قناه الفجر تستغيث فهل من مجيب؟؟؟؟؟؟؟؟؟؟؟؟؟؟؟؟؟

**راغب الفردوس** · 04-01-2007, 11:25 PM

هل الحل ان الكل يدخل هنا ويدعي على اللي قفل القناه ونظهر استيائنا وخلاص ؟؟؟

الدعاء سلاح المؤمن ولا شك .. ومن غير الدعاء اصلا ربنا مش حينصرنا في اي شئ ... لكن ايه رأيكم نتحرك بشكل ايجابي نحو عودة قناة الفجر القرانية ؟؟

لكن قبل ما اتكلم ... اعرفكم ايه قناة الفجر دي .. يمكن يكون في حد بيقرا التوبيك وهو لا يعلم شئ عن القناه

قناة الفجر ... قناة اسلامية متخصصة في القران الكريم .. مثل قناة المجد للقران المجيد .. وفعلا قناة الفجر وقناة المجد للقران الكريم .. اعتبرهم القناتين الوحيدين اللي لا يوجد بها اي شبهة شرعية مثل باقي القنوات "اللي المفروض انها اسلامية" ولكن فيها شبهات ومخالفات شرعية كتيرة اوي.

القناة دي اتقفلت من فترة .. ولا نعلم سبب غلقها ولا مين اغلقها ... لكن اللي اغلقها طبعا عدو لله ورسوله .. عدو للاسلام ... حاليا يوجد قناة للفجر ولكنها قناة في المرحلة التجريبية لها وتعرض كل يوم بشكل متكرر اراء بعض من اعلام الدعوة عن قناة الفجر واستغرابهم لغلق القناه .. كما تعرض نماذج مشرقة لبعض الاشبال والبنات الذين حفظا القران من خلال قناة الفجر ... يعبروا فيها عن حزنهم لغالق القناة القرانية

الشيخ العلامة "وحيد عبد السلام بالي" ، الاستاذ احمد مصطفى (جامع تراث الشيخ مصطفى اسماعيل رحمه الله) دا غير مدير القناه تكلموا في حق غلق الموقع وتعرض كل يوم على التلفزيون ... اسمعوا كلامهم الرائع خاصة مدير القناة وهو لبنانبي الاصل ... يؤكد فيه ان لبنان ليس كما يعرفها الناس .. دولة ماجنه وفاحشة .. ولكن فيها نماذج مشرقة للاتزام الاسلامي .. والدليل ان قناة الفجر خرجت من لبنان

وبعد الكلام ؟؟ عايز ايه يا عمي ؟؟

اقولكم ... اللي يفتح الدش ... يا ريت تسيب قناة ميلودي ومزيكا .. وتبحث عن قناة الفجر .. سوف تجد رسايل ماشية في شريط تحت زي ما بيحصل في قناة دريم كدا .. وطبعا الارقام اللي ممكن تبعت من خلالها من كل دولة ...

قناة الفجر بتقول ان ارسال رسالة على هذا الشريط فيها دعم للقناة

وهل هو شئ صعب علينا ... ان كل فترة او كل ما نشحن رصيد .. نبعت رسالة او اتنين للقناة ؟؟؟

مش بدل ما نبعت رسالة الى قناة دريم علشان واحد اهلاوي بيغيظك وانت عايز ترد عليه .. نبعت لقناة الفجر؟؟؟

مش بدل ما نبعت رسالة الى قناة مزيكا اتعرف فيها على البت اللي لسه كاتبه من شوية على القناة "هاي انا فلانه من المكان الفلاني عندي 20 سنة وعايزه تعارف صادق" (روحي جتك ستين خيبة انتي وهو والكل اللي بيرسلوا رسايل على نفس الشاكلة !! قال تعارف صادق قال !!!) .. نبعت على قناة الفجر

مش بدل ما نبعت رسالة نجاوب فيها مين اللي جاب الجون الفلاني في الفريق العلاني ... نبعت على قناة الفجر ؟؟؟

==========================

بردو مش حتعبكو معايا .... اليكم الارقام كلها من كل شركة اتصالات والدولة :

فودافون - موبينيل "مصر" ----> 9331

موبايلي "السعودية" ----> 6231

جوال "السعودية" ----> 83440

اتصالات - دو "الامارات العربية" ----> 6671

سوريا تل ----> 1687

عراقنا ----> 2846

الجزائر ----> 4549

الاردن ----> 91216

اسيا سل ----> 1886

كويت ام تي سي ----> 98850

امنية ----> 91871

عمان تل ----> 90083

الوطنية ----> 1572

فلسطين ----> 1283

ناورس ----> 90557

اكسبريس ----> 90161

فاست لينك ----> 93068

وارجو من كل عضو هنا في الموقع ... مشترك في منتديات اخرى .. يقوم بنسخ هذا الموضوع ووضعها في المنتديات الاخرى .. عسى الله ان يجعلها سببا في دخولنا الجنه باذن الله .. لاننا ندافع عن قناة اسلامية ونريد لها الرجوع على الدش لتكون قناة لصوت الحق "القران الكريم" ضد قنوات الباطل ... يمكن بسبب هذه القناة يلتزم شاب او فتاه .. وتكون انت سببا في ذلك لانك كنت سبب في رجوع القناة .. من خلال رسالة موبايل او اكتر من رسالة
بالله عليكم أهتموا بالموضوع ولا تتكاسلوا

**الاصيل** · 04-01-2007, 11:44 PM

الا يوجد رقم الكويت لشركة الوطنية للإتصالات؟؟؟

**راغب الفردوس** · 04-01-2007, 11:48 PM

مشكور أخي على المرور لكن دي الارقام الموجودة على القناه . ممكن تفتح القناه وتشوف الأرقام.
وجزاك الله خيراً.

**راغب الفردوس** · 05-01-2007, 04:32 PM

أين الردود يا أخواني ؟ ألهذه الدرجه الموضوع لا يهمكم لكي الله يا قناه الفجر.

**ayman_elthan** · 05-01-2007, 04:49 PM

مشكوررررررررررررررررررر

**Sharm** · 05-01-2007, 05:25 PM

جزاك الله خيرا

**صفى الدين** · 05-01-2007, 05:37 PM

السلام عليكم وبارك الله فيك اخى الحبيب وسافعل ما قى الوسع عمله فى هذه الحاله مما يسر به الله تعالى باذنه ,وهذه لم ان تكون اخر الصروح الاسلاميه التى تهاجم هدئ من روعك اخينا الكريم

**راغب الفردوس** · 05-01-2007, 06:14 PM

جزاكم الله خيراً يا إخواني .
ولا تنسوا أن تدعموا القناه بالدعاء أيضاً.

**إبحار** · 05-01-2007, 06:23 PM

أعدك بالدعاء والمساهمه

جزاك الله خير

**داع الى الله** · 05-01-2007, 07:08 PM

مـواقـع شـقــيـقـة
شبكة الفرقان الإسلامية	شبكة سبيل الإسلام	شبكة كلمة سواء الدعوية	منتديات حراس العقيدة
البشارة الإسلامية	منتديات طريق الإيمان	منتدى التوحيد	مكتبة المهتدون
موقع الشيخ احمد ديدات	تليفزيون الحقيقة	شبكة برسوميات	شبكة المسيح كلمة الله
غرفة الحوار الإسلامي المسيحي	مكافح الشبهات	شبكة الحقيقة الإسلامية	موقع بشارة المسيح
شبكة البهائية فى الميزان	شبكة الأحمدية فى الميزان	مركز براهين	شبكة ضد الإلحاد