حوار جنسي

[احمد العربى]

.

اقتباس

اقتباس

يعنى بكرر تانى سؤالى ل Miss hidi

هل حضرتك متأكدة ومعاكى دليل قوى يأكد كلامك

ولو دا صحيح ومتأكدة فعلا بالدليل فليه منتظرة وساكتة

نيافة الأنبا ابرام قال لو انتوا متأكدين ومعاكم دليل يبقا تروحوا للأب الأسقف المسئول

وهو هيتصرف لو كان الكلام صحيح

اما بالنسبة لأعمال تغضب ربنا فالكلمة مش واضحة بردو

بس اقدر اقول انى بشوف آباء كهنة - سامحونى وحاللنى يا سيدنا - بيعملوا حاجات تنقط ومنتهى العثرة والاستفزاز

يلا ما علينا . . .

اسف للاطالة
باى

ياستاذ ريمون ممكن اعلق على كلامك
يعنى اية معانا دليل مافى حاجات كتير ممكن تبقى غلط وفظيعة وماينفعش نجبلها دليل وممكن اديلك امثلة كتير لو تحب ومعنا كلامك يعنى كل واحد عايز يعمل حاجة غلط اهم حاجة بالنسبة لية انة لا يترك دليل خلفة ويبقى كدة يعمل كل اللى نفسة فية يعنى لو واحدة اشتكت ان فية حد عمل معاها حاجات وحشة او حاول يعمل هاتجيب دليل ازاى .
وبعدين برضة حضرتك قلت مش ممكن اب كاهن يعمل كدة والا يكون مجنون وبعدين بتقول فى آباء كهنة بيعملوا حاجات منتهى العثرة وطبعا العثرات دى ملهاش غير معنى واحد انهم بيعملوا حاجات بتغضب ربنا اوى.
انا اسفة ياريمون انى علقت على كلامك وارجو سعة الصدر وسامحنى اذا كنت زعلتك بكلامى.

اقتباس

سلام

لأ طبعا مزعلتش

انا بتكلم على حكاية اللى قالت عليهم بيعملوا سحر

طيب لما مافيش دليل يبقا هيا عرفت ازاى

يعنى عايز اوصلكم ان من غير حاجة تأكد الكلام يبقا دا كلام فردى وممكن يكون مش صحيح

يعنى لو حبيت اشكى فلان ده لسيدنا هقوله ايه هقول اسمه وبس وسيدنا يقوم يشلحه بناءا على كلامى مثلا

اما النقطة التانية وهيا انى بقول انه مجنون ورجعت قولت ان فيه حاجات بتكون معثرة وكدا

انا بقصد بكلمة الشخص المجنون
على بتوع السحر اللى حضراتكم ذكرتوهم

ودى ملهاش علاقة بموضوع ان فى اباء بيعملوا مواقف معثرة زى الصوت العالى او الانتقاد الدائم او الهزار داخل الهيكل

يعنى حاجات كتير جدا جدا مافضلش اقولها لأنها محزنة اكتر من موضوع السحر ده

اسف للاطالة
شكرا

اقتباس

يا اخواتى سلام ونعمة لكم جمعيا
زى ما الاخت سهير قالت هاعمل حاجة فى الخفا اجيب دليل عليها ازاة لكن صدرت مواقف وناس اتكلموا مع بعضهم ووصلنى الكلام من ناس اثق فيهم ان شخص يقوم باعمال سحر لفتح كنوز وقصاد ده بيكون له نسبة من الكنز ده والكلام ده صحيح واب اخر قصاد انه يفتح كنز طلب حاجة مش كويسة من واحدة لكن هى خدتها من قصيرها لانها عارفة ان مافيش حد هايصدقها وياريت نكون واقعيين شوية
وبعدين مش كل واحد بيبان عليه فيه من يستطيع ان يدارى اموره كويس لكن لو لم يتعظ وربنا اراد كشف مستوره ماشى لكن انا كل اللى اقدر اقوله اننا وخاصة فى هذه الايام لازم نحذر لانفسنا جدا ولا ننخدع من اى كلام من اى حد وادينا شفنا مثال حى وهو ( ماكس) اللى خرج من قلب الكنيسة
احنا ربنا اعطانا عقل
وصدقونى حتى لو معايا دليل لاهاروح لسيدنا ولا حتى لسيدنا البابا انا مااقدرش اتحمل ذنب انسان وانه ممكن يتاذى بسببى كل واحد حر فى حياته
عاوزة اقولك يا اخ ريمون ان مافيش حد مجنون المشكلة ان الحقيقة قدامنا وبنعمل مش عارفين مااعرفش خوفا على ايه او من ايه؟
لكن اللى اعرفه ان الكنيسة هانت علينا خلاص وكل همنا دلوقت نجمع فلوس ازاى وهل الطريقة اللى بتدخل بها الفلوس للكنيسة حلال ولا حرام ونستخدمها فى بناء مبانى وازعل لو حد ما سقفش للى بنعمله
كفاية كده مش عاوزة اتكلم فعلا فى الموضوع ده تانى لانه بيضايقنى
شكرا

اقتباس

اقتباس

سلام ومحبة للجميع
اخوتى المشرفين انا كنت كملت على سؤال الاخت هايدى ولكن مختوش بالكم لما عرضتوا الاسئلة على نيافة الانبا ابرام فلو تسمحولى ابعت السؤال تانى مع اضافة لية للاستفسار عن جذء من اجابة نيافتة.
السؤال : الاخت هايدى كانت بتسال من موقفها من الاب الكاهن اللى بيعمل حاجات تغضب ربنا ونيافتك جاوبتها كما قال قداسة البابا اننا بناخد البركة كاملة حتى لو كان الكاهن او الاسقف بيعمل حاجات تغضب ربنا وطبعا احنا بعد كلام قداسة البابا مانقدرش نتكلم بس انا لية استفسار صغير وليس اعتراض هو لية قبل المناولة بيطلب الاب الكاهن الحل من الشعب مش دة المقصود بية ان لو حد من الشعب معترض على هذا الاب او عارف عنة حاجة مش كويسة يقوم ويعترض علية ومايعطلهوش حل بانة يناول الشعب وكمان برضة لية فى رسامة الاباء الكهنة والاساقفة برضة بيكون للشعب راى وممكن اى حد يعترض اثناء الرسامة وفى الحالة دى لازم الرسامة تتوقف لحين التحقيق فى هذا الاعتراض من الشعب او الفرد واذا ثبت صدق كلامة تتلغى مراسم رسم الاب الكاهن او الاسقف مش دة معناة ان الرب موافق على تدخل الشعب فى حالة وجود خطا من رجل الدين.
ومش دة اللى حصل مع الانبا يوساب لما كان سايب كل حاجة للخادم بتاعة مالك والشباب خدوة غصب عنة واحتجزوة بموافقة الاسقفة وتم عزلة يعنى الشعب تدخل .
معلش لية سؤال تانى اعمل اية وانا بتناول من اب كاهن وانا عارف انة بيعمل حاجات بتغضب ربنا يعنى ازاى اتحكم بمشعرى وانا انسان ضعيف بحيث ميكنش عندى اى ضغينة منة وانا بتناول علشان ماضيعش عليا التناول.
معلش اسئلتى كتير وشكرا ليكم ولعملكم الرائع فى هذا المنتدى وكل سنة وانتم طيبين.

سلام ومحبة
انا بس كنت عايز افكركم باصل السؤال وبجد انا فعلا محتاج الاجابة ودى مش هاتفدنى انا وبس ولكن هاتفيد ناس كتير اوى وانا عارف كدة كويس بس لية رجاء ماتكنش الاجابة قصيرة ومختصرة ياعنى ارجو بمحبة من الاخوة المسئولين عن المنتدى لما يقعدوا مع نيافة المطران يختاروا وقت يكون فاضى علشان نستفاد من اجابة متكاملة وياريت يكون مع السؤال كل التعليقات علشان كدة ممكن تكون اجابة مفيدة لانة فية استفسارات كمان فى تعليقات الاخوة وشكرا بجد للخدمة دى وانا لسة بقترح تانى حاولوا تدخلوا اب كاهن كمان فى الاجابات اللى تحسوا انها مش محتاجة سيدنا علشان تكون الاجابة سريعة.
بس لو ممكن برضة اعلق على الاخت هايدى انا مش عايزك تحسى بضيق من مناقشة مشكلة لان انا مقتنع احسن حاجة ان الواحد يناقش المشكلة ويطلع استفساراتة ومقترحاتة وخصوصا لما يكون موضوع عام ومهم زى دة وانا طبعا مقتنع جدا بغيرتك على الكنيسة وحاسس بكلامك انة طالع من قلبك وانا معاكى فى كل كلمة قلتيها .وانا كمان معاكى اوى ان الواحد مش بيتكلم علشان حد يقولى روح اشتكى من فلان الى رئيسة فلان لان الغرض من السؤال اعمق من كدة بكتر ولو هى مسالة شكوى وخلاص ماكنش لية لازمة الواحد يكتب المشكلة من الاساس ياخوتى عايزين نعرف نتعامل ازاى مع شخص كدة وازاى نسمع كلمة ربنا منة ونتناول من ايدة من غير اى ضغينة وخصوصا لما نكون ضعفاء وازاى اتعامل مع واحد انا حاسس انة عثرة لية وممكن يكون عثرة لغيرى ودة يوضحة مثال الاخت هايدى وانا مع الاخت سهير وهايدى انة اللى بيعمل حاجات تغضب ربنا وهو فى رتبة كاهنوت اكيد بيبقى مرتب امورة ان محدش يمسك علية حاجة وطبعا بيعتمد على تقديس الناس لية ورفضهم اصلا يصدقوا اى حد يقول كلمة علية وطبعا كلما كبرت رتبتة كلما تكون ثقتة اكبر ان محدش هايصدق اللى بيتكلم يبقى الشكوة ملهاش اى فايدة كدة والشكوى لغير اللة تبقى مش شكوى مفيدة.
واشكركم ياخوتى واتمنى يارب مايطلعلناش واحد تانى ماكس ميشيل او الراهب دانيال .
اسف جدا على الاطالة والرب يبارككم جميعا

اقتباس

سلام ياجماعة انا مكنتش عايز ارد فى الموضوع من الأول علشان مش عاجبنى بصراحة لكن قولت اقول رأيى وخلاص

بس عايز اعلق على حاجة كدا

وهيا ان Hidi انتى قولتى

الاخت سهير قالت هاعمل حاجة فى الخفا اجيب دليل عليه

طيب يافندم لما هيا حاجة فى الخفا عرفتوها ازاى من الاخر الحاجات والأمور الصعبة اللى بتتكلموا فيها دى يفضل بشدة يكون معاها دليل قوى

وبعدين بتقوللى

حتى لو معايا دليل لاهاروح لسيدنا ولا حتى لسيدنا البابا انا مااقدرش اتحمل ذنب انسان وانه ممكن يتاذى بسببى كل واحد حر فى حياته


طيب لما هو كدا يبقا ايه فايدة الجسد الواحد والحياة فى المسيح وكلنا اعضاء وهدف ربنا اصلا

يعنى حتى لو علشان الشخص ده ميتأذيش زى مابتقولى طيب مهو سكاتنا دا فحد ذاته غلط على الشخص لأنه هيتمادى وهيتأذى فى حياته الأبدية كمان يعنى الخسارة اكبر
وكل واحد حر فى حياته بس على الأقل نعمل اللى فى ايدينا وبعدبن نقول

- انا اسف فى الكلام دا انا اكتر واحد مقصر فى حياتى لكن حبيت اقول اللى جوايا

اسف كمان للاطالة
باى

[احمد العربى]

.

اقتباس

سلام ونعمة لكم
يا اخى ريمون بعد اذنك ممكن ارد على جزئية صغيرة فى كلامك وبس ان اللى بيعمل حاجة فى الخفا فاحنا جبنا دليل منين هو مش دليل لكن بيطلع شخص ما يقدرش يشيل جواه يقول مثلا حاجة حصلت معاه لكن نظرا لرتبة هذه الشخصية الكهنوتية ماحدش بيصدق صدقنى يا ريمون ده الواقع سواء الموضوع عجبك ام لا
لكن بامانة انا لو حتى شفت اى شخصية بتعمل حاجة مش كويسة ممكن اكلمها انا عندى الجراة انى اتكلم لانى مااحبش اتكلم فى الظهر لكن عمرى ماهاروح اشتكى هذا الشخص ان مارضيش يسمعنى هو حر لكن باكون خلصت ضميرى
وربنا يكون مع الجميع

اقتباس

ممكن تعتبرونى خارج هذه المناقشة اتكلمنا بما فيه الكفاية والهدف اصلا من البداية كان سؤال للاخ سامح فاسمحوا اقول باى باى واخرج من الموضوع واحنا متفقين ان لازم نفتح عينينا وعقلنا ونشوف كل ما يحدث حولنا مش كل الناس وحشين لكن لازم اطلب معونة ربنا فى كل شئ حتى فى تعاملى مع الناس
سلام

اقتباس

اقتباس

سلام ياجماعة انا مكنتش عايز ارد فى الموضوع من الأول علشان مش عاجبنى بصراحة لكن قولت اقول رأيى وخلاص

ممكن اسالك سؤال ياريمون لية الموضوع مش عاجبك من الاول هل لانك مش مصدق ان فية رجل دين ممكن يكون بيعمل حاجات غلط ام علشان الموضوع تعبك انت كمان ام حاسس انة يجب ندارى على رجل الدين المخطئ.
ولو كان السبب الاخير يبقى هى دى المشكلة الاساسية وهو دة سبب تمادى المخطئ ودى اكبر حيلة بيدخل بيها الشيطان على هذا المسكين المخطئ وكمان الشيطان علشان يساعدة بيخلى ناس كتير تفكر كدة للاسف.
عيناك يارب ترى كل اعمالنا وانت تعرف كل نياتنايايسوع الفادى.

اقتباس

اقتباس

ام حاسس انة يجب ندارى على رجل الدين المخطئ.
ولو كان السبب الاخير يبقى هى دى المشكلة الاساسية وهو دة سبب تمادى المخطئ .

طب مهو انا بقول كدا اصلا
لو كانت hidi او اى حد يعرف حاجة زى كدا ومتأكد يبقا ليه وبأى حق يسكت

اقتباس

انا زى مقال ريمون مكنتش عايز اتكلم فى الموضوع ده لكن محدش معصوم من الخطا ومحدش قال ان الكاهم\ن او رجل الدين يرتقى فوق مستوى الخطيه لكن انا شايف كلام ميلقش اننا نقوله اصلا . والاخت هايدى قالت انها لو عندها دليل على حد مش هتروح لسيدنا عشان متحبش تأذى حد بالعكس ده انتى كده بتأذى الكل لما يمكون فيه انسان ماشى غلط واحنا نسيبه هيستمر ويزود اخطاء لكن لما نقفله صـــــــــــــــــــــــــــــــــــــــــــــــــــــــــــ ــــــــح اكيد هبقى بفيد الكل وخلوا بالكم من صح دى " الصح انى ادى لكل واحد اختصاصه " يعنى مشكله زى دى اوديها لسيدنا على طول من غير تردد وارجوا ان الكلام فى الموضوع ده يتقفل لانه بصراحه انا حاسس انه خرج عن مجال اللياقه

اقتباس

سلام ونعمة لكم
انا مع الاخ المرتل من الموضوع لازم يتقفل احنا كنا بنتكلم من البداية كمناقشة عامة بدون تحديد اسماء وبامانة شديدة انا كنت باعرض وجهة نظرى ومشكلة يا جماعة بامانة موجودة انا مش باتهم حد وخلاص بامانة شديدة انا مش ممكن اقول كلام اتهم به اى حد وخلاص
انا عارفة انى كده ممكن اكون شريكة فيما يفعله وانى باتستر عليه
انا يكفى انى بابلغه انى حزينة عليه فعلا من كل قلبى حزينة عليه لانى حاسة انه حاطط نفسه فى ضغوط بالرغم ان ربنا اعطاه من النعم الكثير كفاية نعمة الكهنوت كفاية المكانة دى اللى كلنا بننظر لها بتبجيل شديد لكن هو لم يحتملها
اوعوا تفتكروا انى مش باصلى علشانه لكن بامانة مااقدرش انى اروح لاى انسان واتكلم عليه بشئ وحش
كل اللى اقدر اعمله واقوله وسيدنا وانتم تسامحونى اسمحولى اقولكم
خلوا بالكم من الكنيسة ومن نفسكم
ممكن اطلب منكم طلب:
على قناة اغابى اسمعوا بتركيز حلقة درس الكتاب المقدس الاخيرة لابونا / داود لمعى
واسمعوا بتركيز فظيع عظة قداسة البابا الاخيرة بعد عودته بالسلامة
انا مش باجيب اى كلام من عندى ده كلام الاباء بينادوا به اسمعوا وخلوا غيركم يسمعوا
شكرا

اقتباس

يا جماعة حد فيكم قرا مقالة سيدنا البابا فى وطنى ليوم الاحد الامس اقراها يا ريمون ويا اخىالمرتل علشان تسمعها من فم ابينا قداسة البابا علشان مش بتصدقونا
من له اذنان للسمع فليسمع ومن له الفهم فليفهم
ياجماعة ولاخر مرة فيه خطر كبير جوا الفيوم لو لم تحذروا منه كل واحد ساعتها مسئول عن نفسه ولا يلوم غيره انه كان يعرف حاجة ولم يتكلم كل شئ واضح
واحذروا من جلسات الاعتراف على وجه التحديد او التى تندرج تحت مسمى اعتراف
ولازم بعد اذنكم جلسات الاعتراف دى يكون لها حل يعنى لو وصلت ان باب الاب يكون مفتوح اثناء اخذ الاعترافات يكون افضل
او يكون زى باب زجاجى للحجرة بحيث لا يكون فيه اى نوع من انواع الانفراد
واقتراح اخر ان الجلسة للاعتراف تكون زى مكتب للاب وكرسى امامه للمعترف مش الكرسى جنبه هى مش قعدة ودية او منظر ان المعترف قاعد جنبى ولا انظر اليه لكن ما فيش فواصل
شكرا

اقتباس

اخر الكلام واكون خلصت ضميرى امام الله فعلا
ان اى اب مهما كانت رتبته فى الكنيسة هو امين على شعبه ولازم يصون الامانة مش يستغلها
والسؤال : ايه الهدف من اغلاق الحجرة على الاب اثناء الاعتراف؟
2- لماذا لا يتم التنبيه على النساء المعترفات مراعاة الحشمة فى ملابسهن اثناء الذهاب للاعتراف؟والبنات طبعا؟
مش هاقول اكتر من كده
شكرا

اقتباس

اقتباس

وارجوا ان الكلام فى الموضوع ده يتقفل لانه بصراحه انا حاسس انه خرج عن مجال اللياقه

انا مش فاهمة قصدك اية انة خارج عن موضوع اللياقة .
انت خلتنى ابتديت من اول السؤال الاصلى لغاية تعليقك وبصراحة مش لاقية اى حاجة خارجة عن اللياقة خالص باستثناء ردك اللى بتقول ان الكلام خرج عن مجال اللياقة وهاقول لحضرتك السبب:
هى الكتب اللى بيكتبها قداسة البابا بيكتبها للاسقفة والاباء الكهنة ولا للشعب ..... طبعا للشعب ولو حضرتك بتقرا كتبة ممكن تكون سمعت عن كتاب اسمة حروب الشياطين ولو سمعت عنة ممكن تقراءة ولو قراءتة ممكن تعيد قراءتة تانى وهاتلاقى فى جذء بيتكلم فية على قديس وشرح كيف سقط هذا القديس يعنى الكلام كان موجهة لية وليك ولهيدى ولريمون وكل اللى علقوا وقراءوا كلامنا هنا عن هذا الموضوع .وكمان ممكن تقرا للاب متى المسكين وهاتلاقى كمان كتابات بينصح رجال الدين من اشياء كتيرة ومنها نفس الموضوع اللى بنتكلم فية.
اخيرا الموضع دة انا شوفت اسالة عنة فى منتديات وجروبات كتيرة ومحدش طلع وقال انة خارج مجال اللياقة.
واخيرا انا اسفة انى رديت وضيعت وقتكم فى قراءة هذا الرد اللى ضيع وقتى ووقتكم وكان ممكن نستفاد بية فى قراءة حاجة افيد بس اسفة لان الجملة مستفذة .

اقتباس

انا عايزة اتكلم عن حاجة انا موافقة انى لو فية حاجة غلط بيعملها اى راجل دين وانا عارفاها اروح اقلها للرتبة اللى اعلى منة بس كنت عايزة اعرف اعمل اية علشان يكون معاية دليل عن شكوتى دى يعنى مثلا مثلا لو رجل دين مثلا لمح او حاول يعمل حاجات مش كويسة معاية اعمل اية علشان اثبت الكلام دة واجيب دليل علية علشان ماروحش اشتكى من غير دليل ويتقال عليا انى ست مجنونة وبخرف زى الارهابى اللى قتل الراجل فى الكنيسة فى الاسكندرية او يقولوا انى اكيد انا ست مش كويسة .
ياجماعة عايزين نبقى واقعيين وبلاش الكلام المثالى اللى يستحيل تنفيذة وبالعكس يؤدى الى نتيجة عكسية.
معلش رد صغير على المرتل نسيت ارد انة طالما انت قلت ان الكاهن انسان مش معصوم من الخطا يبقى بالتبعية يبقى مش معصوم انة يتنقد لو اخطا.
وبعدين بدل ماتلوم على اللى بيكنب عن واحد بيغلط الاصح وركز مع الاصـــــــــــــــــــــــح دى تلوم على المخطئ نفسة. :D
سلامى للجميع ومعلش يامرتل بس انت بجد زعلتنى بالجملة بتاعتك لان الكلمة صعبة شوية واحنا مش صغيرين .

اقتباس

سلام ونعمة لكم
ممكن ارد عليكى يا اخت سهير اولا انا معاكى فى ان كلامنا لم يخرج عن حدود اللياقة علشان كده حبيت اعطى للاخوة امثلة من عند قداسة البابا شخصيا والا يبقى هو كمان بيخرج عن حدود اللياقة
ثانيا: رجل الدين اللى ذكرتيه ده اب الاعتراف للشخصية دى ولا معرفة مثلا فى مشكلة وخلصت ؟
ثالثا : الشيطان احيانا يصور الامور امامنا صعبة يعنى لو قلت هايتقال على ايه لحد ما يدخل الخوف جوا القلب ويجعلنا نصمت خوفا من ان الموقف يتقلب علينا
وواضح من الكلام ان الشخصية دى حولها ما يكفى من الاقاويل يبقى ليه التردد اننا نتكلم لو انه حاول يضرها فعلا
هى هاتاخد كلمتين صحيح زى مثلا ايه اللى سكتك المدة دى كلها؟
وبعدين كلنا معرضين للخطا وكلنا تحت الضعف لكن انا باروح لاب الدين علشان اعترف باللى انا عملته الاقى الاب هو اللى عاوز يعمل الخطية معايا
بس اسمح لى برضه انا لا اعفى الاخت دى من المسئولية اكيد اتهاونت فى حاجة وجدها هو مدخل وطلب اللى طلبه
انا مش عارفة اللى انا باقوله صح ولا غلط لان فيه ناس بتكون ضحايا فعلا بس تسمع كلام مرة وتهرب من الموقف لكن هل هى سمعت مرة ورا مرة واول ما طلب او حاول صراحة رفضت؟
كويس انها عملت كده
وعاوزة رايى من الاخر: خليها تروح تتكلم مع الاعلى منه لانه زى ماهى هاتتكلم اكيد حاول يعمل كده مع حد غيرها واكيد اتكلم فشدة ورا شدة ياما يتوب ويرجع ياما يخلع اللبس بتاعه لانه لا يستحقه
لكن لازم تكون توبة حقيقية ويمنع من اخذ اعترافات واى تعامل مع فتيات ونساء طالما هى نقطة ضعفه حرصا على ابديته اذا رجع
ويرحم شعب اكيد هايهلك بسببه بدل ما يكون سبب بركة ليه
رايى خليها تتكلم واكيد هايصدقوا كلامها

[احمد العربى]

اقتباس

الاخت سوهير انا قصدت كلمتى فعلا ان الكلام خرج عن حدود اللياقه لان كده احنا اصبحنا فتحينها جلسة ادانه ونقول ده حصل وده حصل لكن المفروض انه يتعمل ان اللى حصل معاه موقف يروح لسيدنا وسيدنا فاتح بابه لكل واحد وواحده ونشكر ربنا على حكمة سيدنا انه مش بيسيب اى امر يعدى وخلاص لكن بيحقق فيه لحد ما يعرف ان كان صح او غلط وانا لما قلت انه انسان ومش معصوم من الخطأ ده فعلا بس مش معنى كده انى انا اتحول لديان ليه واوجهله نقد انا مش من حقى النقد ده اسيب اللى من حقه ينقض لكن انا مسكتش هلى غلط شفته لكن احوله لمكانه الصح .... وفيه نقطه بالنسبه لكتابات قداسة البابا وابونا متى المسكين دول بيقدموا نصايح للاباء وللشعب عشان يبعدوهم عن الخطأ وبيتكلموا كلام عام لكن احنا هنا اتكلمنا عن شخصيات معينه بغض النظر اننا مقلناش اسماء لكن الكلام كان موجه لشخص معين .. وعندى سؤال للاخت هايدى لو فعلا فيه خطر فى الفيوم وانتى شايفاه ليه متتكلميش ؟؟؟؟؟ ليه متروحيش لجهة الاختصاص وتبلغى عن الخطر ده ؟؟؟ لو مش قادره تكلمى سيدنا كلمى اب كاهن تثقى فيه وهو يبلغ بالنيابه عنك . والا لو محصلش والخطر ده زاد هتبقى انتى السبب .. انا معاكم ان الشيطان مش سايب حد فى حاله لكن منسيبوش لحد ما ياخد الكل وياخدنا معاه فى طريق الادانه

اقتباس

سلام ونعمة لكم
اولا كلامك كويس وقلبت كل اللى بتقولوه فى دماغى انا شبه مش بانام انا مش خايفة من حد انا لااخاف الا من الله
لكن عندى سؤال للاخت سهير:
الاخت اللى اتكلمت عنها ليه بدل ما بتدخا على منتديات وجروبات لم تتجه مباشرة برضه زى ما بتقولوا ( جهة الاختصاص) ؟ منتظرة تاخد راى مين؟
انا عارفة الصح وعارفة اللى لازم يتعمل ولا انام من ثقل ما احمله بداخلى
لكن انتوا عارفين فى بلدنا ايه اللى بيحصل
ناس تكون متضررة من وضع ويقولوا اننا مش هانسكت يطلع واحد فيهم متحمس ويتكلم وفجاة يدور على من حوله لا يجدهم ويجد نفسه وحده
انا عارفة ان ده مش مهم وانى لو مشيت طريق لازم اكمله للنهاية حتى لو لوحدى لكن برضه مش هاكون لوحدى انا معايا ربنا
ومستعدة اقف فى وجه اى انسان طالما انا على حق مش بالعنف لكن بالحجة والاقناع
عاوز مثل صغير:
فيه اب بيسرق وبيشتم على سمع وبصر بلد بحالها وبيطرد الناس من الكنيسة وتم ابلاغ سيدنا وحقق وتاكد ويمكن عاقب لكن ماذا حدث لازال هذا الاب فى مكانه يشتم ويسرق والناس تبلغ وهلم جرا ايه الجديد اللى حصل
عاوزنى اعمل ايه وغيرى شايف وعارف ان فيه ناس تعبانة وناس بتعثر وممكن لا قدر الله تضيع وسايبهم ابسط رد مش عندكم كنيسة تانية روحوا فيها والناس عملت كدا فعلا سابوا الكنيسة وبيروحوا كنيسة اخرى واستسلموا للوضع
لان اب كاهن عرف يطفشهم حتى يخلو له الجو ويسيطر وتحت سمع وبصر الكبار
وما خفى كان اعظم
وتتكلم يقولك العقاب قريب من 12 سنة لسه العقاب ماجاش
احنا بنسمع بس فى الاهرام ان تم وقف اب اى اب وممنوع التعامل معه ماليا لكن
احنا هنا بنتسرق وبنتشتم والبلد كلها عارفة وبتتكلم والمسلمين بيتفرجوا على الكنيسة واللى بيحصل فيها
السؤال الحقيقى : لماذا السكوت على مثل هؤلاء؟
سؤال يحير الجميع هل ده عقاب لهذا الشعب ؟ ام فيه امور خفية لا احد يعلم عنها شيئا ولازم نقفل بقنا ونسكت واذا كان عاجبكم؟
وغيره وغيره عاوزنى اروح اكلم مين
لسه ماجاش الوقت
انا اسفة ليكم كلكم
واوعدكم ان لو فى ايدى حاجة اعملها مش هاتاخر بس الامور ما تجيش كده الموضوع عاوز حكمة وصلاة وارشاد من ربنا
صلواتكم

اقتباس

سلام ومحبة لكل اخوتى فى المسيح
اخوتى فى المنتدى انا بجد مندهش من بعض الكلام وبعض التعليقات اولا انا كنت واضح فى سؤالى ولم اوحهة اى ادانة لاحد بس كنت عايز اعرف انا ازاى اعيش حياة مسيحية وازاى ممكن اتناول مثلا بدون مايكون عندى ضغينة من الاب الكاهن اذا كنت عارف انة بيعمل حاجات غلط وازاى ماتجليش عثرة من رجل الدين بتاعى بجد ياخى الحبيب المرتل هل كلامى دة فية اى خروج عن اللياقة وهل كدة يبقى وجهت الكلام على شخص محدد انت خلتنى ابتدى اشك فى نفسى ياراجل وبعدين انا عايز اسالك انت محستش قبل كدة باى نوع من العثرات بسبب خادم بيخدمك فى كل مراحل حياتك يعنى محصلش انك مثلا حسيت انة مش صادق فى حاجة قلها .
وبعدين ياخوتى لازم نعرف اننا لما بنتكلم مش لازم نكون قصدين حد معين او قصدين اللى فى دماغ حد فينا او يفتكر حد اننا بنتكلم علية وانا معاك ياخ المرتل اننا نذهب ونشتكى للرتبة الاعلى منة ودة طبعا علشان يحاسب من المسئول عنة ولكن كمان من حقنا اننا نحذر اخوتنا من الحاجات اللى نكون حاسين انها خطر على ولادنا يعنى مثلا لو حضرتك سمعت عن حد انة مش كويس اكيد هاتروح تشتكية للجهة المسؤلة بس فى الوقت نفسة لازم تحذر معارفك واقاربك من هذا الشخص ولا هاتقول انا مالى مانا بلغت عنة المسؤلين وتسيب الناس تنضر منة انا شايف انة نشتكى بس فى الوقت نفسة نحذر الاخرين انا بقول راى على تعليقكم على بعض بس برضة دة مش اصل السؤال بتاعى اللى ارجو انى احصل على رد علية .
بس كنت عايز اقول حاجة صغيرة كل واحد حر فى رأية ومش من حق حد يحجر علية وممكن كل واحد يختلف مع الاخر بس بشرط بلاش نهاجم بعض علشان الراى مش عاجبنى يعنى انا كمان مش عاجبنى اذا سمحتلى ياخ مرتل تعليقك ان الكلام خرج عن حدود اللياقة لانك مش فى وضع يسمحلك انك تقيم الناس اللى بتكتب ولكن من حقك انك تختلف معاهم وتقول رايك المخالف لان كدة مش اسلوب حوار الهدف منة الاستفادة وبلاش حد يحسسنا انة هو اللى قلبة على كنيستنا لان كل اللى اتكلموا كان كلامهم وارائهم من منطلق غيرتهم وخوفهم عن الكنيسة واعتقد غيرتهم وحبهم دة هو اللى خلاهم يعملوا المداخلات دى وبصرحة انا شايف ان غيرتهم وحبهم على الكنيسة اكتر بكتير من اللى مش بيتكلموا خالص او اللى عايزين يخرصوا اى راى مخالف ليهم.
وفى النهاية اسف للاطالة وبجد لازم نصلى ان ربنا يحافظ علينا ونصلى بقوة ورجاء.

اقتباس

انت ما طولتش ولا حاجة ومتشكرة على رايك

اقتباس

وعلى فكرة كمان انا اقصد ان فيه حاجات غلط كتير فى الكنيسة وخطيرة فعلا بجانب موضوع هذا الاب
يعنى فيه ناس تانية

اقتباس

الاخ العزيز سامح انا لم اقيم الاشخاص اللى بيكتبوا لانى معرفش حد فيهم لكن انا قيمت كلام مكتوب وده من حقى لان اللى بنتكلم عنهم دول اباء كهنه ليهم مكانه ممكن تتهز جوا الناس اللى بتقرا الموضوع لان مش انا وانت بس اللى بندخل المنتدى .. وبعدين انا ليه ابتدى اعلق على اخطاء الناس انا اشوف نفسى من باب اولى بدل ما اروح الكنيسه واقول ابونا بيعمل والخادم بيعمل انا اروح اصلى واقول انا بعمل اخطر حاجه ان الانسان ميبقاش عنده مرايه لازم يبقى عندى مرايه اشوف فيها نفسى لو المرايه دى بقيت لوح ازاز هتبقى مصيبه لانى هشوف اخطاء اللى حوليا بس ياريت كل واحد يهتم بخلاص نفسه اولا وبعد كده يدور على اخطاء غيره ...
وعلى فكره انا مش هقولك انى راجل قديس ومش بدين لا انا كده وببقى واقف عنيا على اخطاء غير مع انى عارف انى كلى اخطاء بس بحاول

اقتباس

نسيت ارد على حاجه قالتها اخت هايدى انتى قلتى انكم اشتكيتوا وسيدنا عاقب فعلا لكن الاب ده رجع تانى لاعماله .. اشتكى تانى .. انا لما بكون فا شغل اول غلطه باخد تنبيه التانيه باخد جزا التالته باخد جزا اكبر الرابعه بيطردونى .. اقصد من كلامى ان كل مره العقاب اكيد هيكون رادع وبعدين ربنا مش بيعاقب حد فى طريق خلاصه ربنا عارف ان الكنيسه هى طريق خلاصنا اكيد مش هيعاقبنا بأب كاهن يطفشنا من الكنيسه على حد قولك لو اجتمع عدد من شعب الكنيسه وراح لسيدنا هيكون فيه كلام تانى ارجو التنفيذ مش الكلام الان الكلام مش بيجيب غير الادانه وبس
بنحسب على نفسنا خطايا مش اكتر

اقتباس

سلام ونعمة لكم
كلامك جميل جدا يا اخى العزيز بس اولا انا لا ادين احد
ثانيا: انا لما قلت ان الشعب بيتعاقب ما كانش قصدى ان ربنا اللى بيعاقبهم
ثالثا: مين قال لحضرتك ان البلد كلها لم تشتكى من هذا الاب وممارساته العلنية وفيه ورق مثبت فيه المخالفات والشتائم والسرقات وتصرفات اخرى مافيش داعى لذكرها احسن
وكل هذا اتقدم فعلا لنيافة الانبا ابرام
الوضع ده يا اخى مستمر من 12 سنة وهذا الاب فى مكانه والناس بره الكنيسة
وعاوزين يرجعوا الكنيسة لكن مش عارفين يتعاملوا معاه
وسيدنا عارف وطلبوا منه ينقله مكان اخر ولا مجيب
السؤال الخطير هنا : ليه؟
ليه اضحى بشعب بحاله معرض للضياع نتيجة سياسة غير مفهومة علشان خاطر فرد واحد يتقبلوه يا تروحوا كنيسة تانية لكن ده مش هايمشى
انا طبعا سيدنا يعز على جدا لكن لما اكون سامع صراخ شعب ولا اتحنن عليهم يبقى فيه علامات استفهام كتيرة لازم تتحط
كل طلب هذا الشعب ان الاب ده يغادر البلدة ليحل محله اب صالح يرعى الشعب بكل امانة ده كتير على شعب المسيح
يكون الحل علشان اسكت الناس انى اجيب اب تانى يساعده معروف بانه برضه بياخد من مال الكنيسة وكان معاقب بالوقف
يا اخى العزيز ربنا يعلم انى لاادين احد انا مش معصومةمن الخطا وربما اكون اشقى انسانة على وجه الارض
انا باتكلم عن الكنيسة يعنى مثال بسيط:
الدولة طيب ما حكومات بتتغير ليه ؟ لان بيكون فيه قصور بيكون فيه رشاوى وسرقات تضر بمصلحة الشعب يبقى دور رئيس الجمهورية انه يسيب الشعب يهلك ولا يحاول يساعد الشعب
حد يرد على
ليه الوزارة بتتغير؟ ليه وزير بيتشال ويتعاقب ؟
ما بالك يا اخى بحياتى الروحية اللى مش هاعرف اعيشها صح لانى باتعرض للضغوط انا وغيرى كتير
هاتقولى كنيستهم ويروحوا برضه مهما كانت الاسباب
هاقولك ماشى لكن مش الكل على نفس الدرجة من الاحتمال ومش كتير يقدر يتحمل استفزازات من نوع معين
الناس راحوا واتكلموا وقالوا هم عاوزين ايه لحسن ترجعنى تانى للنقطة دى
الامور يا اخى بتتعالج بطريقة علمانية مش روحية
علشان كده فيه ناس تعبانة والكلام ده على مسئوليتى الشخصية واتحمل نتائجه
انت بكلامك ده فعلا ليه مصر تحسسنى انى بارتكب جرم خطير ده بدل ما نحاول نريح الناس ونربحهم
يبقى انا مش باحب الناس يبقى باحب ذاتى وبس ومن يسمع كلامى وبس ومن يفعل العكس يتحمل نتيجة عصيانه
احنا كده لازم نلاقى شماعة نعلق عليه اخطانا وانت كده بتسيب المشكلة الحقيقية وعاوز تشيلنى ذنوب الكون كله
المفروض الفيوم دى نسميها( ملف الامور المسكوت عنها)
وانا مش باشكك فى رجال الكنيسة لان فيهم اباء افاضل لا غبار عليهم ربنا يحميهم
( الخطية طرحت كثيرين جرحى وكل قتلاها اقوياء)

اقتباس

انا كل اللى طلبته ان مش كل كلام يتقال فى المنتديات مش احنا بس اللى بندخل المنتدى ليه اشوه صوره كويسه عند الناس " الحسنه تخص والسيئه تعم " انا كل اللى عايزه ان مشكلتكم تتوجه لجهة الاختصاص بيها مش اكتر .. وعشان متقوليش انى رجعتك لنفس النقطه تانى انا عرفت منك انكم اشتكيتوا بس اكيد بعدها سكتوا انا لما اسكت يبقى اما مشكلتى اتحلت او انا مش موجود فى المشكله اصلا .. لازم اشتكى لحد ما يجاب طلبى او اخد عليه رد يريحنى لازم اكون لحوح على ابديتى .. وبعدين انا لما اتكلمت قلت كلام عام مقلتش ان انتى قلتى او عملتى حاجه اشيلك بيها ذنوب الدنيا زى ما انتى قلتى .. انا مش من حقى اعمل كده انا اتكلمت عن الموضوع مش عن افراد انتى من حقك تتكلمى بس لازم اختار اتكلم فين .. لان الموضوعات دى حساسه شويه لانها بتمس ناس يعتبروا رموز .. ارجو ان الكلام لحد كده يتقفل و كل اللى عنده مشكله يوجهها الاتجاه الصح

اقتباس

ok
عاوزنى اسكت هاسكت وانا اسفة

اقتباس

سلام ومحبة للجميع
اولا اشكرك ياخ مرتل انك غيرت اسلوبك فى الحوار وكدة انت وضحت وجهة نظرك بطريقة كويسة وانا كان اعتراضى على جملة - ان الكلام تخطى حدود اللياقة- لان الجملة فيها تقييم للشخص عن طريق كلامة وليس توضيح وجهة نظر مخالفة زى ماقلت الان يعنى كدة انت وصلت وجهة نظرك بدون تقييم للمتكلم من خلال كلامة.
وانا بحترم وجهة نظرك جدا وهى كمان نابعة برضة من غيرتك على الكنيسة زى كل اللى اتكلموا براى عكس كلامك ومرة تانية انا بحترم وجهة نظرك دى جدا ولكن انا مختلف معاك فى تعميمها بمعنى اننا ماننتقدش الاباء نهائيا يعنى سعات الانسان بيبقى مضطر انة يتكلم علنى كدة زى الاخت هايدى وانت لازم تعذر الشخص اللى بيتكلم لانك لا تعرف ابعاد الموضوع ولا تعرف اد اية هذا الموضوع اثر علية وممكن يكون تعبة نفسيا جدا واثر كمان على روحانياتة بدرجة لا يحتملها وطبعا اكيد حضرتك عارف ان كل واحد لة درجة احتمال وانا لا استطيع ان احكم على كل شخص بيتكلم او لية اضطر انة يتكلم فى مكان زى المنتدى دة ولكن انا شايف اننا لازم نكن لة كل احترام انة مع كل هذة الضغوط لم يشهر بهذا الشخص ودة يوضح انة بيغير على الكنيسة جدا زى حضرتك ومين عارف ياخى العزيز لو انا او انت كنا فى مكان الاخت هايدى وشايلين هذا الحمل الثقيل كنا اتصرفنا ازاى مش يمكن كنا اتصرفنا تصرف غير حكيم ولم نستطيع ان نتصرف بحكمة وكنا اتصرفنا بتهور عظيم يعنى انا قصدى انى انا وانت وغيرنا مش ملمين بموضوع الاخت هايدى فصعب اننا نحاسبها على رائيها وانا ياخى بحترم وجهة نظرك مع اختلافى مع رايك.
وكمان انا راى انة ليس من حق اى حد انة يقرر امتى الموضوع يتقفل غير المسئولين عن المنتدى ولكن برضة بحترم وجهة نظرك فى كدة.
وكمان احب اقول للاخت هايدى ان فية ناس كتير من اللى قراوا كلامك حاسين بيكى اوى سواء كانوا عارفين انتى تقصدى اية ومين او مش عارفيين وربنا يعوضك على محبتك الصادقة لكنيستنا واحسن حاجة انك تشتكى لربنا مش لحد وهو اللى شايف كل واحد فينا وعارف نية كل واحد اذا كانت نية صادقة او غير كدة.
ونطلب من ربنا انة يزيح عنا كل شر ويظهر لنا الصالح فين .

اقتباس

اقتباس

" الحسنه تخص والسيئه تعم "

معلش بس كنت عايز استفسر عن الجملة دى بجد لان الجملة دى كانت بتتقال لينا واحنا فى الجيش وبعد كدة فى الشغل.
فهل الجملة دى موجودة كمان فى الكنيسة !!!!!!!!!!!!!!!
لا ياخى كنستنا بخير واباء الكهنة قديسيين حتى لو فية كام واحد منهم ضلوا طريق المسيح.

اقتباس

شكرا لك كتير جدا وده اللى قررت اعمله فعلا
وباقدم اعتذارى ليكم كلكم ان كنت قلت اى كلام حد اعتبره غلط
انا قلت اللى انا كنت عاوزاه والاخ المرتل طلب حاجتين
1- انى اوجه الموضوع لجهة الاختصاص وانا باعتبر من خلالكم انى خلاص وجهته لجهةالاختصاص واتمنى ان يتنظر فى الموضوع ده بطريقة مختلفة
2- هو طلب ان الموضوع يتقفل حاضر اللى تقولوا عليه انا هاعمله
خادمتكم hidimicheal

.