سؤال حول العدالة الإلهية
السلام عليكم ورحمة الله وبركاته
اول شي انا مسلم من البحرين
حبيت أستفسر عن مسألة دائما تدور في بالي
سألت الكثير من الناس المثقفين ، بس ما لقيت جواب مقنع
كيف يمكننى فهم العدل الإلهى ؟
يعنى انا فعلا مو عارف
ليش الله يخلق هذا فقير وهذا غني ؟؟
ليش هذي البنت جميلة وغيرها مو جميلة ؟؟
ليش هذا يكون من صلب العائلة المعروفة ، والثاني من عائلة وضيعة ؟؟
ليش هذا خادم ،، والثاني سيد ؟؟
الأجوبة اللي لقيتها :
1 - هذا إختبار من الله تعالى >> طيب ،، ليش الإختبار ما يكون نفس الإختبار اللي لشخص غيري ؟؟
يعني يمكن الفقير يواجه صعوبات في الفقر وما يقدر و و وو
الغني كمان يواجه صعوبات وربما الله تعالى يبتليه بأمور ثانية
بس في النهاية مافي تكافىء في الإمتحان
يعني على سبيل المثال ،، لو عندنا مسابقة ،، ونريد نختبر شجاعة شخصين
الأولي راح نخليه مع أسد مفترس
والثاني راح نخليه مع 3 ذئاب مفترسة
مع فرض ان 3 ذئاب = 1 أسد
هل يمكننا القول ان الإختبارين متكافئين ؟؟؟
لأن ممكن انا شجاع واقدر على اسد ،، بس ما راح اقدر على 3 ذئاب
على فرض ان الكثرة تغلب الشجاعة والخ
واكيد راح اطالب بتغيير الإمتحان
---------------------------------
الجواب الثاني : لو كانوا كل الناس اغنياء ،، وكلهم من عائلات طيبة ،، وكلهم وسيمين والخ ،، لصارت فوضى في الدنيا واخترب كل شي
صحيح .. انا اعترف بهذا الجواب ،، شلون إذا الكل غني و و و بتستمر الحياة
لأن ساعتها مافي ناس خدم ، وما راح يصير توازن
بس مع ذلك .. مسألة العدل مو فاهمها !!!
يعني بإختصار ،، العدل بالنسبة للحياة موجود ،، والناس طبقات والخ
بس بالنسبة للفرد غير موجود !!
في النهاية اسمحوا لي مرة ثانية ،، وانا سألت هالسؤال عشان اتثقف ،، مو عشان اتحدى والخ :)
انا اعتقد ان الإسلام يسمح بمثل هالأسئلة ولا يحرمها
يمكن دين المسيح غير ،، لأن مثل ما اعرف في آية في الإنجيل انه لا يجوز للعبد ان يسأل الله عما فعل وما يفعل
اتمنى احصل منكم الجواب واحد يقدر يقنعني :)
رد مع اقتباس
المشاركة الأصلية كتبت بواسطة Eng.Con
المفضلات