الاخ الفاضل السيف البتار اشكرك على ما كتبته ووالله اني من البارحة وانا افكر في انهاء الحوار في الجانب الاسلامي من بعد ما كانوا بيقولوا اني لو مت في الحالة دي هادخل النار لكنك الان شجعتني لان كلامك مقنع ولانك اتكلمت عن علاقتي الشخصية بخالقي عاملة ايه وانها هي الاساس. شكرا ليك.
اللي بالي باك ربنا يعلم اني مش عايزة غير الحق
والله لو كان الاسلام هو الحق ساتبعه
ولو كانت المسيحية هي الحق ساتبعها
الاخ الفاضل الشرقاوي
انا كتبت الموضوع نسختين في منتديين لاني كنت خايفة مالقيش حد يرد عليا لكن بما ان الزملاء هنا وهناك ردوا انا بافكر بالفعل اكتفي بمنتدى واحد حتى لا اتشتت
وافضل انقله لمنتدى الجامع مع شكري لكل اللي اهتموا هنا
الاستاذ الفاضل عزمي حسين تشكيكك مش هيغير حاجة وانت حر ومش علشان في حد غيري قال انه ابوه مسلم وامه مسيحية يبقى انا او غيري بنكدب
انا اعرف بنتين وشب ابائهم مسلمين وامهاتهم مسيحيين واختاروا يعيشوا مسيحيين علشان اتربوا بعيد عن ابائهم يبقى ما تستهزأش بحيرة غيرك علشان في ناس بتحب تلعب.
شخص ما اشكرك على كلماتك الحارة وانا بالفعل بصلي باستمرار ان ربنا يهديني للي فيه رضاه يمكن مش بالطريقة اللي قلت عليها لكني بادعي ربنا على طول يهديني
الاخ الفاضل محمد الضبيبي حضرتك قلت كلام كتير وقلت اني علشان قلت لو قرأنا في الاسلام يبقى انا مسيحية علشان دي حاجات كل المسلمين يعرفوها
انا اكتر معلوماتي عن الاسلام من القراءة على عكس معلوماتي عن المسيحية يعني انا عشت مسيحية لفترة طويلة مش عايشة غير المسيحية ومن كام سنة بس اهتميت اقرأ عن الاسلام
ولو سألتني في حاجات كتير مش هاعرف اجاوب
اما عرفت مينين عن ان المسيحيين المتدينين مش بيلبسوا لبس بالشكل ده علشان كل اللي حواليا مش بيروحوا كنيسة خالص غير بتياب محتشمة وعلشان والدتي هي اللي زرعت فيا اني البس محتشم مش بس وانا رايحة الكلية لا في كل مكان
لو زي ما باتقول عن جيرانكفانا عارفة ان في ناس بيروحوا الكنيسة بملابس مش لائقة لكن انا باتكلم عن اللي عشته وشفته وسمعته من الناس المتدينين وحتى في العظات كانوا بيركزوا على الاحتشام في اللباس ولو زي مابتقول القس قال كده فانا عارفة ان نسبة الاحتشام في الملابس كبيرة جدا عند المسلمين مقابل المسيحيين علشان في الاسلام في حجاب وفي المسيحية لا
وشكرا على الاقل انك ايدت كلام السيف البتار ان محدش يقدر يقول انا في الجنة ولا في النار علشان الله هو العالم بيا وبكل مخلوق
اكتفي بكده
واعتذر لكل اللي اهتموا وهاناقش الموضوع في منتديات الجامع علشان ما يحصلش تشتت
واشكر تعب محبتكم
المشاركة الأصلية كتبت بواسطة ميرنا
المفضلات