره و خصوصا إنى لم اجده فى اماكن اخرى... للأسف الشديد........

[محبه الناس]

ده ردى من امس إلى مكنتش عارفا اضيفه:

اقتباس

]=أسد هادئ;501672]بالنسبة لهذا الموضوع
ردي هو :-
---------------------------------------------------
موضوع تعدد الزوجات غالباً بيتخذ على انه نقد للإسلام
في الواقع أنا عايز أتخذه نقد للمسيحية ، أو للمذاهب التي تمنعه .. فهناك طوائف مسيحية تبيح التعدد[/]

بجد يا استاذ اسد هادىء!! توجد مذاهب مسيحيه معترف بيها تتيح التعدد!!!!!!!!!!!!؟؟لم اسمع عليها من قبل!
ما هو بردو اكيد قله غير معترف بيها و لا يوئخذ بكلامهم و إلا كان اى حد جه و اخذ بكلام بعض القله المسلمين الغير معترف بيهم من المسلمين إلى بيأمنو برسول اخر غير رسول المسلمين المعروف..
.

اقتباس

لكن أنا عايز أسأل سؤال
هل منع تعدد الزوجات صالح لكل زمان ولكل مكان ؟؟
بالخصوص .. في حالة الحروب مثلا

حلو جدا السوئال ده يا استاذى بس بردو هرض عليه بسوئال:
و هل اعطى القرأن وقت صالح معين لكل زمان و كل مكان لتعدد الزوجات؟؟
أو
هل تحليل تعدد الزوجات صالح لكل زمان و كل مكان؟!!
هل قال يمكن تعدد الزوجات فى حالات الحروب فقط؟؟ وا فى حالات مرض الزوجه فقط او او...
ولا سبها مفتوحا للبشر يحدد زى ما هو عايز على حسب شهوته الجسديه او ظروفه!؟؟

اقتباس

في حالة الحروب الطويلة بالأخص .. لأن الحروب .. بيحصل فيها ثلاث حاجات أساسية
الأولى ((بشر)) كتير جداً من أهل البلد بيموتوا
والثانية .. الغالبية العظمى من اللي بيموتوا من الرجال
وده بديهي جداً لأن اللي بيحاربوا النسبة الكاسحة منهم من الرجال
والثالثة .. كثرة الأرامل وأطفالهن .. يعني النساء اللي أزواجهن ماتوا

استاذ اسد هادىء الحروب دى شىء وقتى و ليس مستمر و لا يمكن ان يضع قانون الحياه فقط ليعالج اضرار الحروب!!
طيب كان نزل قانون خصيصا للحروب! إنما الدين ده للعيش به فى الحياه .. الدين ده علاقتك بربك... الله خلق حواء واحده لأدم و لم يخلق 4 حوات و مملوكات. و هذا كمان مع الوضع فى الإعتبار إن يمكن تبديل الاربعه.
و عندما اعطى الحق للرجل كان يجب ان يبين له الحالات و لكنها مفتوحه.
و تجد 90% من تعدد الزوجات مرتبط بكثره المال أو/و الصلطه .... بمعنى
راجل مقتضر ماديا جدا جدا ومكانته عاليه تجد عنده الشهوه الجسديه عاليه جدا جدا (هذه ليست قاعده سابته بس هذه الاغلبيه)و بما إنه مباح الزواج فهو يتزوج لإشباع رفغبته الجنسيه ... هتى إن كانت زوجته لا يوجد عله فيها و هى لا ترفضه و تحبه و تنجب له و تصونه و رغم كل هذا شهوته الجسديه تقوده إلى الزواج من اخرى و اخرى و اخرى...و يتحول الزواج من حدفه الاصلى إلى هو الاسره المستقره المتكامله و الاولاد إلى
شهوه جنسيه بحته.. و ترى الزوج اللذى لا يملك مال كثير و لكنه يريد التمتع يتزوج و يضع شرط لزوجته الثانيه بعدم الإنجاب لإنه لا يتمكن من ان يعولها هى و اولادها بخلاف زوجته الاوله.
لا تنكر إن لتعدد الزوجات عيوب يا استاذ اسد هادئ.. فكما حل تعدد الزوجات مشكله نقص الرجال او البشر فى حالات الحرب فقد تسبب فى مناطق اخرى فى مشاكل.
ناخد مصر مثل :
فتعدد الزوجات إرتبط ايضا بالجهل فى رغبه الرجل من إنجاب الولد/ الزكر و إعتقاده إن هذا يتم من المرأه فذهب الرجال فى تعدد الزوجات إنتظارا ان ينجب احد هذه الزوجات الولد( و بما أن الدين اباح او حلل له هذا )و إن لم ينجب احدهن الولد و كانت كل الخلفه بنات يطلق البعض و يتزوج بالاخرى حتى ينول الولد....
و تصبح المرأه مطلقه و تعول اولاد و زوجها لا يملك المال ليعطيها هى و اولادها!!

فقد حل تعدد الزوجات مشكله المرأه الارمله و لكن اوجد مشكله المرأه المطلقه!!!
و اوجد مشكله اخرى خطيره جدا جدا هى مشكله زياده السكان!!
زياده السكان هتى اصبحت الموارد الطبيعيه للبلد لا تكفى لكل هذا الكم من الشعب!! وتتسبب فى بعض الاماكن للمجعات.. الم يساعد تعدد الزواج فى ظهور هذه المشكله؟!!
ده غير إن كمان ساعد على زياده عدد النساء و هذا اوجد زياده عدد مشاكل العنس!
لا تنكر يا استاذ اسد هادىء ارجوك.. انا اتكلم بكل عقلانيه. و احاول ان انظر للأمور من بعيد!

اقتباس

الأول هو تعدد الزوجات .. كل راجل مثلا يتجوز أكثر من واحدة وده هيحقق هدفين

الأول أنه هيصرف على الست دي اللي مبقاش فيه حد بيصرف عليها ولا على عيالها
والثاني مضاعفة النسل .. فبدل مثلا ميكون بيجيب طفل كل سنة .. ممكن يبقوا اتنين أو تلاتة

و ليه يا استاذ اسد هادىء ميسرفش على العيله دى و يكفلها منغير ما يتزوج بالسيده الارمله!! فقد تحول الزواج من الحب و الارتباط الاسرى إلى مصالح متبادله!!! تتنازل السيده و تتزوج هتى يتمتع الرجل بها لمجرد ان يصرف عليها هى و اولادها!!!
و هو إن كان متزوج يأخذها للمتعه الإضافيه و هى تأخذه للصرف عليها هى و اولادها!!! ما هذا يا استاذ اسد هادىء!!
و غير كدا فى عصرنا هذا أغلب السيدات تعمل و تتمكن ان تصرف على نفسها و إن مات زوجها هى و الاولاد يورسو الاب فهذا مصدر للمال برضو ده غير عيله الاب و عيله الزوجه نفسها.. و إن كانو من عيله فقيره جدا جدا لا ورث ولا مساعده من أهل راحت فين الجوامع و الكنائس إلى بيجمعو المال من عشور و زكاه مش كل ده للناس المحتاجه بردو؟!
اريد ان اقول إن الدين الإسلامى و الدين المسيحى حل مشكله الارمله بفرض الدين الإسلامى الذكاه و الدين المسيحى العشور و هذا كله يذهب للسيدات الارامل و الاولاد اليتامه و العائلات الفقيره... يعنى ممكن حل مشكله الارمله بدون تعداد الزواج.
و ليه الرعب من قله النسل!! ليه بس !؟ و هذا بالنسبه لى يعتبر قله إمان بالله و مشيئته..
ليس كثر العدد هو الذى يحدد المكسب او الخصاره!
ليس قوه البدن هى اللتى تحدد المكسب او الخصاره!
و قد اعطانا الله الكثير و الكثير من الامثله التى توئكد هذا.... و ليس ابدا مكسب جها من الجهتين لفطره زمنيه كبيره هذا يعنى إن الله يقف معهم و يساعدهم!!
أين الإمان بالله! و بمشيئته و قدرته! يذهب التفكير البشرى دائما للأشياء الحسيه او الظاهره... و يعتمد البشر اكثر و اكثر على عضلاتهم و عددهم و لكن الله على كل شىء قدير.و قادر ان يمحى الكون فى لحظه.

اقتباس

[]وطبعا فيه مثال مشهور ومعروف جداً من التاريخ على الموضوع ده

من "قصة الحضارة"[

لم اكن اعلم هذه القصه من علم حضرتك استفيد.
---------------------------------------------------------------------------

اقتباس

فسؤالي هو .. ما حل المانعين للتعدد في هذا الموضوع علما أنكم بتعتبروا تعدد الزوجات زنا أو إهانة ...

وهل المسيحية أو الأفكار الإلحادية العقلية بالطريقة دي قابلة للتطبيق في كل زمان ومكان ، وهل هي صالحة للواقع ؟؟

طبعا فيه امتيازات أخرى هائلة لموضوع تعدد الزوجات ... لكن أنا اخترت النقطة دي مخصوص ، لأني مش شايف فيها أي حل تاني ...

حضرتك إستبعدت اكثر حل مرضى إلى الله!!
إلى هو الإتكال على الله فى إجاد الحل فقد يقع الشخص فى مشاكل كبيره جدا جدا و يعتقد إن لا حل لها على وجه الارض و تكون هذه المشاكل ليس إلا تجربه يضعها الله للبشر ليرى ما هو التصرف؟؟ وهل سيمشى البشر على تشريع الله ولا هيذهبو بوضع تشريع جديد يحلو به المشكله؟؟ هل سيذهب البشر فى حل المشكله وحده بدون الإستعانه بالله ولا هيعتمد على قوته و عدده و لو مكنش عنده قوه هيروح يجمع إلى عنده قوه و صلطه علشان يساعده.. طب فين الله فى كل هذا!! مش عارفا يا استاذ اسد هادىء انا بجد فى حيره
....
انا عن نفسى لا ارى الامتيازات الهائله اللتى تتكلم حضرتك عليها فى تعدد الزوجات...ده حتى العقل البشرى مش قادر يستوعبها!!يعنى حتى يومنا هذا ينظر المجتمع حتى لو مسلم للراجل إلى متزوج اكثر من واحده على إنه بصباص و بتاع ستات.. و تعتبره الزوجه المسلمه خانها فى مشاعرها و خانها فى كل شىء... فالمشاعر واحده يا استاذ اسد ... السيده تغير على زوجها الذى تحبه من اى سيده اخرى مثل ما يغير الرجل على زوجته من اى رجل اخر..... و تنجرح المرئه جرح كبير عندما يتزوج الرجل بسيده اخرى خصوصا لما تكون الزوجه شايفه واجبها مع زوجها ولا تقصر فى شىء.
و لاكن انا لا انفى بكلامى هذا إنى اجد عدم الطلاق فى الدين المسيحى هذا صعب جدا ايضا.... فهو بالفعل صعب جدا.. و لاكن حد علمى إن يتم الطلاق فى حالات معينه..و لاكن بعد عزاب كبير و زمن طويل فى محاوله الصلح .. اجده صعب بجد.. و ممكن بالإمان و محبه الله كل شىء صعب يهون و خصوصه إن هذا الامر على الرجل و المرئه يعنى مجاش إدى حق الرجل فى الطلاق و لغى هذا الحق من المرئه لا ده منعه من الإتنين.. بس بردو ده له عيوب و ميزات بردو.
والله شكل كدا نهيتى سوده يا استاذ اسد هادىء انا خلاص مش عارفا انا مين و ليه و فين و إه و الدنيا دى كدا ليه و هل إحنى كلنا فى فيلم محدد و معروف الاحداث مصبقا... مش عارفا اقول إه.

ده غير إنى ارى رغم إن فى الدين الإسلامى مصرح تعداد الزوجات و ده غير ملك اليمين يعنى بفلوسك تشترى اى وحده نفسك فيها ده غير الزواج المباح للراجل المسافر لفطره زمنيه صغيره و يطلقها قبل الرجوع إلى بلده و غير و غير رغم كل ده فى جرائم زنى ترتكب!! يعنى هذا لم يحد من وقوع الرجل او المرئه فى جرايم الزنى... و لا يستطيع احد ان ينفى هذا الكلام.....
يعنى عدم السماح بتعدد الزواج فى الدين المسيحى لا يعنى إنه يدفع الرجل للزنا بدليل كل هذا المتاح فى الدين الإسلامى و رغم كل هذا يزنى الرجل او المرأه.
يعنى مهما كانت الاحكام معتدله- وصطيه- متمسكه او هينه فهناك دائما الخارج عن القانون و الكاسر للأحكام..
و لا انفى وجود عائلات و رجال مسلمه كثيره متزوجه من زوجه واحده و يحبون زوجاتهم و حتى لو الزوجه لا تنجب يرجع هذا بكل إمان إلى مشيئه الله و لا يترك زوجته و لا يتزوج عليها بل يأخذها و يكفلو اطفال ايتام فى اديره يتامه.. و اعلم و احترم هئولاء الاشخاص المسلمه و احترم إمنهم بالله... و ادعى لهم طول الوقت ياريت الناس كلها زيهم و انا اتشرف إنهم اصدقائى و احبابى و اطلب من ربى ان يعطينى جزء صغير من كم و قوه إمنهم بالله.



----------------------------------------------------

أما عن وجود الحروب فده عند حضرتك حق موجود من قديم الاذل و لا يعنى هذا إن الله يرحب بالقتال و لاكن فى نفس الوقت اجد امثال فى التوراه تعارض مفهومى هذا.. فأجد العكس....... فلا يمكن إسناد الحروب إلى الإسلام فأنا فى احيان كثيره ارى الإسلام يدافع فقط و لاكن لا انكر بردو إنه يهجم لمجرد إعتقاد إن الكافر يستحق القتل و النار.. و ينسى إن الله هو الذى يجب ان يصدر هذا الحكم إلى هو من سيدخل النار!!
و عند حضرتك حق الحروب من بدء الخليقه من ساعت ما قتل قايين هابيل اخوه(او العكس مش متئكده مين قتل مين بظبط) و دول إخوات مابالك شعوب مختلف فى الجنس و اللون و اللغه و الدين و التفكير...
بس انا عايزا اقول حاجه بس مش عارفا اقول ولا لاء...
افضل مقولش علشان انا خلاص تعبت.....-----------------

و غير كدا عندى تعليق أو أستفسار او أسئله على اخر مشاركه لحضرتك بس لسا مكتبتهاش...